ວັນອັງຄານ, ວັນທີ 12 ທັນວາ 2023
ວິທະຍາຄານເຕັກນິກການທະຫານ ປາຖະກະຖາ 2 ວັນປະຫວັດສາດ
ເວລາອອກຂ່າວ: 2023-09-22 08:45:44 | ຜູ້ຂຽນ : admin1 | ຈຳນວນຄົນເຂົ້າຊົມ: 27 | ຄວາມນິຍົມ: 
ວັນທີ 20 ກັນຍາ 2023 ນີ້, ວິທະຍາຄານເຕັກນິກການທະຫານ ໄດ້ຈັດຕັ້ງພິທີປາຖະກະຖາ ລະນຶກສອງວັນປະຫວັດສາດຄື: ວັນລັດທະທຳມະນູນແຫ່ງ ສປປ ລາວ ຄົບຮອບ 32 ປີ ( 15 ສິງຫາ1991) ແລະ ວັນຍຶດອຳນາດ 23 ສິງຫາ ຄົບຮອບ 48 ປີ (23 ສິງຫາ1975), ໂດຍການເປັນປະທານຂອງ ສະຫາຍ ພັນໂທ ຄຳເຜີຍ ທຳມະນີວົງ ກຳມະການຄະນະພັກ, ຮອງຫົວໜ້າຫ້ອງການເມືອງວິທະຍາຄານເຕັກນິກການທະຫານ, ມີຄະນະຫ້ອງ, ຄະນະວິຊາ, ສູນເຝິກຫັດ-ທົດລອງ, ກອງພັນນັກສຶກສາ ພ້ອມດ້ວຍພະນັກງານ-ນັກຮົບເຂົ້າຮ່ວມ.
ສະຫາຍ ພັນໂທ ຄຳເຜີຍ ທຳມະນີວົງ ຮອງຫົວໜ້າຫ້ອງການເມືອງ ວິທະ ຍາຄານເຕັກນິກການທະຫານ ໄດ້ຍົກໃຫ້ເຫັນເຖິງການກຳເນີດ ແລະ ຄວາມໝາຍຄວາມສຳຄັນຂອງລັດຖະທຳມະນູນ ເປັນພາຫະນະທີ່ສຳຄັນ ເພື່ອສຶກສາອົບຮົມປະຊາຊົນໃນການຍົກສູງນ້ຳໃຈຮັກຊາດຮັກລະບອບປະຊາທິປະໄຕປະຊາຊົນ ເພີ່ມທະວີຄວາມສາມັກຄີປອງດອງທົ່ວປວງຊົນທັງຊາດ, ເຊີດຊູບົດບາດ ແລະ ຄວາມເປັນເຈົ້າປະເທດຊາດ ຂອງປະຊາຊົນລາວບັນດາເຜົ່າ ເພື່ອພ້ອມກັນສຸມທຸກກຳລັງວັງຊາ ແລະ ຄວາມສາມາດຂອງຕົນ ປະກອບສ່ວນເຂົ້າໃນພະລະກິດປົກປັກຮັກສາ ແລະ ສ້າງສາພັດທະນາປະເທດຊາດຕາມແນວທາງການປ່ຽນແປງໃໝ່ແນໃສ່ເຮັດໃຫ້ປະເທດຊາດຮັ່ງມີເຂັ້ມແຂງ, ປະຊາຊົນຢູ່ເຢັນເປັນສຸກ, ສັງຄົມມີຄວາມສາມັກຄີປອງດອງ, ມີປະຊາທິປະໄຕ, ຍຸຕິທຳ ແລະ ສີວິໄລ. ພ້ອມກັນນັ້ນນີ້, ຍັງໄດ້ຍົກໃຫ້ຮູ້ເຖິງປະຫວັດຄວາມເປັນມາຂອງການຍຶດອຳນາດ 23 ສິງຫາ ການຕໍ່ສູ້ປະຕິວັດທີ່ຍຶດເຍື້ອຍາວນານ ຂອງປະຊາຊົນລາວບັນດາເຜົ່າ ພາຍໃຕ້ການນຳພາຂອງພັກປະຊາຊົນປະຕິວັດລາວ ແມ່ນຜົນທີ່ເກີດຈາກຄວາມກ້າຫານປະດິດສ້າງແຫ່ງການນຳໃຊ້ 3 ບາດຄ້ອນຍຸດທະສາດ ເພື່ອຍຶດອຳນາດໃນການປົກຄອງທົ່ວປະເທດ ແບບບົວບໍ່ໃຫ້ຊຳ້ນຳ້ບໍ່ໃຫ້ຂຸ່ນ, ແມ່ນໄຊຊະນະຕາມແນວທາງປະຕິວັດອັນຖືກຕ້ອງ ແລະ ການນຳພາອັນສະຫຼາດສ່ອງໃສຂອງພັກ ທີ່ຮູ້ໝູນໃຊ້ລັດທິມາກ-ເລນິນ ເຂົ້າໃນພຶດຕິກຳຕົວຈິງຂອງການປະຕິວັດຢ່າງປະດິດສ້າງ, ແມ່ນໄຊຊະນະຂອງກຳລັງແຮງແຫ່ງຄວາມສາມັກຄີເປັນຈິດໜຶ່ງໃຈດຽວກັນຂອງປວງຊົນທັງຊາດ ຄວາມເປັນອັນໜຶ່ງອັນດຽວກັນຂອງກອງທັບ ແລະ ປະຊາຊົນລາວ.
ໂດຍ: ນາງ ໄຂຄຳ ພົມມະສານ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
