ວັນອັງຄານ, ວັນທີ 12 ທັນວາ 2023
ກອງພັນໃຫຍ່ 605 ສຸມໃສ່ວຽກງານພະລາທິການ ເພື່ອຮັບປະກັນຊີວິດການເປັນຢູ່ຂອງພະນັກງານ-ນັກຮົບ
ເວລາອອກຂ່າວ: 2023-09-22 08:53:28 | ຜູ້ຂຽນ : admin1 | ຈຳນວນຄົນເຂົ້າຊົມ: 29 | ຄວາມນິຍົມ: 
ໂດຍປະຕິບັດຕາມທິດຊີ້ນຳ ຂອງກະຊວງປ້ອງກັນປະເທດ ວ່າດ້ວຍການຍົກສູງນ້ຳໃຈ ເພິ່ງ ຕົນເອງ, ກຸ້ມຕົນເອງ ແລະ ສ້າງ ຄວາມເຂັ້ມແຂງດ້ວຍຕົນເອງ ກອງພັນໃຫຍ່ 605 ໄດ້ສຸມໃສ່ 4 ປູກ 4 ລ້ຽງ ທີ່ກົມໃຫຍ່ພະລາ ທິ ການກອງທັບວາງອອກ ຂຸດຄົ້ນທຸກຄວາມສາມາດ ແລະ ທ່າ ແຮງບົ່ມຊ້ອນທີ່ມີເພື່ອແກ້ໄຂຊີວິດການເປັນຢູ່ຂອງພະນັກງານ-ນັກຮົບ ແລະ ຜະລິດເປັນສິນຄ້າ ໃນນີ້, ວຽກງານຮັບປະກັນຊີ ວິດການເປັນຢູ່ລ້ຽງດູກຳລັງ ໃນໄລຍະຜ່ານມາເຫັນວ່າແຕ່ລະກົມກອງຮາກຖານ ໄດ້ຮັບການ ປັບປຸງດີຂຶ້ນຫຼາຍດ້ານເປັນຕົ້ນ ແມ່ນສິ່ງປຸກສ້າງສຳນັກງານ ຫ້ອງການ, ເສັ້ນທາງເຂົ້າ-ອອກ ຄ້າຍ, ກຳ ແພງ, ລະບົບເຮືອນ ນອນ, ເຮືອນຄົວລວມ ແລະ ສາ ທາລະນຸປະໂພກອື່ນໆ ໄດ້ຮັບການ ປັບປຸງກໍ່ສ້າງຕາມແບບວັດທະ ນະທຳ ແລະ ແໜ້ນໜາຖາວອນຂຶ້ນເປັນກ້າວໆ; ດ້ານອັດຕາກິນໄດ້ປະຕິບັດຕາມລະບອບອັດຕາທີ່ຂັ້ນເທິງກຳນົດ ຮັບປະກັນໃຫ້ອ້າຍນ້ອງໄດ້ກິນເຂົ້າມື້ໜຶ່ງ 3 ຄາບ ອາຫານ 3-4 ເຍື່ອງຂຶ້ນໄປ.
ສະຫາຍ ພັນເອກ ປະເສີດ ທ່ຽງທຳ ຫົວໜ້າການທະຫານ ກອງພັນໃຫຍ່ 605 ໃຫ້ຮູ້ວ່າ: ປັດຈຸບັນທົ່ວກອງພັນໃຫຍ່ ມີເຮືອນຄົວລວມ 8 ຫຼັງ, ຖາວອນ 3 ຫຼັງ, ເຄິ່ງຖາວອນ 5 ຫຼັງ ໃນແຕ່ລະວັນໄດ້ ຊີ້ນຳຄະນະປະຈຳການແຕ່ລະກອງພັນ, ກອງຮ້ອຍ, ໝວດເອົາໃຈໃສ່ກວດກາການປຸງແຕ່ງອາຫານໃຫ້ຖືກຫຼັກອະນາ ໄມ ແລະ ມີເສດຖະກິດເປີດເຜີຍ ກ່ຽວກັບອັດຕາກິນໃນແຕ່ລະວັນ, ມີກະດານຂຽນບັນທຶກໄວ້ກ່ຽວກັບການຊື້, ຈ່າຍ, ຫັກອັດຕາກິນ ຂອງພະນັກງານ-ນັກຮົບ ໃນເມື່ອເຈັບເປັນນອນໂຮງໝໍ ຫຼື ເຄື່ອນໄຫວວຽກລວມ ໃນກົມກອງໄດ້ມີການລາຍງານຢ່າງລະອຽດ; ວຽກງານປູກຝັງ-ລ້ຽງສັດ ແມ່ນວຽກງານໜຶ່ງໃນວຽກຮັບປະກັນຊີວິດການເປັນຢູ່ທີ່ກົມກອງຖືເປັນສຳຄັນ ເພື່ອຮັບປະກັນໃຫ້ຊີວິດການເປັນຢູ່ຂອງພະນັກງານ-ນັກ ຮົບ ໄດ້ກິນແຊບ, ນຸ່ງງາມ ເຊິ່ງແຕ່ລະກົມກອງຮາກຖານ ໄດ້ຊຸກຍູ້ໃຫ້ພະນັກງານ-ນັກຮົບອອກແຮງງານເພີ່ມພູນຜະລິດຜົນປູກພືດຜັກຂາຍເຂົ້າເຮືອນຄົວລວມ ແລະ ສົ່ງຂາຍອອກຕະຫຼາດທາງນອກ ໃນໄລຍະຜ່ານມາ ໄດ້ປູກພືດຊະນິດຕ່າງໆ ແລະ ຂາຍອອກຈຳນວນ 21.953 ກິໂລກຣາມ ເປັນເງິນ ຈຳນວນ 115.363.000 ກີບ, ປູກຕົ້ນໄມ້ກິນໝາກ, ຕົ້ນໄມ້ອຸດ ສາຫະກຳ ແລະ ພືດອາຍຸສັ້ນ ຈຳ ນວນ 1.117 ຕົ້ນ, ກ້າເບ້ຍໄດ້ 3.900 ເບ້ຍ, ບຸກເບີກເນື້ອທີ່ປູກມັນຕົ້ນຢູ່ເມືອງເຟືອງ ແຂວງ ວຽງຈັນ ໃນເນື້ອທີ່ທັງໝົດ 1,2 ເຮັກຕາ, ເກັບກູ້ມັນຕົ້ນ ແລະ ຢາງ ພາລາໄດ້ 8.305 ກິໂລກຣາມ ເປັນເງິນ 9.620.000 ກີບ ຮັບ ຈາກການປູກຝັງ ເປັນເງິນທັງໝົດຈຳນວນ 124.983.000 ກີບ; ວຽກງານລ້ຽງສັດໄດ້ສຸມໃສ່ຮັກສາສັດລ້ຽງທີ່ມີຢູ່ ແລະ ລ້ຽງເພີ່ມຕາມທ່າແຮງບົ່ມຊ້ອນ ແລະ ຂາຍສັດປີກ 1.885 ກິໂລກຣາມ ເປັນເງິນ 179.610.000 ກີບ, ມີໜອງປາ 12 ໜອງ, ຂາຍປາ ແລະ ກົບ 2.075 ກິໂລກຣາມ ເປັນເງິນ 56.150.000 ກີບ, ເພາະພັນລູກກົບນ້ອຍຂາຍ 30.000 ໂຕ ເປັນເງິນ 18.000.000 ກີບ ຮັບຈາກການລ້ຽງສັດເປັນ ເງິນ 253.760.000 ກີບ, ສັງ ລວມແລ້ວ ລາຍຮັບຈາກການ ປູກຝັງ-ລ້ຽງສັດ ເປັນເງິນ 378.743.000 ກີບ. ໃນຕໍ່ໜ້າກົມກອງ ມີແຜນການຈະຂະ ຫຍາຍການຜະລິດດ້ວຍການບຸກ ເບີກເນື້ອທີ່ປູກຝັງ-ລ້ຽງສັດ ແລະ ມອບ ໃຫ້ແຕ່ລະກອງຮ້ອຍ, ກອງພັນ ແລະ ອົງການຮັບຜິດ ຊອບຢ່າງລະອຽດ ເພື່ອແຂ່ງ ຂັນກັນສ້າງຜົນງານຂໍ່ານັບຮັບ ຕ້ອນວັນສ້າງຕັ້ງກອງທັບປະ ຊາຊົນລາວ ຄົບຮອບ 75 ປີ ທີ່ຈະມາເຖິງນີ້ໃຫ້ມີບັນຍາກາດຟົດ ຟື້ນ ທັງເປັນການປູກຈິດສຳນຶກໃຫ້ພະນັກງານ-ນັກຮົບ ຮັກສາມູນເຊື້ອດຸໝັ່ນຂະຫຍັນພຽນໃນການປູກຝັງ-ລ້ຽງສັດ ແລະ ເປັນການຊຸກຍູ້ໃຫ້ສ້າງລາຍຮັບເຂົ້າຄັງລວມ ແລະ ສ່ວນຕົວອີກດ້ວຍ. ນອກຈາກການສ້າງລາຍຮັບຈາກການປູກ-ການລ້ຽງແລ້ວ ກົມກອງຍັງມີລາຍຮັບຈາກການຂາຍນໍ້າດື່ມ 24.683.000 ກີບ ຕື່ມອີກ.
ໂດຍ: ສົມຄິດ ພູມມີຈິດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
