POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 12 ທັນວາ 2023

ຮອງກົມໃຫຍ່ເສນາທິການກອງທັບ ພົບປະໂອ້ລົມພະນັກງານຫຼັກແຫຼ່ງ ຢູ່ທະຫານແຂວງຫຼວງພະບາງ
ເວລາອອກຂ່າວ: 2023-09-22 12:51:36 | ຜູ້ຂຽນ : admin2 | ຈຳນວນຄົນເຂົ້າຊົມ: 2 | ຄວາມນິຍົມ:

ຕອນບ່າຍຂອງວັນທີ 21 ກັນຍາ 2023 ນີ້, ສະຫາຍ ພົນຈັດຕະວາ ວັນທອງ ບຸດຕະວົງ ຮອງຫົວໜ້າກົມໃຫຍ່ເສນາທິການກອງທັບ ພ້ອມຄະນະ ໄດ້ເຄື່ອນໄຫວພົບປະໂອ້ລົມ ພະນັກງານຫຼັກແຫຼ່ງ ຢູ່ກອງບັນຊາການທະ ຫານແຂວງຫຼວງພະບາງ, ໂດຍມີສະຫາຍ ພົນຈັດຕະວາ ວິລ່ຽມ ວົງທິສານ ເລຂາຄະນະພັກ, ຫົວໜ້າການທະຫານກອງບັນຊາການທະຫານແຂວງຫຼວງພະບາງ, ມີອົງການ 6 ຫ້ອງ ພະແນກການ ແລະ ພະນັກງານ - ນັກຮົບເຂົ້າຮ່ວມ. ສະຫາຍ ພັນເອກ ວິລະສິນ ມິດຕະພອນ ຮອງກອງບັນຊາການ, ຫົວໜ້າຫ້ອງການເມືອງທະຫານແຂວງ ໄດ້ຂື້ນລາຍງານໂດຍຫຍໍ້ ກ່ຽວກັບສະພາບທີ່ພົ້ນເດັ່ນ ແລະ ການຈັດຕັ້ງປະຕິບັດໜ້າທີີ່ວຽກງານຮອບດ້ານ ປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ, ໂດຍລວມພະນັກງານ - ນັກຮົບ ແມ່ນມີຄວາມໜັກແໜ້ນທາງດ້ານການເມືອງ, ເຂັ້ມແຂງທາງດ້ານການຈັດຕັ້ງ, ຂອບເຂດຮັບຜິດຊອບແມ່ນມີຄວາມສະຖຽນລະພາບທາງດ້ານການເມືອງ, ສັງຄົມ - ກົມກອງມີຄວາມເປັນລະບຽບຮຽບຮ້ອຍ ແລະ ສະຫງົບປອດໄພ, ຊີວິດການເປັນຢູ່ຂອງນາຍ ແລະ ພົນທະຫານ, ພື້ນຖານໂຄງລ່າງ ໄດ້ຮັບການປັບປຸງດີຂື້ນຢ່າງຕໍ່ເນື່ອງ, ວຽກງານການພົວພັນຮ່ວມມືກັບຕ່າງປະເທດ ໄດ້ຮັບການປະຕິບັດສອດຄ່ອງຕາມແນວທາງຂອງພັກ. ຈາກນັ້ນສະຫາຍ ພົນຈັດຕະວາ ວັນທອງ ບຸດຕະວົງ ໄດ້ກ່າວສະແດງຄວາມຍ້ອງຍໍຊົມເຊີຍຜົນງານ ແລະ ໄຊຊະນະທີ່ຄະນະພັກ - ຄະນະບັນຊາ ແລະ ພະນັກງານ - ນັກຮົບ ກອງບັນຊາການທະຫານແຂວງຫຼວງພະບາງ ຍາດມາໄດ້ໃນໄລຍະຜ່ານມາ, ພ້ອມທັງຊີ້ນຳໃຫ້ຄະນະພັກແຕ່ລະຂັ້ນເອົາໃຈໃສ່ ຍົກສູງບົດບາດຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ເພີ່ມທະວີສຶກສາອົບຮົມການເມືອງນໍາພາແນວຄິດໃຫ້ພະນັກງານ - ນັກຮົບ ຢ່າງເລິກເຊິ່ງເຖິງຮາກຖານ, ຕິດພັນກັບການຫ້າງຫາກະກຽມຈັດຕັ້ງສະເຫຼີມສະຫຼອງວັນສ້າງຕັ້ງ ກອງທັບປະຊາຊົນລາວ ຄົບຮອບ 75 ປີໃຫ້ເປັນຂະບວນການຟົດຟື້ນກ້ວາງຂວາງ ແລະ ມີຄວາມສະຫງົບປອດໄພ, ພ້ອມກັນນີ້ໃຫ້ເອົາໃຈໃສ່ຊຸກຍູ້ຂະບວນການປັບປຸງກໍ່ສ້າງກົມກອງ, ກໍ່ສ້າງກອງທັບປະຕິວັດ ທີ່ມີລະບຽບແບບແຜນທັນສະໄໝ, ໂດຍຫັນເອົາຂະບວນການປະຕິບັດ 7 ລະບອບ 18 ວຽກ ໃນມື້ໜຶ່ງຂອງກອງທັບຢ່າງເຂັ້ມງວດ, ແນໃສ່ສ້າງຂະບວນການຮອບດ້ານໃຫ້ບັນລຸຕາມເປົ້າໝາຍ, ໂດຍສະເພາະແມ່ນຂະບວນການປັບປຸງກໍ່ສ້າງກົມກອງ, ຕິດພັນກັບການສ້າງກອງ 3 ປອດ, ໜ່ວຍພັກປອດໃສ ເຂັ້ມແຂງ ໜັກແໜ້ນ, ຂະບວນການກໍ່ສ້າງນັກຮົບ ແລະ ກົມກອງວັດທະນະທໍາ, ຕິດພັນກັບຂະບວນການປູກຝັງ - ລ້ຽງສັດຕາມທິດ 4 ປູກ 4 ລ້ຽງ ແລະ ຂະບວນການອື່ນໆໃຫ້ຟົດຟື້ນແຂງແຮງ. ພ້ອມກັນນີ້ໃຫ້ເອົາໃຈໃສ່ພົວພັນ, ປະສານສົມທົບກັບອໍານາດການປົກຄອງທ້ອງຖິ່ນ, ເກັບກໍາສະພາບ, ຕ້ານ ແລະ ແກ້ໄຂປະກົດການຫຍໍ້ທໍ້ທີ່ເກີດຂຶ້ນ ໃຫ້ທັນກັບສະພາບການ, ເສີມຂະຫຍາຍມູນເຊື້ອຄວາມສາມັກຄີລະຫວ່າງກອງທັບກັບປະຊາຊົນ ຄືປາກັບນໍ້າ ແລະເອົາໃຈ ໃສ່ພົວພັນບັນດາກົມກອງເພື່ອນມິດຍຸດທະສາດໃກ້ຄຽງ ໃຫ້ສອດຄ່ອງຕາມແນວທາງການຕ່າງປະເທດຂອງພັກ. ຂ່າວ: ສົມພອນ ສຸວັນທອນ.

news to day and hot news