POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 12 ທັນວາ 2023

ຄະນະພະນັກງານໜັງສືພີມກອງທັບປະຊາຊົນລາວ ສືບຕໍ່ລົງທັດສະນະສຶກສາ ແລະ ເຮັດວຽກຢູ່ ກອງບັນຊາການທະຫານຊາຍແດນແຂວງກວາງນີງ
ເວລາອອກຂ່າວ: 2023-09-22 19:45:00 | ຜູ້ຂຽນ : admin2 | ຈຳນວນຄົນເຂົ້າຊົມ: 28 | ຄວາມນິຍົມ:

ໂດຍປະຕິບັດຕາມແຜນການການເຄື່ອນໄຫວທັດສະນະສຶກສາຂອງໜັງສືພິມກອງທັບປະຊາຊົນຫວຽດນາມ ແກ່ຄະນະພະນັກງານໜັງສືພິມກອງທັບປະຊາຊົນລາວ ທີ່ເຂົ້າຮ່ວມຊຸດອົບຮົມວຽກງານສື່ມວນຊົນ, ໃນລະຫວ່າງວັນທີ 21-22 ກັນຍານີ້, ສະຫາຍ ພັນເອກ ພິເສດ ເລ ຫງອກ ລອງ ຮອງຫົວໜ້າບັນນາທິການໜັງສືພີມກອງທັບປະຊາຊົນຫວຽດນາມ ໄດ້ນຳພາຄະນະພະນັກງານໜັງສືພີມກອງທັບປະຊາຊົນລາວ ນຳໂດຍ ສະຫາຍ ພັນໂທ ຄອນສະຫວັນ ໄຊຍະລາດ ຮອງຫົວໜ້າບັນນາທິການໜັງສືພີມກອງທັບປະຊາຊົນລາວ ລົງທັດສະນະສຶກສາ ແລະ ເຄື່ອນໄຫວເກັບກໍາຂໍ້ມູນຂ່າວສານຢູ່ກອງບັນຊາການທະຫານຊາຍແດນແຂວງກວາງນິງ, ໂດຍການຕ້ອນຮັບຂອງສະຫາຍ ພັນເອກພິເສດ ວູ ວັນຮຶງ ຮອງຫົວໜ້າການເມືອງ ກອງບັນຊາການທະຫານຊາຍແດນແຂວງກວາງນິງ ພ້ອມຄະນະ. ໂອກາດນີ້, ສະຫາຍ ຮອງຫົວໜ້າການເມືອງກອງບັນຊາການທະຫານຊາຍແດນແຂວງກວາງນິງ ໄດ້ກ່າວສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ຄະນະພະນັກງານໜັງສືພິມກອງທັບປະຊາຊົນຫວຽດນາມ ແລະ ຄະນະພະນັກງານໜັງສືພິມກອງທັບປະຊາຊົນລາວ ທີ່ໄດ້ມາຢ້ຽມຢາມ ທັດສະນະສຶກສາ ຢູ່ບັນດາກົມກອງໃນແຂວງກວາງນິງ, ພ້ອມທັງລາຍງານຫຍໍ້ກ່ຽວກັບ ການກໍາເນີດ, ເຕີບໃຫຍ່ຂະຫຍາຍຕົວ ແລະ ຜົນງານການເຄື່ອນໄຫວປະຕິບັດໜ້າທີ່ຂອງກໍາລັງປ້ອງກັນທະຫານຊາຍແດນແຂວງກວາງນິງໃນໄລຍະຜ່ານມາ, ໂດຍສະເພາະແມ່ນການປະຕິບັດໜ້າທີ່ການປົກປັກຮັກສາຂອບເຂດທະເລ, ໝູ່ເກາະ, ການລົງກໍ່ສ້າງຮາກຖານການເມືອງຕິດພັນກັບການພັດທະນາຊົນນະບົດ ອັນໄດ້ເຮັດໃຫ້ແຂວງກວາງນິງມີຄວາມສະຫງົບ, ເສດຖະກິດເຕີບໃຫຍ່ເຂັ້ມແຂງ, ສັງຄົມມີຄວາມຈະເລີນຮຸ່ງເຮືອງ ແລະ ສີວິໄລ ກາຍເປັນແຂວງນໍາໜ້າທາງດ້ານເສດຖະກິດຂອງປະເທດຫວຽດນາມ. ໂອກາດດຽວກັນນີ້, ສະຫາຍຮອງຫົວໜ້າບັນນາທິການໜັງສືພີມກອງທັບປະຊາຊົນລາວ ຕາງໜ້າຄະນະກ່າວສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນສະໜິດສະໜົມ ເຕັມໄປດ້ວຍໄມຕີຈິດມິດຕະພາບອັນດູດດື່ມ ພ້ອມທັງຍົກໃຫ້ເຫັນພາລະບົດບາດ, ໜ້າທີ່ຂອງໜັງສືພິມກອງທັບປະຊາຊົນລາວ ໃນການເປັນກະບອກສຽງໃຫ້ແກ່ຄະນະພັກກະຊວງ ແລະ ກະຊວງປ້ອງກັນປະເທດ ໃນການໂຄສະນາແນວທາງນະໂຍບາຍຂອງພັກ, ໜ້າທີ່ວິຊາສະເພາະ ແລະ ຜົນງານການເຄື່ອນໄຫວຂອງກໍໍາລັງປະກອບອາວຸດກອງທັບປະຊາຊົນລາວ ທີ່ເຮັດສໍາເລັດໜ້າທີ່ການເມືອງທີ່ການຈັດຕັ້ງພັກລັດມອບໝາຍໃຫ້. ການເຄື່ອນໄຫວທັດສະນະສຶກສາຂອງຄະນະພະນັກງານໜັງສືພິມກອງທັບປະຊາຊົນລາວ ຄັ້ງນີ້ແມ່ນມີຄວາມໝາຍສໍາຄັນ ແລະ ຈັດຂຶ້ນໃນໂອກາດກະກຽມສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 80 ປີ ເຊິ່ງເປັນເງື່ອນໄຂອັນດີໃຫ້ແກ່ຄະນະນັກຂ່າວໜັງສືພິມກອງທັບປະຊາຊົນລາວ ໄດ້ເກັບກໍາເອົາບັນດາຜົນງານຂອງກົມກອງທະຫານ ເພື່ອໂຄສະນາໃຫ້ແກ່ວັນສ້າງຕັ້ງກອງທັບປະຊາຊົນຫວຽດນາມ ໃຫ້ມີບັນຍາກາດຟົດຟື້ນ ແລະ ມີເນື້ອໃນເລິກເຊິ່ງ, ປະກອບສ່ວນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບທີ່່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ-ສອງລັດ, ສອງກອງທັບ ລາວ-ຫວຽດນາມ, ຫວຽດນາມ-ລາວ ທີ່ມີມູນເຊື້ອມາແຕ່ດົນນານແລ້ວນັ້ນໃຫ້ໜັ້ນຄົງທະນົງແກ່ນຕະຫຼອດໄປ. ຄະນະພະນັກງານໜັງສືພິມກອງທັບປະຊາຊົນຫວຽດນາມ ແລະ ຄະນະພະນັກງານໜັງສືພິມກອງທັບປະຊາຊົນລາວ ຍັງໄດ້ລົງຢ້ຽມຢາມກອງເຮືອ 2 ທີ່ຂຶ້ນກັບກອງບັນຊາການທະຫານຊາຍແດນແຂວງກວາງນິງຕື່ມອີກ.

news to day and hot news