Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 424  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ແຈ້ງການຂອງກົມໃຫຍ່ການເມືອງກອງທັບ

  ​ເຖິງ: ນັກ​ປະ​ດິດ​ແຕ່ງ, ນັກ​ປະພັນ, ນັກ​ແຕ້ມ, ນັກ​ຖ່າຍຮູບ​ອາຊີບ ​ແລະ ສະໝັກ​ຫຼິ້ນ ທັງ​ພາຍ​ໃນ ​ແລະ ນອກ​ກອງທັບ.
     ​​ເລື່ອງ: ​ເຊີນ​ເຂົ້າ​ຮ່ວມ​ແຂ່ງຂັນ​ປະດິດ​ແຕ່ງ​ບົດ​ເພງ​ຮ້ອງ, ກາບ ກອນ, ປະພັນ​ເລື່ອງ​ຮູບ​ເງົາ​ເອກະສານ, ​ຮູບ​ແຕ້ມ ​ແລະ ຮູບຖ່າຍ ​ໃນ​ໂອກາດ​ລະນຶກ​ສອງ​ວັນ​ປະຫວັດສາດ ​ລາວ-ຫວຽດນາມ ​ໃນ​ປີ 2017.
     - ອີງ​ຕາມ​ຄຳ​ສັ່ງ​ແນະນຳ​ຂອງ​ຄະນະ​ຊີ້​ນຳ​ລະດັບ​ຊາດ ສະບັບ​ລົງວັນ​ທີ 18 ​ເມສາ 2017 ວ່າ​ດ້ວ​ຍການຈັດ​ຕັ້ງ​ສະ​ເຫຼີ​ມສະຫຼອງ​ວັນ​ເຊັນ​ສົນທິສັນຍາ​ມິດຕະພາບ ​ແລະ ການ​ຮ່ວມ​ມື​ຮອບດ້ານ ຄົບ ຮອບ 40 ປີ, ວັນ​ສ້າງ​ຕັ້ງ​ສາຍ​ພົວພັນ​ການ​ທູດ​ລະຫວ່າງ ລາວ-ຫວຽດນາມ ຄົບຮອບ 55 ປີ ​ໃນ​ປີ2017.  

     - ອີງ​ຕາມ​ແຜນການ​ຂອງ​ກະຊວງ​ປ້ອງ​ກັນ​ປະ​ເທດ ວ່າ​ດ້ວຍ​ການ​ກະກຽມ ​ແລະ ຈັດ​ຕັ້ງ​ສະ​ເຫຼີ​ມສະຫຼອງ​ປີ​ສາມັກຄີ​ມິດຕະພາບ ລະຫວ່າງ​ລາວ-ຫວຽດນາມ ປີ 2017 ສະບັບ​ເລກທີ 1697/ກປທ, ລົງ​ວັນ​ທີ 21 ມີນາ 2017.
    ​ເພື່ອ​ເຮັດ​ໃຫ້ການ​ຈັດ​ຕັ້ງ​ສະ​ເຫຼີ​ມສະ​ຫຼອງ​ປີ​ສາມັກຄີ​ມິດຕະພາບ​ລະຫວ່າງ ລາວ-ຫວຽດນາມ ປີ 2017 ​ມີ​ບັນຍາກາດ​ຟົດ​ຟື້ນ​ກວ້າງ ຂວາງ. ກົມ​ໃຫຍ່​ການ​ເມືອງ​ກອງທັບອອກ​ແຈ້ງ​ການ:
      I. ຈຸດປະສົງ:
    1. ​ເພື່ອ​ເປັນ​ການ​ປະກອບສ່ວນ​ເພີ່ມ​ພູນ​ຄູນ​ສ້າງມູນ​ເຊື້ອສາຍ​ພົວພັນ​ມິດຕະພາບ, ຄວາມ​ສາມັກຄີ​ພິ​ເສດ ​ແລະ ການຮ່ວມ​ມື​ຮອບດ້ານ​ລະຫວ່າງ​ສອງ​ຊາດ, ສອງ​ກອງທັບ​ລາວ-ຫວຽດນາມ, ຫວຽດນາມ-ລາວ ​ໃຫ້​ນັບ​ມື້​ຈະ​ເລີ​ນງອກ​ງາມ​ຍິ່ງ​ຂຶ້ນ;  
    2. ​ແນ​ໃສ່​ສ້າງ​ຂະ​ບວນການ, ບັນຍາກາດ​ເບີກບານ​ມ່ວນ​ຊື່ນ​ຂໍ່າ​ນັບຮັບຕ້ອນສະ​ເຫຼີ​ມສະຫຼອງ​ວັນ​ສ້າງ​ຕັ້ງ​ສາຍ​ພົວພັນ​ການ​ທູດ ຄົບ​ຮອບ 55 ປີ ​ແລະ ວັນ​ເຊັນ​ສົນທິສັນຍາ​ມິດຕະພາບ​ການ​ຮ່ວມ​ມື​ຮອບດ້ານລະຫວ່າງ​ ສອງ​ຊາດ, ສອງ​ກອງທັບ ລາວ-ຫວຽດນາມ, ຫວຽດນາມ- ລາວ​ໃຫ້​ມີ​ຄວາມ​ໝາຍ​ເລິກ​ເຊິ່ງ ​ແລະ ບັນຍາກາດ​ຟົດ​ຟື້ນ.
    3. ຖື​ເອົາບັນ​ຍາ​ກາດ​ອັນ​ມີ​ຄວາມ​ໝາຍ​ສຳຄັນ​ນີ້ ​ເພື່ອ​ເປັນ​ການ ສົ່ງ​ເສີມ​ນັກ​ປະດິດ​ແຕ່ງ, ນັກ​ປະພັນ, ນັກ​ແຕ້ມ, ນັກ​ຖ່າຍຮູບ​ອາຊີບ ​ແລະ ສະໝັກ​ຫຼິ້ນ ທັງ​ພາຍ​ໃນ ​ແລະ ນອກ​ກອງທັບ​ເຂົ້າ​ຮ່ວມ​ຂະ ບວນການ ​ແລະ ທັງ​ເປັນ​ການ​ປຸກລະດົມ​ແນວ​ຄິດ​ຈິດ​ໃຈ, ຂຸດຄົ້ນ ແລະ ສົ່ງເສີມຫົວຄິດປະດິດສ້າງພອນສະຫວັນເຂົາເຈົ້າໃຫ້ຜະລິດຜົນງານອອກຮັບໃຊ້ສັງຄົມໃຫ້ຫຼາຍຂຶ້ນກວ່າເກົ່າ.
     II. ​ເນື້ອ​ໃນ​ແຂ່ງຂັນ, ​ເປົ້າ​ໝາຍ​ເຂົ້າ​ຮ່ວມ, ກຳນົດ​ເວລາ ​ແລະ ສະຖານ​ທີ່​ຮັບ.
    1. ​ເນື້ອ​ໃນ​ແຂ່ງຂັນ: ​ແຂ່ງຂັນ​ປະດິດ​ແຕ່ງ​​ເພງ​ຮ້ອງ, ​ແຕ່ງ​ກາບ ກອນ, ບົດ​ເລື່ອ​ງຮູບ​ເງົາ​ເອກະສານ, ຮູບ​ແຕ້ມ, ຮູບ​ຖ່າຍ ທີ່​ມີ​ເນື້ອ​ ​ໃນ​ສ່ອງ​ແສງ “ນ້ຳ​ໃຈ​ສາມັກຄີ​ຮ່ວມ​ສຳພັນ​ສູ້​ຮົບ​ລະຫວ່າງ​ລາວ- ຫວຽດນາມ”.
    2. ​ເປົ້າ​ໝາຍ​​ເຂົ້າ​ຮ່ວມ: ນັກ​ປະດິດ​ແຕ່ງ, ນັກ​ປະພັນ, ນັກແຕ້ມ​ຮູບ, ນັກ​ຖ່າຍຮູບສະໝັກ​ຫຼິ້ນ ຫຼື ອາຊີບ ທັງ​ພາຍ​ໃນ ​ແລະ ນອກ​ກອງທັບ ​ແລະ ມວນ​ຊົນ​ທົ່ວ​ໄປ​.
    3. ກຳນົດ​ສົ່ງ​ຜົນງານ​ເຂົ້າ​ແຂ່ງຂັນ: ​ເລີ່​ມ​​ແຕ່​ມື້​ເປີດ​ຈົນ​ເຖິງ​ວັນ​ທີ 30/8/2017 ປິດ​ຮັບ; ຄະນະ​ກຳມະການ​ຈະ​ກວດກາ ​ແລະ ມອບ ລາງວັນ​ພາຍ​ໃນ 1 ​ເດືອນ​ຫຼັງ​ຈາກ​ປິດ​ຮັບ.
    4. ສະຖານ​ທີ່​ຮັບ​ເນື້ອ​ໃນ​ແຂ່ງຂັນ​ຕ່າງໆ: ສຳລັບ​ຮູບ​ແຕ້ມ ສົ່ງ​ໃຫ້ໜ່ວຍ​ງານ​ປະດັບ​ປະດາ ກົມ​ໂຄສະນາອົບຮົມ (​ໂທ: 021 911015-16,020 55411470).
    - ສຳລັບ​ຮູບ​ຖ່າຍ: ສົ່ງ​ໃຫ້​ກອງ​ວາລະສານ​ປ້ອງ​ກັນຊາ​ດ (ພົວພັນ​ໂທ: 021 911 665, 020 9989 4338, Email: MZPon​This email address is being protected from spambots. You need JavaScript enabled to view it.).
    - ສຳລັບ​ບົດ​ເລື່ອງ​ຮູບ​ເງົາ​ເອກະສານ: ສົ່ງ​ໃຫ້​ໜັງສືພິມ​ກອງທັບ (ພົວພັນ​ໂທ: 020 9980 0247).
    - ສຳລັບ​ບົດ​ເພງ ​ແລະ ກາບກອນ: ສົ່ງ​ໃຫ້​ພະ​ແນ​ກວັດທະນະ ກົມ​ໂຄສະນາ​ອົບຮົມ (ພົວພັນ​ສອບ​ຖາມ: 021 911019-020 9980 9902-9980 9904-2803 9072)
    III. ບັນດາ​ຫຼັກ​ວິຊາ​ການ, ຂໍ້​ກຳນົດ, ລາ​ງວັນ
    ກ. ​ເນື້ອ​ໃນ ​ແລະ ຫຼັກ​ວິຊາ​ການ​ປະດິດ​ແຕ່ງ​ເພງ, ບົດ​ກາບກອນ:
    1. ​ເນື້ອ​ໃນ:  - ສະດຸ​ດີ​ຄຸນງາມຄວາມດີ​ອັນ​ຍິ່ງ​ໃຫຍ່​ຂອງ​ປະທານ ​ໂຮ່ຈີ​ມິນ, ປະທານ ​ໄກສອນ ພົມວິຫານ, ປະທານ ສຸພາ​ນຸວົງ ​ແລະ ພັກ​ປະຊາຊົນ ປະຕິວັດ​ລາວ, ພັກ​ກອມ​ມູນິດ​ຫວຽດນາມ ທີ່​ໄດ້​ກໍ່​ຕັ້ງ ​ເພີ່ມ​ພູນ​ຄູນ​ສ້າງ​ນ້ຳ​ໃຈ​ມິດຕະພາບ​ອັນ​ຍິ່ງ​ໃຫຍ່, ຮ່ວມ​ສຳພັນ​ສູ້​ຮົບ, ຄວາມ​ສາມັກຄີ​​ແບບພິ​ເສດ ​ແລະ ການ​ຮ່ວມ​ມື​ຮອບດ້ານ​ລະຫວ່າງ​ລາວ- ຫວຽດນາມ.
    - ສັນລະ​ເສີນ​ມູນ​ເຊື້ອສາຍ​ພົວພັນ, ນ້ຳ​ໃຈ​ແຫ່ງ​ມິດຕະພາບ​ຄວາມ ສາມັກຄີ​ແບບ​ພິ​ເສດ ​ແລະ ການ​ຮ່ວມ​ມື​ຮອບດ້ານ​ລະຫວ່າງ​ສອງ ຊາດ, ສອງ​ກອງທັບ​ລາວ-ຫວຽດນາມ ​ຕະຫຼອດ​ໄລຍະ​ຜ່ານ​ມາ.
    - ຍົ​ກ​ໃຫ້​​ເຫັນ​ຜົນງານ, ​ໄຊຊະນະ​ທີ່​ສອງ​ຊາດ, ສອງ​ກອງທັບ ລາວ-ຫວຽດນາມ​ຍາດ​ມາ​ໄດ້. ​ໃນ​ພາລະກິດ​ຕໍ່ສູ້​ປົດ​ປ່ອຍ​ຊາດ ​ແລະ ​ໃນ​ພາລະກິດ​ປົກ​ປັກ​ຮັກສາ ​ແລະ ພັດທະນາ​ປະ​ເທດ​ຊາດ ພາຍ​ໃຕ້ ການ​ນຳພາ​ຂອງ​ສອງ​ພັກ, ສອງ​ລັດ​ລາວ-ຫວຽດນາມ.
    2. ຫຼັກ​ວິຊາ​ການ​ໃນ​ການ​ປະດິດ​ແຕ່ງ​ບົດ​ເພງ ​ແລະ ຂຽນ​ບົດ ກາບກອນ:  ນັກ​ປະດິດ​ແຕ່ງ​ບົດ​ເພງ, ​ແຕ່ງ​ບົດ​ກາບກອນ​ທຸກ​ຄົນ ຕ້ອງ​ຄຳນຶງ​ເຖິງ​ຫຼັກການ​ຂອງ​ກອງ​ປະດິດ​ແຕ່ງ, ບົດ​​ເພງ, ​ແຕ່ງ​ບົດ ກາບກອນ​ໃຫ້​ຖືກຕ້ອງ​ຕາມ​ຫຼັກ​ວິຊາ​ການ​ເຊັ່ນ: ​ເນື້ອ​ຫາ​ສາລະ, ສັບ, ສຳນວນ​ພາສາ​ລາວ, ການ​ສຳ​ພັດ​ນອກ, ສຳ​ພັດ​ໃນ ​ແລະ ສຳ​ພັດ​ເກາະ​ກ່າຍ​ເປັນ​ຕົ້ນ.
    - ດ້ານ​ກະຕິ​ກາ​ການ​ແຕ່ງ​ບົດ​ເພງ ​ແລະ ກາບກອນ:
    + ນັກປະດິດແຕ່ງຜູ້ໜຶ່ງສາມາດສົ່ງບົດເຂົ້າແຂ່ງຂັນ ຈຳນວນ 3 ບົດເພງ (ຈັງຫວະບໍ່ຈຳກັດ).
    + ການສົ່ງບົດເພງຮ້ອງເຂົ້າແຂ່ງຂັນ; ຕ້ອງປະກອບດ້ວຍເນື້ອ ແລະ ທຳນອງ ພ້ອມດ້ວຍບອກຊື່ ແລະ ນາມສະກຸນ, ທີ່ຢູ່, ເບີໂທລະສັບ.
    + ສຳລັບບົດກາບກອນ ຜູ້ໜຶ່ງສາມາດສົ່ງບົດກາບກອນເຂົ້າແຂ່ງ ຂັນ ຈຳນວນ 2 ບົດ, (ບົດໜຶ່ງບໍ່ໃຫ້ກາຍ 7 ບາດ ຫຼື 28 ແຖວ ແລະ ຂະໜາດຕົວໜັງສື 12).
   ຂ. ຂໍ້ກຳນົດແຂ່ງຂັນຮູບແຕ້ມ: 1. ຂະໜາດຮູບແຕ້ມ 60cm x 80cm; 2. ເນື້ອໃນສ່ອງແສງເຖິງ “ນໍ້າໃຈສາມັກຄີຮ່ວມສຳພັນສູ້ ຮົບ ລາວ-ຫວຽດນາມ”; 3. ຖືກຕາມຫຼັກການຈັດພາບ, ຮູບ; 4. ໂຄງຮ່າງຮູບ, ສັດສ່ວນຮູບຕາມຫຼັກການ (ANATOMI); 5. ການນຳໃຊ້ສີ, ສີນໍ້າ; 6. ຖືກຕາມເຕັກນິກການແຕ້ມຮູບ; 7. ກຳນົດ ສົ່ງຮູບເຂົ້າແຂ່ງຂັນບໍ່ໃຫ້ເກີນຜູ້ລະ 3 ແຜ່ນ.
   ຄ. ຂໍ້ກຳນົດແຂ່ງຂັນຮູບຖ່າຍ: 1. ເນື້ອໃນສ່ອງແສງເຖິງ “ນໍ້າໃຈ ສາມັກຕີຮ່ວມສຳພັນສູ້ຮົບ ລາວ-ຫວຽດນາມ”; 2. ຂະໜາດຮູບ  20cm x 30cm ( ພ້ອມ File ຮູບຖ່າຍ ຂະໜາດ 5000 Pixels); 3. ຮູບ ພາບທີ່ສົ່ງເຂົ້າແຂ່ງຂັນບໍ່ໃຫ້ຕັດຕໍ່ ຫຼື ຕົບແຕ່ງໃດໆ; 4. ຮູບພາບຂ່າວ ຫຼື ພາບເຕັກນິກທີ່ເປັນຮູບໃໝ່, ຖືກຕ້ອງ, ຊັດເຈນ, ບໍ່ລອກ ແບບຂອງຜູ້ອື່ນ; 5. ກຳນົດສົ່ງຮູບເຂົ້າແຂ່ງຂັນຜູ້ລະ 5 ໃບ.
   ງ. ຂໍ້ກຳນົດແຂ່ງຂັນປະພັນບົດເລື່ອງຮູບເງົາເອກະສານ: 1. ເນື້ອ ໃນສ່ອງແສງເຖິງ “ນໍ້າໃຈສາມັກຄີຮ່ວມສຳພັນສູ້ຮົບ ລາວ-ຫວຽດ ນາມ”; 2. ບົດເລື່ອງອາດຈະແມ່ນຜູ້ດຽວ ຫຼື ຫຼາຍຄົນປະພັນກໍໄດ້, ແຕ່ບໍ່ໃຫ້ຂັດ ແຍ່ງທາງດ້ານລີຂະສິດ; 3. ສາມາດນຳໃຊ້ຜະລິດເປັນ ຮູບເງົາບໍເກີນ 20-30 ນາທີ ຕໍ່ບົດ (ເຈ້ຍ A4 30-40 ໜ້າ); 4. ບົດເລື່ອງຕ້ອງຈະແຈ້ງ ຈັດພິມດ້ວຍຂະໜາດໜັງສື 12, ແບບໜັງສື ໄຊເສດຖາໂອທີ; 5. ກຳ ນົດສົ່ງຜົນງານເຂົ້າປະກວດ ນັກປະພັນຜູ້ ໜຶ່ງບໍ່ເກີນ 2 ບົດ.
   ຈ. ປະເພດລາງວັນ:
   1. ລາງວັນປະເພດບົດເພງຮ້ອງ: ລາງວັນທີໜຶ່ງ ມີ 2 ລາງວັນ, ລາງວັນລະ 5.000.000 ກີບ, ລາງວັນທີສອງ ມີ 2 ລາງວັນ, ລາງວັນລະ 3.000.000 ກີບ, ລາງວັນທີສາມ ມີ 3 ລາງວັນ, ລາງວັນລະ 1.500.000 ກີບ, ລາງວັນຊົມເຊີຍ ມີ 8 ລາງວັນ, ລາງວັນລະ 500.000 ກີບ.
   2. ລາງວັນປະເພດບົດກາບກອນ: ລາງວັນທີໜຶ່ງ ມີ 1 ລາງວັນ, ລາງວັນລະ 5.000.000 ກີບ, ລາງວັນທີສອງ ມີ 1 ລາງວັນ, ລາງ ວັນລະ 3.000.000 ກີບ, ລາງວັນທີສາມ ມີ 3 ລາງວັນ, ລາງວັນ ລະ 1.500.000 ກີບ, ລາງວັນຊົມເຊີຍ ມີ 20 ລາງວັນ, ລາງວັນ ລະ 500.000 ກີບ.
   3. ລາງວັນແຂ່ງຂັນຮູບແຕ້ມ: ປະເພດ 1 ມີ 1 ລາງວັນ, ລາງວັນ ລະ 5.000.000 ກີບ, ປະເພດ 2 ມີ 3 ລາງວັນ, ລາງວັນລະ 3.000.000 ກີບ, ປະເພດ 3 ມີ 6 ລາງວັນ, ລາງວັນລະ 1.500.000
ກີບ, ລາງວັນຊົມເຊີຍ ມີ 30 ລາງວັນ, ລາງວັນລະ 500.000 ກີບ.
   4. ລາງວັນແຂ່ງຂັນຮູບຖ່າຍ: ປະເພດ 1 ມີ 1 ລາງວັນ, ລາງວັນ ລະ 5.000.000 ກີບ, ປະເພດ 2 ມີ 3 ລາງວັນ, ລາງວັນລະ 3.000.000 ກີບ, ປະເພດ 3 ມີ 6 ລາງວັນ, ລາງວັນລະ 1.500.000 ກີບ, ລາງວັນຊົມເຊີຍ ມີ 30 ລາງວັນ, ລາງວັນລະ 500.000 ກີບ.
   5. ລາງວັນແຂ່ງຂັນບົດເລື່ອງຮູບເງົາເອກະສານ: ປະເພດ 1 ມີ 1 ລາງວັນ, ລາງວັນລະ 5.000.000 ກີບ, ປະເພດ 2 ມີ 3 ລາງວັນ, ລາງວັນລະ 3.000.000 ກີບ, ປະເພດ 3 ມີ 6 ລາງວັນ, ລາງວັນ ລະ 1.500.000 ກີບ, ລາງວັນຊົມເຊີຍ ມີ 30 ລາງວັນ, ລາງວັນລະ 500.000 ກີບ.
   ດັ່ງນັ້ນ, ຈຶ່ງແຈ້ງມາຍັງບັນດາທ່ານເພື່ອຊາບ ແລະ ເຂົ້າຮ່ວມຂະ ບວນການແຂ່ງຂັນດັ່ງກ່າວນຳພວກເຮົາດ້ວຍ.

ຂ່າວມື້ນີ້

ຂ່າວເດັ່ນ