Pin It

ບໍລິສຸຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 96  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສື່ມວນຊົນລາວ ໄດ້ຮັບການຍົກລະດັບຄວາມຮັບຮູ້ໃນການໂຄສະນາຕ້ານເອດ

    ພະແນກໂຄສະນາສູນຕ້ານເອດຮ່ວມກັບຫ້ອງການສະຫະປະຊາຊາດຕ້ານເອດຈັດຊຸດສຳມະນາ ໃຫ້ກັບບັນດາສື່ມວນຊົນອ້ອມຂ້າງສູນກາງກ່ຽວກັບການຕ້ານ ແລະ ສະກັດກັ້ນພະຍາດຕິດຕໍ່ທາງເພດສຳພັນ (ເອດ) ໃນ ວັນທີ 15 ມິຖຸນາ 2017 ນີ້, ຢູ່ ສະມາຄົມນັກຂ່າວ ແຫ່ງ ສປປ ລາວ, ໂດຍມີທ່ານ ແພງເພັດ ເພັດວິໄຊ ຫົວໜ້າພະແນກໂຄສະ ນາສູນຕ້ານເອດ, ທ່ານ ສີລາກຸນ ຜູ້ຈັດການຫ້ອງການ ສປຊ ຕ້ານເອດ, ທ່ານ ສີພາ ນົງລາດ ຮອງ ປະທານສະມາຄົມນັກຂ່າວ ແຫ່ງ ສປປ ລາວ, ພ້ອມດ້ວຍສື່ມວນ ຊົນເຂົ້າຮ່ວມ.

     ການຈັດສຳມະນາໃນຄັ້ງນີ້, ແນໃສ່ສ້າງຄວາມຮັບຮູ້ໃຫ້ກັບ ບັນດາສື່ມວນຊົນລາວທຸກຂະ ແໜງການກ່ຽວກັບວິທີການໂຄ ສະນາໃນວຽກງານຕ້ານ ແລະ ສະກັດກັ້ນພະຍາດຕິດຕໍ່ທາງເພດ ສຳພັນ ເພື່ອນຳໄປໂຄສະ ນາເຜີຍ ແຜ່ອອກສູ່ສັງຄົມ ເຮັດໃຫ້ປະຊາ ຊົນລາວບັນດາເຜົ່າໄດ້ຮັບຮູ້ ເຂົ້າໃຈເລິກເຊິ່ງກ່ຽວກັບວິທີ ການຕ້ານ ແລະ ສະກັດກັ້ນພະ ຍາດດັ່ງກ່າວ ທັງເປັນການກະ ຕຸ້ນໃຫ້ສັງຄົມໃນກຸ່ມສ່ຽງເຫັນ ໄດ້ຄວາມສຳຄັນຕໍ່ການ ຮັບຮູ້ ດ້ວຍຕົນເອງວ່າ ຕິດເຊື້ອພະຍາດ ຫຼື ບໍ່ ແລະ ເປັນຫຍັງຈຶ່ງຕ້ອງ ກວດ ແລະ ຊອກຫາການຕິດເຊື້ອ ເຮສໄອວີ (HIV) ນອກນັ້ນ, ຍັງ ໄດ້ຮັບຮູ້ກ່ຽວກັບສະພາບບັນຫາ ຂອງການແຜ່ເຊື້ອໂລກເອດຢູ່ ສປປ ລາວ ທັງເປັນການກະຕຸກ ຊຸກຍູ້ ໃຫ້ສື່ມວນຊົນມີສ່ວນຮ່ວມ ໃນການສະໜັບສະໜູນການໂຄ ສະນາເພື່ອຕ້ານ ແລະ ສະກັດກັ້ນ ເຊື້ອພະຍາດເອດ ຢ່າງແຂງແຮງ ທັງນີ້ກໍເພື່ອເປົ້າໝາຍການສິ້ນ ສຸດພະຍາດເອດໃນປີ 2030.
     ທ່ານ ແພງເພັດ ເພັດວິໄຊ ໄດ້ໃຫ້ຮູ້ວ່າ: ໃນທົ່ວໂລກແຕ່ລະ ມື້ ມີຜູ້ຕິດເຊື້ອປະມານ 11.000- 14.000 ຄົນ. ສຳລັບ ສປປ ລາວ ພົບວ່າຍັງມີຜູ້ຕິດເຊື້ອໃໝ່ ປະມານ 200-400 ຄົນຕໍ່ປີ ຈາກການສຳຫຼວດໄດ້ພົບວ່າ ໃນ ປີ 2016 ຕົວເລກໃນການຕິດ ເຊື້ອພະຍາດເອດຢູ່ປະເທດລາວມີ ປະມານ 11.590 ຄົນ ແລະ ຄາດວ່າໃນປີ 2017 ຈະມີຈຳນວນ ເພີ່ມຂຶ້ນ 11.700 ຄົນ. ໃນນັ້ນ, ພົບວ່າການຕິດເຊື້ອຈາກການມີເພດສຳພັນ ລະ ຫວ່າງຊາຍກັບຊາຍຫຼາຍກວ່າໝູ່ຮອງຈາກການມີເພດສຳພັນລະຫວ່າງຊາຍກັບຍິງ. ໃນຂະນະດຽວກັນການສຳຫຼວດຍັງພົບວ່າກຸ່ມທີ່ມີຄວາມ ສ່ຽງສູງທີ່ຕິດພະຍາດເອດນັ້ນ ແມ່ນກຸ່ມແມ່ບ້ານ, ຮອງລົງມາເປັນກຳມະ ກອນ, ຊາວນາ, ແຮງງານເຄື່ອນຍ້າຍ, ພະນັກງານ ແລະ ສາວບໍລິຫານຕາມລຳດັບ.
      ເພື່ອບັນລຸເປົ້າໝາຍການພັດທະນາແບບຍືນຍົງກ່ຽວກັບການ ແກ້ໄຂພະຍາດເອດຮອດປີ 2030 ໃຫ້ປະສົບຜົນສຳເລັດນັ້ນ ສູນຕ້ານເອດຈຶ່ງຮ່ວມກັບຫຼາຍ ພາກສ່ວນໃນສັງຄົມກໍຄືສື່ມວນ ຊົນໃນການໂຄສະນາຕ້ານ ເອດ ໃຫ້ສັງຄົມໄດ້ຕື່ນຕົວໃນການ ປ້ອງກັນ ແລະ ຄວນໄປກວດ ຊອກຫາການຕິດເຊື້ອເຮສໄອວີ ແລະ ອື່ນໆ ເພື່ອຈະໄດ້ຮັບການ ຕ້ານ ແລະ ສະກັດກັ້ນພະຍາດດັ່ງກ່າວບໍ່ໃຫ້ແຜ່ລາມ.

ຂ່າວມື້ນີ້

ຂ່າວເດັ່ນ