Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 74  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ວຕກ ຈະເຮັດໃຫ້ສົກຮຽນປະຈຳປີ 2017-2018 ມີຄຸນະພາບດີກວ່າເກົ່າ

ເປີດເຝິກອົບຮົມວຽກງານເສນາ-ເຕັກນິກ ຊຸດທີ II ປະ ຈຳສົກຮຽນ 2017-2018   ວິທະຍາຄານເຕັກນິກການ ທະຫານ ໄດ້ເປີດເຝິກອົບຮົມວຽກງານເສນາ-ເຕັກນິກ ຊຸດທີ II ປະ ຈຳສົກຮຽນ 2017-2018 ໃນ ວັນທີ 15 ມິຖຸນາ 2017 ນີ້, ຢູ່ທີ່ສະໂມສອນ ວຕກ ໂດຍມີທ່ານ ພົນຈັດຕະວາ ວຽງສະ ຫວັນ ລາດສະເພົາ ຮອງຫົວໜ້າກົມໃຫຍ່ ເຕັກນິກກອງທັບ, ມີຄະນະພັກ-ຄະນະບັນຊາ, ຄະນະອຳນວຍ ການວິທະຍາຄານ ແລະ ບັນດາແຂກຖືກເຊີນຈາກກົມ, ອົງການ ວິຊາສະເພາະ, ຄະນະຫ້ອງ, ຄູ-ອາຈານ ແລະ ບັນດານັກເຝິກອົບຮົມເຂົ້າຮ່ວມ.    

   ພັນໂທ ຈັນສະໝອນ ລັດສະໄໝ ຮອງອຳນວຍການວິທະຍາ ຄານ, ຫົວໜ້າຫ້ອງອົບຮົມ ໄດ້ ກ່າວວ່າ: ເພື່ອເຮັດໃຫ້ບັ້ນເຝິກ ອົບຮົມໃນປີນີ້ມີຄຸນະພາບດີຂຶ້ນ ລື່ນເກົ່ານັ້ນ, ຄະນະພັກ-ຄະນະ ບັນຊາແຕ່ລະຂັ້ນໄດ້ເປັນເຈົ້າ ການສຸມໃສ່ສຶກສາອົບຮົມການ ເມືອງ-ນຳພາແນວຄິດໃຫ້ບັນດາ ຄູ-ອາຈານ ໄດ້ມີການເມືອງໜັກ ແໜ້ນ ພ້ອມທີ່ຈະສົ່ງຄວາມຮູ້ໃຫ້ ບັນດານັກເຝິກອົບຮົມ, ພ້ອມກັນ ນັ້ນກໍໄດ້ປັບປຸງບາງເນື້ອໃນ, ບາງຄຳສັບ ແລະ ວິທີ ການອົບ ຮົມໃຫ້ແທດເໝາະ ແລະ ເອກະ ພາບກັບຂໍ້ກຳນົດວຽກງານເຕັກ ນິກກອງທັບ ໂດຍສະເພາະດ້ານ ເນື້ອໃນໃຫ້ມີຄວາມຮັບປະກັນ ແລະ ສົມບູນຂຶ້ນກວ່າເກົ່າ ເພື່ອ ເຮັດໃຫ້ບັນດານັກເຝິກອົບຮົມກຳ ໄດ້ບົດຮຽນ ເນື້ອໃນຂໍ້ກຳນົດ, ທິດສະດີຫຼັກການພື້ນຖານຂອງວຽກງານຕົວຈິງ ແລະ ສ້າງໃຫ້ນັກເຝິກອົບຮົມກຳໄດ້ບັນດາຫຼັກມູນພື້ນຖານກ່ຽວກັບວຽກງານບັນຊາເຕັກນິກ, ຮູ້ໝູນໃຊ້ຢ່າງປະດິດສ້າງ. ບັ້ນອົບຮົມປະຈຳປີ 2017 -2018 ນີ້, ວິທະຍາຄານໄດ້ວາງຄາດໝາຍຈະໃຫ້ ບັນລຸ 85% ແລະ ສູ້ຊົນສ້າງນັກຮຽນເກັ່ງໃຫ້ໄດ້ກວ່າເຄິ່ງໜຶ່ງ ຂຶ້ນໄປ ແລະ ກຳນົດເອົາເວລາອົບຮົມ 3 ເດືອນ, ເຊິ່ງຈະອົບຮົມກ່ຽວ ກັບບາງບັນຫາລວມກ່ຽວກັບ ວຽກງານເຕັກນິກກອງທັບ 6 ຊົ່ວໂມງ, ຂໍ້ກຳນົດວຽກງານ ເຕັກນິກກອງທັບປະຊາຊົນລາວ 18 ຊົ່ວໂມງ, ພື້ນຖານວຽກງານ ເຕັກນິກການທະຫານ 60 ຊົ່ວໂມງ, ພື້ນຖານເຕັກນິກຮັບປະກັນໃຫ້ ແກ່ການສູ້ຮົບ 45 ຊົ່ວ ໂມງ, ວຽກງານເສນາ ເຕັກນິກ 54 ຊົ່ວໂມງ, ບັນຊາເຕັກນິກ 60 ຊົ່ວໂມງ, ຮັບປະກັນເຕັກນິກໃຫ້ແກ່ ການສູ້ຮົບຂັ້ນຍຸດທະວິທີ 45 ຊົ່ວໂມງ, ວຽກງານແຜນທີ່ ແລະ ພາກສະໜາມ 30 ຊົ່ວໂມງ, ສູ້ຮົບຈັ້ງທ່າ 60 ຊົ່ວ ໂມງ, ໄປທັດສະນະ ແລະ ຢ້ຽມຢາມກົມກອງຕົວແບບ 30 ຊົ່ວໂມງ, ທວນຄືນ ແລະ ສອບເສັງ18 ຊົ່ວໂມງ, ບັນດານັກເຝິກອົບຮົມຄັ້ງນີ້ແມ່ນມາຈາກກຳລັງຫຼວງ-ກຳລັງທ້ອງຖິ່ນໃນທົ່ວກອງທັບ ລວມທັງໝົດ 30 ສະຫາຍ ສ່ວນໃຫຍ່ລ້ວນແຕ່ແມ່ນພະນັກງານນຳພາ-ບັນຊາຂັ້ນຕ່າງໆ ທີ່ໄດ້ຮຽນວິຊາສະ ເພາະ ແລະ ບົດຮຽນປະສົບການໃນດ້ານພຶດຕິກຳຕົວຈິງຢູ່ກົມ ກອງມາແລ້ວ.
     ໃນໂອກາດໂອ້ລົມຕໍ່ພິທີ ທ່ານ ພົນຈັດຕະວາ ວຽງສະຫວັນ ລາດສະເພົາ ກໍໄດ້ໃຫ້ທິດຊີ້ນຳວ່າ: ການເຝິກອົບຮົມວຽກງານຄັ້ງ ນີ້ແມ່ນວຽກງານຕົ້ນຕໍ ແລະ ສຳ ຄັນຂອງກອງທັບ ເພື່ອເຮັດໃຫ້ພະນັກງານ-ນັກຮົບມີ ລະດັບ, ຄວາມຊຳນິຊຳນານດ້ານວຽກ ງານເສນາເຕັກນິກຫຼາຍຂຶ້ນ ກວ່າເກົ່າ. ຢາກເຮັດໃຫ້ບັ້ນອົບ ຮົມຫັດແອບບັນລຸໝາກຜົນດີຄະ ນະພັກ-ຄະນະບັນຊາກົມກອງ ຕ້ອງເພີ່ມທະວີການຊີ້ນຳ-ນຳພາ ຕິດຕາມກວດກາ ຢ່າງໃກ້ຊິດ, ຈັດແບ່ງເວລາໃຫ້ແທດເໝາະ ແລະ ພ້ອມກັນຈັດຕັ້ງປະຕິບັດ ແຜນການອົບຮົມຄັ້ງນີ້ໃຫ້ບັນລຸໝາກຜົນດີ.
          ໂດຍ: ສົມພອນ

ຂ່າວມື້ນີ້

ຂ່າວເດັ່ນ