Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 90  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງປະຊຸມເປີດກວ້າງ ຄະນະບໍລິຫານງານພັກກອງບັນຊາການທະຫານແຂວງບໍ່ແກ້ວ 6 ເດືອນຕົ້ນປີ 2017

mon17jul2   ວັນທີ 12 ກໍລະກົດ 2017 ນີ້, ກອງບັນຊາການທະຫານ ແຂວງບໍ່ແກ້ວ ໄດ້ຈັດກອງປະ ຊຸມເປີດກວ້າງຂອງຄະນະບໍລິ ຫານງານພັກກອງບັນຊາການ ໃນ 6 ເດືອນຕົ້ນປີ 2017 ເປັນ ຄັ້ງທີ V ສະໄໝທີ IV ໂດຍການ ເປັນປະທານຂອງ ສະຫາຍ ພົນ ຈັດຕະວາ ມະລີສານ ແສງຈັນທາ ຄະນະປະຈຳພັກແຂວງ, ຮອງເລ ຂາພັກແຂວງ, ເລຂາຄະນະພັກ ກອງບັນຊາການທະຫານແຂວງ ບໍ່ແກ້ວ, ມີຄະນະພັກກອງບັນຊາ ການ,​ ເລຂາຄະ ນະພັກຮາກຖານ 5 ຫ້ອງ, ​2 ກອງພັນ, ໂຮງໝໍ ແລະ ບັນດາເລຂາໜ່ວຍພັກແຕ່ ລະກົມກອງທົ່ວທະຫານແຂວງບໍ່ແກ້ວເຂົ້າຮ່ວມ.

      ໃນກອງປະຊຸມສະຫາຍ ພັນ ເອກ ວິດອນ ພຸດດາວົງ ກຳມະ ການພັກແຂວງ, ຮອງເລຂາພັກ ກອງບັນຊາການທະຫານແຂວງ ບໍ່ແກ້ວ ໄດ້ຜ່ານບົດສະຫຼຸບຈັດ ການຊີ້ນຳ, ນຳພາຂອງຄະນະບໍ ລິຫານງານພັກກອງ ບັນຊາການ ໄລຍະ 6 ເດືອນຜ່ານມາ ເພື່ອສະຫຼຸບຕີລາຄາໝາກຜົນການຈັດຕັ້ງປະຕິບັດບັນດາວຽກງານ ທີ່ເຮັດໄດ້ເຊັ່ນ: ດ້ານດີ, ບັນຫາ ຂໍ້ຄົງຄ້າງ, ວິທີປັບປຸງແກ້ໄຂ ແລະ ສືບຕໍ່ວາງທິດທາງແຜນ ການທ້າຍປີ 2017 ຈາກນັ້ນບັນ ດາເລຂາຄະນະພັກແຕ່ລະກົມ ກອງ ກໍໄດ້ຜັດປ່ຽນກັນຂຶ້ນປະ ກອບຄຳຄິດຄຳເຫັນຕາມບັນຫາ ຄຳຖາມເຈາະຈິ້ມໃນຂົງເຂດ ວຽກງານໃຕ້ການຊີ້ນຳ, ນຳພາ ຂອງພັກ ກອງປະຊຸມໄດ້ຕີລາຄາ ສູງຕໍ່ບັນດາ ເນື້ອໃນຈິດໃຈ, ຄຳ ຖາມເຈາະຈິ້ມ ເພື່ອເປັນການປັບ ປຸງແບບແຜນການນຳພາ,​ ປັບ ປຸງປົວແປງພາຍໃນພັກ ໂດຍປະ ຕິບັດຕາມ 5 ຫຼັກການ 3 ທິດນຳ ຂອງພັກ ສູ້ຊົນນຳພາຄະນະພັກ-ຄະນະບັນຊາແຕ່ລະຂັ້ນເປັນເຈົ້າ ການທັບມ້າງກົນອຸບາຍຫັນ ປ່ຽນໂດຍສັນຕິຂອງສັດຕູ ເຮັດ ໃຫ້ສະພາບພື້ນຖານມີຄວາມສະ ຫງົບ ຊຸກຍູ້ຂະບວນການແຂ່ງຂັນ ຮັກຊາດ ແລະ ພັດທະນາ ຕິດພັນ ກັບການສ້າງກອງແຂງ-ໜ່ວຍ ພັກຮູ້ນຳພາຮອບດ້ານ, ກົມກອງ ວັດທະນະທຳ, ກົມກອງປອດໃສ ປອດໄພ ປອດຄະດີ, ຈາກນັ້ນ, ປະທານກອງປະຊຸມຍັງໄດ້ໃຫ້ ຄຳໂອ້ລົມ, ຕອບຄຳສະເໜີຂອງ ບັນດາກົມກອງ ແລະ ໄດ້ເນັ້ນໜັກ ບາງບັນຫາຕໍ່ຄະນະພັກຮາກ ຖານ, ເລຂາ ໜ່ວຍພັກ ຕ້ອງໄດ້ ເປັນເຈົ້າການສຶກສາອົບຮົມການ ເມືອງແນວຄິດໃຫ້ພະນັການສະ ມາຊິກພັກ ໃຫ້ມີຄວາມຮັບຜິດ ຊອບສູງ,​ມີແບບແຜນວິທີເຮັດ ວຽກທີ່ທັນສະໄໝ, ຈັດຕັ້ງກຳລັງ ກຽມພ້ອມສູ້ຮົບ ເຮັດໃຫ້ສະພາບ
ພື້ນຖານມີຄວາມສະຫງົບ, ຮັບ ປະກັນທາງດ້ານຊີວິດການ ເປັນຢູ່ຂອງນາຍ ແລະ ພົນທະ ຫານພາຍໃນກົມກອງໃຫ້ດີຂຶ້ນ ກວ່າເກົ່າ ພ້ອມກັນປັບປຸງຄ້າຍຄູໃຫ້ກາຍເປັນກົມກອງແບບຢ່າງກົມກອງວັດທະນະທຳ ມີແຜນ ພັດທະນາກ້າວໜ້າຂຶ້ນເລື້ອຍໆ.
     ຂ່າວໃຫ້ຮູ້ຕື່ມອີກວ່າ: ຕອນ ແລງຂອງວັນດຽວກັນນີ້, ກອງ ບັນຊາການທະຫານແຂວງບໍ່ ແກ້ວ ຍັງໄດ້ຈັດຕັ້ງພິທີປະດັບ ຫຼຽນກຽດຕິຄຸນຂອງກອງທັບ ປະຊາຊົນລາວໃຫ້ນາຍທະຫານ ຜູ້ທີ່ເຮັດການປະຕິວັດກ່ອນປີ 1975 ຄືນຫຼັງ ຊຸດທີ II ໃນພິທີ ສະຫາຍ ພັນໂທ ຄຳດອງ ຍົມມະ ລາ ຫົວໜ້າພະແນກນະໂຍບາຍ ຫ້ອງການເມືອງທະຫານແຂວງ ບໍ່ແກ້ວ ໄດ້ຜ່ານຂໍ້ຕົກລົງຂອງກະ ຊວງປ້ອງກັນປະເທດ ເລກທີ 4396/ກປທ ນະຄອນ ຫຼວງວຽງ ຈັນ ວັນທີ 09/11/2016 ວ່າ ດ້ວຍການປະດັບຫຼຽນກຽດຕິ ຄຸນກອງທັບປະຊາຊົນລາວ ໃຫ້ ນາຍທະຫານກອງບັນຊາການ ທະຫານແຂວງບໍ່ແກ້ວ ງວດທີ II ແລະ ງວດທີ III ເພື່ອຕອບສະ ໜອງຜົນງານ ຄຸນງາມຄວາມດີ ຂອງພະນັກງານ-ນາຍທະຫານ ກອງທັບປະຊາຊົນລາວ ທີ່ໄດ້ປະ ກອບສ່ວນຢ່າງຕັ້ງໜ້າ ເຂົ້າໃນ ພາລະກິດປະຕິວັດຕໍ່ສູ້ປົດປ່ອຍ ຊາດ ແລະ ປົກປັກຮັກສາພັດທະ ນາປະເທດຊາດ ເປັນເວລາຍາວ ນານ ແລະ ສະເໝີຕົ້ນສະເໝີປາຍ ເຊິ່ງມີຈຳນວນ 24 ສະຫາຍ ໃຫ້ ກຽດປະດັບຫຼຽນກຽດຕິຄຸນໂດຍ ສະຫາຍ ພົນຈັດຕະວາ ມະລີສານ ແສງຈັນທາ ຄະນະປະຈຳພັກ ແຂວງ, ຮອງເລຂາພັກແຂວງ, ຫົວໜ້າການເມືອງ ກອງບັນຊາ ການທະຫານແຂວງບໍ່ແກ້ວ ຢ່າງ
ສົມກຽດ.

ຂ່າວມື້ນີ້

ຂ່າວເດັ່ນ