Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 324  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ລັດຖະມົນຕີກະຊວງການຕ່າງປະເທດ ສຳເລັດການຢ້ຽມຢາມ ສ. ຟິລິບປິນ ຢ່າງເປັນທາງການ

ທ່ານ ສະເຫຼີມໄຊ ກົມມະສິດ ໄດ້ ພົບປະສອງຝ່າຍກັບທ່ານ ອາລັນ ປີເຕີ ຊະແຣມ ກາເຢຕາໂນ  ໂດຍຕອບສະໜອງຕາມຄຳເຊີນຂອງ ທ່ານ ອາລັນ ປີເຕີ ຊະແຣມ ກາເຢຕາໂນ (Alan Peter Schramm Cayetano)  ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດຟີ ລິບປິນ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງສາທາ ລະນະລັດ ປະຊາທິປະໄຕ ປະຊາຊົນລາວ, ພ້ອມດ້ວຍຄະນະ ໄດ້ເດີນທາງຢ້ຽມຢາມ ສ. ຟີລິບປິນ ຢ່າງ ເປັນທາງການໃນລະຫວ່າງວັນທີ 13-14ກໍລະກົດ 2017, ເຊິ່ງເປັນການຢ້ຽມຢາມ ຄັ້ງທຳອິດ ໃນຖານະລັດຖະມົນ ຕີກະຊວງການຕ່າງປະເທດ, ເພື່ອເສີມຂະຫຍາຍ ແລະ ຮັດ ແໜ້ນສາຍພົວ ພັນມິດຕະພາບ ແລະ ການຮ່ວມມືອັນດີງາມລະ ຫວ່າງສອງປະເທດ ທີ່ມີມາ ແຕ່ດົນນານ ໃຫ້ນັບມື້ນັບແໜ້ນແຟ້ນ ຂຶ້ນເລື້ອຍໆ.

    ໃນໂອກາດຢ້ຽມຢາມ ສ. ຟີລິບປິນ ໃນຄັ້ງນີ້, ທ່ານ ລັດຖະມົນຕີ ສະເຫຼີມໄຊ ກົມມະສິດ ໄດ້ ພົບປະສອງຝ່າຍກັບທ່ານ ອາລັນ ປີເຕີ ຊະແຣມ ກາເຢຕາໂນ, ລັດ ຖະມົນຕີກະຊວງການຕ່າງປະ ເທດ ແຫ່ງ ສ. ຟີລິບປິນ, ພ້ອມ ນັ້ນສອງລັດຖະມົນຕີກະຊວງ ການຕ່າງປະເທດ ກໍໄດ້ເປັນປະ ທານຮ່ວມ ໃນກອງປະຊຸມຄະນະ ກຳມາທິການ ວ່າດ້ວຍການ ຮ່ວມມືສອງຝ່າຍ (JC) ລາວ-ຟີລິບປິນ ຄັ້ງປະຖົມມະລຶກ, ທີ່ ນະຄອນຫຼວງມານີລາ. ກອງປະ ຊຸມດັ່ງກ່າວ ດຳເນີນໄປດ້ວຍ ບັນຍາກາດອັນອົບອຸ່ນ ແລະ ເປັນ ມິດ, ເຊິ່ງສອງຝ່າຍໄດ້ປຶກສາຫາ ລືກັນຢ່າງກົງໄປກົງມາບົນພື້ນຖານມິດຕະພາບ ແລະ ຄວາມ ເຂົ້າໃຈເຊິ່ງກັນ ແລະ ກັນ, ແລະ ໄດ້ຕີລາຄາສູງ ຕໍ່ການຈັດກອງປະຊຸມຄັ້ງປະຖົມມະລຶກ ໃນຄັ້ງນີ້ ວ່າຈະເປັນບາດກ້າວອັນໃໝ່ ໃນການຊຸກຍູ້ການພົວພັນຮ່ວມ ມືສອງຝ່າຍທາງດ້ານຕ່າງໆ ໃຫ້ຂະຫຍາຍຕົວ ແລະ ມີຜົນສຳ ເລັດຕົວຈິງຍິ່ງໆຂຶ້ນ ໃນອະນາຄົດ, ພ້ອມທັງ ໄດ້ຕີລາຄາສູງຕໍ່ ສາຍພົວພັນ ແລະ ການຮ່ວມມື ອັນດີທີ່ມີບາດກ້າວຂະຫຍາຍ ຕົວ, ເຊິ່ງສະແດງອອກໃນການ ແລກປ່ຽນຄະນະຜູ້ແທນໃນລະ ດັບປະມຸກລັດ, ຫົວໜ້າລັດຖະ ບານ ແລະ ຂະແໜງການຕ່າງໆ ນຳກັນ ຢ່າງເປັນປົກກະຕິ. ສອງ ຝ່າຍ ໄດ້ເຫັນດີຈະສືບຕໍ່ສົ່ງເສີມ ການຮ່ວມມືທາງດ້ານການ ເມືອງ, ປ້ອງກັນຊາດ-ປ້ອງກັນ ຄວາມສະຫງົບ, ເສດຖະກິດ, ໂຍທາທິການ ແລະ ຂົນສົ່ງ, ສຶກສາ, ວັດທະນະທຳ-ສັງຄົມ, ທ່ອງ ທ່ຽວ ແລະ ການຮ່ວມມື ເພື່ອການພັດທະນາ, ລວມທັງ ການພົວພັນຮ່ວມມືລະຫວ່າງ ສອງກະຊວງການຕ່າງປະເທດ ລາວ-ຟີລິບປິນ. ພ້ອມກັນນັ້ນ, ສອງຝ່າຍໄດ້ສະແດງຄວາມຊົມ ເຊີຍ ແລະ ຕີລາຄາສູງຕໍ່ ຄະນະ ຜູ້ແທນຈາກສະພາອຸດສາຫະກຳ ແລະ ການຄ້າຟີລິບປິນ ທີ່ໄດ້ເດີນ ທາງມາເຮັດວຽກ ຢູ່ ສປປ ລາວ ເພື່ອຊອກຫາຊ່ອງທາງໃນການ ຮ່ວມມືດ້ານການລົງທຶນ ຢູ່ ສປປ ລາວ ໃນອະນາຄົດ. ນອກຈາກ ນັ້ນ, ສອງຝ່າຍ ຍັງໄດ້ແລກປ່ຽນ ຄຳຄິດຄຳເຫັນຕໍ່ສະພາບການ ທີ່ ພົ້ນເດ່ັນໃນພາກພື້ນ ແລະ ສາກົນ.
    ໃນໂອກາດນີ້, ທ່ານ ສະເຫຼີມ ໄຊ ກົມມະສິດ ໄດ້ສະແດງ ຄວາມຊົມເຊີຍທີ່ ທ່ານ ອາລັນ ປີເຕີ ຊະແຣມ ກາເຢຕາໂນ ໄດ້ຮັບການແຕ່ງຕັ້ງ ໃຫ້ດໍາລົງ ຕໍາແໜ່ງເປັນລັດຖະມົນຕີກະ ຊວງການຕ່າງປະເທດຄົນໃໝ່ ໃນ ເດືອນພຶດສະພາ 2017 ຜ່ານ ມາ, ພ້ອມທັງສະແດງຄວາມ ຂອບໃຈຕໍ່ການຕ້ອນຮັບອັນອົບ ອຸ່ນໃນຄັ້ງນີ້. ພ້ອມກັນນັ້ນ, ທ່ານ ສະເຫຼີມໄຊ ກົມມະສິດ ຍັງໄດ້ສະ ແດງຄວາມຂອບໃຈ ລັດຖະບານ ຟີລິບປິນ ທີ່ໄດ້ໃຫ້ການ ຊ່ວຍເຫຼືອ ສປປ ລາວ ໃນການເປັນເຈົ້າ ພາບຈັດກອງປະຊຸມອາຊຽນ ແລະ ກອງປະຊຸມປິ່ນອ້ອມອື່ນໆ ທີ່ນະຄອນຫຼວງວຽງຈັນໃນປີ ຜ່ານມາເປັນຢ່າງດີ ແລະ ສະ ແດງຄວາມຊົມເຊີຍ ທີ່ຟີລິບປິນ ໄດ້ເຮັດສຳເລັດການ ເປັນເຈົ້າພາບຈັດກອງປະຊຸມສຸດຍອດອາ ຊຽນ ຄັ້ງທີ 30 ໃນເດືອນພຶດ ສະພາທີ່ຜ່ານມາ ແລະ ສະແດງ ຄວາມເຊື່ອໝັ້ນວ່າ ຟີລິບປິນໃນ ຖານະປະທານອາຊຽນໃນປີນີ້ ຈະສືບຕໍ່ເຮັດສຳເລັດການເປັນ ເຈົ້າພາບຈັດກອງ ປະຊຸມອາ ຊຽນ ຄັ້ງທີ 31 ໃນເດືອນພະ ຈິກນີ້ ຢ່າງຈົບງາມ.
     ໃນຕອນທ້າຍຂອງການພົບປະກັນຄັ້ງນີ້, ທ່ານລັດຖະມົນຕີ ສະເຫຼີມໄຊ ກົມມະສິດ ໄດ້ເຊີນ ທ່ານລັດຖະມົນຕີກະຊວງການຕ່າງປະເທດ ຟີລິບປິນ ມາຢ້ຽມຢາມ ສປປ ລາວ ໃນໂອກາດ ທີ່ທ່ານສະດວກ. ຫລັງຈາກ ການພົບປະສອງ ຝ່າຍແລ້ວ, ທ່ານ ສະເຫລີມໄຊ ກົມມະສິດ ແລະ ຄູ່ຕຳແຫນ່ງ ກໍໄດ້ເປັນກຽດເຂົ້າຮ່ວມເປັນສັກຂີພະຍານໃນພິທີລົງນາມບົດບັນ ທຶກຄວາມເຂົ້າໃຈວ່າດ້ວຍການ ຮ່ວມມືວິຊາການດ້ານການສຶກສາຊັ້ນ ສູງ ລະຫວ່າງ ສປປ ລາວ ແລະ ສ. ຟີລິບປິ່ນ, ເຊິ່ງລົງນາມ ຕາງຫນ້າຝ່າຍລາວ ທ່ານ ໂພໄຊ ໄຂຄຳພິທູນ, ເອກອັກຄະລັດຖະ ທູດ ຜູ້ມີອຳນາດເຕັມ ແຫ່ງ ສປປ ລາວ ປະຈຳ ສ. ຟີລິບປິນ ແລະ ທ່ານ ນາງ ປະຕຼິກເຊຍ ບີ ລິກວາ ນັນ (Patricia B. licuanan). ປະທານຄະນະກຳມາທິການການ ສຶກສາຊັ້ນສູງ ແຫ່ງ ສ. ຟີລິບ ປິນ, ໂດຍການເຂົ້າຮ່ວມຂອງຄະ ນະຜູ້ແທນທັງສອງຝ່າຍ.
   ໃນໄລຍະເຄື່ອນໄຫວຢ້ຽມຢາມ ສ. ຟີລິບປິນ, ທ່ານ ລັດຖະມົນຕີ ສະເຫຼີມໄຊ ກົມມະສິດ ແລະ ຄະນະ   ຍັງໄດ້ພົບປະກັບສະພາ ການຄ້າ ແລະ ອຸດສາຫະກຳ ຟີລິບປິນ-ລາວ, ພ້ອມທັງໄດ້ຂຶ້ນ ປາຖະກະຖາ ໃນຫົວຂໍ້: “ສປປ ລາວ ແລະ ການເຊື່ອມໂຍງ ໃນພາກພື້ນ”, ທີ່ສະຖາບັນການ ຕ່າງປະເທດຟີລິບປິນ.

ຂ່າວມື້ນີ້

ຂ່າວເດັ່ນ