Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 86  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກະຊວງປ້ອງກັນປະເທດປະກາດເລື່ອນຊັ້ນໃຫ້ນາຍທະຫານຂັ້ນສູງ

ກະຊວງປ້ອງກັນປະເທດປະກາດເລື່ອນຊັ້ນໃຫ້ນາຍທະຫານຂັ້ນສູງ ພິທີປະກາດເລື່ອນຊັ້ນໃຫ້ນາຍທະຫານຂັ້ນ ສູງຂອງກະຊວງປ້ອງກັນປະເທດ ຈັດຂຶ້ນໃນຕອນ ເຊົ້າວັນທີ 10 ສິງຫານີ້, ຢູ່ກະຊວງປ້ອງກັນປະເທດ ໂດຍເປັນກຽດເຂົ້າຮ່ວມຂອງທ່ານ ປອ ພັນຄຳ ວິພາວັນ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງ ປະທານປະເທດ, ມີບັນດາລັດຖະມົນຕີ, ຮອງລັດ ຖະມົນຕີ, ຫົວໜ້າກົມ, ຮອງກົມ, ຫ້ອງວ່າການກະ ຊວງ, ບັນດາວິທະຍາຄານ ແລະ ຄະນະຈັດຕັ້ງສູນ ກາງພັກເຂົ້າຮ່ວມ.       ໃນພິທີ ທ່ານ ວັນໄຊ ພອງສະຫວັດ ຮອງຫົວ ໜ້າຄະນະຈັດຕັ້ງສູນກາງພັກ ໄດ້ຂຶ້ນຜ່ານຂໍ້ຕົກລົງ ຂອງປະທານປະເທດວ່າດ້ວຍການເລື່ອນຊັ້ນ ໃຫ້ນາຍທະຫານຂຶ້ນ ພົນໂທ  ເຊິ່ງປະກອບມີ: ທ່ານ ພົນຕີ ວິໄລ ຫຼ້າຄຳຟອງ,  ເລຂາທິການສູນກາງພັກ,ຮອງລັດຖະມົນຕີກະຊວງປ້ອງ ກັນປະເທດ, ຫົວໜ້າກົມໃຫຍ່ ການເມືອງກອງທັບ ແລະ ທ່ານ ພົນຕີ ສຸວອນ ເລືອງບຸນມີ ກຳມະ ການສູນກາງພັກ, ຮອງລັດຖະ ມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການ ກອງທັບ.     ໂອກາດນີ້, ທ່ານ ປອ ພັນຄຳ ວິພາວັນ ກໍໄດ້ໂອ້ລົມຕໍ່ນາຍທະ ຫານຂັ້ນສູງ ທີ່ໄດ້ຮັບການເລື່ອນ ຊັ້ນໃໝ່ ແລະ ຜູ້

ເຂົ້າຮ່ວມ ເຊິ່ງ ທ່ານໄດ້ກ່າວບາງຕອນວ່າ: ໂດຍເຫັນໄດ້ພາລະບົດບາດ, ໜ້າ ທີ່ ແລະ ຄວາມສຳຄັນຂອງວຽກ ງານປ້ອງກັນຊາດໃນຊຸມປີຜ່ານ ມາ ພັກ-ລັດ ໄດ້ເອົາໃຈໃສ່ຢ່າງ ຕັ້ງໜ້າໃນການປັບປຸງກໍ່ສ້າງ ກຳລັງປະກອບອາວຸດປ້ອງກັນ ຊາດທັງສາມປະເພດໃຫ້ເຂັ້ມ ແຂງໜັກແໜ້ນ ໂດຍສະເພາະ ແມ່ນການປັບປຸງໂຄງປະກອບ- ການຈັດຕັ້ງ ແລະ ບຸກຄະລາ ກອນຂອງກອງທັບປະຊາຊົນ ລາວ ເວົ້າສະເພາະແມ່ນຕໍ່ພະນັກ ງານຫຼັກແຫຼ່ງ ເພື່ອຮັບປະກັນ ເຮັດສຳເລັດໜ້າທີ່ການເມືອງ ຂອງຕົນໃນໄລຍະໃໝ່, ຕໍ່ໜ້າເງື່ອນໄຂສະ ພາບແວດລ້ອມຂອງໂລກ ແລະ ຄວາມຮຽກຮ້ອງຕ້ອງການຂອງ ສະພາບການໃໝ່ຢູ່ປະເທດເຮົາ ກົມການເມືອງສູນກາງພັກ ກໍຄື ລັດຖະບານຈຶ່ງໄດ້ຕົກລົງຍົກລະ ດັບຂັ້ນບຸກຄະລາກອນ ທີ່ເປັນພະ ນັກງານຫຼັກແຫຼ່ງຂັ້ນສູງຂອງ ກອງທັບ ແນໃສ່ເຮັດໃຫ້ການຊີ້ ນຳ-ນຳພາຂັ້ນມະຫາພາກຂອງ ກະຊວງປ້ອງກັນປະເທດມີ ຄວາມໜັກແໜ້ນ, ເຂັ້ມແຂງ, ຮັບ ປະກັນເຮັດໃຫ້ກອງທັບ ເຮັດສຳ ເລັດໜ້າທີ່ການເມືອງຂອງຕົນ ໃນການປົກປັກຮັກສາປະເທດ ຊາດໄວ້ໃຫ້ໝັ້ນຄົງ, ສ້າງເງື່ອນ ໄຂໃຫ້ແກ່ການສ້າງສາພັດທະ ນາປະເທດຊາດ, ສືບຕໍ່ກໍ່ສ້າງ ກອງທັບປະຊາຊົນລາວ ເປັນ ກອງທັບປະຕິວັດ, ມີແບບແຜນ ແລະ ທັນສະໄໝ.      ທ່ານຮອງປະທານປະເທດ ໄດ້ເນັ້ນໜັກໃຫ້ເອົາໃຈໃສ່ເຮັດ ວຽກງານການເມືອງແນວຄິດ, ຄົ້ນຄວ້າຮໍ່າຮຽນທິດສະດີມາກ- ເລນິນແນວທາງນະໂຍບາຍ ຂອງພັກ ຕິດພັນມະຕິກອງປະ ຊຸມໃຫຍ່ຄັ້ງທີ X ຂອງພັກ ກໍຄື 4 ໜ້າທີ່ໃຫຍ່ 26 ແຜນງານຂອງ ກະຊວງປ້ອງກັນປະເທດວາງ ອອກ, ຕັ້ງໜ້າປັບປຸງກໍ່ສ້າງກຳ ລັງປະກອບອາວຸດປ້ອງກັນຊາດ ທັງ 3 ປະເພດກຳລັງໃຫ້ໜັກ ແໜ້ນທາງດ້ານການເມືອງແນວ ຄິດ ແລະ ເຂັ້ມແຂງທາງດ້ານ ການຈັດຕັ້ງ, ມີຄວາມຈົງຮັກພັກ ດີຕໍ່ປະເທດຊາດ, ເປັນເສົາຄ້ຳອັນ ໜັກແໜ້ນໃຫ້ແກ່ພາລະກິດປົກ ປັກຮັກສາ ແລະ ສ້າງສາພັດທະ ນາປະເທດຊາດ, ເອົາໃຈໃສ່ປັບ ປຸງແບບແຜນວິທີເຮັດວຽກໃຫ້ ມີວິທະຍາສາດ, ປະຕິບັດຫຼັກ ການລວມສູນປະຊາທິປະໄຕ ເຮັດວຽກເປັນໝູ່ຄະນະແບ່ງ ວຽກໃຫ້ບຸກຄົນຮັບຜິດຊອບ, ສ້າງແບບແຜນດຳລົງຊີວິດປອດ ໃສຂາວສະອາດ ແລະ ມີວິໄນ ເຂັ້ມງວດ.

ຂ່າວມື້ນີ້

ຂ່າວເດັ່ນ