Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 431  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ວປກ ສະຫຼອງວັນຄູແຫ່ງຊາດ (7 ຕຸລາ) ຄົບຮອບ 23 ປີ

ວິທະຍາຄານປ້ອງກັນຊາດ ໄກສອນ ພົມວິຫານ (ວປກ) ຈັດພິທີສະເຫຼີມສະຫຼອງວັນຄູແຫ່ງຊາດ (7 ຕຸລາ) ຄົບຮອບ 23 ປີ  ໃນວັນທີ 6 ຕຸລາ 2017 ນີ້, ວິທະຍາຄານປ້ອງກັນຊາດ ໄກສອນ ພົມວິຫານ (ວປກ) ໄດ້ຈັດພິທີສະເຫຼີມສະຫຼອງວັນຄູແຫ່ງຊາດ (7 ຕຸລາ) ຄົບຮອບ 23 ປີຂຶ້ນ, ໂດຍການເຂົ້າຮ່ວມເປັນປະທານຂອງ ພົນຈັດຕະວາ ຄຳຫຼ້າ ພັນໄຊຍະສຸກ ກຳມະການຄະນະພັກກະຊວງປ້ອງກັນປະເທດ, ຫົວໜ້າການເມືອງວິທະຍາຄານ ປ້ອງ ກັນຊາດ ໄກສອນ ພົມວິຫານ, ມີບັນດາຄະນະພັກ-ຄະນະບັນ ຊາ ຕະຫຼອດຮອດຄູ-ອາຈານ ແລະ ນັກສຶກສາເຂົ້າຮ່ວມ.

ໃນໂອກາດນີ້, ພັນໂທ ປທ ດວງຕາ ຈັນທະລາ ຫົວໜ້າຄະ ນະວິຊາຄູ ໄດ້ຂຶ້ນຜ່ານບົດສະຫຼຸບ ລາຍງານຜົນສຳເລັດໃນການ ເຄື່ອນໄຫວວຽກງານສິດສອນ ໃນ 1 ປີຜ່ານມາ, ເຊິ່ງຄູ-ອາຈານ
ໃນ ວປກ ທຸກຄົນ ເວລາໃດກໍໄດ້ ມີຄວາມເປັນຫ່ວງເປັນໃຍ, ເຫັນ ໄດ້ຄວາມສຳຄັນໃນໜ້າທີ່ອັນມີ ກຽດຂອງຕົນ ແລະ ໃກ້ຊິດຕິດ ແທດສຶກສາອົບຮົມກໍ່ສ້າງນັກ ສຶກສາຂອງຕົນດ້ວຍຄວາມຮັບ ຜິດຊອບສູງ, ສ່ວນຄະນະພັກ- ຄະນະອຳນວຍການ ວປກ ກໍໄດ້ ປະຕິບັດນະໂຍບາຍ, ສ້າງເງື່ອນ ໄຂຮອບດ້ານ, ຮັບປະກັບໃຫ້ຖັນ ແຖວຄູ-ອາຈານມີຄວາມສະ ດວກທຸກດ້ານຕາມເງື່ອນໄຂຕົວ ຈິງ, ເຮັດໃຫ້ ຄູ-ອາຈານ ມີກຳ ລັງໃຈໃນການບຸກບືນເຮັດສຳ ເລັດໜ້າທີ່ການເມືອງຂອງຕົນ ຢ່າງເປັນກ້າວໆມາ.
ການຈັດຕັ້ງສະເຫຼີມສະຫຼອງ ວັນຄູ ເປັນການສັນລະເສີນບຸນ ຄຸນ ແລະ ຄຸນຄວາມດີຄູລາວຜູ້ ປຽບເໝືອນດວງວິນຍານ, ເປັນ ບ່ອນຖ່າຍທອດສະຕິປັນຍາ, ເປັນແມ່ພິມແຫ່ງຊາດ,. ຢູ່ວິທະ ຍາຄານປ້ອງກັນຊາດ ໄກສອນ ພົມວິຫານ ມີຄູ-ອາຈານທັງໝົດ 197 ສະຫາຍ, ມີ 21 ຄະນະວິ ຊາ, ໃນໄລຍະຜ່ານມາ ຄູ-ອາ ຈານກໍໄດ້ໄປສືບຕໍ່ຍົກລະດັບຢູ່ ພາຍໃນ ແລະ ຕ່າງປະເທດຫຼາຍ ສະຫາຍ. ເຮັດໃຫ້ຖັນແຖວຄູ-ອາ ຈານ ວປກ ນັບມື້ເຕີບໃຫຍ່ເຂັ້ມ ແຂງທາງດ້ານປະລິມານ ແລະ ຄຸນະພາບ ໄດ້ມີການສູ້ຊົນ ແລະ ຕັດສິນໃຈຜ່ານຜ່າບັນດາຂໍ້ຫຍຸ້ງ ຍາກ ແລະ ສູ້ຊົນເຮັດສຳເລັດໜ້າ ທີ່ການເມືອງຂອງຕົນ ກໍຄືຂອງວິ ທະຍາຄານປ້ອງກັນຊາດ ໄກ ສອນ ພົມວິຫານ, ມີສະຕິຕື່ນຕົວ, ມີຄວາມມານະອົດທົນ ແລະ ມີ ຄວາມຮັບຜິດຊອບຕໍ່ໜ້າທີ່ວຽກ ງານສູງ, ຕັ້ງໜ້າຄົ້ນຄວ້າຮຽບ ຮຽງເອກະສານ, ເຂົ້າຮ່ວມຄົ້ນ ຄວ້າວິທະຍາສາດ, ປະຕິບັດການ ສິດສອນ ແລະ ເຂົ້າຮ່ວມຂະ ບວນການອື່ນໆຂອງວິທະຍາ ຄານ. ໃນພິທີສະເຫຼີມສະຫຼອງວັນ ຄູຄັ້ງນີ້ມີຕາງໜ້ານັກສຶກສາຂຶ້ນ ອ່ານກາບກອນອວຍພອນຄູ ແລະ ມອບກະຕ່າດອກໄມ້, ຂອງ ຂວັນໃຫ້ບັນດາຄູ-ອາຈານ ແລະ ຊ່ຽວຊານ ເພື່ອສະແດງຄວາມຮູ້ ບຸນຄຸນແດ່ຄູ-ອາຈານ.
ໂອກາດສຸດທ້າຍ ພົນຈັດຕະ ວາ ຄຳຫຼ້າ ພັນໄຊຍະສຸກ ຍັງໄດ້ ກ່າວຄຳເຫັນ ແລະ ເນັ້ນໜັກຕໍ່ ຄູ-ອາຈານ ໃຫ້ສືບຕໍ່ຄົ້ນຄວ້າກຳ ແໜ້ນແນວທາງແຜນນະໂຍບາຍ ຂອງພັກ ໂດຍສະເພາະແມ່ນ 4 ເນື້ອໃນບຸກທະລຸທີ່ມະຕິກອງປະ ຊຸມໃຫຍ່ຄັ້ງທີ 10 ຂອງພັກວາງ ອອກ, ກຳແໜ້ນບັນດາມະຕິຄຳ ສັ່ງຂອງກົມການເມືອງສູນກາງ ພັກ, ຂໍ້ກຳນົດກົດໝາຍຂອງລັດ, ກົດໝາຍການສຶກສາມະຕິກອງ ປະຊຸມໃຫຍ່ຄັ້ງທີ 4 ແລະ ບັນດາ ໜ້າທີ່ ແລະ ແຜນງານຂອງຄະ ນະພັກກະຊວງປ້ອງກັນປະເທດ ໂດຍສະເພາະແມ່ນຍຸດທະສາດ ແລະ ຄຳຂວັນຂອງວິທະຍາຄານ ປ້ອງກັນຊາດ ໄກສອນ ພົມວິ ຫານ, ເພື່ອທິດທາງໃນການຈັດ ຕັ້ງປະຕິບັດໃຫ້ມີຜົນສຳເລັດ ແລະ ມີຄຸນະພາບເພື່ອຕອບສະ ໜອງຄວາມຮຽກຮ້ອງຕ້ອງ ການໃນເງື່ອນໄຂໃໝ່, ຈົ່ງເພີ່ມ ທະວີ ແລະ ເສີມຂະຫຍາຍພາລະ ບົດບາດໜ້າທີ່ຄວາມຮັບຜິດ ຊອບທັດສະນະຄວາມເປັນແບບ ຢ່າງນຳໜ້າຂອງຄູໃຫ້ສົມກັບສັງ ຄົມໃຫ້ນາມະຍົດອັນສູງສົ່ງທີ່ ວ່າ: “ຄູແມ່ນແມ່ພິມຂອງຊາດ, ແມ່ນນັກວິສະວະກອນແຫ່ງດວງ ວິນຍານ” ແລະ ໃນຖານະທີ່ເປັນ ກຳລັງແຮງຕົ້ນຕໍ ແລະ ໄດ້ຮັບ ຄວາມເຊື່ອໝັ້ນຈາກນັກສຶກສາ ແລະ ສັງຄົມ ກໍຄືທົ່ວວິທະຍາ ຄານປ້ອງກັນຊາດ ໄກສອນ ພົມ ວິຫານ, ຈົ່ງໄດ້ເອົາໃຈໃສ່ປັບປຸງ ໂຄງການຫຼັກສູດ, ຄົ້ນຄວ້າຕຳ ລາສິດສອນ, ສືບຕໍ່ເຝິກຝົນຫຼໍ່ ຫຼອມຕົນເອງດ້ານຄຸນທາດການ ເມືອງ, ຄຸນສົມບັດຈັນຍາບັນ ຄວາມເປັນແບບຢ່າງຂອງຄູປະ ຕິວັດ ແລະ ຍົກລະດັບຄວາມຮູ້ ຄວາມສາມາດດ້ານວິຊາການ ຕ່າງໆ, ດຸໝັ່ນຄົ້ນຄວ້າຮໍ່າຮຽນ, ຕັ້ງໜ້າພັດທະນາຕົນເອງກ້າວ ຂຶ້ນຢ່າງບໍ່ຢຸດຢັ້ງ.
ຂ່າວຍັງໃຫ້ຮູ້ຕື່ມອີກວ່າ: ໃນ ວັນທີ 3 ແລະ 4 ຕຸລາ ຜ່ານມານີ້, ວິທະຍາຄານປ້ອງກັນຊາດ ໄກ ສອນ ພົມວິຫານ ຍັງໄດ້ຈັດກິດ ຈະກຳການແຂ່ງຂັນກີລາ ແລະ ສະແດງສິລະປະວັນນະຄະດີ ເພື່ອສະເຫຼີມສະຫຼອງວັນຄູແຫ່ງ ຊາດໃຫ້ມີບັນຍາກາດເບີກບານ ມ່ວນຊື່ນ, ໂດຍການເຂົ້າຮ່ວມ ເປັນປະທານຂອງ ພົນຈັດຕະວາ ຄຳຫຼ້າ ພັນໄຊຍະສຸກ ກຳມະການ ຄະນະພັກກະຊວງປ້ອງກັນປະ ເທດ, ຫົວໜ້າການເມືອງວິທະຍາ ຄານປ້ອງກັນຊາດ ໄກສອນ ພົມ ວິຫານ ຕະຫຼອດຮອດຄະນະພັກ- ຄະນະບັນຊາ, ພະນັກງານ, ຄູ- ອາຈານ, ນັກສຶກສາເຂົ້າຮ່ວມ.
ໂດຍ: ນ. ຄຳປ໋ອກ

ຂ່າວມື້ນີ້

ຂ່າວເດັ່ນ