Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 434  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງພັນ 103 ທະຫານແຂວງວຽງຈັນ ປັບປຸງຊັບຊ້ອນພະນັກງານຂັ້ນບັນຊາ

ພິທີປະກາດການຈັດຕັ້ງຂັ້ນ ພະນັກງານນຳພາ-ບັນຊາຢູ່ກອງພັນ 103 ທີ່ຂຶ້ນກັບກອງບັນຊາການທະຫານແຂວງວຽງຈັນ ພິທີປະກາດການຈັດຕັ້ງຂັ້ນ ພະນັກງານນຳພາ-ບັນຊາຢູ່ກອງພັນ 103 ທີ່ຂຶ້ນກັບກອງບັນຊາ ການທະຫານແຂວງວຽງຈັນ, ໄດ້ຈັດຂຶ້ນໃນວັນທີ 9 ຕຸລາ 2017 ນີ້, ໂດຍການເປັນປະທານ ຂອງທ່ານ ພົນຈັດຕະວາ ສີດາລໍ່ ຈົ່ງ ເຕັງເຈ້ຍຊ້າ ຮອງເລຂາພັກແຂວງ ເລຂາຄະນະພັກ ຫົວໜ້າ ການທະຫານ ກອງບັນຊາການ ທະຫານແຂວງວຽງຈັນ, ມີຄະ ນະພັກ-ຄະນະບັນຊາ, ແຂກຖືກ ເຊີນຈາກກົມກອງອ້ອມຂ້າງ ແລະ ພະນັກງານ-ນັກຮົບພາຍ ໃນກົມກອງເຂົ້າຮ່ວມ.

ໃນພິທີ ພັນໂທ ຄຳໄຫຼ ພັນວິ ໄລ ຮອງຫົວໜ້າຫ້ອງການເມືອງ ທະຫານແຂວງວຽງຈັນ, ໄດ້ຂຶ້ນ ຜ່ານຂໍ້ຕົກລົງຍົກຍ້າຍນາຍທະ ຫານຂອງກົມໃຫຍ່ການເມືອງ ກອງທັບ ສະບັບເລກທີ 4702/ ກມທ, ລົງວັນທີ 14 ກັນຍາ ປີ 2017, ອີງຕາມກົດໝາຍກອງ ທັບປະຊາຊົນລາວ ໃນໝວດທີ IV ມາດຕາ 21 ວ່າດ້ວຍການ ແຕ່ງຕັ້ງ, ຍົກຍ້າຍນາຍທະຫານ ແລະ ເປັນການປັບປຸງບູລະນະ ກົງຈັກການຈັດຕັ້ງນຳພາ-ບັນ ຊາໃນກຳລັງປະກອບອາວຸດໃຫ້ ເຂັ້ມແຂງໜັກແໜ້ນໃນຮອບດ້ານ ເຮັດສຳເລັດໜ້າທີ່ປົກປັກຮັກສາ ແລະ ສ້າງສາພັດທະນາປະເທດ ຊາດ, ກົມໃຫຍ່ການເມືອງກອງ ທັບຕົກລົງຍົກຍ້າຍ ພັນຕີ ສົມ ພອນ ທຳມະວົງ ຫົວໜ້າການທະ ຫານກອງພັນ 103 ຜູ້ເກົ່າໄປໃຫ້ ຫ້ອງເສນາທິການ ທະຫານ ແຂວງວຽງຈັນ, ຍົກຍ້າຍ ພັນຕີ ແກ້ວມະນີ ວົງພັນ ຫົວໜ້າການ ເມືອງກອງພັນ 103 ຜູ້ເກົ່າໄປ ໃຫ້ກອງບັນຊາການທະຫານ ເມືອງໝື່ນ ແລະ ຕົກລົງແຕ່ງຕັ້ງ ຮ້ອຍເອກ ບຸດດີ ດວງຜາສຸກ ເປັນຫົວໜ້າການທະຫານກອງ ພັນ 103, ແຕ່ງຕັ້ງ ພັນຕີ ສອນ ໄຊ ຈິດຕະວົງ ເປັນຫົວໜ້າການ ເມືອງ ກອງພັນ 103 ແລະ ຮ້ອຍ ເອກ ທອງວັນ ແສງດີ ເປັນຮອງ ການເມືອງ, ພ້ອມທັງບົ່ງຕົວ ແຕ່ງຕັ້ງຮ້ອຍເອກ ບຸດດີ ດວງຜາ ສຸກ ຫົວໜ້າການທະຫານ ເປັນ ເລຂາຄະນະພັກຮາກຖານ, ພັນຕີ ສອນໄຊ ຈິດຕະວົງ ເປັນຮອງເລ ຂາ ແລະ ຮ້ອຍເອກ ທອງວັນ ແສງດີ ເປັນກຳມະການ.
ໃນໂອກາດດັ່ງກ່າວ ທ່ານ ພົນຈັດຕະວາ ສີດາລໍ່ ຈົ່ງເຕັງ ເຈ້ຍຊ້າ ໄດ້ໃຫ້ການໂອ້ລົມຕໍ່ຜູ້ທີ່ ໄດ້ຮັບການຍົກຍ້າຍ ແລະ ຜູ້ທີ່ ໄດ້ຮັບໜ້າທີ່ໃໝ່, ເຊິ່ງໄດ້ເນັ້ນ ໜັກໃຫ້ຜູ້ທີ່ໄດ້ຮັບໜ້າທີ່ໃໝ່ ຈົ່ງ ຍົກສູງພາລະບົດບາດການຊີ້ ນຳ-ນຳພາບັນຊາຂອງຕົນໃຫ້ມີ ຄວາມໜັກແໜ້ນເຂັ້ມແຂງ, ໂດຍ ສະເພາະແມ່ນການຈັດຕັ້ງປະຕິ ບັດໜ້າທີ່ວຽກງານໃຫ້ມີປະສິດ ທິຜົນສູງ, ເອົາໃຈໃສ່ສຶກສາອົບ ຮົມການເມືອງນຳພາແນວຄິດ ໃຫ້ເຂັ້ມແຂງ, ມີຄວາມສາມັກຄີ ພາຍໃນໃຫ້ແໜ້ນແຟ້ນ, ປັບປຸງ ແບບແຜນການນຳພາ ເຮັດວຽກ ລວມສູນປະຊາທິປະໄຕເປັນໝູ່ ຄະນະແບ່ງໃຫ້ບຸກຄົນຮັບຜິດ ຊອບຕໍ່ໜ້າທີ່ການເມືອງຂອງຕົນ ເພື່ອເຮັດສຳເລັດໜ້າທີ່ ທີ່ພັກ- ລັດ ກໍຄືການຈັດຕັ້ງຂັ້ນເທິງມອບ ໝາຍໃຫ້ເປັນຢ່າງດີ.
+ ໂດຍ: ຈັນທະຈອນ ສີສະເກດ

ຂ່າວມື້ນີ້

ຂ່າວເດັ່ນ