Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 444  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ພິທີມອບ-ຮັບ ໂຄງການກໍ່ສ້າງໂຮງຮຽນທະຫານຊາຍແດນ 712 ກອງທັບປະຊາຊົນລາວ

ພິທີມອບ-ຮັບ ໂຄງການກໍ່ສ້າງໂຮງຮຽນທະຫານຊາຍແດນ 712 ກອງທັບປະຊາຊົນລາວ ໂຄງການກໍ່ສ້າງໂຮງຮຽນ ທະຫານຊາຍແດນ 712 ໄລຍະ ທີ 1 ຂອງກອງທັບປະຊາຊົນ ລາວ, ເປັນໂຄງການໜຶ່ງທີ່ໄດ້ຮັບການຊ່ວຍເຫຼືອລ້າຈາກກະຊວງປ້ອງກັນປະເທດ ສສ ຫວຽດ ນາມ ດ້ວຍວົງເງິນ 125 ຕຶ້ດົງ (ສະກຸນເງິນຫວຽດນາມ), ເຊິ່ງ ໄດ້ເລິ່ມລົງມືການກໍ່ສ້າງມາແຕ່ ວັນທີ 5 ກຸມພາ 2016 ໂດຍ ແມ່ນກຸ່ມບໍລິສັດ 36 ຫວຽດ ນາມ, ບໍລິສັດ ໂກເອໂກ ເຂດ 4 ຂອງກະຊວງປ້ອງກັນປະເທດ ແຫ່ງ ສສ ຫວຽດນາມ ເປັນຜູ້ ຮັບເໝົາກໍ່ສ້າງ ປັດຈຸບັນໂຄງ ການໄດ້ສໍາເລັດ 100%, ດັ່ງ ນັ້ນມາໃນຕອນເຊົ້າວັນທີ 10 ຕຸ ລາ 2017 ຈຶ່ງໄດ້ຈັດພິທີມອບ-ຮັບຂຶ້ນຢ່າງເປັນທາງການຢູ່ທີ່ ບ້ານສາມັກຄີໄຊ ຄຸ້ມສົມສະອາດ ເມືອງທ່າພະບາດ ແຂວງບໍລິຄຳໄຊ, ໂດຍ ການ

ໃຫ້ກຽດເຂົ້າຮ່ວມຂອງສະ ຫາຍພົນໂທ ສຸວອນ ເລືອງບຸນມີ ກຳມະການສູນກາງພັກ ຮອງ ລັດຖະມົນຕີກະຊວງປ້ອງກັນປະ ເທດ ຫົວໜ້າກົມໃຫຍ່ເສນາທິ ການກອງທັບ,ສະຫາຍ ຫງວຽນ ແທ່ງຕຸ່ງ ອຸປະທູດ ສສ ຫວຽດ ນາມປະຈຳລາວ, ສະຫາຍ ຄຳ ເຜີຍ ແກ້ວກິ່ນນາລີ ຮອງປະ ທານຜູ້ປະຈຳການຮ່ວມມື ລາວ-ຫວຽດນາມ, ພ້ອມດ້ວຍພະນັກ ງານທີ່ກ່ຽວຂ້ອງຂອງກອງທັບ ປະຊາຊົນລາວ-ຫວຽດນາມ ແລະ ແຂກທີ່ຖືກເຊີນເຂົ້າຮ່ວມ.
ສະຫາຍພັນໂທ ເຈຶ້ອງ ກົງທິ້ງ ຫົວໜ້າອຳນວຍການບໍລິສັດ 36 ຫວຽດນາມປະຈຳລາວ ຂຶ້ນ ກ່າວມອບໂຄງການກໍ່ສ້າງໂຮງ ຮຽນທະຫານຊາຍແດນ 712 ໄລຍະທີ 1 ໃຫ້ກົມທະຫານຊາຍ ແດນ ເປັນຜູ້ຄຸ້ມຄອງນຳໃຊ້, ພ້ອມທັງລາຍງານການກໍ່ສ້າງ ໂຄງການໃຫ້ຮູ້ວ່າ: ໂຄງການ ດັ່ງກ່າວກະຊວງປ້ອງກັນປະ ເທດແຫ່ງ ສປປ ລາວ ໄດ້ມອບ ໃຫ້ກົມທະຫານຊາຍແດນ ກົມ ໃຫຍ່ເສນາທິການກອງທັບ ເປັນ ເຈົ້າຂອງໂຄງການ ເພື່ອສົມທົບ ກັບຝ່າຍຫວຽດນາມ ຈັດຕັ້ງປະ ຕິບັດໂຄງການ ຕໍ່ມາໃນວັນທີ 9 ພະຈິກ 2015 ກົມທະຫານຊາຍ ແດນ ໄດ້ເຊັນສັນຍາຮັບເໝົາກໍ່ ສ້າງກັບກຸ່ມບໍລິສັດ 36 ຫວຽດ ນາມ, ບໍລິສັດ ໂກເອໂກເຂດ 4 ຂອງກະຊວງປ້ອງກັນປະເທດ ແຫ່ງ ສສ ຫວຽດນາມ ແລະ ໄດລົງມືດຳເນີນການກໍ່ສ້າງຕົວ ຈິງໃນວັນທີ 5 ກຸມພາ 2016 ເປັນຕົ້ນມາເຖິງປັດຈຸບັນ ລວມ ມີ 16 ລາຍການກໍ່ສ້າງ, ຕະ ຫຼອດໄລຍະທີ່ບໍລິສັດຜູ້ຮັບເໝົາ ໄດ້ດຳເນີນການກໍ່ສ້າງໂຄງ ການ, ຄະນະຮັບຜິດຊອບໂຄງ ການກໍ່ສ້າງ (ກົມທະຫານຊາຍ ແດນ) ໄດ້ຈັດຕັ້ງວິຊາການກໍ່ ສ້າງຈາກກົມໃຫຍ່ເສນາທິການ ກອງທັບ, ກອງບັນຊາການທະ ຫານແຂວງບໍລິຄຳໄຊ ເຂົ້າຮ່ວມ ຕິດຕາມຢ່າງໃກ້ຊິດ, ພ້ອມກັນ ນັ້ນຍັງໄດ້ລົງກວດກາຊຸກຍູ້ ແລະ ປະເມີນຜົນການກໍ່ສ້າງມາ ແຕ່ໄລຍະ ລວມທັງກວດກາຄັ້ງ ສຸດທ້າຍໃນວັນທີ 2 ຕຸລາ 2017 ຂອງຄະນະຮັບຜິດຊອບ ໂຄງການດັ່ງກ່າວຕາມແຜນ ການທີ່ໄດ້ກໍານົດໄວ້, ເຮັດໃຫ້ ໂຄງການກໍ່ສ້າງສຳເລັດຢ່າງຈົບ ງາມ ແລະ ມີຄຸນນະພາບດີ, ເຊິ່ງ ໂຮງຮຽນທະຫານຊາຍແດນ 712 ແຫ່ງນີ້ ແມ່ນໜຶ່ງໃນບັນ ດາໂຮງຮຽນວິຊາສະເພາະຂອງ ກອງທັບປະຊາຊົນລາວ ແຕ່ລົງ ເລິກທາງດ້ານວິຊາສະເພາະ ຂອງເຫຼົ່າຮົບທະຫານຊາຍແດນ, ເປັນແມ່ພິມໃນການກໍ່ສ້າງຖັນ ແຖວພະນັກງານ-ນັກຮົບທາງ ດ້ານວິຊາສະເພາະຊາຍແດນໃຫ້ ມີຄວາມຮູ້, ຄວາມສາມາດຕອບ ສະໜອງໃຫ້ກົມກອງ-ເຫຼົ່າຮົບ ໃນສະເພາະໜ້າ ແລະ ຍາວນານ ເພື່ອປະກອບສ່ວນເຂົ້າໃນການ ປົກປັກຮັກສາເອກະລາດ, ອຳ ນາດອະທິປະໄຕ ແລະ ຜືນແຜ່ນ ດິນອັນຄົບຖ້ວນຂອງຊາດໄວ້ໃຫ້ ໝັ້ນຄົງ.
ສະຫາຍ ພົນຈັດຕະວາ ສີພັນ ພຸດທະວົງ ຫົວໜ້າກົມທະຫານ ຊາຍແດນ ກົມໃຫຍ່ເສນາທິການ ກອງທັບປະຊາຊົນລາວ ໄດ້ຂຶ້ນ ກ່າວຮັບໂຄງການກໍ່ສ້າງໂຮງ ຮຽນທະຫານຊາຍແດນ 712 ຂອງກອງທັບປະຊາຊົນລາວ ທັງຢືນຢັນວ່າຈະຄຸ້ມຄອງປົກ ປັກຮັກສານໍາໃຊ້ໃຫ້ເກີດປະ ໂຫຍດສູງສຸດ.
ໂດຍ: ເພັດ ສົມນໍວັນ

ຂ່າວມື້ນີ້

ຂ່າວເດັ່ນ