Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 444  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຄີ່ງປີ ລາວໂທລະຄົມ ສາຂາແຂວງໄຊຍະບູລີ ມີຍອດກຳໄລ 15 ຕື້ກວ່າກີບ

  ສະມາຊິກພັກພະນັກງານລັດ ວິສາຫະກິດລາວໂທລະຄົມສາ ຂາແຂວງໄຊຍະບູລີ ໄດ້ຕັ້ງໜ້າ ບຸກບືນເຂົ້າໃນໜ້າທີ່ວິຊາສະ ເພາະຂອງຕົນດ້ວຍຄວາມຮັບ ຜິດຊອບສູງ. ສາມາດບໍລິການ ເຄືອຂ່າຍຂອງລາວໂທລະຄົມ ສາແຂວງໄຊຍະບູລີ ມີກຳໄລ ເຖິງ 15,26 ຕື້ກວ່າກີບ ໃນໄລຍະ 6 ເດືອນຜ່ານມານີ້.

  ທ່ານ ສົມພົງ ພີມມະລາດ ຮອງ ອຳນວຍການລັດວິສາຫະກິດ ລາວໂທລະຄົມ ສາຂາແຂວງ ໄຊຍະບູລີ ໄດ້ເປິດເຜີຍວ່າໃນ 6 ເດືອນຜ່ານມາລັດວິສາຫະກິດລາວ ໂທລະຄົມ ສາມາດສ້າງ ລາຍຮັບໄດ້ທັງໝົດ 29,11 ຕື້ກວ່າກີບເທົ່າກັບ 86,92% ໃນນີ້ມີກຳໄລ 15,26 ຕື້ກວ່າກີບ ມອບອາກອນໃຫ້ ແຂວງ 6,72 ຕື້ກວ່າກີບ. ຊຸກຍູ້ຊ່ວຍ ເຫຼືອ ເຂົ້າໃນການສຶກສາ ແລະ ອົງ ການຈັດຕັ້ງສັງຄົມຕ່າງໆ ມີ 63 ລ້ານ ກວ່າກີບ. ປັດຈຸບັນທົ່ວ ແຂວງ ມີຈຳນວນ Base GSM ທັງໝົດ 253 ແຫ່ງ. ໃນນີ້ມີ 2 G 122 ແຫ່ງ 3G ມີ 104 ແຫ່ງ 4 G ມີ 27 ແຫ່ງ, ມີສູນກາງໂທລະສັບ NGN (Msan) ທັງໝົດ 9 ແຫ່ງ, ມີເຄື່ອງ ATA 27 ແຫ່ງ ນຳໃຊ້
ຕົວຈິງ 88 ນໍ້າເບີ ຄວາມອາດສາມາດລວມທັງໝົດ 1.440 ເລກໝາຍນຳໃຊ້ຕົວຈິງພຽງ 1.179 ນໍ້າເບີ ການນຳໃຊ້ ອິນເຕີເນັດໃຊ້ສາຍ ADSL ມີ 100 ກວ່າຫົວໜ່ວຍ ແລະ ນຳໃຊ້ແບບ ເຂົ້າລະຫັດ Leased Line ມີ 40 ໜ່ວຍ, FTTH ມີ 153 ຫົວ ໜ່ວຍ.
  ທ່ານຍັງໃຫ້ຮູ້ຕື່ມວ່າ: ໃນ 6 ເດືອນຜ່ານມາສະຖິຕິການຊົມ ໃຊ້ຂອງລູກຄ້າແມ່ນເພີ່ມຂຶ້ນ ຍອດຂາຍບັດກໍມີລັກສະນະ ເພີ່ມຂຶ້ນເຊັ່ນ: ຂາຍຊິມເນັດໄດ້ 17.313 ຊິມ, ຂາຍ ແລະ ຕິດ ຕັ້ງ FTTH 53 ຫົວໜ່ວຍ, ຂາຍ HSPA ໄດ້ 40 ຊຸດ, ຂາຍໂທ ລະສັບ Winphone 2.090 ໜ່ວຍ ແລະ ຂາຍເບີ MPhone 9.073 ເບີ.
ຂ່າວ: ບຸນທີ ແສງຈັນທະລາ

ຂ່າວມື້ນີ້

ຂ່າວເດັ່ນ