Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 436  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ວິທະຍາຄານພະລາທິການ ແລະ ວິທະຍາຄານການແພດກອງທັບ ສະຫຼອງວັນຄູແຫ່ງຊາດ

ມອບຂອງຂວັນໃຫ້ພະນັກງານຄູ-ອາຈານ ຢູ່ ວພກ  ໃນວັນທີ 06 ຕຸລາ 2017 ວິທະຍາຄານການແພດກອງທັບ ໄດ້ສະເຫຼີມສະຫຼອງວັນຄູແຫ່ງ ຊາດ 7 ຕຸລາ 2017 ຄົບຮອບ 23 ປີ, ໂດຍໃຫ້ກຽດເຂົ້າຮ່ວມ ເປັນປະທານຂອງພັກເອກ ບົວ ສິງ ອິນທະວົງ ຫົວໜ້າກົມເສ ນາຮັກກອງທັບ, ມີຄະນະພັກ-ຄະນະບັນຊາ, ພະນັກງານ-ຄູອາ ຈານ, ນັກຮຽນ-ນັກສຶກສາ, ມີ ແຂກທີ່ຖືກເຊີນຈາກພາກສ່ວນ ຕ່າງໆເຂົ້າຮ່ວມ. ພັນໂທ ປອ ຈັນສະໝອນ ມະ ຫາວົງ ຫົວໜ້າການທະຫານວິທະຍາຄານ ການແພດກອງທັບ ໄດ້ຜ່ານບົດສະຫຼຸບການຮຽນ- ການສອນໃນ 1 ປີຜ່ານມາໄດ້ ສຳເລັດໂຄງການຫຼັກສູດ 98%

ສອບເສັງໄດ້ຄາດໝາຍ 100%, ໃນນັ້ນນັກຮຽນ-ນັກສຶກສາແຂງ ກວມເອົາ 68-75%, ສ່ວນຫ້ອງ ແພດຊັ້ນສູງມີໜຶ່ງຫ້ອງແມ່ນສຳ ເລັດຕາມຫຼັກສູດ ແລະ ສອບເສັງ ຈົບຊັ້ນໄດ້ 100%, ໃນພິທີກໍໄດ້ ຮັບຟັງປະຫວັດການເປັນມາ ຂອງວັນຄູແຫ່ງຊາດ 7 ຕຸລາ, ຍົກ ໃຫ້ເຫັນຂະບວນການຕໍ່ສູ້ຂອງຄູຄຳ ຕ້ານພວກລ່າ ເມືອງຂຶ້ນໃນປີ 1907, ຜົນງານດ້ານຕ່າງໆ ແລະ ລະນຶກເຖິງວີລະກຳ ແລະ ຄຸນງາມຄວາມດີຂອງຄູຄຳ ເຊິ່ງ ແມ່ນຄູລາວຄົນທຳອິດທີ່ມີຈິດໃຈ ຮັກຊາດ. ໃນໂອກາດດຽວກັນ ຍັງໄດ້ມອບຂອງຂວັນ ແລະ ໃບ ຍ້ອງຍໍ ໃຫ້ຄູ-ອາຈານຜູ້ທີ່ ສອນດີ, ສອນ ເກັ່ງ ແລະ ຄູອາວຸໂສ ບຳນານ ຕື່ມອີກ.
  ໃນວັນທີ 5 ຕຸລາ 2017 ນີ້, ວິທະ ຍາຄານພະລາທິການກອງທັບ ໄດ້ຈັດຕັ້ງພິທີສະເຫຼີມສະຫຼອງ ວັນຄູແຫ່ງຊາດຄົບຮອບ 23 ປີ ຂຶ້ນ, ໂດຍໃຫ້ກຽດເຂົ້າຮ່ວມເປັນ ປະທານຂອງພັນເອກ ແສງຈັນ ແກ້ວປັນຍາ ເລຂາ ຄະນະພັກ, ຫົວໜ້າການເມືອງວິທະຍາຄານ ມີ ບັນດາສະຫາຍພະນັກງານ, ຄູ ອາຈານຕະຫຼອດຮອດນັກຮຽນ-ນັກສຶກສາເຂົ້າຮ່ວມ.
ໂອກາດນີ້ພັນເອກ ແສງຈັນ ແກ້ວປັນຍາ ໄດ້ຫວນຄືນມູນເຊື້ອ ຄວາມເປັນມາຂອງວັນຄູແຫ່ງ ຊາດ ທັງນີ້ກໍເພື່ອເປັນການເຊີດ ຊູກຽດສັກສີຂອງຄູລາວທີ່ເປັນ ແມ່ພິມຂອງຊາດໃຫ້ສູງເດັ່ນຂຶ້ນ, ໂອກາດນີ້ນັກສຶກສາແຕ່ ລະພາກສ່ວນ, ແຕ່ລະສາຂາວິຊາຮຽນກໍ ໄດ້ນຳເອົາກະຕ່າຂອງຂວັນອວຍ ພອນຄະນະຄູ-ອາຈານຂອງແຕ່ ລະພາກສ່ວນຢ່າງເປັນຂະບວນ ຟົດຟື້ນ ທັງຍັງໄດ້ຮັບຟັງສານ ອວຍພອນແດ່ວັນຄູ 7 ຕຸລາຂອງ ນັກສຶກສາ ອີກດ້ວຍ.
ພັນເອກ ແສງຈັນ ແກ້ວປັນຍາ ໄດ້ສະແດງຄວາມຍ້ອງຍໍຊົມເຊີຍ ພ້ອມທັງຕີລາຄາສູງຕໍ່ຜົນງານທີ່ ສາມາດຍາດໄດ້ໄລຍະທີ່ຜ່ານ ມາຂອງບັນດາຄູ-ອາຈານໃນ ວິທະຍາຄານ, ພ້ອມກັນນັ້ນສະ ຫາຍກໍໄດ້ເນັ້ນໜັກໃຫ້ ຄູ-ອາຈານ ແຕ່ລະສະຫາຍຈົ່ງສືບຕໍ່ຄົ້ນຄວ້າ ເຊື່ອມຊຶມກຳແໜ້ນແນວທາງນະ ໂຍບາຍຂອງພັກ-ລັດ, ມະຕິຄຳ ສັ່ງ, ຂໍ້ກຳນົດກົດລະບຽບ ກໍຄືໜ້າ ທີ່ການເມືອງຂອງກົມກອງ ແລະ ເອົາໃຈໃສ່ເຝິກຝົນຫຼໍ່ຫຼອມຕົນ ເອງ, ຍົກສູງທາງດ້ານຄຸນທາດ ການເມືອງໜັກແໜ້ນ, ສືບຕໍ່ສິດ ສອນໃຫ້ມີຄຸນະພາບ, ຮັກສາ ແລະ ເສີມຂະຫຍາຍທີ່ຕັ້ງພາລະ ບົດບາດໜ້າທີ່ຂອງຜູ້ເປັນຄູ ເພື່ອ ສ້າງໃຫ້ໄດ້ບຸກຄະລາກອນໃຫ້ມີ ຄວາມຮູ້ຄວາມສາມາດ.
ຂ່າວຍັງໃຫ້ຮູ້ຕື່ມວ່າ: ເນື່ອງ ໃນໂອກາດວັນຄູແຫ່ງຊາດທີ 7 ຕຸລາ 2017 ຄົບຮອບ 23 ປີນີ້, ໄດ້ມີຫຼາຍພາກສ່ວນຄື: ກອງພົນ ທະຫານຮາບທີ 1, ກອງພັນໃຫຍ່ 11, ທະຫານນະຄອນຫຼວງ, ກອງພັນໃຫຍ່ 661, ໂຮງຮຽນລົດຕັງ, ທະຫານແຂວງວຽງຈັນ ແລະ ນັກສຶກສາຈາກລະບົບກໍ່ ສ້າງຍາວນານ ແລະ ກໍ່ສ້າງຊັ້ນ ກາງ, ກໍ່ສ້າງຊັ້ນສູງເລັ່ງລັດ, ວິ ທະຍາຄານພະລາທິການກອງ ທັບ ກໍໄດ້ເອົາກະຕ່າດອກໄມ້, ກະຕ່າຂອງຂວັນ ປະເພດຕ່າງໆເຂົ້າ ຮ່ວມອວຍພອນ ແລະ ມອບໃຫ້ ຄະນະພັກ-ຄະນະອຳນວຍການ, ຄູ-ອາຈານໃນວິທະຍາຄານພະ ລາທິການກອງທັບ, ໃນວັນທີ 5-6 ຕຸລາ 2017 ນີ້, ເພື່ອເປັນ ການສະແດງຄວາມກະຕັນຍູຮູ້ ບຸນຄຸນເຖິງຄຸນງາມຄວາມດີ ຂອງຄູ-ອາຈານທີ່ໄດ້ຕັ້ງໜ້າ ສຸມທຸກສະຕິປັນຍາ ແລະ ຢາດ ເຫື່ອເທແຮງເຂົ້າໃນການສຶກສາ ສິດສອນ ແລະ ຮ່ຳຮຽນກໍ່ສ້າງໃຫ້ ບັນດານາຍທະຫານພາຍໃນກົມ ກອງຕົນ, ນາຍ ແລະ ພົນທະຫານ ໃນຂອບເຂດທົ່ວປະເທດ.

ຂ່າວມື້ນີ້

ຂ່າວເດັ່ນ