Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 438  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ພິທີສະເຫຼີມສະຫຼອງ ວັນສ້າງຕັ້ງໜັງສືພິມ "ຄວາມສະຫງົບ" ຄົບຮອບ 20 ປີ

ພິທີສະເຫຼີມສະຫຼອງ ວັນສ້າງຕັ້ງໜັງສຶພິມ “ຄວາມສະຫງົບ” ຄົບຮອບ 20ປີ (12 ຕຸລາ 1997- 12 ຕຸລາ 2017)  ໃນວັນທີ 12 ຕຸລາ 2017ນີ້, ຢູ່ສະໂມສອນຕຶກກົມໂຄສະນາ-ອົບຮົມບັນນາທິການຂ່າວສານ ປກສ ໄດ້ຈັດພິທີສະເຫຼີມສະຫຼອງ ວັນສ້າງຕັ້ງໜັງສຶພິມ “ຄວາມ ສະຫງົບ” ຄົບຮອບ 20ປີ (12 ຕຸລາ 1997- 12 ຕຸລາ 2017). ໂດຍການເຂົ້າຮ່ວມເປັນປະທານ ຂອງພົນຈັດຕະວາ ອາລູ ວາລີຊື ຄະນະພັກກະຊວງ, ຫົວໜ້າກົມ ໃຫຍ່ການເມືອງກະຊວງປ້ອງ ກັນຄວາມສະຫງົບ, ມີຄະນະພັກ-ຄະນະບັນຊາ, ຕາງໜ້າຫ້ອງ ການກະຊວງ, ກົມໃຫ່ຍ, ກົມ, ກອງບັນຊາການ, ໂຮງຮຽນທີ່ ຂຶ້ນກັບກະຊວງປ້ອງກັນຄວາມສະຫງົບ, ພ້ອມດ້ວຍພະນັກງານ ແລະ ແຂກທີ່ຖືກເຊີນເຂົ້າຮ່ວມ.

ພັນໂທ ພອນສະຫວັນ ອຸດົມ ເພັດ ຮອງຫົວໜ້າຄະນະບັນນາ ທິການຂ່າວສານ ປກສ ຜູ້ຊີ້ ນຳໜັງສືພິມ ໄດ້ຂຶ້ນລາຍງານ ກ່ຽວກັບການກຳເນີດ, ປະຫວັດ ຄວາມເປັນມາ ແລະ ທິດທາງ ແຜນການພັດທະນາໜັງສືພິມ ຄວາມສະຫງົບສະຫາຍກ່າວ ວ່າ: ໜັງສືພິມຄວາມສະຫງົບແມ່ນ ກະບອກສຽງຂອງກຳລັງ ປກສ ເຮັດໜ້າທີ່ເປັນຂົວຕໍ່ລະຫວ່າງກຳ ລັງ ປກສ ກັບປະຊາຊົນ ແລະ ມີໜ້າທີ່ເຜີຍແຜ່ແນວທາງນະໂຍ ບາຍຂອງພັກ, ລະບຽບກົດໝາຍ ຂອງລັດທີ່ພົວພັນເຖິງວຽກງານ ແລະ ກຳລັງ ປກສ, ຄວາມເປັນ ລະບຽບຮຽບຮ້ອຍຂອງສັງຄົມ, ຕີແຜ່ກົນອຸບາຍມ້າງເພຂອງສັດຕູ ແລະ ຄົນບໍ່ດີ, ເພື່ອປະກອບສ່ວນ ສຶກສາອົບຮົມພະນັກງານລັດຖະ ກອນ, ກຳລັງປະກອບອາວຸດ ແລະ ປະຊາຊົນບັນດາເຜົ່າໃຫ້ ເຫັນ ໄດ້ບົດບາດຄວາມສຳຄັນ ຂອງກຳລັງ ປກສ, ເຫັນໄດ້ພັນ ທະໜ້າທີ່ຄວາມຮັບຜິດຊອບຂອງ ຕົນຕໍ່ວຽກງານປ້ອງກັນຄວາມ ສະຫງົບ, ປະກອບສ່ວນເປັນກະ ບອກສຽງຂອງພັກ, ຕອບຕ້ານ ຖ້ອຍທຳນອງໂຄສະນາໃສ່ຮ້າຍ ປ້າຍສີຂອງສັດຕູ ແລະ ພວກບໍ່ ດີເພື່ອປົກປ້ອງແນວທາງອັນຖືກ ຕ້ອງເປັນທຳຂອງພັກ ແລະ ລັດ ເຮົາ, ໜັງສືພິມຄວາມສະຫງົບ ແມ່ນສື່ສິ່ງພິມຊະນິດໜຶ່ງໃນພາ ຫະນະສື່ມວນຊົນຂອງກຳລັງ ປ້ອງກັນຄວາມສະຫງົບເປັນອົງ ການສື່ມວນຊົນຂອງກະຊວງ ປກສ ເອີ້ນວ່າ: ກອງບັນນາທິ ການໜັງສືພິມຄວາມສະຫງົບ. ນັບແຕ່ມື້ສ້າງຕັ້ງເປັນຕົ້ນມາ, ໜັງສືພິມຄວາມສະຫງົບໄດ້ຮັບ ການປັບປຸງ ແລະ ພັດທະນາຕົນ ເອງທາງດ້ານເນື້ອໃນ, ຮູບແບບ ແລະ ສີສັນຢ່າງຕໍ່ເນື່ອງ, ພັດທະ ນາຕົນເອງຕາມບາດກ້າວການ ຂະຫຍາຍຕົວແຕ່ນ້ອຍຫາໃຫ່ຍ ເບື້ອງຕົ້ນແມ່ນເລີ່ມຕົ້ນຈາກໜັງ ສືພິມລາຍເດືອນມາເປັນລາຍປັກ ( 15 ວັນ ), ກ້າວຂຶ້ນເປັນລາຍ ອາທິດ ແລະ ໃນປັດຈຸບັນໄດ້ ອອກເປັນລາຍວັນ, ບັນດາເນື້ອ ໃນຄໍລໍາຕົ້ນຕໍທີ່ໄດ້ຕີແຜ່ລົງໜ້າ ໜັງສືພິມຄວາມສະຫງົບ ໃນປັດ ຈຸບັນມີ: ສະຖານະການປະຈຳ ວັນ, ພັດທະນາກຳລັງ ປກສ, ສ້ຽນສັງຄົມ, ເລື່ອງສັ້ນ, ກາບ ກອນ, ວຽກຈິງຄົນແທ້, ຮຽນຮູ້ ກົດໝາຍ, ຂ່າວທ້ອງຖິ່ນ, ຄະດີ ຕ່າງແດນ, ເຫດການເດັ່ນຮອບ ໂລກ, ຮອບໂລກກີລາ, ຂອບຖະ ໜົນ, ຮູ້ໄວ້ໄດ້ປະໂຫຍດ, ຂ່າວ ພາບ ແລະ ມີການໂຄສະນາສິນ ຄ້າຈຳນວນໜຶ່ງ.
ໃນພິທີສະຫຼອງວັນສ້າງຕັ້ງ ໜັງສືພິມຄວາມສະຫງົບຄັ້ງນີ້ ຍັງໄດ້ມີການກ່າວເປີດເວັບໄຊ້ ຂອງໜັງສືພິມຄວາມສະຫງົບ ຢ່າງເປັນທາງການ ແລະ ຍັງໄດ້ ມີການມອບໃບຍ້ອງຍໍກະຊວງ ປ້ອງກັນຄວາມສະຫງົບໃຫ້ພະ ນັກງານ-ນັກຮົບຈຳນວນ 13 ສະ ຫາຍ, ໃບຍ້ອງຍໍກົມໃຫຍ່ການ ເມືອງປ້ອງກັນຄວາມສະຫງົບ ຈຳນວນ 8 ສະຫາຍ ຢ່າງສົມ ກຽດ.
ໂອກາດດັ່ງກ່າວນີ້ທ່ານປະ ທານພິທີ ຍັງໄດ້ໂອ້ລົມ ແລະ ຊີ້ ນຳແກ່ພະນັກງານວ່າ: ໜັງສືພິມ ແມ່ນອາວຸດຊະນິດໜຶ່ງທີ່ມີແສນ ອານຸພາບໃນການຕໍ່ສູ້ ແລະ ປົກ ປ້ອງຊົນຊັ້ນ ສາມາດປຸກລະ ດົມ ມວນຊົນໄດ້ຢ່າງຫຼວງຫຼາຍ, ເປັນຜະລິດຕະພັນທີ່ກຳນົດເວ ລາ ອັນແນ່ນອນ, ເປັນພາຫະນະ ແຈ້ງຂ່າວສະຖານະການ ແລະ ວິເຄາະສະຖານະການໄດ້ຢ່າງ ວ່ອງໄວ ແລະ ຕໍ່ເນື່ອງພາຍໃນ ແລະ ຕ່າງປະເທດ, ໜັງສືພິມຍັງ ເປັນສື່ສຳພັນລະຫວ່າງພັກກັບມະຫາຊົນ, ເປັນຜູ້ນຳເອົາແນວຄິດ ທິດສະດີປະຕິວັດຂອງພັກໄປສູ່ ປະຊາຊົນ, ທັງເປັນຜູ້ນຳເອົາ ຄວາມຄິດເຫັນ ແລະ ຄວາມມຸ່ງ ມາດປາຖະໜາຂອງມະຫາຊົນ ສ່ອງແສງໃຫ້ພັກລັດຊາບຢ່າງ ເປັນປະຈຳ, ເປັນຜູ້ເຜີຍແຜ່ບັນດາ ແນວທາງແຜນນະໂຍບາຍຂອງ ພັກ, ກົດໝາຍຂອງລັດ, ໃຫ້ມີ ຄວາມຮູ້ແນວຄິດທິດສະດີ ແລະ ວິທະຍາສາດໃຫ້ແກ່ສັງຄົມໄດ້ຢ່າງຕໍ່ເນື່ອງ, ເມື່ອທຽບກັບຄວາມ ຮຽກຮ້ອງຕ້ອງການທາງດ້ານຂໍ້ ມູນຂ່າວສານໃນປັດຈຸບັນແລ້ວ ເຫັນວ່າສື່ມວນຊົນກຳລັງ ປກສ ຂອງພວກເຮົາຍັງຈະຕ້ອງໄດ້ມີ ການປັບປຸງ ແລະ ພັດທະນາຕົນ ເອງໃນຫຼາຍດ້ານ ເພື່ອຫັນໄປສູ່ ຄຸນະພາບໃໝ່ທີ່ທັນສະໄໝ, ການ ນຳສະເໜີຂໍ້ມູນຂ່າວສານເພື່ອ ຕອບສະໜອງຄວາມຮຽກຮ້ອງ ຕ້ອງການໃຫ້ແກ່ສັງຄົມໃຫ້ຫຼາຍ ແລະອຸດົມສົມບູນກວ່າເກົ່າ. ພ້ອມ ນີ້ກໍຍັງຕ້ອງໄດ້ມີການກໍ່ສ້າງ ແລະ ພັດທະນາບຸກຄະລາກອນ ນັກຂ່າວ, ນັກຂຽນໃຫ້ມີຄຸນະ ພາບ, ປະກອບພາຫະນະອຸປະ ກອນຮັບໃຊ້ວິຊາສະເພາະຄົບ ຖ້ວນທັນສະໄໝ, ທັງໝົດນັ້ນກໍ ເພື່ອການປັບປຸງ ແລະ ພັດທະ ນາໜັງສືພິມຄວາມສະຫງົບໃຫ້ ກ້າວໄປສູ່ຄຸນະພາບອັນໃໝ່ ແລະ ທັນສະໄໝ.
ໂດຍ: ຄຳປ໋ອກ

ຂ່າວມື້ນີ້

ຂ່າວເດັ່ນ