Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 443  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຖະແຫຼງຂ່າວ ການຈັດປີທ່ອງທ່ຽວລາວ 2018

ຖະແຫຼງຂ່າວ ການຈັດປີທ່ອງທ່ຽວລາວ 2018   ຕອນເຊົ້າ ວັນທີ 12 ຕຸລາ 2017 ນີ້, ຄະນະຮັບຜິດຊອບຊີ້ ນຳລະດັບຊາດ ໃນການຈັດປີ ທ່ອງທ່ຽວລາວ 2018 ໄດ້ຈັດ ກອງປະຊຸມຖະແຫຼງຂ່າວກ່ຽວ ກັບການຈັດງານປີທ່ອງທ່ຽວ ລາວ 2018 ຂຶ້ນ ທີ່ໂຮງແຮມ ຄຣາວພລາຊາ, ນະຄອນຫຼວງ ວຽງຈັນ. ພາຍໃຕ້ການເປັນປະທານຂອງ ທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ແຫ່ງ ສປປ ລາວ, ປະທານຄະນະຮັບຜິດຊອບຊີ້ນຳລະດັບຊາດ, ມີຜູ້ຕາງໜ້າຈາກ ບັນດາ ຫົວໜ່ວຍທຸລະກິດຂອງ ພາກລັດ ແລະ ເອກະຊົນ, ບັນດາ ທູຕານຸທູດ, ອົງການຈັດຕັ້ງສາ ກົນ, ສື່ມວນຊົນ ທັງພາຍໃນ ແລະ ຕ່າງປະເທດ ພ້ອມດ້ວຍ ພາກສ່ວນກ່ຽວຂ້ອງເຂົ້າຮ່ວມ.

ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ປະ ທານຄະນະຮັບຜິດຊອບຊີ້ນຳລະ ດັບຊາດ ໄດ້ກ່າວວ່າ: ສປປ ລາວ ໄດ້ຈັດປີທ່ອງທ່ຽວລາວ 2 ຄັ້ງຜ່ານມາແລ້ວ ໃນປີ 1999-2000 ແລະ ປີ 2011-2012, ໂດຍເຫັນໄດ້ທ່າແຮງ ແລະ ຄວາມເປັນໄປໄດ້ໃນການພັດທະ ນາ, ສົ່ງເສີມການທ່ອງທ່ຽວ, ລັດຖະບານ ແຫ່ງ ສປປ ລາວ ຈຶ່ງໄດ້ອະນຸມັດໃຫ້ຈັດປີທ່ອງ ທ່ຽວລາວ 2018 ຂຶ້ນ, ເຊິ່ງປະ ກອບມີກິດຈະກໍາທັງພາຍໃນ ແລະ ຕ່າງປະເທດຄື: ກິດຈະກຳ ສະເຫລີມສະຫລອງປີທ່ອງທ່ຽວ ຢູ່ບັນດາແຂວງຂອບເຂດທົ່ວປະ ເທດ ມີທັງໝົດ 18 ກິດຈະກໍາ ບຸນປະເພນີປະຈຳແຂວງ; ການ ເຄື່ອນໄຫວ ແລະ ກິດຈະກຳປິ່ນ ອ້ອມຢູ່ພາຍໃນ: ການຈັດຂະ ບວນຄາລະວານລົດທ່ອງທ່ຽວ ຕາມເສັ້ນທາງແຫລ່ງທ່ອງທ່ຽວ ບາງແຂວງທາງພາກເໜືອ ແລະ ພາກໃຕ້; ລາຍການຢ້ຽມຢາມ ແຫຼ່ງທ່ອງທ່ຽວສຳລັບສື່ມວນ ຊົນເພື່ອໂຄສະນາຜະລິດຕະພັນ ແລະ ແຫລ່ງທ່ອງທ່ຽວຢູ່ ສປປ ລາວ; ກິດຈະກໍາສະເຫຼີມສະ ຫຼອງວັນທ່ອງທ່ຽວໂລກ, ບຸນ ມະໂຫລານສິລະປະການສະ ແດງພື້ນເມືອງບັນດາເຜົ່າທົ່ວປະ ເທດໃນບຸນພະທາດຫຼວງວຽງ ຈັນ, ລາຍການທ່ອງທ່ຽວຂີ່ລົດ ຖີບອາຊຽນ, ການແຂ່ງລົດຈັກວິ ບາກ, ລົດໃຫຍ່ວິບາກ, ກິດຈະ ກຳປີນໜ້າຜາ ແລະ ອື່ນໆ; ການ ເຄື່ອນໄຫວ ແລະ ກິດຈະກຳທີ່ ປິ່ນອ້ອມຢູ່ຕ່າງປະເທດປະກອບ ມີຈັດງານວັນລາວ ໃນງານ ATF 2018 ຢູ່ຊຽງໃໝ່ ປະ ເທດໄທ, ຈັດງານຄອກເທວ ຢູ່ ITB Berlin 2018 ປະເທດ ເຢຍລະມັນ, ງານວາງສະແດງ ທ່ອງທ່ຽວສາກົນ SMT ຢູ່ ປາຣີ ປະເທດຝຣັ່ງ, ຈັດງານວັນລາວ ທີ່ງານ Lao Festival ທີ່ໂຕ ກຽວ ປະເທດຍີ່ປຸ່ນ, ຈັດງານວັນ ລາວ ໃນງານ ITE HCM ຢູ່ນະ ຄອນໂຮ່ຈີມິນ ສສ ຫວຽດນາມ ແລະ ງານວາງສະແດງທ່ອງ ທ່ຽວສາກົນ WTM ຢູ່ ລອນ ດອນ ປະເທດອັງກິດ.
ຫລັງຈາກນັ້ນ, ທ່ານ ສອນໄຊ ສີພັນດອນ ໄດ້ເປີດເວທີ ຖາມ-ຕອບ ບັນຫາຂໍ້ຂ້ອງໃຈຂອງບັນ ດາສື່ມວນຊົນ. ພ້ອມທັງສະແດງ ຄວາມເຊື່ອໝັ້ນວ່າ: ໃນການ ກະກຽມຈັດປີທ່ອງທ່ຽວລາວ 2018 ນີ້, ປາສະຈາກບໍ່ໄດ້ ຈາກການຮ່ວມແຮງຮ່ວມໃຈ, ການຮ່ວມມື, ການປະກອບ ສ່ວນ ແລະ ສະໜັບສະໜູນເຊິ່ງ ກັນ ແລະ ກັນຂອງບັນດາຫົວ ໜ່ວຍທຸລະກິດຈາກພາກລັດ, ເອ ກະຊົນ ແລະ ບັນດາອົງການຈັດ ຕັ້ງສາກົນຕ່າງໆ ເພື່ອເປັນເຈົ້າ ພາບໃນການຈັດງານດັ່ງກ່າວ, ໃຫ້ບັນລຸຕາມຈຸດປະສົງ ແລະ ຄາດໝາຍທີ່ວາງໄວ້.
ໂດຍ: ບຸນທະວີ ອິນທະມິດ

ຂ່າວມື້ນີ້

ຂ່າວເດັ່ນ