Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 443  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ນາຍົກລັດຖະມົນຕີ ແຫ່ງ ສປປ ລາວ ຢ້ຽມຢາມ ສ. ອິນໂດເນເຊຍ

ພິທີຕ້ອນຮັບຢ່າງເປັນທາງການ ນາຍົກລັດຖະມົນຕີ ແຫ່ງ ສປປ ລາວ ຢ້ຽມຢາມ ສ. ອິນໂດເນເຊຍ  ຕອບສະໜອງຕາມຄໍາເຊີນ ຂອງ ພະນະທ່ານ ໂຈໂກ ວີໂດໂດ ( Joko Widodo) ປະທານາ ທິບໍດີແຫ່ງ ສ ອິນໂດເນເຊຍ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມຄະນະ ໄດ້ເດີນ ທາງໄປຢ້ຽມຢາມ ສ ອິນໂດເນເຊຍຢ່າງເປັນ ທາງການ ແຕ່ວັນທີ 11 ຫາ 12 ຕຸລາ 2017 ນີ້. ການຢ້ຽມຢາມ ຄັ້ງນີ້ແມ່ນເປັນຄັ້ງທໍາອິດນັບແຕ່ ທ່ານຂຶ້ນດໍາລົງຕໍາແໜ່ງ ເປັນນາ ຍົກລັດຖະມົນຕີແຫ່ງ ສປປ ລາວ. ການຢ້ຽມຢາມດັ່ງກ່າວໄດ້ດໍາ ເນີນຢູ່ໃນປີ ທີ່ສອງປະເທດລາວ ແລະ ອິນໂດເນເຊຍພ້ອມກັນສະ ເຫຼີມສະຫຼອງວັນສ້າງຕັ້ງສາຍ ພົວພັນການທູດນໍາກັນ ຄົບຮອບ 60 ປີ ເຊິ່ງເປັນນິມິດໝາຍອັນດີໃຫ້ແກ່ການເສີມຂະ ຫຍາຍສາຍພົວພັນມິດຕະພາບ ແລະ ການຮ່ວມ ມືອັນດີງາມລະຫວ່າງສອງປະເທດທີ່ມີມາແຕ່ດົນນານ ແລ້ວນັ້ນໃຫ້ນັບມື້ແໜ້ນແຟ້ນຂຶ້ນ ເລື້ອຍໆ.

ພິທີຕ້ອນຮັບທາງການໄດ້ຈັດ ຂຶ້ນຢ່າງສົມກຽດທີ່ ທຳນຽບປະ ທານາທິບໍດີ ໂບໂກ (Bogor) ທີ່ນະຄອນຫຼວງຈາກາຕາ, ຫຼັງ ຈາກນັ້ນທັງສອງຝ່າຍໄດ້ເຂົ້າ ຮ່ວມພົບປະຢ່າງເປັນທາງການ, ເຊິ່ງຕ່າງຝ່າຍໄດ້ສະແດງ ຄວາມ ຊົມເຊີຍ ແລະ ຕີລາຄາສູງຕໍ່ສາຍ ພົວພັນແລະມິດຕະພາບການ ຮ່ວມມື, ສະໜັບສະໜູນໃຫ້ການ ຊ່ວຍເຫຼືອເຊິ່ງກັນ ແລະ ກັນໃນ ລະດັບພາກພື້ນ ແລະ ສາກົນ, ທັງສອງຝ່າຍຍັງໄດ້ສືບຕໍ່ແລກ ປ່ຽນຄະນະຜູ້ແທນ ໃນທຸກລະດັບ ຕະຫຼອດການພົວພັນລະຫວ່າງປະຊາຊົນທັງສອງຊາດນຳກັນ, ປະຕິບັດບົດບັນທຶກຄວາມເຂົ້າໃຈ ແລະ ສັນຍາວ່າດ້ວຍການບໍລິການທາງອາກາດທີ່ໄດ້ເຊັນກັນ ແລ້ວນັ້ນໃຫ້ໄດ້ຈັດຕັ້ງປະຕິບັດ ເປັນຮູບປະ ທຳ ຢ່າງມີປະສິດທິຜົນຫຼາຍຂຶ້ນ, ທັງສອງຝ່າຍເຫັນດີໃນ ການ ຮ່ວມມືຂົງເຂດເສດຖະກິດ-ການຄ້າ, ການລົງທຶນ, ການສຶກ ສາ-ວັດທະນະທຳ, ສາທາລະນະ ສຸກ, ໂທລະຄົມມະນາຄົມ ແລະ ການສື່ສານ, ກີລາ, ທ່ອງທຽ່ວ ແລະ ຂະແໜງອື່ນໆອີກ.
  ໃນໂອກາດດັ່ງກ່າວ ພະນະ ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ສະແດງຄວາ ຂອບ ໃຈຕໍ່ການຕ້ອນຮັບຢ່າງອົບອຸ່ນ ແລະ ສົມກຽດ ແລະ ຂອບໃຈ ຕໍ່ລັດຖະບານອິນໂດເນເຊຍໃນການຊ່ວຍເຫຼືອສະໜັບສະໜູນ ສ້າງຊັບພະຍາກອນມະນຸດ ແລະ ສະໜັບສະໜູນ ສປປ ລາວ ເປັນ ປະທານອາຊຽນ ປີ 2016, ທັງ ໃນໄລຍະຜ່ານມາແລະ ປັດຈຸບັນ.
  ໃນໂອກາດດຽວກັນນີ້, ພະນະ ທ່ານ ປະທານາທິບໍດີ ໂຈໂກ ວີໂດໂດ ໄດ້ສະແດງຄວາມຍິນ ດີຕ້ອນຮັບພະນະທ່ານນາຍຍົກ ລັດຖະມົນຕີ ພ້ອມດ້ວຍຄະນະໃນການຢຽ້ມຢາມຄັ້ງນີ້ ແລະຂອບ ໃຈຕໍ່ລັດຖະບານ ສປປ ລາວ ໃນການສະໜັບສະໜູນສາທາລະ ນະລັດ ອິນໂດເນເຊຍ ໃນການສະໝັກເລືອກຕັ້ງເປັນສາມະຊິກສະພາ ບໍລິຫານອົງການ ຢູເນັດສໂກ (UNESCO) ແລະ ສາ ມະຊິກອົງການຈັດຕັ້ງສາກົນ ຕ່າງໆ ໂດຍສະເພາະ ໃນຂອບ ອົງການສະຫະປະຊາຊາດໃນໄລ ຍະຜ່ານມາ.
  ຫຼັງຈາກພົບປະກັນຢ່າງເປັນ ທາງການ ພະນະທ່ານ ປະທາ ນາທິບໍດີ ໂຈໂກ ວີໂດໂດ ແລະ ພະນະທ່ານນາຍົກລັດຖະມົນຕີ ທອງລຸນ ສີສຸລິດ, ໄດ້ເຂົ້າຮ່ວມ ເປັນສັກຂີພະຍານ ໃນການລົງ ນາມບົດບັນທຶກຄວາມເຂົ້າ ໃຈ 4 ສະບັບຄື: 1. ບົດບັນທຶກຄວາມ ຊົງຈຳ ວ່າດ້ວຍການຮ່ວມມືດ້ານ ການສືກສາຂັ້ນສູງ, 2. ບົດບັນ ທຶກຄວາມຊົງຈຳວ່າດ້ວຍການ ຮ່ວມມືດ້ານການສຶກສາຂັ້ນພື້ນ ຖານ, 3. ບົດບັນທຶກຄວາມຊົງຈຳ ວ່າດ້ວຍ ການຄວບຄຸມຢາເສບ ຕິດ, ວັດຖຸອອກລິດຕໍ່ປະສາດ ແລະ ສານເຄມີ ທ່ີໃຊ້ໃນການຜະ ລິດຢາເສດຕິດ ແລະ 4. ບົດບັນ ທຶກຄວາມຊົງຈຳ ວ່າດ້ວຍການ ຮ່ວມມື ດ້ານສະພາການຄ້າ ແລະ ອຸດສາຫະກຳ.
  ຈາກນັ້ນສອງຜູ້ນຳ ໄດ້ຮ່ວມ ກັນຖະແຫຼງຂ່າວກ່ຽວກັບຜົນ ພົບປະສອງຝ່າຍໃຫ້ສື່ມວນຊົນທີ່ ມີຄວາມສົນໃຈ. ການຢຽ້ມຢາມ ສ ອິນໂດເນເຊຍ ຄັ້ງນີ້ ທ່ານນາຍົກລັດຖະມົນຕີເຮົາພ້ອມດ້ວຍຄະນະ ຍັງໄດ້ໄປວາງ ພວງມາລາ ທີ່ ອະນຸສາວະລີນັກຮົບແຫ່ງຊາດ, ເຂົ້າຮ່ວມພິທີເປີດກອງປະຊຸມ ພາກທຸລະກິດ ລະຫວ່າງ ລາວ ແລະ ອິນໂດເນເຊຍ ແລະ ຢ້ຽມ ຊົມງານວາງສະແດງສິນຄ້າ ຂອງອິນໂດເນເຊຍອີກດວ້ຍ.
ສຳລັບ ທ່ານ ນາງ ນາລີ ສີສຸລິດ ພັນລະຍານາຍົກເຮົາໄດ້ ເຄື່ອນໄຫວຢ້ຽມຊົມຜະລິດຕະ ພັນແຜ່ນແພບາຕິກ ແລະ ຫັດຖະ ກຳຂອງອິນໂດເນເຊຍ, ຊົມຮ້ານ ຄ້າ ແລະ ພື້ນຖານການຜະລິດ ອື່ນໆທີ່ທາງ ເຈົ້າພາບຈັດໃຫ້.
ການຢຽ້ມຢາມ ສາທາລະນະ ລັດ ອິນໂດເນເຊຍຄັ້ງນີ້ ພະນະ ທ່ານນາຍົກລັດຖະມົນຕີເຮົາຍັງ ໄດ້ເຊື້ອເຊີນ ທ່ານ ໂຈໂກ ວີໂດໂດ ປະທານາທິບໍດີແຫ່ງ ສ ອິນໂດເນ ເຊຍ ພ້ອມດ້ວຍພັນລະຍາມາ ຢ້ຽມຢາມ ສປປ ລາວ ໃນໂອ ກາດທີ່ເໝາະສົມອີກດ້ວຍ.

ຂ່າວມື້ນີ້

ຂ່າວເດັ່ນ