Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 90  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຄື່ອນຍ້າຍອັດຖິນັກຮົບແຂ່ງຂັນ ແລະ ພະນັກງານຂັ້ນສູງມາສະຖິດໄວ້ສຸສານນັກຮົບປະຕິວັດແຫ່ງຊາດ

ເຄື່ອນຍ້າຍອັດຖິນັກຮົບແຂ່ງຂັນ ແລະ ພະນັກງານຂັ້ນສູງມາສະຖິດໄວ້ສຸສານນັກຮົບປະຕິວັດແຫ່ງຊາດ ຕອນບ່າຍ ວັນທີ 10 ພະ ຈິກ 2017 ນີ້, ທີ່ສຸສານນັກຮົບ ປະຕິວັດແຫ່ງຊາດ (ຫຼັກ 24) ນະຄອນຫຼວງວຽງຈັນ, ກະຊວງ ປ້ອງກັນປະເທດໄດ້ຈັດພິທີ ເຄື່ອນຍ້າຍອັດຖິນາຍທະຫານ, ວີລະຊົນ, ນັກຮົບແຂ່ງຂັນ ແຫ່ງ ຊາດ, ພະນັກງານປະຕິວັດຂັ້ນ ສູງທີ່ເສຍສະຫຼະຊີວິດອຸທິດ ເລືອດເນື້ອເຫື່ອແຮງໃນພາລະ ກິດການຕໍ່ສູ້ປົດປ່ອຍຊາດ, ປົກ ປັກຮັກສາ ແລະ ສ້າງສາປະ ເທດຊາດຈາກທີ່ຕັ້ງເດີມມາສະ ຖິດໄວ້ທີ່ສຸສານນັກຮົບປະຕິວັດ ແຫ່ງຊາດ ເຊິ່ງເປັນຊຸດທີ IX (ປະຈຳປີ 2017) ໂດຍການ ເປັນປະທານຂອງທ່ານ ພົນຈັດ ຕະວາ ວັນທອງ ກອງມະນີ ກຳ ມະການຄະນະພັກກະຊວງ, ຮອງຫົວໜ້າກົມໃຫຍ່ການເມືອງ ກອງທັບ, ມີບັນດາຜູ້ຕາງໜ້າ ຈາກອົງການຈັດຕັ້ງ ພັກ-ລັດ,

ນາຍ ແລະ ພົນທະຫານ, ພ້ອມ ດ້ວຍຄອບຄົວ, ຍາດພີ່ນ້ອງ ແລະ ພາກສ່ວນກ່ຽວຂ້ອງເຂົ້າ ຮ່ວມ.
ໃນພິທີດັ່ງກ່າວ, ທ່ານ ພົນຈັດ ຕະວາ ວັນທອງ ກອງມະນີ ໄດ້ ກ່າວຄຳສະດຸດີບາງຕອນວ່າ: ໃນທ່າມກາງຄວາມຄິດຮອດຄິດ ເຖິງ ແລະ ອາໄລອາວອນຂອງ ຄອບຄົວຍາດພີ່ນ້ອງ ແລະ ການ ຈັດຕັ້ງ ເຊິ່ງການຈັດຕັ້ງຂັ້ນເທິງ ພັກ-ລັດ ແລະ ປະຊາຊົນບັນດາ ເຜົ່າຮູ້ໄດ້ຄຸນງາມຄວາມດີຂອງ ບັນດາສະຫາຍນັກຮົບແຂ່ງຂັນ ແຫ່ງຊາດ, ນາຍທະຫານຂັ້ນ ສູງ, ພະນັກງານປະຕິວັດອາວຸ ໂສທີ່ເສຍຊີວິດ ເຊິ່ງໄດ້ອຸທິດ ເລືອດເນື້ອເຫື່ອແຮງເຂົ້າໃນການ ຕໍ່ສູ້ປົດປ່ອຍຊາດ, ປົກປັກຮັກສາ ແລະ ສ້າງສາປະເທດຊາດຜ່ານ ມາ. ເພື່ອເປັນການສະແດງເຖິງ ຄວາມກະຕັນຍູຮູ້ບຸນຄຸນຕໍ່ຜູ້ທີ່ມີ ຜົນງານ ແລະ ຄຸນງາມຄວາມ ດີເຫຼົ່ານັ້ນ ການຈັດຕັ້ງ ພັກ-ລັດ ກະຊວງປ້ອງກັນປະເທດ ພ້ອມ ບັນດາຍາດພີ່ນ້ອງຈຶ່ງໄດ້ຈັດພິທີ ເຄື່ອນຍ້າຍເອົາອັດຖິນຜູ້ທີ່ເສຍຊີ ວິດຈາກທີ່ຕັ້ງເດີມ, ມາສະຖິດ ໄວ້ຢູ່ສຸສານນັກຮົບປະຕິວັດແຫ່ງ ຊາດ ຫຼັກ 24​ ແຫ່ງນີ້, ທັງນີ້ກໍ ເພື່ອສະແດງເຖິງຄວາມຮູ້ບຸນຄຸນ ຕໍ່ຜູ້ທີ່ມີຜົນງານ, ກຽດຕິຄຸນ ແລະ ວີລະກຳລໍ້າເລີດຂອງພວກ ເພິ່ນເຫຼົ່ານັ້ນທີ່ໄດ້ອຸທິດສະຕິປັນ ຍາເຫື່ອແຮງ ແລະ ຊີວິດຂອງ ຕົນເພື່ອປະເທດຊາດ, ເພື່ອປະ ຊາຊົນລາວບັນດາເຜົ່າ.
ການຈັດຕັ້ງພິທີຄັ້ງນີ້ໄດ້ມີອັດ ຖິພະນັກງານປະຕິວັດອາວຸໂສ, ນັກຮົບແຂ່ງຂັນ ແລະ ນາຍທະ ຫານທີ່ເສຍຊີວິດຜູ້ທີ່ມີຜົນງານ ທັງໝົດ 32 ອັດຖິ, ພິທີໄດ້ດຳ ເນີນໄປຢ່າງເປັນລະບຽບຮຽບ ຮ້ອຍ, ສົມກຽດ ແລະ ຖືກຕ້ອງ ຕາມຮີດຄອງປະເພນີທາງພຸດ ທະສາດສະໜາ.
ໂດຍ: ບຸນທະວີ ອິນທະມິດ

ຂ່າວມື້ນີ້

ຂ່າວເດັ່ນ