Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 91  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະພາແຫ່ງຊາດພິຈາລະນາຮັບຮອງເອົາຮ່າງກົດໝາຍ 2 ສະບັບ

 ກອງປະຊຸມ ສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ VIII ໃນວັນທີ 13-14 ພະ ຈິກ 2017, ບັນດາ ສສຊ ແຕ່ລະ ເຂດເລືອກຕັ້ງເຫັນດີດ້ວຍຄະ ແນນສຽງສ່ວນຫຼາຍຮັບຮອງ ເອົາຮ່າງກົດໝາຍ 2 ສະບັບວ່າ ດ້ວຍ ອຸຕຸນິຍົມ ແລະ ອຸທົກກະ ສາດ ສະບັບສ້າງຂຶ້ນໃໝ່ ແລະ ຮ່າງກົດໝາຍວ່າດ້ວຍການດຳ ເນີນຄະດີອາຍາສະບັບປັບປຸງທີ່ ມີຄວາມຈຳເປັນໃນການນຳໄປ ຈັດຕັ້ງປະຕິບັດໃຫ້ມີຄວາມສອດ ຄ່ອງກັບການພັດທະນາເສດຖະ ກິດ-ສັງຄົມຂອງປະເທດໃນຕໍ່ ໜ້າ.

ໃນກອງປະຊຸມ ພາຍຫຼັງທີ່ ປະທານກອງປະຊຸມມີຄຳເຫັນ ເຈາະຈີ້ມໃສ່ຮ່າງກົດໝາຍ 2 ສະ ບັບດັ່ງກ່າວ ແລ້ວບັນດາ ສສຊ ໄດ້ສຸມໃສ່ພິຈາລະນາ ແລະ ປະ ກອບຄຳຄິດຄຳເຫັນຫຼາຍບັນຫາ ສຳຄັນເຊັ່ນ: ການປັບປຸງດ້ານ ເນື້ອໃນ, ໂຄງສ້າງ, ການເພີ່ມ ເຕີມບາງຄຳສັບເພື່ອເຮັດໃຫ້ມີເນື້ອໃນຈະແຈ້ງຂຶ້ນກວ່າເກົ່າໃຫ້ ແທດເໝາະກັບຄວາມເໝາະສົມ ໃນນະໂຍບາຍຂອງລັດ.
ຕໍ່ກັບຮ່າງກົດໝາຍອຸຕຸນິຍົມ ແລະ ອຸທົກກະສາດ ສະບັບສ້າງ ຂຶ້ນໃໝ່ແມ່ນວຽກງານວິທະຍາ ສາດຂະແໜງການໜຶ່ງທີ່ດຳເນີນ ການປະຕິບັດວຽກງານຢ່າງເປັນ ເອກະພາບໃນຂອບເຂດທົ່ວປະ ເທດ ແລະ ມີຄວາມຈຳເປັນຮອບ ດ້ານໃນການປະກອບສ່ວນເຂົ້າ ໃນວຽກງານພັດທະນາເສດຖະກິດ-ສັງຄົມ ໂດຍສະເພາະກໍ່ສ້າງ ພື້ນຖານໂຄ່ງລ້າງ ແລະ ທັງເປັນ ການແຈ້ງເຕືອນໄພລ່ວງໜ້າໃຫ້ ແກ່ສັງຄົມໃຫ້ທັນກັບສະພາບ ການເພື່ອຫລຸດຜ່ອນຜົນເສຍຫາຍ ທີ່ເກີດຂຶ້ນຈາກໄພທຳມະຊາດ ເຊິ່ງປັດຈຸບັນສະພາບອາກາດໄດ້ ມີການປ່ຽນແປງ (ໄພນໍ້າຖ້ວມ ແລະ ໄພແຫ້ງແລງ) ນັບມື້ຮຸນ ແຮງ ແລະ ຖີ່ຂຶ້ນເລື້ອຍໆ ເຊິ່ງ ປະເທດເຮົາ ແລະ ບັນດາປະເທດ ທົ່ວໂລກພວມປະເຊີນໜ້າກັບໄພ ຂົ່ມຂູ່ດັ່ງກ່າວໃນປັດຈຸບັນ, ສະ ນັ້ນແລ້ວຈຶ່ງໄດ້ສ້າງຮ່າງກົດ ໝາຍສະບັບດັ່ງກ່າວຂຶ້ນມາເພື່ອ ໃຫ້ສອດຄ່ອງກັບສະພາບ, ເງື່ອນ ໄຂ ແລະ ຄວາມຕ້ອງການໃນ ການພັດທະນາແຕ່ລະໄລຍະ, ເປັນການຮັບມືກັບສະພາບການ ປ່ຽນແປງດິນຟ້າອາກາດໃນປັດ ຈຸບັນ. ເຊິ່ງຮ່າງກົດໝາຍວ່າດ້ວຍ ອຸຕຸນິຍົມ ແລະ ອຸທົກກະສາດປະ ກອບມີ 11 ພາກ 6 ໝວດ ແລະ 71 ມາດຕາ. 

ກອງປະຊຸມດຳເນີນມາຮອດ ວັນທີ 14 ພະຈິກ 2017 ສະພາ ແຫ່ງຊາດໄດ້ພິຈາຮັບຮອງເອົາ ຮ່າງກົດໝາຍວ່າດ້ວຍການດຳ ເນີນຄະດີອາຍາສະບັບປັບປຸງທີ່ ສະເໜີໂດຍ ທ່ານ ຄຳສານ ສຸວົງ ຫົວໜ້າອົງການໄອຍະການປະຊ າຊົນສູງສຸດ ເຊິ່ງເປັນກົດໝາຍ ສະບັບໜຶ່ງທີ່ມີຄວາມສຳຄັນ ແລະ ຈຳເປັນຕ້ອງໄດ້ປັບປຸງບາງມາດ ຕາເພື່ອໃຫ້ສອດຄ່ອງກັບລັດຖະ ທຳມະນູນ ແລະ ກົດໝາຍອື່ນ, ພ້ອມກັນນີ້ກໍເປັນການຕອບສະ ໜອງຄວາມຮຽກຮ້ອງຕ້ອງການ ຂອງການພັດທະນາເສດຖະກິດ-ສັງຄົມໃນໄລຍະໃໝ່ ແລະ ເພື່ອ ໃຫ້ສອດຄ່ອງກັບລະບົບການດຳ ເນີນຄະດີອາຍາຂອງພາກພື້ນ ແລະ ສາກົນ,ທັງຮັບປະກັນການ ຮ່ວມມື ແລະ ຊ່ວຍເຫຼືອທາງດ້ານ ຍຸຕິທຳທາງອາຍາໃຫ້ມີປະສິດທິ ພາບຍິ່ງໆຂຶ້ນ, ປະກອບສ່ວນ ເຂົ້າໃນການຕ້ານ ແລະ ສະກັດ ກັ້ນອາຊະຍາກຳໃຫ້ນັບມື້ຫຼຸດ ລົງ. ສຳລັບຮ່າງກົດໝາຍສະບັບ ດັ່ງກ່າວປະກອບມີ XV ພາກ, 31 ໝວດ ແລະ 275 ມາດຕາ ແມ່ນຍັງຮັກສາໄວ້ຄືເກົ່າ. ການ ປັບປຸງໃນເທື່ອນີ້ແມ່ນປັບປຸງສະ ເພາະເນື້ອໃນ ແລະ ໂຄງສ້າງ ຂອງກົດໝາຍຕົ້ນຕໍ່ແມ່ນສຸມໃສ່ ກ່ຽວກັບພາກການດຳເນີນການ ສືບສວນ-ສອບສວນ, ວິທີການ ສືບສວນ-ສອບສວນ ແລະ ມາດ ຕະການສະກັດກັ້ນ, ການດຳເນີນ ຄະດີຢູ່ສານຂັ້ນຕົ້ນ, ຂັ້ນອຸທອນ ແລະ ຂັ້ນລົບລ້າງ ແລະ ພາກປະ ຕິບັດຄຳຕົກລົງຂອງສານຕ່າງໆ.

ຂ່າວມື້ນີ້

ຂ່າວເດັ່ນ