Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 90  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ວາງສີລາລຶກໂຄງການກໍ່ສ້າງໂຮງໝໍມະໂຫສົດ 600 ຕຽງ

ວາງສີລາລຶກໂຄງການກໍ່ສ້າງໂຮງໝໍມະໂຫສົດ 600 ຕຽງໃນໂອກາດຢ້ຽມຢາມລັດຖະ ກິດ ສປປ ລາວ ຂອງ ສະຫາຍ ເລຂາທິການໃຫຍ່, ປະທານປະ ເທດ ສປ ຈີນ ສີ ຈິ້ນຜິງ, ໃນ ຕອນເຊົ້າຂອງວັນທີ 14 ພະຈິກ 2017, ພິທີວາງສີລາລຶກໂຄງ ການກໍ່ສ້າງອາຄານໂຮງໝໍມະ ໂຫສົດຫລັງໃໝ່ ຂະໜາດ 600 ຕຽງ ໄດ້ຈັດຂຶ້ນທີ່ໂຮງໝໍມະໂຫ ສົດ, ນະຄອນຫລວງວຽງຈັນ, ໂດຍການເປັນກຽດເຂົ້າຮ່ວມ ຂອງ ສະຫາຍ ບຸນຍັງ ວໍລະຈິດ, ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ, ປະທານປະເທດ ແຫ່ງ ສປປ ລາວ ແລະ ສະຫາຍ ສີ ຈິ້ນ ຜິງ, ເລຂາທິການໃຫຍ່ ຄະນະກຳມະການສູນກາງພັກ ຄອມມູນິດຈີນ, ປະທານປະເທດ ແຫ່ງ ສປ ຈີນ ແລະ ມີການນໍາ ຂັ້ນສູງພັກ-ລັດ ຂອງ ສປ ຈີນ ແລະ ລາວ,

ພ້ອມດ້ວຍເຈົ້າໜ້າ ທີ່ກ່ຽວຂ້ອງຂອງທັງສອງຝ່າຍ ເຂົ້າຮ່ວມ.
ໃນພິທີດັ່ງກ່າວ, ສະຫາຍ ຈົງຊານ, ລັດຖະມົນຕີກະຊວງ ການຄ້າ ສປ ຈີນ ແລະ ສະຫາຍ ບຸນກອງ ສີຫາວົງ, ລັດຖະມົນ ຕີກະຊວງສາທາລະນະສຸກ ສປປ ລາວ, ໄດ້ຜັດປ່ຽນກັນຂຶ້ນ ລາຍງານກ່ຽວກັບໂຄງການດັ່ງ ກ່າວ. ຫຼັງຈາກນັ້ນ, ສະຫາຍເລ ຂາທິການໃຫຍ່, ປະທານປະ ເທດ ບຸນຍັງ ວໍລະຈິດ ແລະ ສະ ຫາຍເລຂາທິການໃຫຍ່, ປະ ທານປະເທດ ສີ ຈິ້ນຜິງ ກໍໄດ້ ໃຫ້ກຽດຂຶ້ນຮ່ວມກັນຕັດແຖບ ຜ້າວາງສີລາລຶກໂຄງການຢ່າງ ເປັນການ.
ໂຄງການກໍ່ສ້າງຕຶກອາຄານ ໂຮງໝໍຫລັງໃໝ່ນີ້ແມ່ນໄດ້ຮັບ ທຶນຊ່ວຍເຫຼືອລ້າຈາກ ສປ ຈີນ ໃນມູນຄ່າການກໍ່ສ້າງ ປະມານ 646.800.000 ຢວນ (ສະ ກຸນເງິນຈີນ) ອີງຕາມການ ອອກແບບກໍ່ສ້າງໂຮງໝໍດັ່ງ ກ່າວຈະມີເນື້ອທີ່ດິນ 31.000 ມ2, ເນື້້ອທີ່ການກໍ່ສ້າງຕຶກມີ 54.000 ມ2, ຕຶກໃຫຍ່ມີ 8 ຊັ້ນ ແລະ ປະກອບດ້ວຍຕຶກອື່ນໆຈໍາ ນວນໜຶ່ງ. ຖືວ່ານີ້ເປັນການຊ່ວຍ ເຫຼືອຂອງຈີນໃນການສ້າງໂຮງ ໝໍຢູ່ຕ່າງປະເທດທີ່ມີເນື້ອທີ່ໂຄງ ການກໍ່ສ້າງຕຶກຂະໜາດໃຫຍ່ທີ່ ສຸດ, ຈໍານວນຕຽງຫຼາຍທີ່ສຸດ ແລະ ງົບປະມານການລົງທຶນ ຫຼາຍທີ່ສຸດຄາດຄະເນຈະລົງມື ການກໍ່ສ້າງກ່ອນເດືອນ ຕຸລາ 2018, ຈະສຳເລັດການກໍ່ສ້າງ ແລະ ຕິດຕັ້ງອຸປະກອນຕ່າງໆ ພາຍໃນ 36 ເດືອນ; ອາຄານ ບໍລິການການແພດດັ່ງກ່າວຈະ ສາມາດບັນຈຸຕຽງນອນຄົນເຈັບ ໄດ້ເຖິງ 600 ຕຽງ, ເຊິ່ງຈະປະ ກອບມີ: ພາກສ່ວນສຸກເສີນ, ພາກສ່ວນກວດເຂດນອກ, ພາກ ສ່ວນຫ້ອງນອນຄົນເຈັບ, ຫ້ອງ ປະຕິບັດການຝ່າຍການແພດ, ລວມທັງສິ່ງອຳນວຍຄວາມສະ ດວກຕ່າງໆ ແລະ ຕຶກອາຄານ ບໍລິຫານ; ຈະສະໜອງຕິດຕັ້ງ ອຸປະກອນການແພດທີ່ທັນສະ ໄໝ ແລະ ອຸປະກອນຮັບໃຊ້ ແລະ ມີການເຝິກອົບຮົມພະນັກ ງານໃນການນຳໃຊ້ ແລະ ບູລະ ນະຮັກສາ ເປັນຕົ້ນ. ຄາດວ່າ ໂຄງການຊ່ວຍເຫລືອດັ່ງກ່າວ ຈະຍົກລະດັບຄຸນະພາບການບໍລິ ການດ້ານສາທາລະນະສຸກໃຫ້ດີ ຂຶ້ນ, ໂດຍສະເພາະວຽກ ງານການປິ່ນປົວ, ການສົ່ງເສີມ ສຸຂະພາບ, ການກໍ່ສ້າງບຸກຄະ ລາກອນ ແລະ ຄົ້ນຄວ້າວິທະຍາ ສາດດ້ານການແພດ, ໂດຽຈະ ນຳໃຊ້ລະບົບ IT ເຂົ້າຊ່ວຍໃນ ການບໍລິການວຽກງານປິ່ນປົວ ແລະ ການຄຸ້ມຄອງບໍລິການ ອື່ນໆໃຫ້ວ່ອງໄວສະດວກ ແລະ ທັນສະໄໝຂຶ້ນ. ໃນໄລຍະການ ປະຕິບັດໂຄງການດັ່ງກ່າວນີ້ ໂຮງໝໍມະໂຫສົດຈະສືບຕໍ່ໃຫ້ ການບໍລິການແກ່ປະຊາຊົນບາງ ພາກສ່ວນຂະແໜງການທີ່ຈຳ ເປັນ.
ພາຍຫຼັງສຳເລັດພິທີວາງສີ ລາລຶກ, ສະຫາຍ ບຸນຍັງ ວໍລະ ຈິດ ແລະ ສະຫາຍ ສີ ຈິ້ນ ຜິງ ພ້ອມດ້ວຍຄະນະຜູ້ແທນທັງ ສອງຝ່າຍ ກໍໄດ້ເຂົ້າໄປຢ້ຽມ ຢາມຄະນະຊ່ຽວຊານແພດຈາກ ສປ ຈີນ ແລະ ຢ້ຽມຢາມຄົນເຈັບ ທີ່ຜ່າຕັດແກ່ນຕາຂຸ້ນ ເຊິ່ງໄດ້ຮັບ ການຊ່ວຍເຫຼືອຜ່າຕັດໂດຍຄະ ນະແພດດັ່ງກ່າວ.

ຂ່າວມື້ນີ້

ຂ່າວເດັ່ນ