Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 135  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຄະນະນຳກະຊວງປ້ອງກັນປະເທດອວຍພອນອະດີດຮອງລັດຖະມົນຕີກະຊວງປ້ອງກັນປະເທດ

ຄະນະນຳກະຊວງປ້ອງກັນປະເທດອວຍພອນອະດີດຮອງລັດຖະມົນຕີກະຊວງປ້ອງກັນປະເທດໃນວັນທີ 10 ມັງກອນ 2018 ນີ້, ຄະນະນຳກະຊວງປ້ອງກັນ ປະເທດ ເຊິ່ງນໍາໂດຍ ທ່ານພົນຕີ ແອສະໄໝ ເລືອງວັນໄຊ ກຳມະ ການຄະນະປະຈຳພັກກະຊວງ ຮອງລັດຖະມົນຕີກະຊວງປ້ອງ ກັນປະເທດ ຫົວໜ້າກົມໃຫຍ່ເຕັກ ນິກກອງທັບພ້ອມດ້ວຍຄະນະໄດ້ ນໍາເອົາກະຕ່າດອກໄມ້ເຂົ້າອວຍ ພອນ ທ່ານພົນໂທ ໄອ່ ສຸລິຍະ ແສງ ອະດີດຮອງລັດຖະມົນຕີກະ ຊວງປ້ອງກັນປະເທດແຫ່ງ ສປປ ລາວ ຢູ່ທີ່ເຮືອນພັກຂອງເພິ່ນເອງ ເນື່ອງໃນໂອກາດສະເຫຼີມສະ ຫຼອງວັນສ້າງຕັ້ງກອງທັບປະຊາຊົນລາວທີ່ຈະມູນວຽນມາຄົບ ຮອບ 69 ປີ( 20

ມັງກອນ 1949-20 ມັງກອນ 2018).
ໂອກາດດັ່ງກ່າວ, ທ່ານ ພົນຕີ ແອສະໄໝ ເລືອງວັນໄຊ ໄດ້ຕາງ ໜ້າໃຫ້ຄະນະນຳກະຊວງປ້ອງ ກັນປະເທດ ນາຍ ແລະ ພົນທະ ຫານທຸກທົ່ວໜ້າໃນກອງທັບປະ ຊາຊົນລາວໄດ້ນໍາເອົາຄໍາອວຍ ພອນອັນອົບອຸ່ນ ແລະ ຄວາມຮູ້ ບຸນຄຸນແກ່ທ່ານພົນໂທ ໄອ່ ສຸລິ ຍະແສງ ແລະ ຄອບຄົວຈົ່ງມີສຸ ຂະພາບເຂັ້ມແຂງ, ມີພາລະນາ ໄມສົມບູນ ແລະ ເປັນຮົ່ມໂພຮົ່ມ ໄຊອັນປະເສີດໃຫ້ແກ່ກໍາລັງປະ ກອບອາວຸດກໍຄືກອງທັບປະຊາ ຊົນລາວໃຫ້ມີຄວາມໜັກແໜ້ນ ເຂັ້ມແຂງ ແລະ ກ້າວຂຶ້ນຢ່າງ ບໍ່ ຢຸດຢັ້ງ.
ໂອກາດດັ່ງກ່າວ ທ່ານພົນໂທ ໄອ່ ສຸລິຍະແສງ ໄດ້ກ່າວສະແດງ ຄວາມຂອບອົກຂອບໃຈຕໍ່ການ ນໍາກະຊວງປ້ອງກັນປະເທດ ທີ່ມີຄວາມເປັນຫ່ວງເປັນໃຍນໍາ ເອົາກະຕ່າດອກໄມ້ມາອວຍພອນ ໃນຄັ້ງນີ້. ພ້ອມນັ້ນທ່ານກໍໄດ້ ກ່າວວ່າ: ຕະຫຼອດໄລຍະທີ່ຜ່ານ ມາກອງທັບປະຊາຊົນລາວຍາມ ໃດກໍຮັກສາໄດ້ທາດແທ້ມູນເຊື້ອ ອັນດີງາມຂອງກອງທັບປະຕິວັດ ເຮັດທຸກສິ່ງທຸກຢ່າງເພື່ອພາລະ ກິດປົກປັກຮັກສາ ແລະ ສ້າງສາ ພັດທະນາປະເທດຊາດຍາມໃດກໍ ໄດ້ເອົາໃຈໃສ່ປະຕິບັດໜ້າທີ່ທີ່ປະ ຊາຊົນມອບໝາຍໃຫ້ຢ່າງສົມ ກຽດ, ທ່ານຍັງໄດ້ຮຽກຮ້ອງໃຫ້ການນໍາກະຊວງປ້ອງກັນປະເທດເພີ່ມທະວີການນໍາພາຂອງພັກຕໍ່ກໍາລັງປະກອບອາວຸດປ້ອງກັນ ຊາດ, ສຸມໃສ່ສ້າງເສດຖະກິດໃຫ້ ປະຊາຊົນລາວບັນດາເຜົ່າໄດ້ມີຢູ່ ມີກິນ ແລະ ເອົາໃຈໃສ່ສ້າງກອງ ທັບປະຊາຊົນລາວໃຫ້ໜັກແໜ້ນ ທາງດ້ານຄຸນທາດການເມືອງມີ ສະຕິຕໍ່ການຈັດຕັ້ງລະບຽບວິໄນ, ສ້າງຖັນແຖວພະນັກງານສືບ ທອດປ່ຽນແທນ ພ້ອມນັ້ນກໍຕ້ອງ ຍົກລະດັບສິລະປະຍຸດ-ຍຸດທະວິ ທີໃຫ້ມີຄວາມຊໍານິຊໍານານເພື່ອ ສ້າງໃຫ້ກອງທັບກາຍເປັນກອງ ທັບປະຕິວັດມີແບບແຜນ ແລະ ທັນສະໄໝ, ພ້ອມທັງອວຍພອນ ໃຫ້ຄະນະນໍາກະຊວງປ້ອງກັນ ປະເທດຕະຫຼອດຮອດພະນັກ ງານ-ນັກຮົບໃນກອງທັບຈົ່ງມີ ສຸຂະພາບແຂງແຮງມີຜົນສຳ ເລັດໃນໜ້າທີ່ສືບຕໍ່ຊີ້ນໍາ-ນໍາພາ ກອງທັບໃຫ້ເຕີບໃຫຍ່ເຂັ້ມແຂງ ສົມກັບຄວາມໄວ້ເນື້ອເຊື້ອໃຈ ຈາກພັກລັດ ແລະ ປະຊາຊົນ ລາວບັນດາເຜົ່າ.
ໂດຍ: ເພັດ ສົມນໍວັນ

ຂ່າວມື້ນີ້

ຂ່າວເດັ່ນ