Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 125  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ວປກ ຈັດຕັ້ງເຊື່ອມຊຶມມະຕິ 5 ສະໄໝທີ X ຂອງສູນກາງພັກ

ໃນວັນທີ 10 ມັງການ 2018 ນີ້, ວິທະຍາຄານປ້ອງ ກັນຊາດ ໄກສອນ ພົມວິຫານ ໄດ້ຈັດຕັ້ງເຊື່ອມຊຶມມະຕິ 5 ສະ ໄໝທີ X ຂອງສູນກາງພັກ ເຊິ່ງ ເປັນຊຸດທີ II ໃຫ້ພະນັກງານຂັ້ນ ຮ້ອຍເອກລົງ ແລະ ນັກສຶກສາລະ ບົບກໍ່ສ້າງ-ລະບົບບຳລຸງ ໂດຍການເປັນປະທານຂອງ ສະຫາຍພັນເອກ ປອ ວິລະພັນ ດວງມະນີ, ຮອງຫົວໜ້າວິທະຍາຄານ,ຫົວໜ້າກົມ ຄົ້ນຄວ້າວິທະຍາສາດການທະຫານ-ການເມືອງ ວປກ,ມີພະນັກງານ-ນັກຮົບ, ພາລະກອນ, ຄູ-ອາຈານ, ພ້ອມດ້ວຍນັກສຶກສາທັງສອງລະບົບເຂົ້າ ຮ່ວມ.


ໃນພິທີຜູ້ເຂົ້າຮ່ວມໄດ້ຮັບຟັງ ການເຜີຍແຜ່ເອກະສານເຊັ່ນ:ມະຕິ 5 ສະໄໝທີ 10 ຂອງສູນ ກາງພັກ, ມະຕິເລກທີ 26/ຄບສຄ ວ່າດ້ວຍການເພີ່ມທະວີວຽກງານ ຄຸ້ມຄອງ ແລະ ພັດທະນາທີ່ດິນ ໃນໄລຍະໃໝ່, ເອກະສານສົ່ງ ເສີມວິສາຫະກິດຂະໜາດນ້ອຍ ແລະ ຂະໜາດກາງ, ທັງນີ້ກໍເພື່ອ ເຮັດໃຫ້ຜູ້ເຂົ້າຮ່ວມໄດ້ເຊື່ອມຊຶມ ກຳແໜ້ນ ແລະ ເອກະພາບບັນ ດາເນື້ອໃນເອກະສານ ທັງເປັນ ພື້ນຖານໃຫ້ແກ່ການຫັນປ່ຽນໄປ ສູ່ອັນໃໝ່ທີ່ເລິກເຊິ່ງກວ່າເກົ່າ ເຊິ່ງມະຕິດັ່ງກ່າວແມ່ນເປັນການ ສຶບຕໍ່ຈັດຕັ້ງຜັນຂະຫຍາຍມະຕິ ກອງປະຊຸມໃຫຍ່ຄັ້ງທີ 10 ຂອງ ພັກ ຫັນເຂົ້າສູ່ຊີວິດຕົວຈິງຂອງ ສັງຄົມກໍຄືທົ່ວກອງທັບ, ທັງເປັນ ການສືບຕໍ່ແນວທາງປ່ຽນແປງ ໃໝ່ຂອງພັກໃນຂົງເຂດວຽກ ງານປ້ອງກັນຊາດ-ປ້ອງກັນ ຄວາມສະຫງົບ ແລະ ຫັນລົງກໍ່ ສ້າງຮາກຖານການເມືອງ ຕິດ ພັນກັບວຽກງານ 3 ສ້າງ ຄຽງ ຄູ່ກັນນັ້ນກໍເປັນການເພີ່ມທະວີ ຄວາມເອົາໃຈໃສ່ປັບປຸງກົມກອງ ໃຫ້ມີຄວາມໜັກແໜ້ນເຂັ້ມແຂງ ທາງດ້ານການຈັດຕັ້ງ ແລະ ແບບແຜນການນຳພາເຂົ້າສູ່ວຽກງານຕົວຈິງໃຫ້ມີປະສິດທິຜົນສູງ.

ໃນຕອນບ່າຍຂອງວັນດຽວ ກັນນີ້ ຍັງໄດ້ຈັດຕັ້ງເຊື່ອມຊຶມ ເອກະສານດັ່ງກ່າວໃຫ້ນັກສຶກ ສາລະບົບກໍ່ສ້າງ-ລະບົບບຳລຸງ ໂດຍການເປັນປະທານຂອງ ສະຫາຍ ພັນເອກ ປອ ຄຳຜາຍ ສະພັງເໜືອ, ຮອງຫົວໜ້າການ ເມືອງ, ຫົວໜ້າກົມການເມືອງ ວປກ.
ໂດຍ: ດາວວີນ ໂສພາພອນ

ຂ່າວມື້ນີ້

ຂ່າວເດັ່ນ