Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 114  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ປະທານສະພາແຫ່ງຊາດເຂົ້າຮ່ວມກອງປະຊຸມສະໄໝສາມັນເທື່ອທີ 4 ຂອງ ສພຂ ຫຼວງພະບາງ ຊຸດທີ I

ປະທານສະພາແຫ່ງຊາດເຂົ້າຮ່ວມກອງປະຊຸມສະໄໝສາມັນເທື່ອທີ 4 ຂອງ ສພຂ ຫຼວງພະບາງ ຊຸດທີ I(ສພຊ) ລະຫວ່າງວັນທີ8-11 ມັງກອນ 2018, ທ່ານນາງປານີ ຢາທໍ່ຕູ້ ປະທານສະພາ ແຫ່ງຊາດ ເຂົ້າຮ່ວມກອງປະຊຸມ ສະໄໝສາມັນເທື່ອທີ 4 ຂອງສະ ພາປະຊາຊົນແຂວງ (ສພຂ) ຫລວງພະບາງ ຊຸດທີ I ທີ່ສະໂມ ສອນໃຫຍ່ແຂວງຫລວງພະບາງ ໂດຍການເປັນປະທານຂອງທ່ານ ສາຍສະໝອນ ຄົມທະວົງ ປະ ທານ ສພຂ, ເຂົ້າຮ່ວມມີບັນດາ ທ່ານຮອງປະທານ ສພຂ, ສະ ມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງທີ 6 ແຂວງ ຫຼວງພະບາງ, ສະມາຊິກສະພາ ປະຊາຊົນແຂວງ (ສສຂ)ຫຼວງ ພະບາງປະຈໍາແຕ່ລະເມືອງ,

ຫົວໜ້າ-ຮອງຫົວໜ້າບັນດາພະແນກ ການອ້ອມຂ້າງແຂວງ, ຮອງເຈົ້າ ເມືອງ 12 ເມືອງພ້ອມດ້ວຍພະ ນັກງານວິຊາການກ່ຽວຂ້ອງ ເຂົ້າຮ່ວມເປັນຈໍານວນຫຼາຍ .
ກອງປະຊຸມໄດ້ຮັບຟັງການ ລາຍງານໂດຍສັງເຂບຂອງທ່ານ ເຈົ້າແຂວງຫລວງພະບາງກ່ຽວ ກັບການຈັດຕັ້ງປະຕິບັດວຽກ ງານປະຈໍາປີ 2017 ແລະ ທິດ ທາງແຜນການປີ 2018, ການ ສະເໜີແຕ່ງຕັ້ງຫົວໜ້າພະແນກ ການເງິນແຂວງຜູ້ໃໝ່, ການຈັດ ຕັ້ງປະຕິບັດແຜນພັດທະນາເສດ ຖະກິດ-ສັງຄົມປະຈໍາປີ 2017 ແລະທິດທາງແຜນການປີ 2018 ຂອງແຂວງ; ການຈັດຕັ້ງປະຕິ ບັດແຜນງົບປະມານປະຈໍາປີ 2017 ແລະ ທິດທາງແຜນການ ປີ 2018 ຂອງແຂວງ; ການຈັດ ຕັ້ງປະຕິບັດເປົ້າໝາຍສະຫັດສະ ວັດເພື່ອການພັດທະນາປີ 2017 ແລະ ທິດທາງແຜນການປີ 2018 ຂອງພະແນກສຶກສາທິການ ແລະ ກີລາແຂວງ; ການຈັດຕັ້ງປະຕິ ບັດເປົ້າໝາຍສະຫັດສະວັດເພື່ອ ການພັດທະນາປີ 2017 ແລະ ທິດ ທາງແຜນການປີ 2018 ຂອງ
ພະແນກສາທາລະນະສຸກ ແຂວງ;ຮັບຟັງການສະເໜີຫົວໜ່ວຍຄ່າ ຊົດເຊີຍຜົນກະທົບຈາກໂຄງການ ກໍ່ສ້າງທາງລົດໄຟລາວ-ຈີນ ຢູ່ແຂວງຫຼວງພະບາງ; ຮັບຟັງ
ການລາຍງານກ່ຽວກັບກິດຈະ ກໍາທ່ອງທ່ຽວປີ 2018 ຂອງ ແຂວງ; ການເຄື່ອນໄຫວວຽກ ງານປະຈໍາປີ 2017 ແລະ ທິດ ທາງແຜນການເຄື່ອນໄຫວປີ 2018 ຂອງອົງການກວດສອບ ປະຈໍາພາກເໜືອ; ຜົນການກວດ ສອບບົດສະຫລຸບຂາດຕົວການ ຈັດຕັ້ງປະຕິບັດແຜນງົບປະມານ ສົກປີ2015-2016ຂອງ ແຂວງ; ການເຄື່ອນໄຫວວຽກ ງານປະຈໍາປີ 2017 ແລະ ທິດ
ທາງແຜນການປີ 2018 ຂອງອົງການໄອຍະການປະຊາຊົນແຂວງ; ການເຄື່ອນໄຫວວຽກ ງານປະຈໍາປີ 2017 ແລະ ທິດ ທາງແຜນການປີ 2018 ຂອງ ສານປະຊາຊົນແຂວງ;ການ ຕິດຕາມກວດກາໂຄງການລົງ
ທຶນຂອງລັດຢູ່ແຂວງຫລວງ ພະບາງ; ການເຄື່ອນໄຫວວຽກ ງານປະຈໍາປີ 2017 ແລະທິດ ທາງແຜນການປີ 2018 ຂອງ ສະພາປະຊາຊົນແຂວງຫລວງ ພະບາງ. ຈາກນັ້ນ, ຕາງໜ້າຄະ ນະປະຈໍາ ສພຂ ປະກອບຄໍາເຫັນຕໍ່ບົດລາຍງານຂອງບັນດາພະ ແນກການ. ຫລັງຈາກນັ້ນ, ປະ ທານກອງປະຊຸມໄດ້ມີຄໍາຖາມ ເຈາະຈີ້ມ ແລະ ໃຫ້ທິດຊີ້ນໍາໃນ ການປະກອບຄໍາເຫັນ. ຈາກນັ້ນ, ບັນດາທ່ານ ສສຊ, ສສຂ ໄດ້ປະ ກອບຄໍາເຫັນໃສ່ບັນດາບົດລາຍ ງານຢ່າງກົງໄປກົງມາ. ພາຍ ຫລັງຮັບຟັງການປະກອບຄໍາ ເຫັນບັນດາພະແນກການໄດ້ຊີ້ແຈງຕໍ່ຄໍາຊັກຖາມຂອງບັນດາ ທ່ານ ສສຊ ແລະ ສສຂ.
ໂອກາດເຂົ້າຮ່ວມກອງປະຊຸມ ສະໄໝສາມັນເທື່ອທີ 4 ຂອງສະ ພາປະຊາຊົນແຂວງຫລວງພະ ບາງຊຸດທີ I ທ່ານ ນາງ ປານີ ຢາທໍ່ຕູ້ ພ້ອມດ້ວຍຄະນະ ຍັງໄດ້ ຢ້ຽມຢາມພົບປະ ປະຊາຊົນບ້ານ ຊົ່ງຈ່າ, ຢ້ຽມຢາມສຸກສາລາ ໝາກພຸກ ເມືອງນໍ້າບາກ ແຂວງ ຫລວງພະບາງ ແລະ ໃນວັນທີ 10 ມັງກອນ 2018 ປະທານສະ ພາແຫ່ງຊາດ ພ້ອມດ້ວຍຄະນະ ໄດ້ເຄື່ອນໄຫວເຮັດວຽກຢູ່ແຂວງ ໄຊຍະບູລີ ເຊິ່ງທ່ານປະທານສະ ພາແຫ່ງຊາດ ໄດ້ໃຫ້ກຽດຊີ້ນໍາ ຄະນະປະຈໍາສະພາປະຊາຊົນ ແຂວງ, ບັນດາພະແນກການ ແຂວງໄຊຍະບູລີ ໃນການກະ ກຽມດໍາເນີນກອງປະຊຸມສະໄໝ ສາມັນເທື່ອທີ 4 ຂອງສະພາປະ ຊາຊົນແຂວງໄຊຍະບູລີ ຊຸດທີ I, ຢ້ຽມຢາມຕິດຕາມກວດກາໂຄງ ການກໍ່ສ້າງຫ້ອງວ່າການສະພາ ປະຊາຊົນແຂວງໄຊຍະບູລີ, ຢ້ຽມ ຢາມໂຮງໝໍແຂວງໄຊຍະບູລີ ພ້ອມທັງໄດ້ໃຫ້ທິດຊີ້ນໍາໃນການ ເຄື່ອນໄຫວປະຕິບັດວຽກງານ ຂອງຄະນະຮັບຜິດຊອບໂຄງ ການ ແລະ ຄະນະນໍາຂອງໂຮງໝໍ ແຂວງໄຊຍະບູລີອີກດ້ວຍ.

ຂ່າວມື້ນີ້

ຂ່າວເດັ່ນ