Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 50  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ແຂວງບໍລິຄຳໄຊມອບລົດໃຫ້ໂຮງຮຽນທະຫານຊາຍແດນ

ແຂວງບໍລິຄຳໄຊມອບລົດໃຫ້ໂຮງຮຽນທະຫານຊາຍແດນໂຮງຮຽນທະຫານຊາຍ ແດນ ( 712 ) ແມ່ນໜຶ່ງໃນ ລະບົບໂຮງຮຽນຂອງກອງທັບ ເຮົາທີ່ຫາກໍໄດ້ຮັບປະກາດສ້າງ ຕັ້ງຂຶ້ນໃໝ່, ວັດຖຸພາຫະນະຮັບ ໃຊ້ແກ່ວຽກງານບໍລິຫານລວມ ແລະ ວຽກງານຕ່າງໆເຖິງແມ່ນ ຂັ້ນເທິງຈະໄດ້ມີການປະກອບ ໃຫ້ຕາມຫຼັກການ ໂດຍສະເພາະ ແມ່ນດ້ານພາຫະນະລົດຮັບໃຊ້ ໃນຂັ້ນພື້ນຖານແລ້ວກໍຕາມ ແຕ່ເມື່ອທຽບໃສ່ຄວາມຮຽກຮ້ອງ ຕ້ອງການນຳໃຊ້ຕົວຈິງເພື່ອສ້າງ ຄວາມສະດວກແກ່ການເຄື່ອນ ໄຫວເຮັດໜ້າທີ່ການເມືອງຂອງ

ໂຮງຮຽນໃນຂົງເຂດຕ່າງໆ ແລ້ວເຫັນວ່າຍັງບໍ່ທັນຕອບສະ ໜອງ ໄດ້ຢ່າງເຕັມເມັດເຕັມໜ່ວຍ ເທື່ອ.

ເຫັນໄດ້ຂໍ້ຫຍຸ້ງຍາກ ແລະ ຂໍ້ຈຳກັດຄືດັ່ງກ່າວ, ວັນທີ 7 ກຸມພາ 2018 ນີ້ ທ່ານ ປອ ກອງແກ້ວ ໄຊສົງຄາມ ກຳມະການ ສູນກາງພັກ, ເລຂາພັກ ແຂວງ ເຈົ້າແຂວງໆ ບໍລິຄຳໄຊ ແລະ ຄະນະນຳຂອງແຂວງຈຶ່ງໄດ້ຕົກ ລົງຈັດຊື້ລົດກະບະຍີ່ຫໍ້ ແດຮັນ 4 ປະຕູ 1 ຄັນ ໄປມອບໃຫ້ແກ່ຄະນະພັກ-ຄະນະອຳນວຍການ ໂຮງຮຽນດັ່ງກ່າວ ( ສ່ວນມູນຄ່າຂອງລົດນັ້ນແຫຼ່ງຂ່າວບໍ່ໄດ້ແຈ້ງໃຫ້ຊາບ ) ເພື່ອເປັນການ ປະກອບສ່ວນຊຸກຍູ້ການຮັບໃຊ້ ວຽກງານລວມດ້ານຕ່າງໆຂອງ ໂຮງຮຽນໃຫ້ມີຄວາມສະດວກ ຄ່ອງຕົວດີກວ່າເກົ່າ, ເປັນການ ສະແດງໃຫ້ເຫັນເຖິງຄວາມເປັນ ຫວ່ງເປັນໃຍຂອງຄະນະນຳ ຂອງແຂວງທີ່ມີຕໍ່ກົມກອງທະ ຫານກໍຄືໂຮງຮຽນທະຫານຊາຍ ແດນ 712 ທີ່ຕັ້ງທັບຢູ່ໃນຂອບ ເຂດທ້ອງຖິ່ນແຂວງຂອງຕົນ ເນື່ອງໃນໂອກາດວັນສ້າງຕັ້ງ ກອງທັບຄົບຮອບ 69 ປີໃນປີນີ້.
ໂອກາດດັ່ງກ່າວພັນໂທ ສັກສົມບັດ ແກ້ວສິດທິວົງສາ ຫົວ ໜ້າການທະຫານໂຮງຮຽນກໍໄດ້ ຕາງໜ້າໃຫ້ຄະນະພັກ-ຄະນະ ອຳນວຍການໂຮງຮຽນ ກ່າວສະ ແດງຄວາມຂອບໃຈ ແລະ ຕີລາ ຄາສູງ ຕໍ່ຄະນະນຳແຂວງບໍລິຄຳ ໄຊ ທີ່ມີຄວາມເປັນຫວ່ງເປັນໃຍ ຕໍ່ການເຄື່ອນໄຫວເຮັດໜ້າທີ່ ການເມືອງຂອງໂຮງຮຽນຕົນ ເຊິ່ງໄດ້ນຳເອົາລົດດັ່ງກ່າວມາ ມອບໃຫ້ໃນຄັ້ງນີ້, ພ້ອມທັງໃຫ້ ການຢືນຢັນວ່າຈະຊີ້ນຳພາກ ສ່ວນວິຊາສະເພາະກ່ຽວຂ້ອງ ເອົາໃຈໃສ່ຄຸ້ມຄອງຮັກສາໃຫ້ດີ ແລະ ນຳໃຊ້ໃຫ້ໄດ້ຍາວນານ.

ຂ່າວມື້ນີ້

ຂ່າວເດັ່ນ