Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 163  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ທ່ານ ພົນໂທ ຈັນສະໝອນ ຈັນຍາລາດ ຕ້ອນຮັບການເຂົ້າຢ້ຽມຂ່ຳນັບຂອງທີ່ປືກສາພິເສດນາຍົກຍີ່ປຸ່ນ

ທ່ານ ພົນໂທ ຈັນສະໝອນ ຈັນຍາລາດ ຕ້ອນຮັບການເຂົ້າຢ້ຽມຂ່ຳນັບຂອງທີ່ປືກສາພິເສດນາຍົກຍີ່ປຸ່ນທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີກະ ຊວງປ້ອງກັນປະເທດ ໄດ້ໃຫ້ ກຽດຕ້ອນຮັບການເຂົ້າຢ້ຽມ ຂໍ່ານັບຂອງ ທ່ານ ເຄັນທາໂຣ ໂຊໂນະອຸຣະ ທີ່ປືກສາພິເສດ ຂອງນາຍົກລັດຖະມົນຕີ ແຫ່ງ ຍີ່ປຸ່ນ ໃນວັນທີ 9 ກຸມພາ 2018 ນີ້, ຢູ່ທີ່ຫ້ອງຮັບແຂກສຳນັກງານນາຍົກລັດຖະມົນຕີເນື່ອງໃນ ໂອກາດທີ່ທ່ານ ພ້ອມດ້ວຍ ຄະນະເດີນທາງມາຢ້ຽມຢາມ ສປປ ລາວ ຢ່າງເປັນທາງການ.


ໂອກາດນີ້, ທ່ານ ພົນໂທ ຈັນສະ ໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດແຫ່ງ ສປປ ລາວ ກໍໄດ້ກ່າວສະແດງ ຄວາມຍິນດີຕ້ອນຮັບຕໍ່ທ່ານ ເຄັນທາໂຣ ໂຊໂນະອຸຣະ ແລະ ຄະນະດ້ວຍໄມຕີຈິດມິດຕະ ພາບອັນອົບອຸ່ນຊີ້ໃຫ້ເຫັນເຖິງ ການປະກອບສ່ວນອັນສຳຄັນ ເຂົ້າໃນການສົ່ງເສີມການພົວພັນ ຮ່ວມມືລະຫວ່າງສອງປະເທດ ກໍຄືກອງທັບລາວ-ຍີ່ປຸນທີ່ມີມາ ແລ້ວນັ້ນໃຫ້ດີຂຶ້ນຢ່າງບໍ່ຢຸດຢັ້ງ, ເປັນຕົ້ນແມ່ນການຮ່ວມມືຊ່ວຍ ເຫຼືອກໍ່ສ້າງຊັບພະກອນມະນຸດ ແລະ ການຮ່ວມມືເຝິກຊ້ອນຕ້ານ ແລະ ສະກັດກັ້ນບັນເທົາໄພພິບັດ ທຳມະຊາດທີທັງສອງຝ່າຍເຫັນດີຮ່ວມກັນໃນໄລຍະຜ່ານມາ, 

ພ້ອມດຽວກັນນັ້ນທ່ານລັດຖະມົນຕີກະຊວງປ້ອງກັນປະເທດ ເຮົາກໍໄດ້ອວຍພອນໃຫ້ທານ ພ້ອມດ້ວຍຄະນະຈົ່ງປະສົບຜົນ ສຳເລັດໃນການເດີນທາງມາ ຢ້ຽມຢາມ ສປປ ລາວ ໃນຄັ້ງນີ້ຕາມຈຸດປະສົງຄາດໝາຍທີ່ວາງ ໄວ້.
ສ່ວນທ່ານ ເຄັນທາໂຣ ໂຊໂນະອຸຣະ ກໍໄດ້ກ່າວສະແດງ ຄວາມຂອບອົກຂອບໃຈຕໍ່ການ ຕ້ອນຮັບອັນອົບອຸ່ນຂອງທ່ານ ລັດຖະມົນຕີກະຊວງປ້ອງກັນປະ ເທດແຫ່ງສປປລາວ ໃນຄັ້ງນີ້ ພ້ອມທັງໃຫ້ການຢືນຢັນວ່າ: ຈະພະຍາຍາມສືບຕໍ່ເສີມຂະ ຫຍາຍການພົວພັນຮ່ວມມືຊ່ວຍ ເຫຼືອປະຕິບັດໜ້າທີ່ທີ່ສອງຝ່າຍ ເຫັນດີຮ່ວມກັນໃນຕໍ່ໜ້າໃຫ້ດີ ທີ່ສຸດເພື່ອປະກອບສ່ວນສົ່ງເສີມ, ຮັດແໜ້ນສາຍພົວພັນການຮ່ວມ ມືລະຫວ່າງສອງປະເທດລາວ-ຍີ່ປຸ່ນ ກໍຄືລະຫວ່າງ 2 ກອງທັບ ລາວ-ຍີ່ປຸ່ນໃຫ້ນັບມື້ບັນລຸໝາກ ຜົນສູງ ພ້ອມນີ້ ທ່ານ ເຄັນທາໂຣ ໂຊໂນະອຸຣະ ກໍໄດ້ຖືເອົາໂອກາດ ນີ້ເຊື້ອເຊີນທ່ານລັດຖະມົນຕີ ກະຊວງປ້ອງກັນປະເທດເຮົາໄປ ຢ້ຽມຢາມຍີ່ປຸ່ນຕາມກາລະເວ ລາອັນເໝາະສົມອີກດ້ວຍ.
ໂດຍ: ວັນໄຊ ໄຊສະຫວັດ

ຂ່າວມື້ນີ້

ຂ່າວເດັ່ນ