Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 136  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກົມໃຫຍ່ເຕັກນິກກອງທັບ ຈັດຕັ້ງປາຖະກະຖາມູນເຊື້ອວັນສ້າງຕັ້ງກອງທັບ ຄົບຮອບ 69 ປີ

ໃນຕອນເຊົ້າຂອງວັນທີ 13 ກຸມພາ ປີ 2018 ນີ້, ກົມໃຫຍ່ ເຕັກນິກກອງທັບ ໄດ້ຈັດພິທີປາ ຖະກະຖາເລົ່າຄືນມູນເຊື້ອວັນ ສ້າງຕັ້ງກອງທັບປະຊາຊົນລາວ ຄົບຮອບ 69 ປີ, ໂດຍການເປັນ ປະທານ ແລະ ປາຖະກະຖາ ຂອງທ່ານ ພົນຈັດຕະວາ ຄໍາພາ ສີພອນໄຊ ກໍາມະການຄະນະພັກ ກະຊວງ, ຮອງຫົວໜ້າກົມໃຫຍ່ ເຕັກນິກກອງທັບ, ມີຄະນະພັກ - ຄະນະບັນຊາ ຈາກ 6 ກົມ 3 ຫ້ອງ, ຄະນະພັກ-ຄະນະບັນຊາ ກົມກອງຮາກຖານ ຕະຫຼອດ ຮອດພະນັກງານ-ນັກຮົບ ອ້ອມ ຂ້າງກົມໃຫຍ່ເຕັກນິກເຂົ້າຮ່ວມ ຮັບຟັງ.


ທ່ານ ພົນຈັດຕະວາ ຄໍາພາ ສີພອນໄຊ ໄດ້ກ່າວວ່າ: ການ ເຄື່ອນໄຫວດັ່ງກ່າວກໍເພື່ອເປັນ ການຫວນຄືນປະຫວັດມູນເຊື້ອ ໃນການຕໍ່ສູ້ກູ້ຊາດອັນພິລາດ ອາດຫານ ແລະ ການປັບປຸງກໍ່ ສ້າງກອງທັບປະຊາຊົນລາວ ແຕ່ລະໄລຍະໃນພາລະກິດຕໍ່ສູ້ກູ້ ຊາດ ແລະ ປົກປັກຮັກຮັກສາ ສ້າງສາພັດທະນາປະເທດຊາດ ຕະຫຼອດໄລຍະທີ່ຜ່ານມາ. ບົນ ເສັ້ນທາງທີ່ລະອິດລະອ້ຽວຂ້ຽວ ຂາດ, ໄດ້ຜ່ານຜ່າສິ່ງທົດສອບ ຫຼາຍຢ່າງ ເຊິ່ງກອງທັບປະຊາ ຊົນລາວ ແມ່ນສືບທອດມາຈາກ ກອງລາດຊະວົງ ແລະ ກອງທັບ ລາວອິດສະຫຼະໃນເມື່ອກ່ອນ ໂດຍແມ່ນພັກປະຊາຊົນ ປະຕິວັດລາວເປັນຜູ້ສ້າງຕັ້ງ, ສຶກສາອົບ ຮົມ, ຊີ້ນໍາ-ນໍາພາໂດຍກົງ ເປັນ ກອງທັບທີ່ເກີດມາຈາກປະຊາ ຊົນລາວບັນດາເຜົ່າ, ສູ້ຮົບເພື່ອ ປະຊາຊົນ ແລະ ເຮັດທຸກສິ່ງຢ່າງ ເພື່ອຄວາມຢູ່ດີກິນດີຂອງປະຊາ ຊົນລາວບັນດາເຜົ່າ, ສ້າງໄດ້ ທາດແທ້ມູນເຊື້ອອັນດີງາມຫຼາຍ ປະການສືບຕໍ່ຜັນຂະຫຍາຍຈົນ ມາເຖິງປັດຈຸບັນ ຄົບຮອບ 69 ປີ ເພື່ອເປັນການສຶກສາອົບຮົມໃຫ້ ພະນັກງານ-ນັກຮົບລຸ້ນສືບທອດ ພາລະກິດປະຕິວັດ ຮັບຮູ້ເຂົ້າໃຈ ເລິກເຊິ່ງ ແລະ ພ້ອມກັນເສີມຂະ ຫຍາຍທາດແທ້ມູນເຊື້ອອັນດີ ງາມດັ່ງກ່າວເຂົ້າໃນການເຝິກ ຝົນຫຼໍ່ຫຼອມຕົນເອງໃຫ້ກາຍເປັນ ພະນັກງານ-ນັກຮົບທີ່ດີຂອງພັກ ຂອງກອງທັບ ຮັບປະກັນໃຫ້ແກ່ ການເຮັດສໍາເລັດໜ້າທີ່ວຽກງານຂອງຕົນທີ່ໄດ້ຮັບການມອບໝາຍ ດ້ວຍໝາກຜົນອັນດີ, ປະກອບ ສ່ວນເຂົ້າໃນການປັບປຸງກໍ່ສ້າງ ກອງທັບໃຫ້ເຂັ້ມແຂງ, ພະນັກ ງານ-ນັກຮົບມີຄວາມປອດໃສ, ໜັກແໜ້ນ ແລະ ເຂັ້ມແຂງ ກ້າວ ຂຶ້ນຢ່າງບໍ່ຍຸດຢັ້ງ ເພື່ອປັບປຸງກໍ່ ສ້າງກອງທັບມີລະບຽບວິໄນ ເຂັ້ມງວດ, ແບບແຜນທັນສະໄໝ ເປັນກ້າວໆ.

ເພື່ອເສີມຂະຫຍາຍມູນເຊື້ອ ທາດແທ້ປະຕິວັດດັ່ງກ່າວ ທ່ານ ພົນຈັດຕະວາ ຄຳພາ ສີພອນໄຊ ຍັງຮຽກຮ້ອງໃຫ້ພະນັກງານ- ນັກຮົບຕ້ອງຮຽນຮູ້ເອົາວີລະກໍາ ຄຸນງາມຄວາມດີຂອງພະນັກ ງານປະຕິວັດຮຸ່ນກ່ອນ ແລະ ເຈດ ຈໍານົງແນວທາງປ້ອງກັນຊາດ-ປ້ອງກັນຄວາມສະຫງົບຂອງ ພັກ ໄປໝູນໃຊ້ເຂົ້າໃນໜ້າທີ່ການ ເມືອງຂອງກົມກອງໃນການເຝິກ ຝົນຫຼໍ່ຫຼອມຕົນເອງໃຫ້ກາຍເປັນ ພະນັກງານຜູ້ດີເດັ່ນ ແລະ ນໍາພາ ກອງທັບເຮົາກ້າວຂຶ້ນເປັນກອງ ທັບແບບແຜນທັນສະໄໝ ເພື່ອພັດ ທະນາ ແລະ ສ້າງສາປະເທດ ຊາດ.
ໂດຍ: ຄໍາສຸກ ວິໄລວົງ

ຂ່າວມື້ນີ້

ຂ່າວເດັ່ນ