Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 162  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຫົວໜ້າກົມໃຫຍ່ພະລາທິການກອງທັບຕ້ອນຮັບຄະນະຜູ້ແທນຂະບວນລົດໄຟສັນຕິພາບ ສປ ຈີນ

ຫົວໜ້າກົມໃຫຍ່ພະລາທິການກອງທັບຕ້ອນຮັບຄະນະຜູ້ແທນຂະບວນລົດໄຟສັນຕິພາບ ສປ ຈີນວັນທີ 9 ກຸມພາ 2018 ນີ້, ຢູ່ທີ່ຫ້ອງຮັບແຂກກົມໃຫຍ່ພະ ລາທິການກອງທັບ ທ່ານ ພົນຕີ ປອ ວົງຄຳ ພົມມະກອນ ກຳມະ ການຄະນະປະຈຳພັກກະຊວງ ປ້ອງກັນປະເທດ, ຫົວໜ້າກົມ ໃຫຍ່ພະລາທິການກອງທັບ ໄດ້ ໃຫ້ກຽດຕ້ອນຮັບ ທ່ານ ພັນເອກ ພິເສດ ຫວາງຕາຫຼິນ ຫົວໜ້າ ພະແນກສັງລວມ ກົມເສນາຮັກ ກົມຮັບປະກັນພະລາທິການ ຄະ ນະກຳມາທິການທະຫານສູນ ກາງ ກອງທັບ​ປົດ​ປ່ອຍປະ​ຊາ ຊົນ​ຈີນ ພ້ອມດ້ວຍຄະນະ, ເນື່ອງ ໃນໂອກາດເດີນທາງມາຢ້ຽມ

ຢາມ ແລະ ເຮັດວຽກຢູ່ ສປປລາວ ໃນລະຫວ່າງວັນທີ 7-11 ກຸມພາ 2018 ກັບ ກົມວິຊາສະ ເພາະທີ່ກ່ຽວຂ້ອງຂອງກອງ ທັບປະຊາຊົນລາວ. 

ທ່ານ ພົນຕີ ປອ ວົງຄຳ ພົມ ມະກອນ ຫົວໜ້າກົມໃຫຍ່ພະລາທິການກອງທັບ ກໍໄດ້ກ່າວສະ ແດງຄວາມຍິນດີຕ້ອນຮັບຢ່າງ ອົບອຸ່ນທີ່ເຕັມໄປດ້ວຍໄມຕີຈິດ ມິດຕະພາບອັນດູດດື່ມ, ຊົມເຊີຍ ຕໍ່ການມາຢ້ຽມຢາມ ແລະ ເຮັດ ວຽກກັບກອງທັບປະຊາຊົນ ລາວໃນເຫຼົ່າຮົບເສນາຮັກຂອງ ຄະນະຜູ້ແທນໃນທ່າມກາງບັນ ຍາກາດທີ່ສອງກອງທັບລາວ- ຈີນ ຮ່ວມມືກັນຈັດການຫັດ ແອບຮ່ວມໃນການຊ່ວຍເຫຼືອ ດ້ານມະນຸດສະທຳທາງການ ແພດ ແລະ ໃຫ້ການບໍລິການ ທາງການແກ່ນາຍ ແລະ ພົນທະ ຫານຂອງກອງທັບ ແລະ ປະຊາ ຊົນລາວ, ພ້ອມທັງເປັນການ ຍົກສູງລະດັບຄວາມສາມາດ ຂອງເຫຼົ່າຮົບເສນາຮັກສອງ ກອງທັບໃນການຜະເຊີນໜ້າ ແລະ ການຮັບມືກັບໄພທຳມະ ຊາດທີ່ຮ້າຍແຮງ ແລະ ພະຍາດ ລະບາດທີ່ຈະເກີດຂຶ້ນ, ທັງເປັນ ການເພີ່ມທະວີຮ່ວມມືແລກ ປ່ຽນດ້ານວຽກງານເສນາຮັກ ຂອງສອງກອງທັບໃຫ້ກ້າວ ເຂົ້າສູ່ລວງເລິກ ແລະ ບົນພື້ນ ຖານຜົນສຳເລັດຢ່າງແທ້ຈິງ.
ທ່ານ ພົນຕີ ປອ ວົງຄຳ ພົມ ມະກອນ ຫົວໜ້າກົມໃຫຍ່ພະລາ ທິການກອງທັບ ຍັງໄດ້ກ່າວຄຳ ອວຍພອນໄຊອັນປະເສີດ ທ່ານ ພັນເອກ ພິເສດ ຫວາງຕາຫຼິນ ພ້ອມດ້ວຍຄະນະ ຈົ່ງມີສຸຂະ ພາບແຂງແຮງ, ມີພະລານາໄມ ສົມບູນເຮັດສຳເລັດຜົນໃນໜ້າ ທີ່ວຽກງານອັນສູງສົ່ງ ແລະ ຈົ່ງສືບຕໍ່ສາຍພົວພັນຮັດແໜ້ນ ຄວາມສາມັກຄີໃນຂົງເຂດ ວຽກງານເສນາຮັກຂອງສອງ ກອງທັບໃຫ້ປະສົບຜົນສຳເລັດ ຢ່າງຈົບງາມໄປດ້ວຍດີ.
ໂດຍ: ຄຳປະສົງ ລາດຊະວົງ

ຂ່າວມື້ນີ້

ຂ່າວເດັ່ນ