Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 142  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງປະຊຸມສະຫຼຸບວຽກງານກວດກູ້ ແລະ ທຳລາຍລະເບີດຕາມໂຄງການກໍ່ສ້າງທາງລົດໄຟ ລາວ - ຈີນ

ກອງປະຊຸມສະຫຼຸບວຽກງານກວດກູ້ ແລະ ທຳລາຍລະເບີດຕາມໂຄງການກໍ່ສ້າງທາງລົດໄຟ ລາວ - ຈີນວັນທີ 13-14 ກຸມພາ 2018 ນີ້, ກອງປະຊຸມສະຫຼຸບ ວຽກງານກວດກູ້ ແລະ ທຳ ລາຍລະເບີດຕາມແລວທາງໂຄງ ການກໍ່ສ້າງທາງລົດໄຟລາວ-ຈີນ
ປະຈຳປີ 2017 ແລະ ວາງທິດ ທາງແຜນການປະຈຳປີ 2018 ໄດ້ໄຂຂຶ້ນຢູ່ແຂວງຫຼວງພະບາງ ແລະ ສະໜາມທຳລາຍລະເບີດ ຢູ່ເມືອງວັງວຽງ ແຂວງວຽງຈັນ ໂດຍພາຍໃຕ້ການເປັນປະທານ ຂອງ ທ່ານ ພົນໂທ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນ

ປະເທດ, ມີບັນດາການນຳແຂວງ, ເມືອງ, ຄະນະພັກ-ຄະນະບັນຊາກົມ, ກອງ, ຫ້ອງການ, ຂະແໜງ ການ, ບໍລິສັດ-ລັດວິສາຫະກິດ ແລະ ມີບັນດາພະນັກງານວິຊາ ການກວດກູ້ລະເບີດເຂົ້າຮ່ວມ.

ທ່ານ ພົນຕີ ຄຳລຽງ ອຸທະ ໄກສອນ ກຳມະການຄະນະພັກ ກະຊວງປ້ອງກັນປະເທດ, ຮອງ ຫົວໜ້າກົມໃຫຍ່ເສນາທິການ ກອງທັບ, ຫົວໜ້າຄະນະຮັບຜິດ ຊອບການກວດກູ້ລະເບີດ ແລະ ທຳລາຍລະເບີດໂຄງການກໍ່ສ້າງ ລົດໄຟ ລາວ-ຈີນ ໃຫ້ຮູ້ວ່າ: ເພື່ອ ຮັບປະກັນຄວາມປອດໄພໃຫ້ ການກໍ່ສ້າງເສັ້ນທາງລົດໄຟ ລາວ-ຈີນ ແຕ່ບໍ່ເຕັ່ນເຖິງນະຄອນ ຫຼວງໃຫ້ມີຄວາມປອດໄພຮອບ ດ້ານ. ກະຊວງປອ້ງກັນປະເທດ ຈຶ່ງໄດ້ຕົກລົງມອບໃຫ້ກົມໃຫຍ່ ເສນາທິການກອງທັບເປັນຜູ້ຊີ້ນຳ ໂດຍກົງຕໍ່ການກວດກູ້ ແລະ ທຳ ລາຍລະເບີດຕາມແລວທາງດັ່ງ ກ່າວ, ກົມໃຫຍ່ເສນາທິການກອງ ທັບ ຈຶ່ງໄດ້ນຳໃຊ້ກຳລັງເຫຼົ່າຮົບ ຊ່າງແສງທີ່ຂື້ນກັບກົມຊ່າງແສງ ແລະ ກອງພົນທີ1 , 2, 3, 4. ມີຈຳນວນພົນທັງໝົດ 314 ສະ ຫາຍເຂົ້າເຮັດໜ້າທີ່ຢູ່ໃນ 6 ຊ່ວງ ສັນຍາຂອງການກໍ່ສ້າງ ໂດຍ ຈັດຕັ້ງເປັນ 6 ກອງກວດກູ້ລະ ເບີດປະຈໍາ 6 ຊ່ວງທາງ. ແຕ່ລະ ຊ່ວງທາງໄດ້ຈັດຕັ້ງສູນບັນຊາ ເພື່ອເປັນເສນາທິການ ໃຫ້ຄະນະ ຮັບຜິດຊອບລວມ ແລະ ເປັນຈຸດ ປະສານງານກັບຄະນະປະສານ ງານຂອງໂຄງການປະຈຳຢູ່ແຕ່ ລະທອ້ງຖິ່ນ. ນອກຈາກນີ້ໄດ້ຈັດ ຕັ້ງ 1 ໝວດ ເພື່ອເຮັດໜ້າທີ່ ເຄື່ອນທີ່ກວດກູ້ ແລະ ທຳລາຍລະ ເບີດທາງພາກພື້ນນ້ຳ ແລະ ແກ້ ໄຂລະເບີດໃນກໍລະນີສຸກເສີນ. ສ່ວນຢູ່ອົງການກົມໃຫຍ່ເສນາ ທິການໄດ້ຈັດຕັ້ງໜ່ວຍງານຊ່ວຍວຽກແຕ່ລະດ້ານຄື: ໜວ່ຍງານ ຊ່ວຍວຽກດ້ານວິຊາສະເພາະ ກວດກູ້ ແລະ ທຳລາຍລະເບີດ, ໜວ່ຍງານແຜນການ ແລະ ສະ ຫຼຸບສັງຮວມ, ໜວ່ຍງານຮັບປະ ກັນດ້ານການເງິນ ແລະ ໜວ່ຍ ງານຮັບປະກັນດ້ານເຕັກນິກ. ຜ່ານການຈັດຕັ້ງປະຕິບັດວຽກ ງານກວດກູ້ ແລະ ທຳລາຍລະ ເບີດໃຫ້ໂຄງການກໍ່ສ້າງເສັ້ນ ທາງລົດໄຟ ໃນປີ 2017 ແຕ່ ລະກອງກວດກູ້ທີ່ປະຈຳຢູ່ແຕ່ລະ ຊ່ວງທາງຂອງພວກເຮົາສາມາດ ກວດກູ້ລະເບີດບໍ່ທັນແຕກສຳເລັດ ແລະ ໄດ້ຮັບການກວດກາຢັ້ງຢືນ ຄຸນະພາບໄດ້ທັງໝົດ 1.026,33 ເຮັກຕາ. ໃນນີ້ມີເນື້ອທີ່ກວດກູ້ ລະເບີດບໍ່ທັນແຕກຢູ່ພື້ນນ້ຳ 9,378 ເຮັກຕາ. ເນື້ອທີ່ຖາງ ປ່າອະນາໄມພື້ນທີ່ເພື່ອກວດກູ້ ລະເບີດທັງໝົດ 571,647 ເຮັກ ຕາ. ກວດກູ້ລະເບີດບໍ່ທັນແຕກທີ່ ຕົກຄ້າງໄດ້ 128 ໜວ່ຍ. ໃນນີ້ ມີໂບມ 250 ປອນ ຈຳນວນ 02 ໜ່ວຍ ( ກວດກູ້ໄດ້ຢູ່ພື້ນທີ່ຂອງ ບ້້ານພິກນ້ອຍ ເມືອງຫຼວງພະ ບາງ 01 ໜ່ວຍ ແລະ ຢູ່ພື້ນທີ່ ຂອງບ້ານລາດຫານເມືອງງາ ແຂວງອຸດົມໄຊ 01 ໜວ່ຍ). ກວດກູ້ຊິ້ນສ່ວນລະເບີດ ແລະ ໂລ ຫະຕ່າງໆໄດ້ທັງໝົດຈໍານວນ 211.562 ຊິ້ນສ່ວນ. ທຽບໃສ່ ແຜນການທັງໝົດຂອງໂຄງການ ແມ່ນປະຕິບັດສຳເລັດແລ້ວປະ ມານ 40%.
ທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີກະ ຊວງປ້ອງກັນປະເທດ ກໍໄດ້ມີ ຄຳເຫັນໂອ້ລົມຕໍ່ກອງປະຊຸມໃນ ຄັ້ງນີ້ວ່າ: ເປັນກອງປະຊຸມທີ່ມີ ຄວາມສຳຄັນທີ່ສຸດໃນການຮັບ ປະກັນການພັດທະນາເສດຖະ ກິດ-ສັງຄົມ ກໍຄືການດຳເນີນ ການກໍ່ສ້າງເສັ້ນທາງມິດຕະພາບ ຍຸດທະສາດລະຫວ່າງທິມງານ ລາວ-ຈີນໃນຄັ້ງນີ້. ກໍຄືພວກ ເຮົາຮູ້ນຳກັນແລ້ວວ່າການທີ່ ພວກເຮົາຈະປະຕິບັດແຜນຍຸດທະສາດໃນການພັດທະນາເສດຖະ ກິດ-ສັງຄົມຕາມມະຕິກອງປະ ຊຸມໃຫຍ່ ຄັ້ງທີ 10 ວາງອອກ ຈະເກີດໝາກເກີດຜົນຫຼືບໍ່ ພາກ ສ່ວນໜຶ່ງກໍຂຶ້ນກັບການພັດທະນາພື້ນຖານໂຄງລ່າງຂອງປະເທດ ຊາດຊຶ່ງໃນນັ້ນພື້ນຖານໂຄງລ່າງທີ່ສຳຄັນອັນໜຶ່ງແມ່ນບັນຫາ ການສ້າງເສັນທາງຍຸດທະສາດ ຕ່າງໆຢູ່ພາຍໃນ, ຢູ່ບັນດາເສັ້ນ ທາງທີ່ອອກສູ່ບັນດາປະເທດໃນ ພາກພື້ນເສັ້ນທາງມິດຕະພາບ ຍຸດທະສາດລະຫວ່າງທີມງານລາວ-ຈີນ ໃນຄັ້ງນີ້ເປັນເສັ້ນ ທາງທີ່ປະເທດເຮົາບໍ່ເຄີຍມີປະຫວັດສາດ ແລະ ເປັນທັງເປັນເສັ້ນທາງທີ່ທະລຸໃນອາຊີຕາເວັນອອກສຽງ ໃຕ້ຍ້ອນໜຶ່ງແລວ ທາງໜຶ່ງເສັ້ນທາງຂອງພັກຄອມມູນິດຈີນທີ່ຈະສ້າງໃຫ້ພາຍໃນປະເທດຈີນເປັນປະເທດມັ່ງຄັ່ງເຂັ້ມແຂງ
ປະຊາຊົນຢູ່ດີມີຄວາມສຸກຕິດ ພັນກັບການຊ່ວຍເຫຼຶອບັນດາ ປະເທດໃນພາກພື້ນໄປພ້ອມໆ ກັນ. ພິເສດ ແມ່ນກັບ ສປປ ລາວ ໃນຄັ້ງນີ້ ເພື່ອດຳເນີນການກໍ່ສ້າງເສັ້ນທາງນັ້ນໃຫ້ສຳເລັດ ໄປດ້ວຍດີນັ້ນມັນມີຫຼາຍບັນຫາທີ່ສຳຄັນທີ່ ກຳລັງປ້ອງກັນ ຊາດ- ປ້ອງກັນ ຄວາມສະຫງົບຕ້ອງໄດ້ ຮັບຜິດຊອບ. ແຕ່ໃນນັ້ນຕ້ອງກໍ່ສ້າງແຕ່ພື້ນຖານຂຶ້ນເມືອ, ນັບ
ແຕ່ເທິງລົງລຸ່ມ ແລະ ລຸ່ມຂຶ້ນເທິງກໍຄື ວຽກງານການກວດກູ້ລະ ເບີດທີ່ບໍ່ທັນແຕກທີ່ຕົກຢູ່ສະໄໝ ສົງຄາມເປັນບັນຫາໃຫຍ່ລະດັບຊາດທີ່ຕ້ອງໄດ້ແກ້ໄຂໃນການ ທີ່ຈະພັດທະນາເສດທະກິດ. ດັ່ງນັ້ນຕ້ອງຍົກສູງຄວາມຮັບຜິດ ຊອບຕໍ່ໜ້າທີ່ການເມືອງຂອງຕົນໃນການປະຕິບັດໜ້າທີ່ການກອບກູ້ ແລະ ທຳລາຍລະເບີດທີ່ຍັງບໍ່ ທັນແຕກໃຫ້ມີປະສິດທິຜົນສູງ.

ຂ່າວມື້ນີ້

ຂ່າວເດັ່ນ