Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 145  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ທ່ານຮອງນາຍົກລັດຖະມົນຕີຢ້ຽມຢາມເມືອງວາປີ

ທ່ານຮອງນາຍົກລັດຖະມົນຕີຢ້ຽມຢາມເມືອງວາປີທ່ານ ປອ ບຸນທອງ ຈິດມະນີກຳມະການ​ກົມ​ການ​​ເມືອງ​ສູນ ກາງ​ພັກ, ຮອງນາຍົກລັດຖະມົນຕີ, ປະທານຄະນະກວດກາສູນ ກາງພັກ, ປະທານອົງການກວດ ກາລັດຖະບານ ພ້ອມຄະນະລົງ ເຄື່ອນໄຫວເຮັດວຽກຢູ່ເມືອງ ວາປີ ແຂວງສາລະວັນ, ​ໃນວັນ ທີ 12 ກຸມພາ 2018 ນີ້, ໂດຍມີທ່ານ ສີສຸວັນ ວົງຈອມສີ ກໍາມະການສູນກາງພັກ, ເລຂາພັກແຂວງ, ເຈົ້າ ແຂວງໆສາລະວັນ ພ້ອມດ້ວຍມີ ຄະນະນໍາເມືອງ-ພະນັກງານຫຼັກ ແຫຼ່ງແຕ່ລະຂະແໜງການຂອງ ເມືອງ,

ທະຫານ-ຕໍາຫຼວດ ໃຫ້ ການຕ້ອນຮັບຢ່າງອົບອຸ່ນ.

ທ່ານ ລັງສີ ຈັນທະມາລີ ເຈົ້າ ເມືອງໆວາປີ ໄດ້ລາຍງານສະ ພາບລວມໂດຍຫຍໍ້ ເຊິ່ງ ເມືອງ ວາປີ ມີເນື້ອທີທັງໝົດ 112.002 ເຮັກຕາ, ມີ 6 ກຸ່ມ ບ້ານ, ມີ 55 ບ້ານ, ມີ 8.131 ຄອບຄົວ, ມີ ພົນລະເມືອງ 39.780 ຄົນ, ຍິງ 20.429 ຄົນ; ປະກອບມີ 3 ຊົນເຜົ່າ ຄື: ເຜົ່າລາວ, ກະຕາງ ແລະ ຜູ້ໄທ; ປະຊາຊົນສ່ວນ ຫຼາຍແມ່ນຖືອາຊີບການຜະລິດ ກະສິກໍາປູງຝັງ-ລ້ຽງສັດເປັນ ຕົ້ນຕໍ, ມີເນື້ອທີ່ນາປີ 13.354 ເຮັກຕາ, ເນື້ອທີ່ນາແຊງ 3.270 ເຮັກຕາ. ດ້ານເສດຖະກິດຂະ ຫຍາຍຕົວຢ່າງຕໍ່ເນື່ອງໃນລະດັບ 7-8% ຕໍ່ປີ, ລວມຍອດຜະລິດຕະ ພັນພາຍໃນບັນລຸ 393 ຕື້ກີບ ສະເລ່ຍໃສ່ຫົວຄົນ 9.898.368 ກີບ ຫຼື ເທົ່າກັບ 1.192 ໂດລາ ຕໍ່ຄົນຕໍ່ປີ ເຮັດໃຫ້ຊີວິດການເປັນ ຢູ່ຂອງປະຊາຊົນບັນດາເຜົ່າໄດ້ ຮັບການປັບປຸງນັບມື້ນັບດີຂຶ້ນ ສາມາດລົບລ້າງບ້ານທຸກຍາກ ໄດ້ດີ. ປັັດຈຸບັນຍັງມີຄອບຄົວທຸກ ຍາກຢູ່ 24 ຄອບຄົວ ເທົ່າກັບ 0,31% ຂອງຄອບຄົວທັງໝົດ. ວຽກງານຕິດຕາມ-ກວດກາ ເຫັນວ່າຄະນະພັກ-ຄະນະນໍາ ແມ່ນໄດ້ເພີ່ມທະວີຄວາມເອົາໃຈ ໃສ່ການຈັດຕັ້ງປະຕິບັດການຕິດ ຕາມ-ກວດກາເປັນປົກກະຕິ, ກວດກາຕາມຄໍາສັ່ງຫຼາຍຂຶ້ນ ກວ່າເກົ່າ, ສາມາດເຫັນໄດ້ບັນ ຫາ ແລະ ມີການສະເໜີແນະວິ ທີການແກ້ໄຂຢ່າງຖຶກຕ້ອງ, ພາ ວະວິໄສຕາມລະບຽບກົດໝາຍ. ສຸມໃສ່ການກໍ່ສ້າງໜ່ວຍພັກປອດ ໃສ, ເຂັ້ມແຂງ ແລະ ໜັກແໜ້ນ, ການອອກບັດໃຫ້ແກ່ສະມາຊິກພັກສົມບຸນຕິດພັນກັບການສ້າງ ບ້ານສ້າງກຸ່ມພັດທະນາ. ນອກ ຈາກນີ້, ຄະນະພັກຍາມໃດກໍເອົາ ໃຈໃສ່ຕໍ່ວຽກງານຕິດຕາມກວດ ກາຊຸກຍູ້ການເກັບລາຍຮັບເຂົ້າ ງົບປະມານຂອງເມືອງ ແລະ ແກ້ ໄຂບັນຫາປາກົດການຫຍໍ້ທໍ້ ຕ່າງໆໃຫ້ທ່ວງທັນເວລາ. ພ້ອມ ນີ້, ວຽກງານ 3 ສ້າງກຸ່ມພັດ ທະນາທີ 3 ໄດ້ລາຍງານການ ຈັດຕັ້ງປະຕິບັດໃນໄລຍະຜ່ານມາ ໄດ້ປະຕິບັດຕາມທິດຊີ້ນໍາ ກໍຄື ແນວທາງນະໂຍບາຍການເມືອງ ຂອງພັກ ຍົກສູງວຽກງານກໍ່ສ້າງ ຮາກຖານການເມືອງ-ພັດທະນາ ຊົນນະບົດ ແລະ ລືບລ້າງຄວາມ ທຸກຍາກຂອງປະຊາຊົນ ເຊິ່ງໄດ້ ເນັ້ນໃສ່ປັບປຸງການຈັດຕັ້ງຂັ້ນ ຮາກຖານ, ຊຸກຍູ້ວຽກງານທົ່ວ ປວງຊົນປ້ອງກັນຊາດ-ປ້ອງ ກັນຄວາມສະຫງົບຢ່າງກວ້າງ ຂວາງແຂງແຮງເຮັດໃຫ້ທົ່ວ ເມືອງວາປີມີຄວາມສະຫງົບ ໂດຍພື້ນຖານ.
ໃນການເຄື່ອນໄຫວຢ້ຽມຢາມ ເມືອງວາປີ ຄັ້ງນີ້, ທ່ານ ປອ ບຸນ ທອງ ຈິດມະນີ ໄດ້ໃຫ້ກຽດໂອ້ ລົມ ແລະ ມີຄໍາເຫັນຊີ້ນໍາຕໍ່ຄະ ນະນໍາ, ພະນັກງານຫຼັກແຫຼ່ງ ຂອງເມືອງຄື: ສືບຕໍ່ສູ້ຊົນປະຕິ ບັດຄາດໝາຍການພັດທະນາ ເສດຖະກິດ-ສັງຄົມ ປີ 2017 ແລະ2018 ຕາມແຜນການຂອງ ເມືອງ ໃນນັ້ນໃຫ້ເອົາໃຈໃສ່ເຂດ ຊົນນະບົດຫ່າງໄກສອກຫຼີກ, ສຸມ ໃສ່ບັນດາຄອບຄົວທີ່ຍັງທຸກຍາກ ບ້ານ ແລະ ຄອບຄົວ ທີ່ບໍ່ທັນມີ ການຈັດສັນ, ບໍ່ທັນມີອາຊີບຄົງ ທີ່ຖາວອນ. ການພັດທະນາເສດ ຖະກິດ-ສັງຄົມແມ່ນອີງໃສ່ທ່າ ແຮງທີ່ບົມຊ້ອນຂອງແຕ່ລະທ້ອງ ຖິ່ນ; ເອົາໃຈໃສ່ຄຸ້ມຄອງງົບປະ ມານຕິດຕາມ-ກວດກາຊຸກຍູ້ ການເກັບລາຍຮັບເຂົ້າງົບປະ ມານໃຫ້ໄດ້ຕາມຄາດໝາຍ ແລະ ລື່ນຄາດໝາຍທີ່ວາງໄວ້; ສືບຕໍ່ ເອົາໃຈໃສ່ສູ້ຊົນຈັດຕັ້ງປະຕິບັດ ວຽກງານ 3 ສ້າງໃຫ້ເກີດຜົນ ເປັນຈິງເປັນຕົ້ນການສ້າງບ້ານ ພັດທະນາຕິດພັນກັບການແກ້ໄຂ ບ້ານທຸກຍາກຂອງປະຊາຊົນບັນ ດາເຜົ່າ, ພ້ອມກັນເບິ່ງຄືນ ແລະ ການແບ່ງສິດ, ແບ່ງຄວາມຮັບ ຜິດຊອບລະຫວ່າງຂະແໜງການ ຂອງເມືອງກັບບ້ານໃຫ້ຈະແຈ້ງ ຂາດຕົວຕື່ມ; ເອົາໃຈໃສ່ເພີ່ມທະ ວີວຽກງານຕິດຕາມ-ກວດກາ ພັກ, ກວດກາຄຸ້ມຄອງບໍລິຫານ ລັດການສະກັດກັ້ນ ແລະ ຕ້ານ ການສໍ້ລາດບັງຫຼວງໃຫ້ເຂັ້ມ ງວດ, ພ້ອມກັນຈັດຕັ້ງປະຕິບັດ ບັນດາມະຕິ, ຄໍາສັ່ງຕ່າງໆຂອງ ພັກ ແລະ ນິຕິກໍາອື່ນໆ ທີ່ຕິດພັນ ກັບວຽກງານຕິດຕາມ-ກວດກາ ໃຫ້ເລິກເຊິ່ງ; ເພີ່ມທະວີວຽກ ງານປ້ອງກັນຊາດ-ປ້ອງກັນ ຄວາມສະຫງົບຢ່າງແຂງແຮງ, ທົ່ວເຖິງ, ສຸມໃສ່ແກ້ໄຂສະພາບ ຫຍໍ້ທໍ້ຕ່າງໆໃນສັງຄົມ, ເປັນຕົ້ນ ບັນຫາຢາເສບຕິດ, ການຄ້າຂາຍ ເຖື່ອນ, ການລັກລອບຂຸດຄົ້ນໄມ້, ສຶກສາອົບຮົມປະຊາຊົນໃຫ້ມີ ຈິດໃຈຮັກຊາດອັນດູດດື່ມ. ເຊິ່ງ ຂອດຕັດສິນການຈັດຕັ້ງປະຕິບັດ ວຽກງານຮອບດ້ານຂອງເມືອງ ໃຫ້ມີຜົນສຳເລັດ ແມ່ນບົນພື້ນ ຖານຄວາມເປັນເອກະພາບຂອງ ຄະນະພັກ-ຄະນະນຳທຸກຂັ້ນ ແລະ
ຄວາມສາມັກຄີພາຍໃນຢ່າງ ແໜ້ນແຟ້ນ.
ການລົງຢ້ຽມຢາມເຮັດວຽກ ຄັ້ງນີ້ ທ່ານ ປອ ບຸນທອງ ຈິດມະ ນີ ພ້ອມຄະນະ ໄດ້ມອບຄອມພິວ ເຕີຕັ້ງໂຕະ 2 ຊຸດ, ປິນເຕີ 2 ຊຸດ, ເຄື່ອງນຸ່ງ-ຜ້າຫົົ່ມຈໍານວນໜຶ່ງ ພ້ອມທັງເງິນສົດ ຈໍານວນ 30 ລ້ານກີບແກ່ເມືອງວາປີອີກ ດ້ວຍ.

ຂ່າວມື້ນີ້

ຂ່າວເດັ່ນ