Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 150  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ທ່ານນາຍົກລັດຖະມົນຕີຕ້ອນຮັບຄະນະຜູ້ແທນຣາຊະອານາຈັກໄທ

ທ່ານນາຍົກລັດຖະມົນຕີຕ້ອນຮັບຄະນະຜູ້ແທນຣາຊະອານາຈັກໄທວັນທີ 12 ກຸມພາ 2018 ຢູ່ທີ່ສໍານັກງານນາຍົກລັດຖະມົນຕີ, ທ່ານ ທອງລຸນ ສີສຸລິດ ນາຍົກລັດຖະມົນຕີ ​ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ພົນເອກ ປຣະວິດ ວົງສຸວັນຮອງນາຍົກລັດຖະມົນຕີ, ລັດຖະມົນຕີກະຊວງປ້ອງ ກັນປະເທດ ແຫ່ງ ຣາຊະອານາຈັກໄທ ພ້ອມດ້ວຍຄະນະ ເນື່ອງໃນໂອກາດເດີນທາງມາເຄື່ອນໄຫວຢ້ຽມ ຢາມ ແລະ ເຮັດວຽກຢູ່ ສປປ ລາວ ຢ່າງເປັນທາງການ.


ກ່ອນອື່ນ ທ່ານ ທອງລຸນ ສີສຸລິດ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການເດີນ ທາງມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ຂອງ ທ່ານ ພົນເອກ ປຣະວິດ ວົງສຸວັນ ພ້ອມດ້ວຍຄະນະ ໃນຄັ້ງນີ້ອັນເປັນການປະກອບສ່ວນສໍາຄັນໃນການເສີມຂະຫຍາຍສາຍພົວພັນ ຮ່ວມມືຂອງສອງປະເທດໃຫ້ຈະເລີນ ງອກງາມຍິ່ງໆຂຶ້ນ, ໂດຍສະ ເພາະແມ່ນການພົວພັນຮ່ວມມື ທາງດ້ານວຽກງານເຕັກໂນໂລຊີ ຂໍ້ມູນຂ່າວສານ ແລະ ການສື່ ສານຂອງສອງປະເທດ, ການພັດ ທະນາຊັບພະຍາກອນມະນຸດ ແລະ ການແລກປ່ຽນບົດຮຽນ ເຊິ່ງກັນ ແລະ ກັນຕະຫຼອດມາ. ພ້ອມດຽວກັນນີ້, ທ່ານນາຍົກ ລັດຖະມົນຕີ ຍັງໄດ້ເນັ້ນໜັກໃຫ້ ຂະແໜງການໄປສະນີ, ໂທລະ ຄົມມະນາຄົມ ແລະ ການສື່ສານ ທັງສອງປະເທດ ຈົ່ງສືບຕໍ່ໃຫ້ ການພົວພັນຮ່ວມມື, ຊ່ວຍເຫຼືອ ເຊິ່ງກັນ ແລະ ກັນ ໃນດ້ານຕ່າງໆ ເພື່ອເຮັດໃຫ້ວຽກງານດັ່ງກ່າວ ໄດ້ຮັບການພັດທະນາດີຂຶ້ນ ເລື້ອຍໆ ໂດຍສະເພາະແມ່ນການ ຕິດຕັ້ງໂປຣແກຣມຄຸ້ມຄອງການ ລົງທະບຽນໝາຍເລກໂທລະສັບ ມືຖືໃຫ້ແກ່ກະຊວງໄປສະນີ, ໂທ ລະຄົມມະນາຄົມ ແລະ ການສື່ ສານຂອງລາວ ເຊິ່ງຈະເປັນຜົນດີ ໃຫ້ແກ່ການປ້ອງກັນອາຊະຍາ ກໍາທາງເອເລັກໂຕຣນິກ ແລະ ຕ້ານການຄ້າຢາເສບຕິດ ທັງນີ້ ກໍເພື່ອເປັນການນໍາຜົນປະໂຫຍດ ມາສູ່ປະຊາຊົນຂອງປະເທດ ກໍຄື ປະຊາຊົນອາຊຽນ ຢ່າງແທ້ຈິງ.
ໂອກາດເຂົ້າຢ້ຽມຂໍ່ານັບໃນ ຄັ້ງນີ້, ທ່ານ ປຣະວິດ ວົງສຸວັນ ໄດ້ສະແດງຄວາມຂອບໃຈມາຍັງ ທ່ານນາຍົກລັດຖະມົນຕີ ທີ່ໄດ້ ເສຍສະຫຼະເວລາອັນມີຄ່າໃຫ້ ການຕ້ອນຮັບຢ່າງອົບອຸ່ນໃນ ຄັ້ງນີ້ ພ້ອມທັງ ໄດ້ແຈ້ງຈຸດປະ ສົງຂອງການເດີນທາງມາ ເຄື່ອນໄຫວຢ້ຽວຢາມ ແລະ ເຮັດ ວຽກຢູ່ ສປປ ລາວ ໃນຄັ້ງນີ້ ແລະ ສັນຍາວ່າຈະສືບຕໍ່ໃຫ້ການ ຊຸກຍູ້ຊ່ວຍເຫຼືອ, ປຶກສາຫາລື ແລະ ຮ່ວມມືກັບ ສປປ ລາວ ໃນດ້ານຕ່າງໆຕໍ່ໄປໂດຍສະ ເພາະແມ່ນຂະແໜງໄປສະນີ, ໂທລະຄົມມະນາຄົມ ແລະ ການ ສື່ສານຂອງລາວ ແນໃສ່ເພື່ອ ເສີມຂະຫຍາຍສາຍພົວພັນຮ່ວມ ມືຂອງສອງປະເທດ ທີ່ມີມາດົນ ນານແລ້ວນັ້ນໃຫ້ຈະເລີນງອກ ງາມຍິ່ງໆຂຶ້ນ.
ໂດຍ: ອານິຄົມ ວົງເດືອນ

ຂ່າວມື້ນີ້

ຂ່າວເດັ່ນ