Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 378  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ປະກາດການບົ່ງຕົວແຕ່ງຕັ້ງຄະນະພັກຮາກຖານສານທະຫານຂັ້ນສູງ

ໃນວັນທີ 7 ມີນາ 2018 ນີ້, ຢູ່ທີ່ອົງການສານທະຫານຂັ້ນສູງ ໄດ້ຈັດພິທີປະກາດບົ່ງຕົວແຕ່ງຕັ້ງຄະນະພັກຮາກຖານສານທະຫານຂັ້ນສູງ ໂດຍການເປັນປະທານຂອງ ​ສະ​ຫາຍ ພົນຈັດຕະວາ ຜາລົມ ລິນທອງ ກຳມະການຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ມີຜູ້ຕາງໜ້າກົມຈັດຕັ້ງພັກ, ກົມພະນັກງານ, ຫ້ອງການ ແລະ ພະນັກງານຫຼັກແຫຼ່ງເຂົ້າຮ່ວມ.


ໃນພິທີ ພັນໂທ ອານຸສິດ ບໍໃບ ຄຳ ຫົວໜ້າພະແນກຈັດຕັ້ງພັກຫ້ອງການເມືອງ ກົມໃຫຍ່ການ ເມືອງກອງທັບ ໄດ້ຂຶ້ນຜ່ານຂໍ້ຕົກ ລົງ ວ່າດ້ວຍການບົ່ງຕົວແຕ່ງຕັ້ງ ຄະນະພັກຮາກຖານສານທະຫານຂັ້ນສູງ ແລະ ມອບ-ໂອນສານ ທະຫານທັງ 3 ພາກ (ພາກ​ເໜືອ, ພາກກາງ ແລະ ພາກ​ໃຕ້) ໃຫ້ຂຶ້ນກັບສານທະຫານຂັ້ນສູງ, ອີງຕາມທິດທາງກ່ຽວກັບການປັບປຸງບູລະນະກົງຈັກການຈັດຕັ້ງ ນຳພາ-ບັນຊາໃນກຳລັງປະກອບ ອາວຸດໃຫ້ເຂັ້ມແຂງໜັກແໜ້ນໃນ ຮອບດ້ານ, ກົມໃຫຍ່ການເມືອງ ກອງທັບຕົກລົງແຕ່ງຕັ້ງ ທ່ານ ພົນຈັດຕະວາ ບຸນຍົງ ດາດົງໄຊ ເປັນເລຂາຄະນະພັກຮາກຖານ, ພັນໂທ ສິງທອງ ຄຳປະເສີດ ເປັນ ຮອງເລຂາຄະນະພັກຮາກຖານ, ພັນໂທ ສາຍສະໝອນ ກິລືໄຊ ເປັນຄະນະພັກຮັບຜິດຊອບວຽກ ງານກວດກາ, ພັນໂທ ບຸນເພັງ ແກ້ວນາທີ ເປັນຄະນະພັກຮັບຜິດ ຊອບວຽກງານປ້ອງກັນ, ພັນໂທ ຈັນທະວີໄຊ ນາມມະວົງສາ ເປັນ ຄະນະພັກຮັບຜິດຊອບວຽກງານ ໂຄສະນາອົບຮົມ, ພັນໂທ ວັນ ສີ ເຟືອງ ເປັນຄະນະພັກຮັບຜິດຊອບ ວຽກງານອົງການຈັດຕັ້ງມະຫາ ຊົນ ແລະ ພັນໂທ ຄຳຊາວ ອ່ອນ ລາວົງ ເປັນຄະນະພັກຮັບຜິດ ຊອບການຄັງ.

ໂອກາດນີ້ ທ່ານ ພົນຈັດຕະວາ ຜາລົມ ລິນທອງ ໄດ້ໂອ້ລົມຕໍ່ຜູ້ທີ່ ໄດ້ຮັບການແຕ່ງຕັ້ງໃໝ່ ເຊິ່ງໄດ້ ສະແດງຄວາມຍ້ອງຍໍຊົມເຊີຍ ແລະ ຮຽກຮ້ອງໃຫ້ພ້ອມກັນເອົາ ໃຈໃສ່ເຝິກຝົນຫຼໍ່ຫຼອມຕົນເອງ, ຍົກສູງຄວາມຮັບຜິດຊອບຕໍ່ໜ້າ ທີ່ການເມືອງຂອງຕົນ, ແບບ ແຜນວິທີເຮັດວຽກລວມສູນປະ ຊາທິປະໄຕ, ມີຄວາມສາມັກຄີ ພາຍໃນແໜ້ນແຟ້ນ ແລະ ເຮັດສຳ ເລັດໜ້າທີ່ຕາມແຜນການ.
ໂດຍ: ບົວລາ

ຂ່າວມື້ນີ້

ຂ່າວເດັ່ນ