Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 119  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຫະພັນແມ່ຍິງກົມໃຫຍ່ເຕັກນິກກອງທັບປາຖະກະຖາຫວນຄືນມູນເຊື້ອວັນແມ່ຍິງສາກົນ ຄົບຮອບ 108 ປີ

ສະຫະພັນແມ່ຍິງກົມໃຫຍ່ເຕັກນິກກອງທັບປາຖະກະຖາຫວນຄືນມູນເຊື້ອວັນແມ່ຍິງສາກົນ ຄົບຮອບ 108 ປີໃນຕອນເຊົ້າຂອງວັນທີ 7 ມີນາ 2018 ນີ້ ສະຫະພັນ ແມ່ຍິງກົມໃຫຍ່ເຕັກນິກກອງທັບ ໄດ້ຈັດຕັ້ງປາຖະກະຖາຫວນຄືນ ມູນເຊື້ອວັນແມ່ຍິງສາກົນ ຄົບ ຮອບ 108 ປີ ຂຶ້ນຢູ່ທີ່ສະໂມ ສອນກົມໃຫຍ່ເຕັກນິກກອງທັບ ໂດຍໃຫ້ກຽດເປັນທະທານຂອງ ພັນເອກ ດຣ ນາງ ແວ່ນແກ້ວ ອຸທະວົງ ອະດີດຄະນະບໍລິຫານ ງານສູນກາງສະພັນແມ່ຍິງລາວ, ຫົວໜ້າຫ້ອງການສະຫະພັນແມ່ ຍິງກະຊວງປ້ອງກັນປະເທດ,ມີຄະນະພັກ- ຄະນະບັນຊາຈາກ 6ກົມ3ຫ້ອງ,ອົງການຈັດຕັ້ງມະ

ຫາຊົນ ແລະ ສະມາຊິກສະຫະ ພັນແມ່ຍິງກົມກອງອ້ອມຂ້າງເຂົ້າ ຮ່ວມຮັບຟັງ. 

ໃນພິທີ ພັນເອກ ດຣ ນາງ ແວ່ນແກ້ວ ອຸທະວົງ ໄດ້ຫວນຄືນ ມູນເຊື້ອຍົກໃຫ້ເຫັນມູນເຊື້ອການ ກໍາເນີດຂອງວັນແມ່ຍິງສາກົນ ເຊິ່ງໄດ້ຮັບການສ້າງຕັ້ງຂຶ້ນໃນ ວັນທີ 8 ມີນາ 1910 ທີ່ນະຄອນ ໂກເປນ ປະເທດແດນມາກ, ຍົກ ໃຫ້ເຫັນຂະບວນການຕໍ່ສູ້ ຂອງ ແມ່ຍິງໃນທົ່ວໂລກທີ່ທວງເອົາ ສິດສະເໝີພາບລະຫວ່າງຍິງ- ຊາຍ, ທວງເອົາຄ່າແຮງງານ ແລະ ໃຫ້ນາຍທຶນຫຼຸດຜ່ອນຊົ່ວ ໂມງເຮັດວຽກ ພ້ອມທັງທວງ ເອົານະໂຍບາຍຕໍ່ແມ່ຍິງໃນເວ ລາເຈັບປ່ວຍ, ຖືພາ ແລະ ເກີດ ລູກ. ຍ້ອນເຫັນໄດ້ພາລະບົດ ບາດໜ້າທີ່ຂອງເອື້ອຍນ້ອງສະ ຫະພັນແມ່ຍິງລາວໃນປັດຈຸບັນ ເປັນຕົ້ນແມ່ນບັນດາອົງການຈັດ ຕັ້ງ, ສົນທິສັນຍາ, ຖະແຫຼງການ, ກອງປະຊຸມຕ່າງໆກ່ຽວກັບແມ່ ຍິງໃນລະດັບສາກົນ, ພາກພື້ນ ແລະ ອາຊຽນ,ນະໂຍບາຍຄວາມ ກ້າວໜ້າຂອງແມ່ຍິງລາວ ແລະ ວຽກງານການພົວພັນການ ຮ່ວມມືກັບຕ່າງປະເທດ ເພື່ອໃຫ້ ເອື້ອຍນ້ອງສະຫະພັນແມ່ຍິງທົ່ວ ກົມໃຫຍ່ເຕັກນິກກອງທັບຮັບຮູ້ ແລະ ເຂົ້າໃຈຄວາມໝາຍຄວາມ ສໍາຄັນຂອງວັນດັ່ງກ່າວ, ເພື່ອ ນໍາເອົາເນື້ອໃນຈິດໃຈຂອງການ ປາຖະກະຖາຄັ້ງນີ້ໄປໝູນໃຊ້ເຂົ້າ ໃນໜ້າທີ່ວຽກງານຕົວຈິງໃນກົມ ກອງຂອງຕົນໃຫ້ມີບາດກ້າວຫັນ ປ່ຽນອັນໃໝ່, ຕັ້ງໜ້າສຶກສາອົບ ຮົມເອື້ອຍນ້ອງແມ່ຍິງໃຫ້ເປັນ ເຈົ້າການສືບຕໍ່ເຝິກຝົນຫຼໍ່ຫຼອມຕົນເອງດ້ານຄວາມຮູ້ຄວາມສາ ມາດ, ມີຄຸນສົມບັດສິນທໍາປະຕິວັດ, ມີຄວາມສາມັກຄີເປັນເອກະພາບພາຍໃນ, ສາມັກຄີກັບປະ ຊາຊົນບັນດາເຜົ່າ ແລະ ປະກອບສ່ວນຢ່າງຕັ້ງໜ້າເຂົ້າໃນປະຕິບັດໜ້າທີ່ວຽກງານຕ່າງໆຂອງ ກົມກອງໃຫ້ສູງຂຶ້ນກວ່າເກົ່າ.
ພັນເອກ ດຣ ນາງ ແວ່ນແກ້ວ ອຸທະວົງ ໄດ້ເນັ້ນຕື່ມໃຫ້ພ້ອມ ກັນຕັ້ງໜ້າປະຕິບັດກົດລະບຽບ ກົດໝາຍຂອງສະຫະພັນແມ່ຍິງ ລາວ ເພື່ອພັດທະນາຄວາມສະ ເໝີພາບຍິງ-ຊາຍ, ຕິດພັນກັບ ການພັດທະນາປະເທດຊາດ ແລະ ຂໍ້ແຂ່ງຂັນ 3 ດີຂອງສະຫະ ພັນແມ່ຍິງລາວ ສົ່ງເສີມຄວາມ ກ້າວໜ້າຂອງແມ່ຍິງໃຫ້ມີຄຸນ ທາດການເມືອງໜັກແໜ້ນ, ມີ ຄຸນສົມບັດສິນທໍາປະຕິວັດຕັ້ງ ໜ້າເຂົ້າຮ່ວມທຸກຂະບວນການ ເພື່ອເປັນກໍາລັງແຮງໃຫ້ຄະນະ ພັກ-ຄະນະບັນຊາ ໃນດ້ານການ ສຶກສາອົບຮົມເຕົ້າໂຮມຄວາມ ສາມັກຄີປຸກລະດົມໃຫ້ເອື້ອຍນ້ອງ ແມ່ຍິງປະຕິບັດໜ້າທີ່ປົກປັກຮັກ ສາ ແລະ ສ້າງສາປະເທດຊາດ ເພື່ອສ້າງບາດກ້າວບຸກທະລຸໃນ ການຈັດຕັ້ງປະຕິບັດແນວທາງ ປ່ຽນໃໝ່ຂອງພັກໃນອະນາຄົດ.
ໃນພິທີດັ່ງກ່າວຍັງໄດ້ຈັດກິດ ຈະກໍາຖາມ-ຕອບກ່ຽວກັບ ຄວາມຮູ້ທົ່ວໄປຂອງເອື້ອຍນ້ອງ ສະມາຊິກແມ່ຍິງ ແລະ ມອບ ຂອງຂວັນລາງວັນໃຫ້ຜູ້ເຂົ້າ ຮ່ວມກິດຈະກໍາ. ພ້ອມກັນນັ້ນໄດ້ ມອບໃບຍ້ອງຍໍຂອງຄະນະບໍລິ ຫານງານສູນກາງສະຫະພັນ ແມ່ຍິງລາວໃຫ້ແກ່ເອື້ອຍນ້ອງ ແມ່ຍິງຜູ້ທີ່ມີຜົນງານດີເດັ່ນໃນການເຂົ້າຮ່ວມສວນສະໜາມກ້ອນ ແມ່ຍິງລາວ ໃນງານສະເຫຼີມສະ ຫຼອງວັນຊາດທີ 2 ທັນວາ ຄົບ ຮອບ 40 ປີ ຈໍານວນ4 ສະຫາຍ.
ຂ່າວໃຫ້ຮູ້ຕື່ມອີກວ່າ:
ໂດຍ: ຄໍາສຸກ ວິໄລວົງ

ຂ່າວມື້ນີ້

ຂ່າວເດັ່ນ