Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 49  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ພິທີປະກາດຫັນເອົາກອງພັນໃຫຍ່ 941 ເປັນກອງພັນໃຫຍ່ທະຫານຮາບເອກະລາດ

ພິທີປະກາດການຈັດຕັ້ງ ຫັນເອົາກອງພັນໃຫຍ່ 941 ປ່າ ສະຫງວນແຫ່ງຊາດພູເຂົາຄວາຍ-ພູພະນັງມາເປັນກອງພັນໃຫຍ່ ທະຫານຮາບເອກະລາດ 941 ຈັດຂຶ້ນໃນຕອນເຊົ້າວັນທີ 6 ເມ ສາ 2018 ທີ່ສະໂມສອນຂອງ ກົມກອງໂດຍໃຫ້ກຽດເຂົ້າຮ່ວມ ຂອງທ່ານ ພົນໂທ ສຸວອນ ເລືອງ ບຸນມີ ກຳມະການສູນກາງພັກ, ຮອງລັດຖະມົນຕີກະຊວງປ້ອງ ກັນປະເທດ, ຫົວໜ້າກົມໃຫຍ່ເສ ນາທິການກອງທັບ, ມີຄະນະພັກ-ຄະນະບັນຊາກອງພັນໃຫຍ່ 941, ຫ້ອງວ່າການລັດຖະບານ, ຫ້ອງວ່າການປົກຄອງແຂວງ, ຫ້ອງການປົກຄອງທ້ອງຖິ່ນ,

ບັນດາກົມໃຫຍ່, ກົມກອງອ້ອມ ຂ້າງ ແລະ ພະນັກງານຫຼັກແຫຼ່ງ ທົ່ວກົມກອງເຂົ້າຮ່ວມ.
ພັນເອກ ວອນຄຳ ສຸຂະວົງ ເລຂາຄະນະພັກ ຫົວໜ້າການ ເມືອງກອງພັນໃຫຍ່ 941 ໄດ້ຂຶ້ນ ຜ່ານປະຫວັດຄວາມເປັນມາ ຂອງກອງພັນໃຫຍ່ 941 ເຊິ່ງ ກົມກອງໄດ້ສ້າງຕັ້ງໃນວັນທີ 10 ມັງກອນ 1994 ມີໜ້າທີ່ປົກປັກ ຮັກສາປ່າສະຫງວນແຫ່ງຊາດ ພູເຂົາຄວາຍ ເປັນຕົ້ນແມ່ນການ ກວດກາປ່າໄມ້, ອະນຸລັກຮັກສາ ທຳມະຊາດ ແລະ ສິ່ງແວດລ້ອມ, ທ້າຍປີ 1994 ສູນກາງພັກໄດ້ ຕົກລົງອະນຸຍາດໃຫ້ມີການສ້າງ ຕັ້ງບໍລິສັດລາວ-ຊູເຢນຂຶ້ນທີ່ພູ ເຂົາຄວາຍ, ໃນວັນທີ 20/7/ 1996 ກະຊວງປ້ອງກັນປະເທດ ໄດ້ມີຂໍ້ຕົກລົງແຍກກອງຮັກສາ ປ່າສະຫງວນພູເຂົາຄວາຍອອກ ຈາກບໍລິສັດ ລາວ-ຊູເຢນ. ປີ 1997 ກະຊວງປ້ອງກັນປະເທດ ໄດ້ປັບປຸງການຈັດຕັ້ງຢູ່ສູນບັນ ຊາການລວມເອີ້ນວ່າຄະນະອຳ ນວຍການປ່າສະຫງວນພູເຂົາ ຄວາຍ 194, ປີ 1998 ຄະນະ ພັກກະຊວງປ້ອງກັນປະເທດ ໄດ້ມີມະຕິຕົກລົງສ້າງຕັ້ງຄະນະ ພັກຮາກຖານ, ມີສະມາຊິກ 30 ສະຫາຍ, ປີ 1999 ສຳນັກ ກອງ ຄຸ້ມຄອງປ່າສະຫງວນແຫ່ງຊາດ ພູເຂົາຄວາຍ 194 ໄດ້ຍົກຈາກເທິງພູເຂົາຄວາຍລົງມາຕັ້ງຢູ່ດົງ ປ່າສັກ, ປີ 2002 ລັດຖະມົນຕີ ກະຊວງປ້ອງກັນປະເທດໄດ້ ອອກຂໍ້ຕົກລົງມອບປ່າສະ ຫງວນແຫ່ງຊາດພູພະນັງ ໃຫ້ຄຸ້ມ ຄອງຕໍ່ຈາກກອງບັນຊາການ ທະຫານນະຄອນຫຼວງວຽງຈັນ, ເຊິ່ງມີເນື້ອທີ່ກວ້າງອອກກວ່າ ເກົ່າ 270.000 ເຮັກຕາ ມາຮອດ ປີ 2003 ກະຊວງປ້ອງກັນປະ ເທດໄດ້ລົງມາປະກາດຄຸ້ມຄອງ ປ່າສະຫງວນແຫ່ງຊາດ ພູເຂົາ ຄວາຍ-ພູພະນັງ, ເປັນກອງທຽບ ເທົ່າກອງພັນໃຫຍ່ ເຊິ່ງເອີ້ນວ່າ ກອງຄຸ້ມຄອງປ່າສະຫງວນແຫ່ງ ຊາດ 941 , ມີບົດບາດເປັນເສ ນາທິການຊ່ວຍກະຊວງປ້ອງກັນ ປະເທດ, ເພື່ອຄຸ້ມຄອງເຂດຍຸດທະ ສາດທີ່ສຳຄັນ ແລະ ຄົ້ນຄວ້າວາງ ແຜນດ້ານຈັດສັນຄຸ້ມຄອງປົກປັກ ຮັກສາຟື້ນຟູປ່າສະຫງວນແຫ່ງ ຊາດທັງສອງແຫ່ງ.
ມາຮອດທ້າຍປີ 2003 ກົມ ໃຫຍ່ການເມືອງກອງທັບໄດ້ລົງ ມາປະກາດການຈັດຕັ້ງຂັ້ນກອງ ພັນນ້ອຍຂຶ້ນກັບ ເຊິ່ງປະກອບມີ 5 ກອງພັນນ້ອຍ ແລະ ມີ 3 ພະ ແນກການຂຶ້ນກັບ. ມາຮອດປີ 2004 ກອງພັນໃຫຍ່ 941 ໄດ້ ປະກາດເປັນກອງພັນໃຫຍ່ເອກະ ລາດຂຶ້ນກັບກະຊວງປ້ອງກັນ ປະເທດໂດຍກົງຮອບດ້ານ ເຊິ່ງ ມີຈຳນວນພົນທັງໝົດ 374 ສະ ຫາຍ. ຕະຫຼອດໄລຍະທີ່ຜ່ານມາ ໄດ້ຫັນເອົາພະນັກງານລົງເຄື່ອນ ໄຫວລົງກໍ່ສ້າງຮາກຖານ ແລະ ປະສານສົມທົບກັບອຳນາດການ ປົກຄອງທ້ອງຖິ່ນໃນ 4 ແຂວງ 12 ຕົວເມືອງ ແລະ 119 ໝູ່ ບ້ານທີ່ຕັ້ງໃນຂອບເຂດປ່າສະ ຫງວນແຫ່ງຊາດພູເຂົາຄວາຍ- ພູພະນັງ, ໄດ້ຈັດຕັ້ງເຄື່ອນໄຫວ ກວດກາລາດຕະເວນເພື່ອຕ້ານ ການຕັດໄມ້ທຳລາຍປ່າ, ການ ບຸກລຸກຈັບຈອງເນື້ອທີ່ດິນໃນ ຂອບເຂດປ່າສະຫງວນທັງສອງ ແຫ່ງ ແລະ ຍັງໄດ້ສຸມໃສ່ຫັດ ແອບທາງດ້ານສີລະປະຍຸດ-ຍຸດ ທະວິທີໃຫ້ເປັນປະຈຳ ປະຕິບັດ 7 ລະບອບ 18 ວຽກຂອງກອງທັບ ໄດ້ຢ່າງເຂັ້ມງວດ ແລະ ສຸມໃສ່ ການບຳລຸງກໍ່ສ້າງພະນັກງານ, ສະມາຊິກພັກໄດ້ 3 ຮຸ່ນ ບົນພື້ນ ຖານຕິດພັນກັບໜ້າທີ່ການເມືອງ ຂອງກົມກອງດ້ວຍການບຳລຸງ ກັບທີ່ ແລະ ຍັງໄດ້ສົ່ງໄປຮຽນຢູ່ ພາຍໃນ ແລະ ຕ່າງປະເທດໄລ ຍະທີ່ຜ່ານມາສາມາດສ້າງໄດ້ ກອງແຂງ-ໜ່ວຍພັກຮູ້ນຳພາ ຮອບດ້ານ 18 ໜ່ວຍ, ມີໜ່ວຍ ພັກແຂງ 8 ໜ່ວຍ, ປັດຈຸບັນອັດ ຕາສ່ວນການນຳພາຂອງພັກ ກວມເອົາ 58% ຂອງຈຳນວນ ພົນທັງໝົດ, ມີກອງປອດໃສປອດ ໄພ-ປອດຄະດີປະເພດ I 11 ກົມ ກອງ ແລະ ປະເພດ II 8 ກົມ ກອງ ແລະ ຍັງໄດ້ຍູ້ແຮງຂະບວນ ການຜະລິດຂອງກົມກອງຕາມ ທິດເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍ ຕົນເອງຢ່າງເປັນຂະບວນການ ຟົດຟື້ນຢ່າງແຂງແຮງ, ປະຕິບັດ ຕາມທິດ 4 ປູກ 4 ລ້ຽງຂອງ ກົມໃຫຍ່ພະລາທິການກອງທັບ ວາງອອກໄດ້ເປັນຢ່າງດີ.
ໃນຕໍ່ໜ້າອີງໃສ່ຂໍ້ຕົກລົງຂອງ ກົມໃຫຍ່ເສນາທິການກອງທັບ ວ່າດ້ວຍໂຄງປະກອບການຈັດ ຕັ້ງ, ຕຳແໜ່ງງານ ແລະ ຈຳນວນ ພົນຂອງກອງພັນໃຫຍ່ທະຫານ ເອກະລາດ 941 ສະບັບປັບປຸງ ແຕ່ປີ 2015-2020 ເຊິ່ງຫັນເອົາ ກອງພັນໃຫຍ່ 941 ທີ່ເຮັດໜ້າທີ່ ຄຸ້ມຄອງປ່າສະຫງວນແຫ່ງຊາດ ພູເຂົາຄວາຍ-ພູພະນັງ ໃນປັດຈຸ ບັນມາເປັນກອງພັນໃຫຍ່ທະ ຫານຮາບ 941 ເຮັດໜ້າທີ່ຮັກ ສາຍຸດທະສາດແນວຫຼັງ ນະຄອນ ຫຼວງວຽງຈັນ ແລະ ຍັງໄດ້ສົມ ທົບກັບຫ້ອງວ່າການກະຊວງ ປ້ອງກັນປະເທດ ເປັນເຈົ້າການ ແຈ້ງການກ່ຽວກັບໜ້າທີ່ຮັກສາ ປ່າສະຫງວນແຫ່ງຊາດ ພູເຂົາ ຄວາຍ-ພູພະນັງ ຂອງກອງພັນ ໃຫຍ່ 941 ໃນເມື່ອກ່ອນຄືນໃຫ້ ກະຊວງກະສິກຳ ແລະ ປ່າໄມ້, ກະຊວງຊັບພະຍາກອນທຳມະ ຊາດ ແລະ ສິ່ງແວດລ້ອມເປັນ ອົງການຄຸ້ມຄອງຕໍ່ໄປ.

ຂ່າວມື້ນີ້

ຂ່າວເດັ່ນ