Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 48  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ທ່ານ ສອນໄຊ ສີພັນດອນ ເຄື່ອນໄຫວຢ້ຽມຢາມແຂວງຈຳປາສັກ

ທ່ານ ສອນໄຊ ສີພັນດອນ ເຄື່ອນໄຫວຢ້ຽມຢາມແຂວງຈຳປາສັກຫວ່າງວັນທີ 5-6 ເມສາ 2018 ນີ້ ທ່ານ ສອນໄຊ ສີພັນ ດອນ ກຳມະການກົມການເມືອງ ສູນກາງພັກ ຮອງນາຍົກລັດຖະ ມົນຕີ ພ້ອມດ້ວຍຄະນະເຄື່ອນ ໄຫວຢ້ຽມຢາມ ແລະ ເຮັດວຽກຢູ່ ແຂວງຈຳປາສັກ ເຊິ່ງມີທ່ານ ບຸນ ຖອງ ດີວິໄຊ ກຳມະການສູນກາງ ພັກ ເຈົ້າແຂວງໆຈຳປາສັກ ພ້ອມ ດ້ວຍບັນດາຮອງເຈົ້າແຂວງ, ຄະ ນະພັກ, ຄະນະນຳແຂວງ-ເມືອງ, ພະແນກການ ແລະ ຫ້ອງການ ອ້ອມຂ້າງໃຫ້ການຕ້ອນຮັບຢ່າງ ອົບອຸ່ນ.ໃນໂອກາດດັ່ງກ່າວທ່ານ ບຸນ

ຖອງ ດີວິໄຊ ໄດ້ລາຍງານສະ ພາບການນຳພາ-ຊີ້ນຳ ແລະ ການຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມຂອງ ແຂວງ, ອັນໄດ້ເຮັດໃຫ້ເສດຖະ ກິດຂະຫຍາຍຕົວສະເລ່ຍບໍ່ຫຼຸດ 8% ຕໍ່ປີ, ລວມຍອດຜະລິດຕະ ພັນພາຍໃນ (GDP) ບັນລຸ 21.500 ກວ່າຕື້ກີບ, ສະເລ່ຍ ລາຍຮັບ 28,6 ລ້ານກີບຕໍ່ຄົນຕໍ່ ປີ ຫຼື ປະມານ 3.581 ໂດລາ ສະຫະລັດຕໍ່ຄົນຕໍ່ປີ. ປັດຈຸບັນ ເສດຖະກິດຂອງແຂວງຂະ ຫຍາຍຕົວໃນລະດັບ 8,12% ຕໍ່ປີ, ສະເລ່ຍລາຍຮັບໄດ້ 20,5 ລ້ານກີບ ຫຼື ປະມານ 2.488 ໂດ ລາຕໍ່ຄົນຕໍ່ປີ, ສາມາດສະໜອງ ສະບຽບອາຫານປະເພດຊີ້ນ, ປາ ແລະ ອື່ນໆໃຫ້ແກ່ສັງຄົມ ໂດຍ ສະເລ່ຍ 55,3 ກິໂລຕໍ່ຄົນຕໍ່ປີ ໃນ ປີ 2015 ມາເປັນ 61,48 ກິໂລ ຕໍ່ຄົນຕໍ່ປີໃນປີ 2017, ການພັດ ທະນາຊົນນະບົດ ແລະ ແກ້ໄຂ ຄວາມທຸກຍາກຂອງປະຊາຊົນ ແມ່ນໄດ້ສຸມໃສ່ການສ້າງບ້ານ ແລະ ຈຸດສຸມພັດທະນາຕາມ 4 ເນື້ອໃນ 4 ຄາດໝາຍ ໄປຄຽງຄູ່ ກັບການຈັດຕັ້ງປະຕິບັດວຽກ ງານ 3 ສ້າງຢ່າງເປັນຂະບວນ ທີ່ຕັ້ງໜ້າ, ມາຮອດປັດຈຸບັນ, ສາ ມາດແກ້ໄຂຄອບຄົວທຸກຍາກ ຈາກ 867 ຄອບຄົວໃນປີ 2015 ຫຼຸດລົງເຫຼືອ 521 ຄອບຄົວກວມ 0,43% ແລະ ຈາກ 23 ບ້ານ ທຸກຍາກໃນປີ 2015 ຫຼຸດລົງ ເຫຼືອ 10 ບ້ານກວມ 1,55%, ສາມາດສ້າງບ້ານພັດທະນາ ຈາກ 550 ບ້ານກວມໃນປີ 2015 ເພີ່ມຂຶ້ນເປັນ 559 ບ້ານ ກວມ 87%, ສ້າງຄອບຄົວພັດ ທະນາຈາກ 114.258 ຄອບຄົວ ໃນປີ 2015 ມາເປັນ 121.818 ຄອບຄົວກວມ 95,4% ສ້າງ ກົມກອງພັດທະນາໃນທົ່ວແຂວງ ໄດ້ 186 ກົມກອງ, ສ້າງບ້ານ ໃຫຍ່ກາຍເປັນຕົວເມືອງໃນຊົນ ນະບົດໃຫ້ໄດ້ 22 ບ້ານ, ຫຼຸດ ຜ່ອນຜົນກະທົບຈາກລູກລະເບີດ ບໍ່ທັນແຕກໃນເນື້ອທີ 52 ພັນ ເຮັກຕາ, ປັດຈຸບັນເກັບກູ້ແລ້ວ 3.406 ເຮັກຕາກວມ 6,6%.

ໂອກາດນີ້, ທ່ານ ສອນໄຊ ສີ ພັນດອນ ກໍໄດ້ຕີລາຄາສູງຕໍ່ບັນ ດາຜົນງານທີ່ຄະນະພັກ-ຄະນະ ອຳນາດການປົກຄອງແຂວງ ແລະ ປະຊາຊົນຊາວແຂວງຈຳ ປາສັກ ໄດ້ປະກອບສ່ວນຢ່າງຕັ້ງ ໜ້າເຂົ້າໃນການພັດທະນາເສດ ຖະກິດ-ສັງຄົມຂອງຊາດ ກໍຄື ຂອງແຂວງເຮັດໃຫ້ພາຍໃນ ແຂວງມີໃບໜ້າ-ໃບຕາອັນໃໝ່ ຫຼາຍດ້ານ, ທ່ານຮອງນາຍົກລັດ ຖະມົນຕີຍັງໄດ້ເນັ້ນຄະນະທາງ ແຂວງເອົາໃຈໃສ່ວຽກງານຮັກ ສາຄວາມສະຫງົບ, ຄວາມເປັນ ລະບຽບຮຽບຮ້ອຍຂອງຊາດ, ເພີ່ມທະວີການຕິດຕາມ ແລະ ກຳ ແໜ້ນສະພາບການທີ່ເກີດຂຶ້ນຢູ່ ພາຍໃນ ແລະ ສາກົນ, ສຸມໃສ່ແກ້ ໄຂບັນຫາຢາເສບຕິດ ແລະ ບັນ ຫາອຸບັດເຫດທີ່ເປັນປາກົດການ ຫຍໍ້ທໍ້ສຳຄັນໃນສັງຄົມ, ດ້ານ ເສດຖະກິດໃຫ້ເອົາໃຈໃສ່ຄຸ້ມ ຄອງບັນດາໂຄງການລົງທຶນ ຂອງລັດທີ່ສະພາຮັບຮອງເອົາ ຫັນໄປສູ່ການປະຕິບັດລະບຽບ ກົດໝາຍຢ່າງເຄັ່ງຂັດ, ເອົາໃຈ ໃສ່ເກັບລາຍຮັບເຂົ້າງົບປະມານ ໂດຍສະເພາະຈະໄດ້ມີການກວດ ກາຄືນຕາມຄຳສັ່ງ 40 ຂອງນາ ຍົກລັດຖະມົນຕີກ່ຽວກັບການ ກວດກາຖານລາຍຮັບ ທັງຢູ່ສູນ ກາງ ແລະ ທ້ອງຖິ່ນໃຫ້ຫັນໄປສູ່ ການນຳໃຊ້ລະບົບທີ່ທັນສະໄໝ ຫຼາຍຂຶ້ນ, ສຸ່ມໃສ່ແກ້ໄຂບັນຫາທີ່ ດິນ, ການຍົກລະດັບຄວາມຮູ້ ຄວາມສາມາດ, ການສົ່ງເສີມ ດ້ານວິຊາຊີບ ແລະ ການເຂົ້າ ເຖິງດ້ານສະຫວັດດີການ-ສັງ ຄົມ ໃຫ້ແກ່ແຮງງານຂອງລາວ ເພື່ອຕອບສະໜອງໃຫ້ແກ່ບັນ ດາໂຄງການລົງທຶນພາຍໃນ ແຂວງ, ໄປພ້ອມໆກັບການສົ່ງ ເສີມທຸລະກິດຂະໜາດນ້ອຍ- ກາງ, ສືບຕໍ່ກວດກາຄືນການຈັດ ຕັ້ງປະຕິບັດບັນດານິຕິກຳທີ່ພັກ ແລະ ລັດຖະບານວາງອອກໃນ ແຕ່ລະໄລຍະ, ເອົາໃຈໃສ່ປັບປຸງ ກົງຈັກການຈັດຕັ້ງໄປຕາມລະ ບຽບການ ແລະ ສອດຄ່ອງກັບ ສະພາບຕົວຈິງຂອງແຂວງ.
ໃນການມາເຄື່ອນໄຫວຢ້ຽມ ຢາມຄັ້ງນີ້, ທ່ານ ສອນໄຊ ສີພັນ ດອນ ແລະ ຄະນະຍັງໄດ້ລົງ ຢ້ຽມຢາມພື້ນຖານການຜະລິດ ແລະ ບ້ານຈັດສັນຂອງປະຊາຊົນ ໃນໂຄງການເຂື່ອນໄຟຟ້າເຊ ປຽນ-ເຊນໍ້ານ້ອຍຢູ່ເມືອງປາກ ຊ່ອງອີກດ້ວຍ.

ຂ່າວມື້ນີ້

ຂ່າວເດັ່ນ