Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 140  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ທະຫານແຂວງຜົ້ງສາລີປາຖະກະຖາມູນເຊື້ອ 4 ວັນປະຫວັດສາດ

ໃນວັນທີ 10 ພຶດສະພາ 2018 ນີ້, ທີ່ສະໂມສອນກອງບັນ ຊາການທະຫານແຂວງຜົ້ງສາລີ ໄດ້ຈັດພິທີປາຖະກະຖາມູນເຊື້ອ ວັນໄຊຊະນະບັ້ນຮົບດຽນບຽນຟູ ຄົບຮອບ 64 ປີ (7/5/1954 -
7/5/2018), ວີລະກຳໂຕນຄຸກຢ່າງມະຫັດສະຈັນຂອງບັນດາ ຜູ້ນຳພັກ ແລະ ແນວລາວຮັກຊາດ ຄົບ ຮອບ 58 ປີ (24/5/1960 - 24/5/2018), ການຜ່າວົງປິດ ລ້ອມຂອງກອງພັນທີ 2 ວີລະຊົນ ທີ່ທົ່ງໄຫຫີນຊຽງຂວາງ ຄົບຮອບ59 ປີ (18/5/1959 - 18/5/ 2018) ແລະ ວັນກຳມະກອນ ສາກົນ 1 ພຶດສະພາ ຄົບຮອບ 132 ປີ (1/5/1886 - 1/5/ 2018). ພາຍໃຕ້ການເຂົ້າຮ່ວມ ເປັນ

ປະທານ ແລະ ປາຖະກະຖາ ຂອງ ທ່ານ ພົນຈັດຕະວາ ທອງ ເສັດ ແສນວົງ ຮອງເລຂາພັກ ແຂວງ, ເລຂາຄະນະພັກ, ຫົວ ໜ້າການເມືອງກອງບັນຊາການທະຫານແຂວງຜົ້ງສາລີ, ມີຄະ ນະພັກ-ຄະນະບັນຊາກອງບັນ ຊາການ, ຄະນະອຳນວຍການ ໂຮງໝໍທະຫານແຂວງ, ກົມກອງ ອ້ອມຂ້າງ ຕະຫຼອດຮອດນາຍ ແລະ ພົນທະຫານທົ່ວອົງການ 5 ຫ້ອງ ແລະ ໂຮງໝໍເຂົ້າຮ່ວມຮັບ ຟັງ.
ທ່ານ ພົນຈັດຕະວາ ທອງເສັດ ແສນວົງ ໄດ້ຍົກໃຫ້ເຫັນການຕໍ່ສູ້ ທີ່ອົງອາດກ້າຫານຂອງສາມປະ ເທດອິນດູຈີນ ລາວ, ຫວຽດນາມ ແລະ ກຳປູເຈຍ ຕໍ່ສູ້ຕ້ານກັບພວກ ລ່າເມືອງຂຶ້ນຝຣັ່ງໃນເມື່ອກ່ອນ, ກຳລັງປະຕິວັດຍິ່ງຕີຍິ່ງເຂັ້ມ ແຂງ, ຍິ່ງຕີຍິ່ງຍາດໄດ້ໄຊຊະນະ ແລະ ມີການເຕີບໃຫຍ່ທາງດ້ານ ຈຳນວນ ແລະ ຄຸນະພາບ, ຄວາມ ສາມັກຄີຮ່ວມສຳພັນສູ້ຮົບລະ ຫວ່າງ 3 ຊາດອິນດູຈີນມີຄວາມ ແໜ້ນແຟ້ນຍິ່ງໆຂຶ້ນ. ບັນດາໄຊ ຊະນະອັນຍິ່ງໃຫຍ່ໃນທົ່ວສະ ໜາມຮົບໃນສາມປະເທດອິນດູ ຈີນ ໄດ້ບັງຄັບໃຫ້ສັດຕູຕົກຢູ່ໃນ ທ່າຮັບຈົນຕາແຈ ແລະ ນັບມື້ນັບ ອ່ອນເພຍລົງ ກອງທັບ ແລະ ປະ ຊາຊົນຫວຽດນາມ ໄດ້ຕໍ່ສູ້ຕ້ານ ກັບພວກລ່າເມືອງຂຶ້ນແບບເກົ່າ ດ້ວຍຄວາມຕັດສິນໃຈທີ່ວ່າ: ຍອມເສຍສະຫຼະຊີວິດເລືອດເນື້ອ ເພື່ອປະເທດຊາດ ບັນດາກຳລັງ ປະກອບອາວຸດຂອງຫວຽດນາມ ຍາດໄດ້ໄຊຊະນະຢ່າງຕໍ່ເນື່ອງ ໃນທຸກສະໜາມຮົບ. ພ້ອມທັງໄດ້ ຍົກໃຫ້ເຫັນເຖິງຄວາມສະຫຼາດ ສ່ອງໃສຂອງບັນດາຜູ້ນຳຂອງ ພັກ-ລັດ ແລະ ແນວລາວຮັກຊາດ 16 ໜ່ວຍທີ່ຖືກພວກສັດຕູໄດ້ດຳ ເນີນການຈັບກຸມຄຸມຂັງ ແລະ ໂຕນອອກຈາກຄຸກໂພນເຄັງໄດ້ ຢ່າງມະຫັດສະຈັນ ເຊິ່ງມີທ່ານ ສຸພານຸວົງ, ທ່ານ ໜູຮັກ ພູມສະ ຫວັນ, ທ່ານ ພມີູ ວົງວິຈິດ, ທ່ານ ພູນ ສີປະເສີດ, ທ່ານ ສີທົນ ກົມ ມະດຳ, ທ່ານ ສິງກະໂປ ສີໂຄດ ຈຸນລະມະນີ, ທ່ານ ໝື່ນ ສົມວິ ຈິດ, ທ່ານ ສີຊະນະ ສີສານ, ທ່ານ ມາ ໄຂຄຳພິທູນ, ທ່ານ ຄຳ ຜາຍ ບຸບຜາ, ທ່ານ ບົວສີ ຈະເລີນສຸກ, ທ່ານ ມະຫາສົມບູນ ວົງໜໍ່ບຸນ
ທຳ, ທ່ານ ເພົ້າ ພິມມະຈັນ, ທ່ານ ຄຳເພັດ ພົມມະວັນ, ທ່ານ ພູເຂົາ ແລະ ທ່ານ ມານະ ວົງສີສານ ແລະ ການຜ່າວົງປິດລ້ອມຂອງ ກອງພັນທີ 2 ວີລະຊົນຢູ່ທົ່ງໄຫ ຫີນນັ້ນແມ່ນເຫດການສຳຄັນໜຶ່ງ ທີ່ຜູ້ບັນຊາໃນໄລຍະນັ້ນໄດ້ໃຊ້ ໄຫວພິກເອົາຄວາມສະຫຼາດ ຫຼອກລໍ້ສັດຕູໃຫ້ຕາຍໃຈ ແລ້ວ ນຳພາອ້າຍນ້ອງລິດລອດອອກ ຈາກວົງປິດລ້ອມຂອງພວກສັດ ຕູ ທັງຕີທັງເຄື່ອນໄຫວ ແລະ ຮັກ ສາກຳລັງ ເພື່ອໃຫ້ກອງພັນໄດ້ ເຄື່ອນທັບຢ່າງປອດໄພຈົນໄປ ເຖິງຈຸດທີ່ໝາຍ ພ້ອມກັນນັ້ນປະທານຍັງໄດ້ຍົກໃຫ້ເຫັນການເສີມຂະ ຫຍາຍມູນເຊື້ອ ແລະ ການເຕີບໃຫຍ່ຂະຫຍາຍຕົວຂອງວັນ ກຳມະກອນສາກົນຕື່ມອີກ.

ຂ່າວມື້ນີ້

ຂ່າວເດັ່ນ