Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 173  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງພົນທີ 3 ສຳເລັດການກໍ່ສ້າງປ້ຳນ້ຳມັນໃໝ່

ກອງພົນທີ 3 ສຳເລັດການກໍ່ສ້າງປ້ຳນ້ຳມັນໃໝ່ວັນທີ 8 ມີຖຸນາ 2018 ນີ້, ກອງພົນທີ3 ແລະ ບໍລິສັດ ວຽງ ທອງ ກໍ່ສ້າງ ໄດ້ຈັດພິທີມອບ-ຮັບການກໍ່ສ້າງປໍ້າເບີກຈ່າຍນໍ້າ ມັນຂອງກອງພົນທີ 3 ຂຶ້ນຢ່າງ ເປັນທາງການ, ໂດຍການເຂົ້າ ຮ່ວມຂອງ ພັນເອກ ຄຳຢືນ ແສງ ແສນອິນ ຄະນະພັກກອງພົນ, ຫົວໜ້າຫ້ອງພະລາທິການກອງ ພົນທີ 3, ພັນຕີ ຫຼົງມາ ທອງສົມ ມີ ຮອງຫົວໜ້າພະແນກຮັບປະ ກັນອຸປະກອນເຕັກນິກເຊື້ອໄຟ ກົມເຊື້ອໄຟ ກົມໃຫຍ່ພະລາທິ ການກອງທັບ, ທ່ານ ບຸນກອງ ບິດາທອງ ປະທານບໍລິສັດ ວຽງ ທອງ ກໍ່ສ້າງ ໃນນາມຜູ້ຮັບເໝົາ ກໍ່ສ້າງພ້ອມຄະນະ, ມີ

ຄະນະພັກ-ຄະນະບັນຊາ, ອົງການ 5 ຫ້ອງ, ພະນັກງານພະແນກການທີ່ກ່ຽວ ຂ້ອງເຂົ້າຮ່ວມ.   ທ່ານ ບຸນກອງ ບິດາທອງ ປະທານບໍລິສັດ ວຽງທອງ ກໍ່ສ້າງ ໃນນາມຜູ້ຮັບເໝົາກໍ່ສ້າງ ກໍໄດ້ກ່າວສະຫຼຸບການກໍ່ສ້າງຕະ ຫຼອດໄລຍະ 40 ວັນຜ່ານມາ ເຊິ່ງໄດຍົກໃຫ້ເຫັນຂໍ້ສະດວກຂໍ້ ຫຍຸ້ງຍາກໃນການກໍ່ສ້າງ, ໂດຍ ບໍລິສັດກໍໄດ້ປະສານສົມທົບກັບ ກົມນໍ້າມັນເຊື້ອໄຟກົມໃຫຍ່ພະລາ ທິການກອງທັບ ກໍຄືຄະນະພັກ-ຄະນະບັນຊາ, ກອງພົນທີ 3 ເພື່ອ ປຶກສາຫາລື ແລະ ໃຫ້ຄວາມສະ ດວກເຊິ່ງກັນ ແລະ ກັນ, ຈຶ່ງເຮັດ ໂຄງການສຳເລັດໄປດ້ວຍດີ, ຮັບ ປະກັນມາດຕະຖານເຕັກນິກເປັນ ປໍ້າເບີກຈ່າຍນໍ້າມັນແອັດຊັງ ແລະ ກະຊວນ. ໄດ້ນຳໃຊ້ວັດສະ ດຸກໍ່ສ້າງທີ່ໄດ້ມາດຕະຖານ, ຕາມເຕັກນິກທີ່ໄດ້ກຳນົດ, ຮັບປະກັນຄວາມປອດໄພທຸກປະການ, ໂຄງຫຼັງຄາເຮັດດ້ວຍເຫຼັກ, ເສົາເບຕົງເສີມເຫຼັກ ສ່ວນປໍ້າເບີກຈ່າຍ ແລະ ຖັງບັນຈຸນໍ້າມັນແມ່ນກົມນໍ້າມັນເຊື້ອໄຟເປັນຜູ້ປະກອບ, ລວມມູນຄ່າການກໍ່ສ້າງທັງໝົດແມ່ນ 155.081.000 ກີບ, ໂດຍແມ່ນທຶນກະຊວງປ້ອງກັນປະເທດສະໜອງ 100%. ຈາກນັ້ນ ພັນຕີ ຫຼົງມາ ທອງສົມມີ ຮອງຫົວໜ້າພະແນກຮັບປະກັນອຸປະກອນເຕັກນິກເຊື້ອໄຟ ກົມເຊື້ອໄຟ ກົມໃຫຍ່ພະລາທິການກອງທັບ,  ກໍໄດ້ກ່າວມອບໃຫ້ກອງພົນທີ 3 ປົກປັກຮັກ ແລະ ນຳໃຊ້ ແລະ ກ່າວຮັບໂດຍແມ່ນ ພັນຕີ ເຄນທອງ ແສງຄຳຢອງ ຫົວໜ້າພະແນກເຊື້ອໄຟກອງພົນທີ 3, ຊ້ອງໜ້າຄະນະພັກ-ຄະນະບັນຊາກອງພົນ ແລະ ພະນັກງານທີ່ກ່ຽວຂ້ອງທັງສອງຝ່າຍເຂົ້າ ຮ່ວມ.      ໂອກາດນີ້   ພັນເອກ ຄໍາຢືນ ແສງແສນອິນ ໄດ້ກ່າວສະແດງ ຄວາມຊົມເຊີຍທີ່ກະຊວງປ້ອງ ກັນປະເທດ ແລະ ບໍລິສັດໄດ້ໃຫ້ ໂຄງການ ແລະ ເອົາໃຈໃສ່ກໍ່ ສ້າງຢ່າງຕັ້ງໜ້າອັນເຮັດໃຫ້ ໂຄງການນີ້ສຳເລັດຕາມແຜນ ການເປັນການຫັນບຸກວຽກງານ ຂອງກອງທັບເຂົ້າສູ່ລະບຽບ ແບບແຜນ ໂດຍສະເພາະລະບົບ ການເບີກຈ່າຍນໍ້າມັນຂອງກອງ ພົນທີ 3 ໃຫ້ນັບມື້ທັນສະໄໝດີຂຶ້ນ ແລະ ການເບີກຈ່າຍມີຄວາມ ວ່ອງໄວສະດວກສະບາຍກວ່າ ເກົ່າ.

ຂ່າວມື້ນີ້

ຂ່າວເດັ່ນ