Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 151  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຖະແຫຼງຂ່າວກ່ຽວກັບການກະກຽມສະເຫຼີມສະຫຼອງວັນສ້າງຕັ້ງສະຫະສະພັນແມ່ຍິງ

ຖະແຫຼງຂ່າວກ່ຽວກັບການກະກຽມສະເຫຼີມສະຫຼອງວັນສ້າງຕັ້ງສະຫະສະພັນແມ່ຍິງທ່ານນາງ    ບັນດິດ    ປະທຸມ ວັນ ຮອງປະທານຄະນະບໍລິຫານ      ງານສູນກາງສະຫະພັນແມ່ຍິງ ລາວ ໄດ້ຖະແຫຼງຂ່າວການກະ ກຽມງານສະເຫຼີມສະຫຼອງວັນ ສ້າງຕັ້ງອົງການຈັດຕັ້ງສະຫະ ພັນແມ່ຍິງລາວ ຄົບຮອບ 63 ປີ (20/7/1955-20/7/2018) ໄດ້ໃຫ້ຮູ້ວ່າ: ເພື່ອເຮັດໃຫ້ການ ສະເຫຼີມສະຫຼອງວັນສ້າງຕັ້ງອົງ ການຈັດຕັ້ງສະຫະພັນແມ່ຍິງ ລາວໃນປີນີ້ໃຫ້ມີຄວາມໝາຍ,  ມີ ເນື້ຶອໃນເລິກເຊິ່ງ ເປັນຂະບວນ ການຟົດຟື້ນ ແລະ ກວ້າງຂວາງ ສູນກາງສະຫະພັນແມ່ຍິງລາວ ຈະໄດ້ສ້າງກິດຈະກຳຕ່າງໆລະ ອຽດດັ່ງນີ້:  1. ສູນກາງສະຫະພັນແມ່ຍິງ ລາວໄດ້

ແຈ້ງການໃຫ້ສະຫະພັນ ແມ່ຍິງແຕ່ລະຂັ້ນເອົາໃຈໃສ່ສຶກ ສາອົບຮົມການເມືອງແນວຄິດ ໃຫ້ສະມາຊິກສະຫະພັນແມ່ຍິງ, ແມ່ຍິງລາວບັນດາເຜົ່າໃຫ້ມີຄວາມຮັບຮູ້ເຂົ້າໃຈຕໍ່ການພັດທະ ນາແມ່ຍິງ, ປະກອບສ່ວນສ້າງ ສາພັດທະນາປະເທດຊາດຕາມ ວິໄສທັດພັດທະນາແມ່ຍິງລາວຮອດປີ 2030, ແຜນພັດທະນາ ແມ່ຍິງລາວຮອດປີ 2025, ແຜນ ພັດທະນາແມ່ຍິງລາວໄລຍະ 2016-2020 ແລະ ເປົ້າໝາຍ ການພັດທະນາແບບຍືນຍົງ ພ້ອມ ທັງເປັນການເພີ່ມທະວີຄວາມຮັບຜິດຊອບຂອງຄະນະນຳ ແລະ ສະ ມາຊິກສະຫະພັນແມ່ຍິງລາວໃນ ການຈັດຕັ້ງປະຕິບັດຄຳຂວັນ ແລະ ຂໍ້ແຂ່ງຂັນ 3 ດີຂອງສະ ຫະພັນແມ່ຍິງລາວຕິດພັນກັບ ການຈັດຕັ້ງປະຕິບັດວິຊາສະ ເພາະຂອງແຕ່ລະພາກສ່ວນ, ການຫັນລົງກໍ່ສ້າງຮາກຖານ ການເມືອງຢ່າງແຂງແຮງ, ຕິດ ພັນກັບຂະບວນການແຂ່ງຂັນຮັກ ຊາດ ແລະ ພັດທະນາໂດຍສຸມ ໃສ່ສ້າງຄອບຄົວ ແລະ ບ້ານສະ ຫະພັນແມ່ຍິງ 3 ດີ ຕິດພັນກັບ ການສ້າງບ້ານພັດທະນາຕາມ ທິດສາມສ້າງໃຫ້ເປັນຂະບວນ ການກ້ວາງຂວາງ ແລະ ເຂົ້າສູ່ ຊີວິດຕົວຈິງນັບມື້ຫຼາຍຂຶ້ນ.     2. ໃຫ້ມີການຈັດຕັ້ງກິດຈະ ກຳຕ່າງໆທີ່ເໝາະສົມກັບສະພາບ ເງື່ອນໄຂຕົວຈິງເຊັ່ນ: ຈັດປາຖະ ກະຖາ, ສຳມະນາ, ເຂົ້າຊົມທັດ ສະນະສຶກສາຫໍພິພິທະພັນ, ອານຸສອນສະຖານ, ຫໍມູນເຊື້ອ ຕ່າງໆ, ໂຄສະນາປະຫວັດສາດ, ມູນເຊື້ອ, ຜົນງານ, ການເຕີບ ໃຫ່ຍຂະຫຍາຍຕົວຂອງສະຫະ ພັນແມ່ຍິງລາວ, ການວາງສະ ແດງຜະລິດຕະພັນກະສິກຳ-ຫັດ ຖະກຳ, ຂະບວນການສິລະປະ ວັນນະຄະດີ-ກີລາ ແລະ ຮູບການ ອື່ນໆທີ່ເໝາະສົມຕິດພັນກັບ ຂະບວນການລວມຂອງພັກ, ຂອງຊາດ ໂດຍຜ່ານພາຫະນະ ສື່ມວນຊົນໃຫ້ກວ້າງຂວາງ ແລະ ເຂົ້າເຖິງທຸກກຸ່ມເປົ້າໝາຍ ໂດຍ ອີງຕາມສະພາບຕົວຈິງຂອງ ແຕ່ລະຂະແໜງການ, ທ້ອງຖິ່ນ, ໃຫ້ຮັບປະກັນດ້ານເນື້ອໃນ, ປະ ຢັດ, ມີບັນຍາກາດດີ ແລະ ມີ ຄວາມເປັນລະບຽບຮຽບຮ້ອຍ.   3. ສຳລັບສູນກາງສະຫະພັນ ແມ່ຍິງລາວ, ໃນຕອນເຊົ້າຂອງ ວັນທີ 13 ກໍລະກົດ 2018 ນີ້ ຈະ ໄດ້ວາງກະຕ່າດອກໄມ້ທີ່ອະນຸ ສອນສະຖານປະທານ ໄກສອນ ພົມວິຫານ ແລະ ປະທານ ສຸພາ ນຸວົງ. ຫຼັງຈາກນັ້ນກໍຈະມີການ ຈັດກິດຈະກຳພາຍໃຕ້ຫົວຂໍ້        “ແມ່ຍິງກັບການອະນຸລັກວັດ ທະນະທຳ ສູ່ປີທ່ອງທ່ຽວລາວ, ການຮັກສາສິ່ງແວດລ້ອມສີຂຽວ ແລະ ຍືນຍົງ” ທີ່ສູນອົບຮົມແມ່ ຍິງລາວໂດຍຮ່ວມກັບສະຫະພັນ ແມ່ຍິງກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ, ກະຊວງປ້ອງກັນປະເທດ, ກະ ຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງກະ ສິກຳ ແລະ ປ່າໄມ້ ແລະ ສະຫະ ພັນແມ່ຍິງນະຄອນຫຼວງວຽງຈັນ ເຊິ່ງພາຍໃນງານຈະມີການສະ ແດງວັດທະນະທຳຂອງແມ່ຍິງ ລາວບັນດາເຜົ່າ, ຈັດງານຕະ ຫຼາດນັດແບບພື້ນບ້ານ (ໂລະ ລາດ) ທີ່ມີການວາງສະແດງ ແລະ ຈຳໜ່າຍຜະລິດຕະພັນທີ່ ຜະລິດໂດຍແມ່ຍິງລາວ, ການ ຟ້ອນປະຍຸກ, ກອງເຊີ້ງ, ການ ແຂ່ງຂັນກີລາແບບພື້ນບ້ານຕິດ ພັນກັບການຮັກສາສິ່ງແວດລ້ອມ ເປັນຕົ້ນການແຂ່ງຂັນຫໍ່ເຂົ້າຕົ້ມ, ຝັດເຂົ້າ, ຈັດດອກໄມ້, ເຕັ້ນ ເຊືອກ, ໂຍນກະຕໍ້ໃສ່ກະຕ່າຫວາຍ,ຍ່າງເທິງກະໂປະໝາກພ້າວ. ພິເສດແມ່ນຈະມີການໃຫ້ຄວາມ ຮູ້ ແລະ ກວດທາດນໍ້າຕານ, ພະ ຍາດໄວຣັສຕັບ B ແລະ C ໂດຍ ບໍ່ເສຍຄ່າ.   4. ໃນຕອນເຊົ້າຂອງວັນທີ 19 ກໍລະກົດ 2018, ສູນກາງສະຫະ ພັນແມ່ຍິງລາວຈະໄດ້ຮ່ວມກັບ ສະຫະພັນແມ່ຍິງກະຊວງປ້ອງ ກັນປະເທດຈັດພິທີໂຮມຊຸມນຸມ ສະເຫຼີມສະຫຼອງວັນສ້າງຕັ້ງສະ ຫະພັນແມ່ຍິງລາວ ຄົບຮອບ 63 ປີ ຢ່າງເປັນທາງການເພື່ອຫວນ ຄືນມູນເຊື້ອ ແລະ ຜົນສໍາເລັດ ຕ່າງໆຂອງແມ່ຍິງລາວທີ່ສະໂມ ສອນກະຊວງປ້ອງກັນປະເທດ.   5. ໃຫ້ຄະນະສະຫະພັນແມ່ຍິງ ແຕ່ລະຂັ້ນສ້າງເງື່ອນໄຂໃຫ້ສະ ມາຊິກສະຫະພັນແມ່ຍິງ ແລະ ແມ່ຍິງລາວບັນດາເຜົ່າທຸກຂົງ ເຂດວຽກງານທັງພາກລັດ ແລະ ເອກະຊົນ ລວມທັງນັກຮຽນ-ນັກ ສຶກສາຍິງແຕ່ຂັ້ນມັດທະຍົມ ຕົ້ນຂຶ້ນໄປເຂົ້າຮ່ວມພິທີສະເຫຼີມ ສະຫຼອງວັນສຳຄັນດັ່ງກ່າວດ້ວຍ ບັນຍາກາດທີ່ຟົດຟື້ນມ່ວນຊື່ນ.  6. ໃນໄລຍະສະເຫຼີມສະຫຼອງ ວັນສຳຄັນດັ່ງກ່າວສູນກາງສະ ຫະພັນແມ່ຍິງລາວຂໍເຊີນຊວນ ທຸກພາກສ່ວນນຳພາສະມາຊິກ ສະຫະພັນແມ່ຍິງລາວບັນດາເຜົ່າ ເຂົ້າຢ້ຽມຊົມຫໍມູນເຊື້ອແມ່ຍິງ ລາວ ທີ່ສູນອົບຮົມແມ່ຍິງລາວ ເຊິ່ງພວກເຮົາຈະເປີດໃຫ້ເຂົ້າ ຢ້ຽມຊົມໃນໂມງລັດຖະການ.

ຂ່າວມື້ນີ້

ຂ່າວເດັ່ນ