Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 113  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ແຂວງໄຊຍະບູລີ ຈັດກອງປະຊຸມກະກຽມການສະເຫຼີມສະຫຼອງວັນສ້າງຕັ້ງກອງທັບຄົບຮອບ 70 ປີ

ແຂວງໄຊຍະບູລີ ຈັດກອງປະຊຸມກະກຽມການສະເຫຼີມສະຫຼອງວັນສ້າງຕັ້ງກອງທັບຄົບຮອບ 70 ປີແຂວງໄຊຍະບູລີ ໄດ້ຈັດກອງ ປະຊຸມປຶກສາຫາລືວຽກງານກະ ກຽມການສະເຫຼີມສະຫຼອງວັນ ສ້າງຕັ້ງກອງທັບ ປະຊາຊົນລາວ ຄົບຮອບ 70 (20 ມັງກອນ 1949-20 ມັງກອນ 2019) ໃຫ້ມີບັນຍາກາດເບີກບານມ່ວນ ຊື່ນໃນຕອນເຊົ້າວັນທີ 4 ກໍລະກົດ 2018 ນີ້, ໂດຍການເປັນປະ ທານຂອງ ທ່ານ ປອ ສົມລິດ ເປືອກແກ້ວ  ຮອງເລຂາພັກ ແຂວງ, ປະທານສະພາປະຊາຊົນ ແຂວງ,ມີຄະນະປະຈໍາພັກແຂວງ, ກໍາມະການພັກແຂວງ, ຫົວໜ້າ ກອງບັນຊາການທະຫານແຂວງ,ປກສ ແຂວງ ແລະ ຄະນະຮັບຜິດ ຊອບເຂົ້າຮ່ວມ. 

 ກອງປະຊຸມໄດ້ຜ່ານຂໍ້ຕົກລົງ ຂອງທ່ານເຈົ້າແຂວງໄຊຍະບູລີ ເລກທີ 659/ຈຂຊຍ ລົງວັນທີ 26 ມິຖຸນາ 2018 ວ່າດ້ວຍການ ແຕ່ງຄະນະຮັບຜິດຊອບກະກຽມ ການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ແລະ ຄໍາສັ່ງແນະນໍາຂອງ ກະຊວງປ້ອງກັນປະເທດເລກທີ 1520/ກປທ ລົງວັນທີ 04 ເມ ສາ 2018 ວ່າດ້ວຍການຈັດຕັ້ງ ສະເຫຼີມສະຫຼອງວັນສ້າງຕັ້ງ ກອງທັບປະຊາຊົນລາວ ຄົບ ຮອບ 70 ປີ. ຈຸດປະສົງເພື່ອເຮັດ ໃຫ້ ການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ໄດ້ ດຳເນີນໄປຢ່າງເປັນລະບຽບ ຮຽບຮ້ອຍກວ້າງຂວາງ ແລະ ມີຄວາມໝາຍອັນເລິກເຊິ່ງ, ສຶກ ສາອົບຮົມທຸກຄົນຮັບຮູ້ແຈ້ງແລະ ເຂົ້າໃຈຢ່າງເລິກເຊິ່ງມູນເຊື້ອຮັກ ຊາດ, ນໍ້າໃຈຕໍ່ສູ້ພິລາດອາດ ຫານ, ກໍຄືຜົນງານ ແລະ ໄຊຊະ ນະອັນໃຫຍ່ຫຼວງຂອງກອງທັບ ປະຊາຊົນລາວ ທີ່ຍາດມາໄດ້ຕະ ຫຼອດໄລຍະ 70 ປີຜ່ານມາ, ເປັນ ການຍູ້ຂະບວນການວຽກງານ ຮອບດ້ານໃນທົ່ວກອງທັບໃຫ້ຟົດ ຟື້ນແຂງແຮງ, ສຶກສາອົບຮົມ ນາຍ ແລະ ພົນທະຫານຍົກສູງ ຈິດໃຈຮັກຊາດ, ຮັກລະບອບປະ ຊາທິປະໄຕ ປະຊາຊົນ, ມີສະຕິ ລະວັງຕົວກຽມພ້ອມສະກັດກັ້ນ ແລະ ຕອບຕ້ານທຸກກົນອຸບາຍ ທຳລາຍມ້າງເພຂອງອິດທິກຳລັງ ປໍລະປັກ ແລະ ພວກຄົນບໍ່ຫວັງ ດີທີ່ຈະກໍ່ຂຶ້ນ. ເຮັດໃຫ້ການສະ ເຫຼີມສະຫຼອງວັນສ້າງຕັ້ງກອງ ທັບດໍາເນີນໄປດ້ວຍບັນຍາກາດ ເບີກບານມ່ວນຊື່ນ ເປັນລະບຽບ ຮຽບຮ້ອຍ ແລະ ມີຄວາມສະ ຫງົບປອດໄພ, ສືບຕໍ່ປັບປຸງກໍ່ ສ້າງກອງທັບປະຊາຊົນລາວ ໃຫ້ ກາຍເປັນກອງທັບປະຕິວັດຕາມ ທິດ, ທັນສະໄໝ, ປຸກລະດົມທຸກ ກຳລັງແຮງສັງຄົມສຸມໃສ່ຈັດຕັ້ງ ປະຕິບັດບັນດາໜ້າທີ່ວຽກງານທີ່ ພັກ-ລັດ ແລະ ປະຊາຊົນມອບ ໝາຍໃຫ້.  ຈາກນັ້ນ, ຄະນະຮັບ ຜິດຊອບກໍໄດ້ປະກອບຄິດເຫັນ ແລກປ່ຽນຄວາມເຂົ້າໃຈ ແລະ ວິທີຈັດຕັ້ງປະຕິບັດຂອງບັນດາ ອານຸກຳມະການຕ່າງໆ, ເພື່ອ ເຮັດໃຫ້ການກະກຽມ ແລະ ສະ ເຫຼີມສະຫຼອງວັນສ້າງຕັ້ງກອງ ທັບປະຊາຊົນລາວ ຄົບຮອບ 70 ປີ ຂອງແຂວງໄຊຍະບູລີດຳເນີນ ໄປດ້ວຍບັນຍາກາດຄຶກຄື້ນມ່ວນ ຊື່ນ ແລະ ມີເນື້ອໃນຄວາມໝາຍ ອັນເລິກເຊິ່ງ.

ຂ່າວມື້ນີ້

ຂ່າວເດັ່ນ