Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 109  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ແຂວງຫຼວງພະບາງໄຂຊຸດອົບຮົມວຽກງານ ປກຊ - ປກສ ໃຫ້ພະນັກງານຂັ້ນນຳ

ພິທີໄຂຊຸດອົບຮົມວຽກງານ ປກຊ-ປກສ ໃຫ້ແກພະນັກງານ ຂັ້ນນຳເປົ້າໝາຍ 3 ຊຸດທີ II ປະ ຈໍາປີ 2018 ຂອງແຂວງຫຼວງ ພະບາງໄດ້ຈັດຂຶ້ນຢ່າງເປັນທາງ ການໃນຕອນເຊົ້າຂອງວັນທີ 10 ກໍລະກົດ 2018 ນີ້, ຢູ່ທີ່ສະໂມ ສອນໂຮງຮຽນການທະຫານ ທ້ອງຖິ່ນແຂວງຫຼວງພະບາງ ໂດຍການເປັນປະທານຂອງທ່ານ ຄຳຂັນ ຈັນທະວີສຸກ ກໍາມະການ ສູນກາງພັກ, ເລຂາພັກແຂວງ ເຈົ້າແຂວງ, ທັງເປັນປະທານ ປ້ອງກັນຊາດ-ປ້ອງກັນຄວາມ ສະຫງົບແຂວງຫຼວງພະບາງ, ເຂົ້າຮ່ວມມີ ທ່ານ ພົນຕີ ຈັນທອງ ສອນຕະອາດ ກຳມະການຄະນະ ພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ເສນາທິ

    ການກອງທັບ. ມີທ່ານ ພົນຈັດ ຕະວາ ຄໍາຫຼ້າ ວົງວິໄລ ກໍາມະ ການພັກແຂວງ ຫົວໜ້າການທະ ຫານກອງບັນຊາການທະຫານ ແຂວງຫຼວງພະບາງ, ມີຄະນະ ກົມ, ຄະນະກອງບັນຊາການທະ ຫານແຂວງ, ມີສຳມະນາກອນ ຂັ້ນແຂວງ ແລະ 12 ເມືອງເຂົ້າ ຮ່ວມທັງໝົດ 60 ສະຫາຍ.     ໃນພິທີພັນເອກ  ບຸນຊູ  ດວງ ຄໍາມີ ກຳມະການຄະນະປະຈໍາ ພັກແຂວງ ເລຂາຄະນະພັກ ຫົວ ໜ້າການເມືອງກອງບັນຊາການ ທະຫານແຂວງຫຼວງພະບາງ ໄດ້ ຂຶ້ນຜ່ານຂໍ້ຕົກລົງຂອງ ທ່ານເຈົ້າ ແຂວງຫຼວງພະບາງວ່າດ້ວຍ ການອະນຸມັດເປີດຊຸດອົບຮົມ ວຽກງານ ປກຊ-ປກສ ໃຫ້ແກ່ພະນັກງານເປົ້າໝາຍ 3 ຊຸດທີ II ຈາກນັ້ນ ພັນໂທ ຄໍາເພັດ ຊາວສຸ ວັນ  ຮອງຫົວໜ້າຫ້ອງເສນາທິ ການທະຫານແຂວງໄດ້ຂຶ້ນຜ່ານ ແຜນການອົບຮົມວຽກງານປ້ອງ ກັນຊາດ-ປ້ອງກັນຄວາມສະ ຫງົບ ເຊິ່ງສຳມະນາກອນຂັ້ນ ນຳຈະໄດ້ອົບຮົມພາກທິດສະດີ ແລະ ພາກປະຕິບັດຕົວຈິງ ໃນນີ້ ພາກທິດສະດີແມ່ນຈະໄດ້ຮຽນ ກ່ຽວກັບເອກະສານວຽກງານ ການທະຫານທ້ອງຖິ່ນໃນໄລຍະ ໃໝ່, ຫັນປະເທດຈາກຍາມສັນ ຕິພາບໄປສູ່ສົງຄາມ, ກໍ່ສ້າງທ່າ ສະໜາມປ້ອງກັນຊາດ, ຄຳສັ່ງ ແນະນຳວ່າດ້ວຍການສ້າງບ້ານ ປ້ອມໝັ້ນກຸ່ມບ້ານປ້ອມໝັ້ນຕິດ ລຽນ, ກໍ່ສ້າງພື້ນຖານປ້ອງກັນ ຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ, ຍຸດທະ ສາດການທະຫານຕ່າງປະເທດ, ກໍ່ສ້າງກຳລັງປະກອບອາວຸດປະ ຊາຊົນແມ່ນໜ້າທີ່ພື້ນຖານຂອງ ທົ່ວພັກທົ່ວປວງຊົນ ເພື່ອປົກປັກ ຮັກສາປະເທດຊາດ, ບາງທັດສະ ນະພື້ນຖານກ່ຽວກັບການປ້ອງ ກັນ,ຕ້ານການຫັນປ່ຽນໂດຍສັນ ຕິກໍ່ກະບົດລຸກຮື້ຂຶ້ນຂອງສັດຕູ, ຍຸດທະສາດການພົວພັນຕ່າງປະ ເທດ ຂອງ ສປປ ລາວ ໃນໄລຍະ ໃໝ່, ເພີມທະວີການນໍາພາຂອງ ພັກ-ຄຸ້ມຄອງລັດຕໍ່ວຽກງານ ປ້ອງກັນຊາດ, ກໍ່ສ້າງແຂວງ-ນະຄອນຫຼວງເປັນບໍລິເວນປ້ອງ ກັນແໜ້ນ ເພື່ອປົກ ປັກຮັກ ສາປະເທດຊາດ, ສົມທົບເສດ ຖະກິດກັບການປ້ອງກັນຊາດ, ເອກະສານກໍ່ສ້າງ ແລະ ເຄື່ອນ ໄຫວສູ້ຮົບໃນບໍລິເວນປ້ອງກັນ ຂອງເມືອງ ແລະ ອື່ນໆຕື່ມອີກ ຈໍານວນໜຶ່ງ. ພາກປະຕິບັດຕົວ ຈິງແມ່ນຈະໄດ້ຮຽນກ່ຽວກັບ ກົດລະບຽບການສັນຈອນຕາມ ຖະໜົນຫຼວງ ແລະ ການປ້ອງກັນ ສະກັດກັ້ນ-ຕ້ານອັກຄີໄພ, ຮຽນ ກ່ຽວກັບຄຸນຄ່າ, ສະມັດຕະພາບ ສູ້ຮົບ, ການປະກອບສ້າງ, ວິທີ ການມ້າງ-ປະກອບ ແລະ ວິທີ ນໍາໃຊ້ປືນ AKM, ຫຼັກການເລັ່ງ ຍິງບົດກວດກາທ່າຍິງປືນ AKM ແລະ ປືນ CKC, ປະຕິບັດຍິງ ລູກປືນແທ້ປືນ AKM ແລະ CKC. ຄາດໝາຍການອົບຮົມ ພາກທິດສະດີແມ່ນຈະໃຫ້ບັນລຸ ໄດ້ 95% ແລະ ພາກປະຕິບັດຕົວ ຈິງແມ່ນຈະໃຫ້ບັນລຸໄດ້ 90% ສະເລ່ຍທັງສອງພາກແມ່ນຈະໃຫ້ບັນລຸໄດ້ 92,5% ການອົບຮົມ ແມ່ນຈະໄດ້ດຳເນີນໄປເປັນເວລາ 27 ວັນຈິ່ງຈະອັດລົງ.  ຈຸດປະສົງໃນການອົບຮົມໃນ ຄັ້ງນີ້ແມ່ນແນໃສ່ເຮັດໃຫ້ພະນັກ ງານຂັ້ນນໍາ-ບັນຊາເຫັນໄດ້ ຄວາມໝາຍສຳຄັນຂອງວຽກ ງານປ້ອງກັນຊາດ-ປ້ອງກັນ ຄວາມສະຫງົບຮູ້ປະສານສົມທົບ ແລະ ຊີ້ນໍາ-ບັນຊາປະກອບສ່ວນ ອັນສຳຄັນຂອງວຽກງານສຶກສາ ປ້ອງກັນຊາດ-ປ້ອງກັນຄວາມ ສະຫງົບ ປະຕິບັດພັນທະຂອງຕົນ ຕໍ່ປະເທດຊາດ, ເພື່ອຄວາມເປັນ ເອກະພາບຫຼັກການລວມຂອງ ວຽກງານປ້ອງກັນຊາດ-ປ້ອງ ກັນຄວາມສະຫງົບ ຂອງການ ນຳຢູ່ຂັ້ນທ້ອງຖິ່ນທີ່ຍັງບໍ່ທັນໄດ້ ຜ່ານການອົບຮົມວຽກງານ ປກຊ-ປກສ ມາກ່ອນເພື່ອຍົກລະ ດັບຄວາມຮູ້, ຄວາມສາມາດໃນ ການນໍາພາ-ຄຸ້ມຄອງແລະຊີ້ນໍາ- ບັນຊາຂັ້ນທ້ອງຖິ່ນເພື່ອບັນລຸຜົນ ສຳເລັດໃນໜ້າການເມືອງຂອງ ພັກໃນໄລຍະໃໝ່.   

ໂດຍ: ສົມພອນ ສຸວັນທອນ

ຂ່າວມື້ນີ້

ຂ່າວເດັ່ນ