ເຂົ້າສູ່ລະບົບ



ຂໍ້ມູນຜູ້ເຂົ້າເບິ່ງເວບ
ເຮົາມີ 60 ບຸກຄົນທົ່ວໄປ ອອນໄລ

ສະຖິຕິຜູ້ເຂົ້າເບິ່ງເວບ

ຫນ້າເລີ່ມຕົ້ນ ຂ່າວເສດຖະກິດ,ວັດທະນະທຳ,ສັງຄົມ ຂ່າວເສດຖະກິດ, ວັດທະນະທຳ, ສັງຄົມ ແຂວງບໍລິຄຳໄຊ ເຊື່ອງຊ້ອນໄປດ້ວຍແຫລ່ງທ່ອງທ່ຽວທີ່ໜ້າສົນໃຈ

ແຂວງບໍລິຄຳໄຊ ເຊື່ອງຊ້ອນໄປດ້ວຍແຫລ່ງທ່ອງທ່ຽວທີ່ໜ້າສົນໃຈ

User Rating: / 1
ບໍ່ດີເລີຍດີທີສູດ 
SHARE STORE:
Digg
 

ແຂວງ ບໍລິຄຳໄຊຖິ່ນອາໄສສາວເມີ້ຍ ຜູ້ໂສພາ, ຖ່ິນໂຕເສົາຫລາ, ໄມ້ເກດສະຫນາຄ່າແພງ, ພະບາດໃຫຍ່່ໂພນສັນ, ຫລັກ 20 ງາມສະຫງ່າ,​ ແຫລ່ງໄຟ ຟ້ານ້ຳເທີນ,​ ຄົນຊ່າລືເອີ້ນ ດິນແດນກຸຫລາບປາກຊັນ” ນີ້ແມ່ນຄຳຂວັນຂອງແຂວງ ບໍລິຄຳໄຊ. ແຂວງບໍລິຄຳໄຊ ເປັນ ແຂວງຫນຶ່ງທ່ີຕັ້ງຢູ່ພາກກາງ ຂອງປະເທດ ມີເສັ້ນທາງເລກ ທີ 13 ໃຕ້ເປັນທາງຜ່ານ ເຊ່ືອມຕໍ່ລະຫວ່າງແຂວງພາກ ເຫນືອ ແລະ ພາກໃຕ້ ໂດຍມີ ຊາຍແດນທິດໃຕ້ຕິດກັບ ແຂວງຄຳມ່ວນ, ທິດຕາເວັນ ຕົກສ່ຽງເຫນືອຕິດກັບນະ ຄອນຫຼວງວຽງຈັນ ສ່ວນທາງ ທິດເຫນືອຕິດກັບແຂວງວຽງ ຈັນ ແລະ ຊຽງຂວາງ. ແຂວງ ບໍລິຄຳໄຊມີເສັ້ນທາງຈາກ ຊາຍແດນປະເທດໄທອອກ ໄປສູ່ປະເທດຫວຽດນາມ ຮອດທະເລຜ່ານເສັ້ນທາງ ເລກທີ 8 ເປັນເສັ້ນທາງສັ້ນ ກ່ວາຫມູ່ໃນປະເທດລາວ ເຊິ່ງ ແຍກອອກຈາກເສັ້ນທາງເລກທີ 13 ໃຕ້ທ່ີບ້ານເລົ່າ ທາງ ຊາຍແດນດ້ານຕາເວັນອອກ ມີດ່ານສາກົນນ້ຳພາວ-ເກົາ ແຈວ ແຂວງເຫງ້ອານ, ຮ່າຕິງ ສ.ສ ຫວຽດນາມ,​ສ່ວນດ່ານ ປະເພນີແມ່ນດ່ານນ້ຳອອນ-ແທງຫຸຍ ແລະ ທອງມີໄຊ-ຕາບເຫີບ ແຂວງເຫງ້ອານ, ສ່ວນທິດຕາເວັນຕົກຕິດກັບ ລາຊະອານາຈັກໄທຢູ່ເມືອງ ປາກຊັນມີດ່ານສາກົນຫນຶ່ງ ແຫ່ງຄື: ປາກຊັນ-ບຶງການ ແລະດ່ານປະເພນີ 3 ແຫ່ງຄື: ບ້ານທວາຍ-ເປັ້ງຈານ, ປາກ ກະດິງ-ບຸງຄ້າ ແລະບຸ່ງກວາງ-ບ້ານແພງ. 
ແຂວງບໍລິຄຳໄຊ ເປັນ ແຂວງໃຫຍ່ອັນດັບ 10 ຂອງ ສປປ ລາວ, ທົ່ວແຂວງມີເນື້ອ ທ່ີ 16.470 ເຮັກຕາ, ມີເນື້ອທ່ີ ປ່າ-ພູ ກວມ 80%,ມີພົນລະ ເມືອງຫຼາຍກ່ວາ 227.000 ຄົນ ( 2007 ) ແລະ ມີ 27 ຊົນເຜົ່າຄື: ເມີ້ຍ, ແຖງ, ຂະມຸ, ຜູ້ໄທ ແລະ ອື່ນໆ. ຊົນເຜົ່າ ເມີ້ຍມີຫລາຍກ່ວາຫມູ່, ສ່ວນ ຊົນເຜົ່າຈີເລີຫລືຕອງເຫລືອງແມ່ນຍັງມີຫນ້ອຍທ່ີສຸດ ເຊິ່ງ ປັດຈຸບັນນີ້ມີຢູ່ບ້ານນາກະ ດົກ ແລະ ນາທອນ ເມືອງຄຳ ເກີດ ທັງຫມົດ 226 ຄົນເທົ່າ ນັ້ນ.
ແຂວງບໍລິຄຳໄຊ ເປັນ ແຂວງທ່ີຮັ່ງມີທາງດ້ານຊັບພະຍາກອນທຳມະຊາດ, ວັດທະ ນະທຳ ແລະປະຫວັດສາດອັນ ສວຍສົດງົດງາມ, ຖານຖ່ິນນີ້ ເປັນເຂດອາກາດຮ້ອນເຊິ່ງມີອຸນຫະພູມແຕ່ 21-31 ອົງສາ ໂດຍສະເພາະເມືອງຄຳເກີດ ເຊິ່ງເປັນດິນແດນແຫ່ງພູເຂົາແມ່ນມີອາກາດເຢັນກ່ວາຫມູ່. ແຫລ່ງທ່ອງທ່ຽວແຂວງບໍລິຄຳໄຊປະກອບມີ:
ກຸຫລາບປາກຊັນ: ສາວ ປາກຊັນຜິວຂາວສົດໃສ, ນິ ໄສໃຈຄໍໂອບອ້ອມອາລີ ທັງ ມີສຳນຽງສຽງເວົ້າຫວານຈຳ ໃຈຈົນເຮັດໃຫ້ນັກປະພັນ ແຕ່ງເພງ“ກຸຫລາບປາກຊັນ” ອັນເປັນເພງອະມະຕະຈົນ ເທົ່າທຸກວັນນີ້.
ປາກກະດິງ: ງາມຈິງແມ່ ນ້ຳສອງສີ ທ່ີເປັນບ່ອນລຳແມ່ ນ້ຳຂອງ ແລະ ປາກກະດິງ ໄຫລມາຄົບກັນ, ບົນເສັ້ນທາງ ເລກທີ 13 ຫ່າງຈາກວຽງຈັນ 198 ກິໂລແມັດ ຢູ່ແຫ່ງນີ້ຍັງ ມີຂົວຢູຣີກາກາຣີນ ຊ່ືຂອງ ນັກບິນອາວະກາດອະດີດ  ສະຫະພາບໂຊວຽດເປັນ ອານຸສອນແຫ່ງຄວາມສາ ມັກຄີທ່ີອະດີດສະຫະພາບ ໂຊວຽດຊ່ວຍເຫລືອແກ່ ສປປ ລາວ.
ວັດພະບາດ-ໂພນສັນ: ຕັ້ງຢູ່ບ້ານພະບາດ ເມືອງທ່າ ພະບາດ ຕາມແຄມເສັ້ນທາງ ເລກທີ 13 ໃຕ້, ຫ່າງຈາກນະ ຄອນຫລວງວຽງຈັນປະມານ 80 ກິໂລແມັດ, ພຸດທະສະ ຖານແຫ່ງນີ້ມີຮອຍພະບາດ ຂອງພະພຸດທະເຈົ້າສີຄຳຂະ ຫນາດໃຫຍ່ທ່ີມີຄວາມຍາວ 1,20 ແມັດ ແລະ ເລິກ 0,49 ແມັດ, ປະທັບໄວ້ເທິງພະລານ ຫີນ, ປາຍນິ້ວຕີນພຽງລຽບສະ ເຫມີກັນ, ພື້ນຮອຍຕີນມີຮູບ ກົງຈັກດອກບົວຢູ່ເຄິ່ງກາງ ແລະມີຮູບສັດຢູ່ອ້ອມກົງຈັກ 108 ຊະນິດ. ສ່ວນວັດໂພນ ສັນຫລືວັດນາຄານິມິດແມ່ນ ໂນນທ່ີພະພຸດທະເຈົ້ານັ່ງສັນ ເຂົ້າ ເຊິ່ງຕັ້ງຢູ່ບ່ອນທ່ີມີຄວາມ ສູງຊັນຢ່າງມະຫັດສະຈັນ ຄ້າຍຄືວ່າມີໂພນຢູ່ເຄິ່ງກາງ ຂອງເຫວສູງ ແລະ ຊັນ. ໃນ ສິມມີພະພຸດທະຮູບໃຫຍ່ທ່ີ ກວ້າງ 2,5 ແມັດ ແລະ ຍາວ 5,5 ແມັດ ສ້າງກວມເອົາຮອບ ນັ່ງຂອງພະພຸດທະເຈົ້າຢູ່ເທິງພະລານຫີນສີລາໂພນສັນ. ປາກົດການທຳມະຊາດທ່ີ ແປກປະຫລາດປີຫນຶ່ງມີເທ່ືອດຽວຄື: ບັ້ງໄຟພະຍານາກບໍ່ ພຽງແຕ່ເກີດຂຶ້ນຢູ່ເມືອງ  ປາກງ່ືມ ແຕ່ເກີດທ່ີບ້ານໂພນ ສັນ ແລະ ບ້ານເວີນທາດເຊັ່ນ ດຽວກັນ.
ແຂວງບໍລິຄຳໄຊມີປ່າສະ ຫງວນແຫ່ງຊາດ 2 ແຫ່ງຄື: ປ່າສະຫງວນແຫ່ງຊາດພູເຂົາຄວາຍ ແລະ ປ່າສະຫງວນ ແຫ່ງຊາດນ້ຳກະດິງ, ແຫລ່ງ ທ່ອງທ່ຽວທຳມະຊາດທ່ີສວຍ ງາມທ່ີສຸດຂອງພູເຂົາຄວາຍ ທັງອາກາດເຢັນດີ, ມີປ່າໄມ້ ຂຽວງາມຕະຫຼອດປີ ໂດຍສະ ເພາະແມ່ນປ່າໄມ້ແປກ ແລະ ພືດພັນຕ່າງໆ. ພູເຂົາຄວາຍ ມີນ້ຳຕົກຕາດ ແລະພູຜາສວຍ ງາມຢ່າງຫລວງຫລາຍເຊັ່ນ: ຕາດເລິກ, ຕາດຊາຍ, ຜາ ເສັດ ແລະ ຜາຊາຍ.​ເດີນທາງ ຈາກນະຄອນຫລວງວຽງຈັນ ຕາມເສັ້ນທາງເລກທີ 13 ໃຕ້ ຮອດຫລັກ 90 ເມືອງທ່າພະ ບາດແລ້ວລ້ຽວໄປຕາມເສັ້ນ ທາງເລກທີ 10 ກໍ່ສາມາດ ເຂ້ົາຫາພູເຂົາຄວາຍໄດ້, ສ່ວນປ່າສະຫງວນແຫ່ງຊາດນ້ຳກະດິງກໍອຸດົມສົມບູນໄປ ດ້ວຍສັດປ່າ ແລະ ຊີວະນາໆ ພັນ.
ແຂວງບໍລິຄຳໄຊ ຍັງມີ ແຫລ່ງທ່ອງທ່ຽວທ່ີຫນ້າສົນ ໃຈຢ່າງຫລວງຫລາຍເຊັ່ນ: ນ້ຳຕົກຕາດຊ້າງ, ຫໍຄອຍເບິ່ງ ຊ້າງບ້ານນາ, ວັດດ່ານຄຳ, ຫນອງບົວສາວ, ດ່ານຫີນພູ ກະດັນ, ວັດດານຄຳ, ຫນອງ ສາວມານ, ຖ້ຳຜາເພືອງ, ຖ້ຳ ຜາລິ, ນ້ຳຕົກຕາດນ້ຳປາ, ຕາດເລິກ, ຖ້ຳຜາແຕນບ້ານ ຫນອງບົວ, ຕາດເຍືອງ, ທຳ ມະຊາດຫຼັກ 20 ແລະອື່ນໆ.