ເຂົ້າສູ່ລະບົບ



ຂໍ້ມູນຜູ້ເຂົ້າເບິ່ງເວບ
ເຮົາມີ 39 ບຸກຄົນທົ່ວໄປ ອອນໄລ

ສະຖິຕິຜູ້ເຂົ້າເບິ່ງເວບ

ຫນ້າເລີ່ມຕົ້ນ ຂ່າວພາຍໃນກອງທັບ ຂ່າວພາຍໃນກອງທັບ ຊີວະປະຫວັດຫຍໍ້ຂອງທ່ານ ສຸພານຸວົງ

ຊີວະປະຫວັດຫຍໍ້ຂອງທ່ານ ສຸພານຸວົງ

User Rating: / 5
ບໍ່ດີເລີຍດີທີສູດ 
SHARE STORE:
Digg
 

ທ່ານສຸພານຸວົງ ເກີດເມື່ອ ວັນທີ 13 ເດືອນ ກໍລະກົດ 1909 ທີ່ບ້ານໃຫມ່ຕາແສງ ສີ ຖານ ເມືອງຫລວງພະບາງ ແຂວງຫຼວງພະບາງ ຊຶ່ງເປັນ ບຸດຂອງມະຫາອຸປະຣາດບຸນຄົງ ແລະ ໝ່ອມນາງຄຳອ້ວນ.

ໃນໄວຫນຸ່ມ, ພາຍຫລັງ ຮຽນຈົບຊັ້ນປະຖົມສຶກສາທີ່ ຫລວງພະບາງ ທ່ານໄດ້ໄປ ຮຽນວິທະຍາໄລທີ່ຮ່າໂນ້ຍ ແລະ ຫລັງຈາກນັ້ນກໍ່ໄດ້ໄປ ຮຽນຕໍ່ທີ່ມະຫາວິທະຍາໄລ ຂົວ-ທາງ ແຫ່ງຊາດທີ່ນະ ຄອນຫລວງປາຣີ ປະເທດ ຝຣັ່ງ, ໃນປີ 1937 ທ່ານໄດ້ ສຳເລັດການສຶກສາທີ່ໂຮງ ຮຽນແຫ່ງດັ່ງກ່າວ ແລະ ເປັນ ວິສາວະກອນດ້ານຂົວ-ທາງ.
ປີ 1937 ທ່ານໄດ້ກັບຄືນ ມາອິນດູຈີນ ແລະ ໄດ້ຮັບລາ ຊະການດ້ານໂຍທາ, ທ່ານໄດ້ ໄປປະຕິບັດຫນ້າທີ່ວິຊາສະ ເພາະຢູ່ຫຼາຍບ່ອນໄດ້ເຂົ້າ ຮ່ວມການກໍ່ສ້າງກິດຈະກຳ ຕ່າງໆຢູ່ລາວ, ຢູ່ຫວຽດນາມ ແລະ ຢູ່ກຳປູເຈຍ.
ໃນຕົ້ນປີ 1940 ທ່ານໄດ້ ເຂົ້າຮ່ວມຂະບວນການຮັກ ຊາດ ແລະ ໃນເດືອນຕຸລາ 1945 ໄດ້ກັບຄືນປະເທດ ເພື່ອສ້າງກຳລັງ ແລະ ປັບປຸງ ຂະບວນການປະຕິວັດຢູ່ລາວ.
ວັນທີ 12 ຕຸລາປີ 1945 ລັດຖະບານລາວອິດສະຫຼະ ໄດ້ຖືກສ້າງຕັ້ງຂຶ້ນ, ທ່ານໄດ້ ຖືກແຕ່ງຕັ້ງໃຫ້ເປັນລັດຖະ ມົນຕີກະຊວງໂຍທາທິການ ແລະ ຕໍ່ມາບໍ່ດົນກໍ່ໄດ້ຖືກແຕ່ງ ຂັ້ນເປັນລັດຖະມົນຕີກະຊວງປ້ອງກັນຊາດ ທັງເປັນຜູ້ບັນ ຊາການທະຫານສູງສຸດ.
ເດືອນມີນາ1946 ທ່ານເປັນ ຜູ້ບັນຊາການສູ້ຮົບປ້ອງກັນ ເມືອງທ່າແຂກແລະໄດ້ຮັບບາດ ເຈັບສາຫັດ, ດ້ວຍນ້ຳໃຈຮັກ ຊາດອັນເດັດດ່ຽວໜຽວແໜ້ນ ເດືອນຕຸລາປີ 1947 ທ່ານສຸ ພານຸວົງ ພ້ອມດ້ວຍໝູ່ຄະນະ ໄດ້ກໍ່ສ້າງກຳລັງປະກອບອາ ວຸດໃນບາງເຂດແຂວງພາກ ຕາເວັນຕົກຂອງປະເທດ.
ໃນປີ 1950 ທ່ານໄດ້ເຂົ້າ ຮ່ວມກອງປະຊຸມແນວລາວ ອິດສະຫລະ ຈັດຕັ້ງລັດຖະ ບານຕໍ່ຕ້ານ ແລະ ໄດ້ຖືກ ເລືອກຕັ້ງເປັນລັດຖະມະຫາ ເສນາຂອງລັດຖະບານລາວຕໍ່ ຕ້ານ ທັງເປັນປະທານແນວ ລາວອິດສະຫລະ.
ປີ 1954 ເປັນຫົວໜ້າຄະ ນະຜູ້ແທນຝ່າຍປະເທດລາວ ເຂົ້າຮ່ວມເຈລະຈາກັບລັດຖະ ບານວຽງຈັນ ທີ່ຄັງໄຂ ແຂວງ ຊຽງຂວາງ.  ປີ 1955: ທ່ານສຸພານຸວົງ ໄດ້ຮັບເຂົ້າເປັນສະມາຊິກ ພັກປະຊາຊົນລາວ, ໃນກອງປະຊຸມຄົບຄະນະຂອງ ຄະນະບໍລິຫານງານສູນກາງພັກຄັ້ງປະຖົມມະລືກທ່ານ ໄດ້ຖືກແຕ່ງຕັ້ງເປັນກຳມະການສູນກາງພັກ ໃນປີດຽວ ກັນນີ້, ທ່ານໄດ້ຮັບມອບຫມາຍໃຫ້ເປັນຫົວຫນ້າຄະ ນະຜູ້ແທນຂອງຝ່າຍປະເທດລາວເຂົ້າເຈລະຈາກັບ ລັດຖະບານວຽງຈັນ ຢູ່ທີ່ຢ້າງກຸ້ງປະເທດມຽນມາ.
ປີ 1956: ກອງປະຊຸມໃຫຍ່ແນວລາວຮັກຊາດ ໄດ້ ເລືອກຕັ້ງທ່ານເປັນປະທານແນວລາວຮັກຊາດ.
ປີ 1957-1959: ໃນເວລາ ລວມລາວເທື່ອທຳອິດ, ທ່ານສຸພານຸວົງ ໄດ້ເປັນລັດຖະມົນຕີ ແຜນຜັງຂອງ ລັດຖະບານປະສົມຄັ້ງທີ 1, ຖືກເລືອກຕັ້ງເປັນຜູ້ແທນ ລາຊະດອນທ່ານພ້ອມດ້ວຍບັນດາຜູ້ນຳພັກແລະ ແນວ ລາວຮັກຊາດອ່ືນໆໄດ້ຖືກສັດຕູຈັບຂັງຄຸກທີ່ໂພນເຄັງ.
ປີ 1960-1962: ເປັນຫົວຫນ້າຄະນະຜູ້ແທນຂອງ ແນວລາວຮັກຊາດໃນການເຈລະຈາກັບລັດຖະບານ ວຽງຈັນ ທີ່ຊຳເໜືອ, ທີ່ຊູລິກ, ທີ່ຫິນເຫີບ, ນາມອນ, ທົ່ງ ໄຫຫີນຊຽງຂວາງ.
ປີ 1962: ໄດ້ເປັນຮອງນາຍົກລັດຖະມົນຕີຂອງ ລັດຖະບານປະສົມຄັ້ງທີ 2.
ປີ 1964: ເປັນຫົວຫນ້າຄະນະຜູ້ແທນແນວລາວ ຮັກຊາດ ໃນການເຈລະຈາ 3 ຝ່າຍຢູ່ປະເທດຝຣັ່ງ.
ປີ 1972: ໃນກອງປະຊຸມໃຫຍ່ຄັ້ງທີ 2 ຂອງພັກປະ ຊາຊົນປະຕິວັດລາວ ທ່ານໄດ້ຖືກເລືອກຕັ້ງເປັນກຳ ມະການກົມການເມືອງສູນກາງພັກທັງເປັນປະທານ ສູນກາງແນວລາວຮັກຊາດ.
ປີ 1973-1975: ໃນເວລາເຂົ້າປະສົມກັບຝ່າຍວຽງ ຈັນ ທ່ານໄດ້ຖືກແຕ່ງຕັ້ງເປັນປະທານຄະນະມົນຕີປະ ສົມການເມືອງແຫ່ງຊາດ.
ປີ 1975: ກອງປະຊຸມໃຫຍ່ຜູ້ແທນປະຊາຊົນທົ່ວ ປະເທດ ໄດ້ເລືອກຕັ້ງທ່ານເປັນປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທັງ ເປັນປະທານສະພາປະຊາຊົນສູງສຸດ.
ປີ 1979: ກອງປະຊຸມໃຫຍ່ແນວລາວສ້າງຊາດ ໄດ້ ເລືອກຕັ້ງທ່ານເປັນປະທານສູນກາງແນວລາວສ້າງ ຊາດ.    
ປີ 1982: ໃນກອງປະຊຸມ ໃຫຍ່ຄັ້ງທີ 3 ຂອງພັກປະ ຊາຊົນປະຕິວັດລາວ, ທ່ານໄດ້ຖືກເລືອກຕັ້ງເປັນກຳມະ ການກົມການເມືອງສູນກາງພັກ, ທັງເປັນປະທານປະ ເທດແຫ່ງ ສປປ ລາວ.
ປີ 1986: ໃນກອງປະຊຸມ ໃຫຍ່ຄັ້ງທີ 4 ຂອງພັກປະ ຊາຊົນ ປະຕິວັດລາວ, ທ່ານໄດ້ຖືກເລືອກຕັ້ງເປັນກຳ ມະການກົມການເມືອງສູນກາງພັກ.
ປີ 1991: ອີງໃສ່ສຸຂະພາບ ແລະ ຄວາມມຸ່ງມາດ ປາຖະໜາຂອງທ່ານເອງ, ໃນກອງປະຊຸມໃຫຍ່ຄັ້ງທີ 5 ຂອງພັກ ທ່ານໄດ້ຖືກເລືອກຕັ້ງເປັນທີ່ປຶກສາຄະນະ ບໍລິຫານງານສູນກາງພັກ.
ທ່ານສຸພານຸວົງ ແມ່ນຜູ້ນຳຮຸ່ນອາວຸໂສຄົນສຳຄັນ ຂອງພັກ ແລະ ລັດເຮົາ ທົ່ວພັກ ທົ່ວປວງຊົນເຮົາຮັບ ຮູ້ວ່າທ່ານເປັນປັນຍາຊົນຜູ້ສະຫຼຽວສະຫລາດ ແລະ ຜູ້ທີ່ມີຊື່ສຽງໃນເວທີສາກົນເປັນເຊື້ອເຈົ້າຜູ້ຫນຶ່ງທີ່ມີ ນ້ຳໃຈຮັກຊາດອັນດູດດື່ມທີ່ໄດ້ເອົາຊີວິດຂອງຕົນແຕ່ ຫົວທີຕິດພັນກັບການຕໍ່ສູ້ຂອງປະຊາຊົນລາວບັນດາ ເຜົ່າຕະຫຼອດໄລຍະເວລາກ່ວາເຄິ່ງສະຕະວັດ ທ່ານ ແມ່ນນັກຮົບປະຕິວັດຜູ້ກ້າແກ່ນທີ່ມີນ້ຳໃຈເສຍສະຫຼະ ອັນສູງສົ່ງ, ຈົງຮັກພັກດີ, ຊື່ສັດບໍລິສຸດ, ສຸຂຸມຮອບຄອບ ແລະ ໄດ້ອຸທິດໝົດສະຕິປັນຍາ, ກຳລັງວັງຊາ ເພື່ອ ຄວາມເປັນເອກະລາດ ແລະ ຄວາມຈະເລີນກ້າວ ຫນ້າຂອງປະເທດຊາດ, ເພື່ອອິດສະຫຼະພາບ ແລະ ຄວາມຢູ່ເຢັນເປັນສຸກຂອງປະຊາຊົນຈົນເຖິງວິນາທີ ສຸດທ້າຍຂອງຊີວິດ ທ່ານເປັນຫນຶ່ງໃນບັນດາຜູ້ນຳ ທີ່ດີເດັ່ນເປັນທີ່ເຄົາລົບຮັກ ຂອງປະຊາຊົນລາວເຜົ່າ ຕ່າງໆ.
ດ້ວຍຜົນງານ ແລະ ຄຸນງາມຄວາມດີອັນໃຫຍ່ຫຼວງ ດັ່ງກ່າວ, ພັກ ແລະ ລັດເຮົາ ຈິ່ງໄດ້ສັນລະເສີນກຽດຕິ ຄຸນຂອງທ່ານດ້ວຍການມອບຫລຽນໄຊຊັ້ນສູງຕ່າງໆ ໃຫ້ແກ່ທ່ານເຊັ່ນ:
- ຫຼຽນຄຳແຫ່ງຊາດ 1 ໜ່ວຍ.
- ຫຼຽນໄຊອິດສະຫຼະຊັ້ນ I. 1 ຫນ່ວຍ.
- ຫຼຽນໄຊປະຕິວັດ ຊະນະ ເລີດຊັ້ນ I. 1 ໜ່ວຍ ແລະ ຫຼຽນກາອື່ນໆອີກ.
ນອກນັ້ນທ່ານຍັງໄດ້ຮັບຫຼຽນໄຊ ເປັນຈຳນວນຫຼວງ ຫຼາຍຈາກປະເທດອ້າຍນ້ອງເພື່ອນມິດ.


 

ແກ້ໄຂລ່າສຸດ (ວັນຈັນວັນທີ 26 ມີນາ 2012 ເວລາ 16: 38)