ເຂົ້າສູ່ລະບົບ



ຂໍ້ມູນຜູ້ເຂົ້າເບິ່ງເວບ
ເຮົາມີ 53 ບຸກຄົນທົ່ວໄປ ອອນໄລ

ສະຖິຕິຜູ້ເຂົ້າເບິ່ງເວບ

ຫນ້າເລີ່ມຕົ້ນ ຂ່າວເສດຖະກິດ,ວັດທະນະທຳ,ສັງຄົມ ຂ່າວເສດຖະກິດ, ວັດທະນະທຳ, ສັງຄົມ ມອບໃບຢັ້ງຢືນການຝຶກອົບຮົມທິດສະດີ -​ ການເມືອງໃຫ້ພະນັກງານຫ້ອງວ່າການລັດຖະບານ

ມອບໃບຢັ້ງຢືນການຝຶກອົບຮົມທິດສະດີ -​ ການເມືອງໃຫ້ພະນັກງານຫ້ອງວ່າການລັດຖະບານ

User Rating: / 0
ບໍ່ດີເລີຍດີທີສູດ 
SHARE STORE:
Digg
 

ອົງຄະນະພັກຫ້ອງວ່າ ການລັດຖະບານໄດ້ຈັດພີທີ ມອບໃບຢັ້ງຢືນການຝຶກອົບ ຮົມທິດສະດີການເມືອງຊຸດທີ I ໃຫ້ນັກສຳມະນາກອນຈຳ ນວນ 39 ທ່ານ ໃນວັນທີ 27/ 4/2012 ໂດຍການໃຫ້ກຽດ ເປັນປະທານມອບໃບຢັ້ງຢືນ ແລະ ກ່າວປິດຊຸດຝຶກອົບຮົມ ຂອງທ່ານ ຄຳພັນ ເຜີຍຍະວົງ ລັດຖະມົນຕີຊ່ວຍວ່າການ, ຮອງຫົວໜ້າຫ້ອງວ່າການລັດຖະບານ.
ການຝຶກອົບຮົມໃນຄັ້ງນີ້ ໄດ້ເລີ່ມມາຕັ້ງແຕ່ວັນທີ 20/ 2/2012 ຈົນມາຮອດວັນທີ 27/4/2012 ຈິ່ງໄດ້ປິດລົງ ຢ່າງເປັນທາງການ, ນັກສຳ ມະນາກອນໄດ້ຮັບການຍົກ ລະດັບຄວາມຮູ້ທາງດ້ານທິດ
ສະດີການເມືອງ ເປັນຕົ້ນວິ ຊາປັດຊະຍາ, ວິຊາເສດຖະ ສາດການເມືອງ, ວິຊາລັດທິ ສັງຄົມນິຍົມວິທະຍາສາດ, ວິຊາບໍລິຫານສາດ ແລະ ວິຊາ ກໍ່ສ້າງພັກ, ພ້ອມນັ້ນກໍ່ໄດ້ໄປ ທັດສະນະສຶກສາ ແລະ ຖອດ ຖອນບົດຮຽນຢູ່ລັດວິສາຫະ ກິດໂທລະຄົມມະນາຄົມ ລາວ, ສະຖາບັນການເມືອງ ການປົກຄອງ ແລະ ໂຮງງານ ກະປ໋ອງບ້ານເກີນ. ນອກນັ້ນ, ນັກສຳມະນາກອນຍັງໄດ້ ເຊື່ອມຊືມບົດລາຍງານການ ເມືອງຂອງອົງຄະນະພັກຫ້ອງ ວ່າການລັດຖະບານຄັ້ງທີ III ແລະ ແຜນພັດທະນາເສດຖະ ກິດ-ສັງຄົມແຫ່ງລັດ 5 ປີ ຄັ້ງ ທີ VII (2011-2015).
ການຝຶກອົບຮົມໃນຄັ້ງນີ້ ໄດ້ຮັບຜົນສຳເລັດຕາມເປົ້າ ໝາຍທີ່ວາງໄວ້  ແນໃສ່ເພີ່ມ ທະວີຄວາມສາມາດຂອງພະ ນັກງານ ກໍ່ຄືສະມາຊິກພັກ ໃຫ້ເຂັ້ມແຂງ ແລະ ຕອບສະ ຫນອງກັບຄວາມຮຽກຮ້ອງ ຕ້ອງການຂອງໜ້າທີ່ການ ເມືອງໃໝ່ຂອງຫ້ອງວ່າການ ລັດຖະບານ. ພ້ອມດຽວກັນ ນັ້ນ, ກໍ່ເປັນການຈັດຕັ້ງຜັນຂະ ຫຍາຍທິດທາງ, ໜ້າທີ່ຈຸດສຸມ ໄລຍະປີ 2012-2016 ທີ່ອົງ ຄະນະພັກຫ້ອງວ່າການລັດ ຖະບານວາງອອກຄື:  “ ສ້າງ ແຜນບຳລຸງກໍ່ສ້າງພະນັກງານສືບທອດໃນແຕ່ລະຂັ້ນ, ແຕ່ ລະຕຳແໜ່ງງານຢ່າງເປັນລະ ບົບ ລວມທັງສ້າງແຜນບຳລຸງ ຍົກລະດັບຄວາມຮູ້ທາງດ້ານ ທິດສະດີການເມືອງ-ການປົກ ຄອງ, ວິຊາສະເພາະໃຫ້ແກ່ ພະນັກງານຢູ່ພາຍໃນ ແລະ ຕ່າງປະເທດ. ທັງໝົດນັ້ນ ເພື່ອຈັດຕັ້ງປະຕິບັດຕາມເນື້ອ ໃນຈິດໃຈ 4 ບຸກທະລຸທີ່ວາງ ໄວ້ໃນມະຕິິິກອງປະຊຸມໃຫຍ່ ຄັ້ງທີ IX ໂດຍສະເພາະແມ່ນ “ຕ້ອງບຸກທະລຸຢ່າງແຂງແຮງດ້ານການພັດທະນາຊັບພະ ກອນມະນຸດ, ໂດຍສະເພາະ ດ້ານການກໍ່ສ້າງ ແລະ ບຳລຸງ ຍົກລະດັບຄວາມຮູ້ ຄວາມສາ ມາດໃນດ້ານຕ່າງໆຂອງພະ ນັກງານໃຫ້ສົມຄູ່ກັບຄວາມ ຮຽກຮ້ອງຕ້ອງການຂອງການພັດທະນາ”  ແລະ ຮັບປະກັນ ການປະຕິບັດຄຳຂວັນຂອງ ຫ້ອງວ່າການລັດຖະບານທີ່ ວ່າ: “ ເປັນເສນາທິການສັງ ລວມທີ່ດີ, ການປະ ສານງານ ທີ່ດີ ແລະ ບໍລິການຮັບໃຊ້ປະ ຊາຊົນທີ່ດີ ” ໃຫ້ປະກົດຜົນ ເປັນຈິງ.
ໃນນຕອນທ້າຍທ່ານປະ ທານໄດ້ຮຽກຮ້ອງໃຫ້ນັກສຳ ມະນາກອນຈົ່ງນຳເອົາຄວາມຮູ້ຄວາມສາມາດທີ່ໄດ້ຮັບຍົກລະດັບຈາກການຝຶກອົບຮົມ ໃນຄັ້ງນີ້ນຳໃຊ້ເຂົ້າໃນການ ຈັດຕັ້ງປະຕິບັດໜ້າທີ່ວຽກ ງານຂອງຕົນໃຫ້ມີປະສິດທິ ພາບ ແລະ ສ້າງໃບໜ້າໃໝ່ ແກ່ວຽກງານຂອງຕົນເພື່ອ ເປັນການປະກອບສ່ວນອັນ ໜັກແໜ້ນໃນການປະຕິບັດ ສອງໜ້າທີ່ປົກປັກຮັກສາ ແລະ ພັດທະນາປະເທດຊາດ ເວົ້າລວມ, ເວົ້າສະເພາະແມ່ນ ປະກອບສ່ວນຢ່າງຕັ້ງໜ້າ ເຂົ້າໃນການປະຕິບັດແຜນ ພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ VII.