ເຂົ້າສູ່ລະບົບ



ຂໍ້ມູນຜູ້ເຂົ້າເບິ່ງເວບ
ເຮົາມີ 42 ບຸກຄົນທົ່ວໄປ ອອນໄລ

ສະຖິຕິຜູ້ເຂົ້າເບິ່ງເວບ

ຫນ້າເລີ່ມຕົ້ນ

ກອງ “ກ 1” ສະຫລຸບຖອດຖອນບົດຮຽນວຽກງານຕົ້ນປີ ແລະ ວາງທິດທາງແຜນການປະຈຳ 6 ເດືອນທ້າຍປີ 2012

User Rating: / 0
ບໍ່ດີເລີຍດີທີສູດ 
SHARE STORE:
Digg
 

ໃນລະຫວ່າງວັນທີ 9-10 ສິງຫາ 2012 ຜ່ານມານີ້ ກອງ “ກ 1” ໄດ້ຈັດກອງປະຊຸມສະ ຫຼຸບຖອດຖອນບົດຮຽນ 6 ເດືອນຕົ້ນປີ ແລະ ວາງທິດ ທາງແຜນການປະຈຳ6 ເດືອນ ທ້າຍປີ 2012 ຂຶ້ນຢູ່ທີ່ສະໂມ ສອນຂອງກົມກອງ ໂດຍ ເປັນປະທານຂອງສະຫາຍ ພັນເອກ ຄຳສີ ວົງຄຳຊາວ, ຫົວໜ້າການເມືອງກອງ“ກ 1”. ໃນພິທີສະຫາຍພັນໂທ ວົງ ຈັນ ພັນຈັນທະມານ ຫົວໜ້າຫ້ອງການກອງ “ກ 1” ໄດ້ຂຶ້ນ ສະຫຼຸບຄືນຜ່ານການເຄື່ອນ ໄຫວວຽກງານໃນໄລຍະ 6 ເດືອນທີ່ຜ່ານມາເປັນຕົ້ນ ແມ່ນໄດ້ເອົາໃຈໃສ່ສຶກສາອົບ ຮົມການເມືອງນຳພາແນວຄິດ, ມີຄຸນທາດການເມືອງຢ່າງ ໜັກແໜ້ນມີຄວາມຮັບຜິດ ຊອບສູງຕໍ່ໜ້າທີ່ການເມືອງ ຂອງຕົນ ປັດຈຸບັນກົມກອງ ປະກອບມີ 10 ຄະນະພັກ ຮາກຖານ, ມີ 59 ໜ່ວຍພັກ, ມີສະມາຊິກທັງໝົດ 1.046 ສະຫາຍ, ໄດ້ຈັດປະເພດຄະ ນະພັກຮາກຖານແຂງຮອບ ດ້ານມີ 2 ຄະນະ, ແຂງ 8 ຄະ ນະ, ໜ່ວຍພັກແຂງຮອບດ້ານ ມີ 19 ໜ່ວຍ,ໜ່ວຍພັກແຂງມີ 23 ໜ່ວຍ, ກາງມີ 15 ໜ່ວຍ, ມີສະມາຊິກພັກແຂງຮອບ ດ້ານ 332 ສະຫາຍ, ສະມາ ຊິກພັກແຂງ 490 ສະຫາຍ ແລະ ກາງມີ 190 ສະຫາຍ, ພ້ອມນີ້ກົມກອງຍັງໄດ້ເອົາ ໃຈໃສ່ວຽກງານກໍ່ສ້າງເຄຫາ ສະຖານຄ້າຍຄູໃຫ້ກ້າວສູ່ ຄວາມແໜ້ນໜາຖາວອນ ເທື່ອລະກ້າວຕາມທິດນຳຂັ້ນ ເທິງຜ່ານມາໄດ້ສຳເລັດການ ກໍ່ສ້າງ 13 ໂຄງການລວມມູນ ຄ່າ 5.645.240.000 ກີບ. ໃນນີ້ທຶນຂອງຂັ້ນເທິງຊ່ວຍ 5.388.175.000 ກີບ, ທຶນ ຂອງກົມກອງ 257.065.000 ກີບ, ປັດຈຸບັດສຳເລັດແລ້ວ 9 ໂຄງການເປັນຕົ້ນການກໍ່ສ້າງ ຫ້ອງສະໝຸດ-ຫໍມູນເຊື້ອ, ສ້ອມແປງຕຶກພາຍໃນ-ພາຍ ນອກໂຮງໝໍ 108 ແລະ ໂຄງ ການອື່ນໆຄຽງຄູ່ກັບວຽກງານ ດັ່ງກ່າວນີ້ກົມກອງຍັງໄດ້ຈັດ ຕັ້ງ ແລະ ປະຕິບັດຊີ້ນຳນຳພາ ວຽກງານ 4 ປູກ 4 ລ້ຽງທີ່ກົມ ໃຫຍ່ພະລາທິການວາງອອກ ໂດຍແນໃສ່ການແກ້ໄຂຊີວິດ ການເປັນຢູ່ຂອງພະນັກງານ-ນັກຮົບໃນກົມກອງໃຫ້ນັບມື້ດີ ຂຶ້ນຜ່ານມາກົມກອງລ້ຽງແລະ ບົວລະບັດສັດທີ່ມີແລ້ວຄື: ລ້ຽງຄວາຍ 18 ໂຕ, ລ້ຽງງົວ 114 ໂຕ, ລ້ຽງໝູ 58 ໂຕ, ແບ້ 85 ໂຕ, ລ້ຽງສັດປີກ 4.936 ໂຕ ແລະ ໜອງປາ 8 ໜອງ ປ່ອຍປາແລ້ວ 29.570 ໂຕ,ປູກ ຕົ້ນໄມ້ໃຫ້ໝາກ 2.656 ຕົ້ນ, ປູກຕົ້ນໄມ້ປະດັບ 80.000 ຕົ້ນ, ປູກພືດຜັັກທຸກຊະນິດ ເກັບກູ້ໄດ້ 173.240, ປູກພືດ ທາດແປ້ງ ແລະ ພືດສິນຄ້າ ເກັບກູ້ໄດ້ 13.500 ກິໂລ, ພ້ອມ ດຽວກັນນີ້ຜູ້ເຂົ້າຮ່ວມກອງ ປະຊຸມຍັງໄດ້ຮັບຟັງການປາ ຖະກາຖາປີສາມັກຄີລາວ-ຫວຽດນາມ ຈາກສະຫາຍພັນ ເອກ ຄຳສີ ວົງຄຳຊາວ ຄະ ນະພັກກະຊວງປ້ອງກັນປະ ເທດເລຂາຄະນະພັກ ຫົວໜ້າ ການເມືອງກອງດັ່ງກ່າວເນື້ອ ໃນເອກະສານສະຫາຍໄດ້ຍົກ ໃຫ້ເຫັນການກຳເນີດເຕີບ ໃຫຍ່ແຫ່ງສາຍພົວພັນສາມັກຄີສອງຊາດ ລາວ-ຫວຽດນາມ ທີ່ເຄີຍມີມູນເຊື້ອຮ່ວມທຸກ ຮ່ວມສຸກ  ແລະ ຮ່ວມຂຸມຄອງ ສູ້ຮົບອັນດຽວກັນໃນແຕ່ລະ ໄລຍະຈົນມາເຖິງປັດຈຸບັນ ທັງນີ້ກໍ່ເພື່ອເຮັດໃຫ້ພະນັກ ງານຫຼັກແຫຼ່ງກົມກອງຂອງ ຕົນຮູ້ແຈ້ງຕໍ່ມູນເຊື້ອດັ່ງກ່າວ ເນື່ອງໃນໂອກາດວັນສົນທິ ສັນຍາມິດຕະພາບ ລາວ-ຫວຽດນາມ ຄົບຮອບ 35 ປີ ແລະ ວັນສ້າງຕັ້ງສາຍພົວພັນ ການທູດ ລາວ-ຫວຽດນາມ ຄົບຮອບ 50 ປີໃຫ້ມີເນື້ອໃນ ຄວາມໝາຍເລິກເຊິ່ງ.