ເຂົ້າສູ່ລະບົບ



ຂໍ້ມູນຜູ້ເຂົ້າເບິ່ງເວບ
ເຮົາມີ 45 ບຸກຄົນທົ່ວໄປ ອອນໄລ

ສະຖິຕິຜູ້ເຂົ້າເບິ່ງເວບ

ຫນ້າເລີ່ມຕົ້ນ ຂ່າວເສດຖະກິດ,ວັດທະນະທຳ,ສັງຄົມ ຂ່າວເສດຖະກິດ, ວັດທະນະທຳ, ສັງຄົມ ທ່ານ ສົມສະຫວາດ ເລັ່ງສະຫວັດ ລົງຊຸກຍູ້ຂະບວນການພັດທະນາຢູ່ເມືອງງາແຂວງອຸດົມໄຊ

ທ່ານ ສົມສະຫວາດ ເລັ່ງສະຫວັດ ລົງຊຸກຍູ້ຂະບວນການພັດທະນາຢູ່ເມືອງງາແຂວງອຸດົມໄຊ

User Rating: / 0
ບໍ່ດີເລີຍດີທີສູດ 
SHARE STORE:
Digg
 

ອີງຕາມແຫລ່ງຂ່າວ ຈາກທ້ອງຖ່ິນໃຫ້ຮູ້ວ່າ: ວັນທີ 22 ທັນວາ 2012 ທ່ານສົມ ສະຫວາດ ເລັ່ງສະຫວັດ ກຳ ມະການກົມການເມືອງສູນ ກາງພັກ, ຮອງນາຍົກລັດຖະ ມົນຕີ,​    ຜູ້ຊີ້ນຳວຽກງານເສດ ຖະກິດ ພ້ອມຄະນະໄດ້ລົງ ເຄ່ືອນໄຫວຊີ້ນຳຊຸກຍູ້ຂະ ບວນການພັດທະນາຕາມທິດ 3 ສ້າງຢູ່ເມືອງງາ ແຂວງອຸດົມ ໄຊ ເຊິ່ງໄດ້ຮັບການຕ້ອນຮັບ ຈາກທ່ານ ຄຳຫລ້າ ລິ້ງນະ ສອນ ກຳມະການສູນກາງພັກ ເລຂາພັກແຂວງ,​ ເຈົ້າແຂວງ ແຂວງອຸດົມໄຊ ແລະ ທ່ານ ທອງລຽນ ຢູລີໄຊ ກຳມະການ ພັກແຂວງ, ​ເລຂາພັກເມືອງ, ເຈົ້າເມືອງ ເມືອງງາ ພ້ອມ ດ້ວຍຄະນະນຳ ແລະ ປະຊາ ຊົນເມືອງງາຢ່າງອົບອຸ່ນ.
ໂອກາດນີ້ທ່ານຮອງນາ ຍົກລັດຖະມົນຕີໄດ້ຮັບຟັງ ການລາຍງານຫຍ້ໍກ່ຽວກັບ ການພັດທະນາເສດຖະກິດ- ສັງຄົມໃນສົກປີ 2011-2012 ແລະທິດທາງແຜນການ 2012-2013 ຂອງເມືອງຈາກ ການນຳເມືອງງາເຊິ່ງສັງລວມແລ້ວເຫັນວ່າສະຖຽນລະພາບທາງດ້ານການເມືອງມີຄວາມຫນັກແຫນ້ນ,ສັງຄົມມີຄວາມ ສະຫງົບດີໂດຍພື້ນຖານ. ດ້ານການສຶກສາ, ສາທາລະ ນະສຸກ, ແຮງງານ ແລະ ສະ ຫວັດດີການສັງຄົມ ໄດ້ຮັບ ການປັບປຸງດີຂຶ້ນເທ່ືອລະ ກ້າວ. ປີຜ່ານມາ  GDP ສະ ເລ່ຍໃສ່ຫົວຄົນບັນລຸໄດ້ 4.056.000 ກີບ ຫລືປະມານ 507 ໂດລາ/ຄົນ/ປີ. ຜະລິດ ຕະພັນຕົ້ນຕໍແມ່ນຫມາກງາ ຂາວ, ຫຍ້າມູລາໂຕລຸ້ນ 2      ( ຫລືຫຍ້າ M 2 ), ໃບຢາສູບ. ນອກນັ້ນ, ແມ່ນການລ້ຽງສັດ ໃຫຍ່ແຕ່ເມືອງດັ່ງກ່າວຍັງ ເປັນເມືອງທຸກຍາກຊຶ່ງມີຄອບ ຄົວທຸກຍາກກວມເອົາ 69% ຂອງຄອບຄົວທັງຫມົດທົ່ວ ເມືອງ.
ທ່ານຮອງນາຍົກລັດຖະມົນ ຕີ ໄດ້ສະແດງຄວາມຍ້ອງຍໍ ຊົມເຊີຍ ແລະ ຕີລາຄາສູງຕໍ່ ການສູ້ຊົນ ແລະ ຜົນສຳເລັດ ທ່ີເມືອງຍາດມາໄດ້ໃນຜ່ານ ມາ, ພ້ອມທັງໄດ້ມີຄຳເຫັນຊີ້ ນຳຫລາຍບັນຫາສຳຄັນ ເພື່ອ ໃຫ້ຄະນະພັກເມືອງ ແລະ ອົງ ການປົກຄອງຂັ້ນຕ່າງໆຂອງ ແຂວງສືບຕໍ່ເອົາໃຈໃສ່ປະຕິ ບັດໃນຕໍ່ຫນ້າ.
ສຸມໃສ່ສົ່ງເສີມວຽກງານກະ ສິກຳໃຫ້ແຂງແຮງ ເປັນຕົ້ນ ແມ່ນການປູກຫຍ້າມູລາໂຕ ລຸ້ນ 2 ຫລືຫຍ້າ M 2 ເພື່ອ ລ້ຽງສັດໃຫ້ກາຍເປັນສິນຄ້າ ສົ່ງອອກ, ເອົາໃຈໃສ່ປົກປັກ ຮັກສາສະພາບແວດລ້ອມໃຫ້ ດີ ເພື່ອສ້າງເປັນແຫລ່ງທ່ອງ ທ່ຽວໃນອະນາຄົດ.
ສືບຕໍ່ເອົາໃຈໃສ່ຍົກສູງ ຄວາມຮູ້ໃນການປູກ-ການ ລ້ຽງທ່ີແທດເຫມາະກັບທ້ອງ ຖ່ິນເພື່ອໃຫ້ປະຊາຊົນມີ ຄວາມຮູ້ດ້ານເຕັກນິກວິຊາ ການ ຍົກສູງຜົນຜະລິດກໍຄື ລາຍຮັບໃຫ້ແກ່ຄອບຄົວ. ພ້ອມນີ້ກໍສູ້ຊົນປະຕິບັດແຜນ ການໂຮມບ້ານນ້ອຍໃຫ້ເປັນ ບ້ານໃຫຍ່ໂດຍສົມທົບແຫນ້ນ ກັບການປະຕິບັດ 3 ສ້າງໃຫ້ ປະກົດຜົນເປັນຈິງ ແຕ່ຕ້ອງ ເອົາໃຈໃສ່ການຈັດສັນອາຊີບ ແລະ ບ່ອນທຳມາຫາກິນຄົງທ່ີ ໃຫ້ແກ່ປະຊາຊົນຕ້ອງໄດ້ກຳນົດໃຫ້ແຕ່ລະບ້ານ ມີກິດຈະ ກຳໃນການຜະລິດເປັນສິນຄ້າ ເປັນອັນສະເພາະ, ເມ່ືອຜະ ລິດໄດ້ແລ້ວ ຕ້ອງຮັບປະກັນ ໃຫ້ມີຕະຫລາດຈຳຫນ່າຍໃຫ້ ມີລັກສະນະຍືນຍົງ ສຳຄັນ ແມ່ນຕ້ອງມີຈຸດສຸມພັດທະນາ ແລະ ພ້ອມກັນນັ້ນກໍຕ້ອງຕິດ ພັນກັບການປ້ອງກັນຊາດ- ປ້ອງກັນຄວາມສະຫງົບ.
ໂອກາດນີ້, ທ່ານຮອງນາ ຍົກລັດຖະມົນຕີພ້ອມຄະນະ ຍັງໄດ້ເດີນທາງໄປຢ້ຽມຊົມ ພື້ນຖານການຜະລິດຕົວຈິງ ແລະ ຕິດຕາມຄວາມຄືບຫນ້າ ຂອງການທົດລອງປູກຫຍ້າມູລາໂຕລຸ້ນ 2 ຫລື ຫຍ້າ M 2  ຂອງປະຊາຊົນຢູ່ເຂດບ້ານຖ່ິນ  ແລະ ໄດ້ເຂົ້າຮ່ວມພິທີວາງສີ ລາລຶກໂຄງການກໍ່ສ້າງຂົວ ຂ້າມນ້ຳຂອງຈຸດປາກແບງ ແຂວງອຸດົມໄຊ ຫາເມືອງເງິນ ແຂວງໄຊຍະບູລີ.