ເຂົ້າສູ່ລະບົບ



ຂໍ້ມູນຜູ້ເຂົ້າເບິ່ງເວບ
ເຮົາມີ 52 ບຸກຄົນທົ່ວໄປ ອອນໄລ

ສະຖິຕິຜູ້ເຂົ້າເບິ່ງເວບ

ຫນ້າເລີ່ມຕົ້ນ

ເຄື່ອນຍ້າຍອັດຖິອະດີດການນຳ ແລະ ກຳມະການສູນກາງພັກ ໄປສະຖິດໄວ້ຢູ່ສຸສານແຫ່ງຊາດ

User Rating: / 1
ບໍ່ດີເລີຍດີທີສູດ 
SHARE STORE:
Digg
 

ພິທີເຄື່ອນຍ້າຍອັດຖິ ອະດີດການນຳ ແລະ ກຳມະ ການສູນກາງພັກ ຈຳນວນ 11 ທ່ານໄປສະຖິດໄວ້ຢູ່ສຸສານແຫ່ງຊາດ ( ຫຼັກ 24 ) ໄດ້ຈັດ ຂຶ້ນໃນຕອນເຊົ້າວັນທີ 21 ມີນາ ໂດຍເປັນປະທານຂອງທ່ານ ດຣ. ບຸນປອນ ບຸດຕະນະວົງ ກຳມະການກົມການເມືອງສູນ ກາງພັກ,ເລຂາທິການສູນກາງ ພັກ, ຫົວຫນ້າຫ້ອງວ່າການ ສູນກາງພັກ, ມີບັນດາທ່ານ ການນຳພັກ-ລັດ ຕະຫຼອດ ຮອດບັນດາພະນັກງານ, ທະ ຫານ, ຕຳຫຼວດ ແລະ ປະຊາ ຊົນຊາວນະຄອນຫຼວງວຽງຈັນ ເຂົ້າຮ່ວມ.
ໂອກາດນີ້ທ່ານດຣ.ບຸນປອນ ບຸດຕະນະວົງ ໄດ້ຂຶ້ນກ່າວສູນ ທອນພົດສັນລະເສີນສະດຸດີ ຜົນງານອັນໃຫຍ່ຫຼວງ ແລະ ສະແດງຄວາມກະຕັນຍູຮູ້ບຸນ ຄຸນຕໍ່ອະດີດການນຳພັກ-ລັດ ແລະ ອະດີດນາຍທະຫານຂັ້ນ ສູງທີ່ໄດ້ອຸທິດຊີວິດ, ເລືອດ ເນື້ອຕໍ່ສູ້ຍາດເອົາເອກະລາດ, ສິດເສລີພາບມາໃຫ້ປະເທດ ຊາດ ແລະ ປະຊາຊົນລາວ ບັນດາເຜົ່າໃນພາລະກິດປົກ ປັກຮັກສາພັດທະນາປະເທດ ຊາດໃຫ້ເຕີບໃຫຍ່ເຂັ້ມແຂງ.
ທ່ານຫົວຫນ້າຫ້ອງວ່າ ການສູນກາງພັກກ່າວວ່າ: ມື້ນີ້ໂດຍໄດ້ຮັບການເຫັນດີຕົກລົງ ຂອງກົມການເມືອງ,   ຄະນະເລຂາທິການສູນກາງພັກ, ຄະ ນະຮັບຜິດຊອບ ພ້ອມດ້ວຍ ຄອບຄົວ, ຍາດພີ່ນ້ອງລູກ ຫຼານໄດ້ນຳເອົາອັດຖິຂອງອະ ດີດການນຳປະຕິວັດແລະ ອະ ດີດກຳມະການສູນກາງພັກ ຈຳນວນ 11 ທ່ານຄື: ທ່ານ ສຸກວົງສັກ, ທ່ານມາ ໄຂຄຳ ພິທູນ, ທ່ານຫມື່ນ ສົມວິຈິດ, ທ່ານ ສີພອນ ຜາລີຂັນ, ທ່ານ ຄຳສຸກ ໄຊຍະແສງ, ທ່ານ ຄຳພວງ ຈັນທະພົມມາ, ທ່ານ ຄຳພາ ຈະເລີນພົນວິໄຊ, ທ່ານ ທອງໄຫຼ ກົມມະສິດ, ທ່ານ ສີທົນ ມະໂນລາ, ທ່ານສິງກະ ໂປ ສີໂຄດຈຸນລະມານີ ແລະ ທ່ານ ສົມສັກ ໄຊສົງຄາມ ເຂົ້າ ມາສະຖິດໄວ້ທີ່ສຸສານແຫ່ງ ຊາດອັນຊົງກຽດແລະມີຄວາມ ຫມາຍປະຫວັດສາດຂອງ ຊາດເຮົາເພື່ອເຕົ້າໂຮມໃຫ້ ພວກເພິ່ນໄດ້ຢູ່ຮ່ວມກັນບ່ອນ ດຽວກັບບັນດາອະດີດການນຳ ຂອງພັກ ແລະ ຂອງການປະຕິ ວັດລາວ.
ທ່ານຍັງກ່າວອີກວ່າ: ທົ່ວ ພັກ, ທົ່ວກອງທັບ ແລະ ທ່ົວ ປວງຊົນລາວທັງຊາດຕ່າງກໍ່ຮູ້ ດີວ່າບັນດາ 11 ທ່ານນີ້ ລ້ວນ ແຕ່ເປັນນັກຕໍ່ສູ້ປະຕິວັດທີ່ກ້າ ແກ່ນມີນ້ຳໃຈຮັກຊາດອັນດູດ ດື່ມ ເຊິ່ງໄດ້ອຸທິດຊີວິດຈິດໃຈ ຂອງຕົນໃຫ້ແກ່ການຕໍ່ສູ້ເພື່ອ ເອກະລາດແຫ່ງຊາດ ແລະ ອິດສະຫຼະພາບຂອງປະຊາ ຊົນລາວກໍ່ຄືໃນຕະຫຼອດໄລ ຍະເວລາແຫ່ງການປົກປັກຮັກ ສາ ແລະ ສ້າງສາພັດທະນາ ປະເທດຊາດໃນໄລຍະປ່ຽນ ແປງໃຫມ່ຂອງພັກເຮົາເພື່ອ ໃຫ້ຖັນແຖວສະມາຊິກພັກ, ພະນັກງານ, ທະຫານ, ຕຳ ຫຼວດຕະຫຼອດຮອດປະຊາຊົນ ບັນດາເຜົ່າ ແລະ ຄົນຮຸ້ນຫຼັງ ຜູ້ສືບທອດພາລະກິດປະຕິວັດໄດ້ສັກກະລະບູຊາ, ສຶກສາ ຮ່ຳຮຽນເອົາຄວາມເປັນແບບ ຢ່າງນຳຫນ້າ, ນ້ຳໃຈປະຕິວັດ ບຸກ, ຄຸນສົມບັດສິນທຳປະຕິ ວັດ, ແບບແຜນດຳລົງຊີວິດທີ່ ຜ່ອງໃສນຳໄປປັບປຸງຝຶກຝົນຫຼໍ່ ຫຼອມຕົນເອງ ແລະ ປະກອບ ສ່ວນຢ່າງສົມກຽດຂອງຕົນ ເຂົ້າໃນພາລະກິດແຫ່ງການ ປົກປັກຮັກສາ ແລະ ສ້າງສາ ພັດທະນາປະເທດຊາດທີ່ ແສນຮັກ ແລະ ຫວງແຫນ ຂອງພວກເຮົາໃຫ້ເຕີບໃຫຍ່ ເຂັ້ມແຂງ ແລະ ເຮັດໃຫ້ລະ ບອບປະຊາທິປະໄຕ ປະຊາ ຊົນຍືນຍົງຄົງຫມັ້ນຕະຫຼອດ ໄປ.
ຈາກນັ້ນທຸກຄົນກໍ່ລຸກຂຶ້ນ ຢືນເພື່ອສະແດງຄວາມເຄົາ ລົບ, ຄວາມຄິດຄະນຶງຫາ, ຄວາມອາໄລຮັກເພື່ອສັນລະ ເສີນກຽດຕິຄຸນ ແລະ ຄຸນງາມ ຄວາມດີຂອງພວກເພິ່ນຢ່າງ ສະຫງົບ 1 ນາທີ.