ເຂົ້າສູ່ລະບົບ



ຂໍ້ມູນຜູ້ເຂົ້າເບິ່ງເວບ
ເຮົາມີ 21 ບຸກຄົນທົ່ວໄປ ອອນໄລ

ສະຖິຕິຜູ້ເຂົ້າເບິ່ງເວບ

ຫນ້າເລີ່ມຕົ້ນ

ຫ້ອງວ່າການລັດຖະບານລາວ-ຫວຽດນາມພົບປະກັນ

User Rating: / 0
ບໍ່ດີເລີຍດີທີສູດ 
SHARE STORE:
Digg
 

ໂດຍຕອບສະໜອງຕາມ ຄຳເຊີນຂອງສະຫາຍລັດຖະ ມົນຕີ, ຫົວໜ້າຫ້ອງວ່າການ ລັດຖະບານ ແຫ່ງ ສສ ຫວຽດ ນາມ ແລະ ປະຕິບັດຕາມ ແຜນການຮ່ວມມືລະຫວ່າງ ສອງຫ້ອງວ່າການລັດຖະບານ ລາວ-ຫວຽດນາມ,ສະຫາຍ  ດຣ. ສິນລະວົງ ຄຸດໄພທູນ ລັດຖະ ມົນຕີ, ຫົວໜ້າຫ້ອງວ່າການ ລັດຖະບານ ແຫ່ງ ສປປ ລາວ ໄດ້ນຳພາຄະນະຜູ້ແທນຫ້ອງວ່າການລັດຖະບານລາວ ແລະ ແຂວງຈຳນວນໜຶ່ງເດີນ ທາງໄປຢ້ຽມຢາມ ແລະ ເຮັດ ວຽກຮ່ວມກັບຫ້ອງວ່າການ ລັດຖະບານ ຫວຽດນາມ ແຕ່ ວັນທີ 26-30 ມິຖຸນາ 2013.
ໃນການຢ້ຽມຢາມຄັ້ງນີ້ສະ ຫາຍລັດຖະມົນຕີ ແລະ ຄະ ນະໄດ້ພົບປະເຮັດວຽກກັບ ຫ້ອງວ່າການລັດຖະບານ ສສ ຫວຽດນາມ ຊຶ່ງເນື້ອໃນສຳຄັນ  ຂອງການຢ້ຽມຢາມແມ່ນເພື່ອ ແລກປ່ຽນບົດຮຽນ ກ່ຽວກັບວຽກງານການຫັນຫ້ອງວ່າ ການເປັນທັນສະໄໝ, ການ ຜັນຂະຫຍາຍມະຕິ, ຄຳສັ່ງ, ແຈ້ງການຂອງ ສສ ຫວຽດ ນາມ, ການຮ່ວມມືດ້ານໄອທີ, ການຝຶກອົບຮົມໃຫ້ແກ່ພະນັກ ງານລາວ ແລະ ອື່ນໆ. ຜ່ານ ການພົບປະແລກປ່ຽນສອງ ຝ່າຍໄດ້ຕີລາຄາສູງ ກ່ຽວກັບ ໝາກຜົນໃນການຮ່ວມມືລະ ຫວ່າງສອງຫ້ອງວ່າການລັດ ຖະບານໃນໄລຍະຜ່ານມາ ເປັນຕົ້ນແມ່ນການຈັດຕັ້ງຜັນ ຂະຫຍາຍໂຄງການຮ່ວມມື ລະຫວ່າງສອງ ຫລບ ໄດ້ມີ ຜົນສຳເລັດຫຼາຍດ້ານ ແລະ ມີຄວາມຄືບໜ້າດີ ເປັນຕົ້ນ ໂຄງການຫ້ອງປະຊຸມລັດຖະ ບານຫັນເປັນທັນສະໄໝ, ລະບົບການຄຸ້ມຄອງນິຕິກຳ, ການຈໍລະຈອນເອກະສານ, ການສ້າງເວບໄຊລັດຖະບານ ລາວ, ການຝຶກອົບຮົມໃຫ້ພະ ນັກງານລາວ, ການແລກປ່ຽນ ການຢ້ຽມຢາມ ແລະ ອື່ນໆ ຊຶ່ງສາມາດຊ່ວຍໃຫ້ການບໍລິ ຫານວຽກງານພາຍໃນຫ້ອງ ວ່າການລັດຖະບານລາວມີ ປະສິດທິຜົນຍິ່ງຂຶ້ນ ພ້ອມນີ້, ສອງຝ່າຍກໍ່ໄດ້ເປັນເອກະ ພາບໃນການຈະເພີ່ມທະວີ ການແລກປ່ຽນ ແລະການພົວ ພັນປະສານງານລະຫວ່າງ ສອງ ຫລບ ເພື່ອຊຸກຍູ້ບັນດາ ກະຊວງ-ອົງການປົກຄອງ ທ້ອງຖິ່ນກ່ຽວຂ້ອງຈັດຕັ້ງປະຕິ ບັດໂຄງການຮ່ວມມືລາວ-ຫວຽດນາມ ທີ່ສອງລັດຖະ ບານໄດ້ຕົກລົງກັນແລ້ວໃຫ້ ມີຄຸນນະພາບບົນຈິດໃຈສະ ຫາຍອ້າຍນ້ອງທັງສອດຄ່ອງ ກັບສັນຍາ ແລະ ກົດໝາຍ.
ນອກນັ້ນ ຫ້ອງວ່າການລັດ ຖະບານລາວ ກໍ່ໄດ້ສະເໜີ ການສືບຕໍ່ຮ່ວມມືຊ່ວຍເຫຼືອ ໃນວຽກງານການຫັນຫ້ອງວ່າ ການເປັນທັນສະໄໝຊຶ່ງຫ້ອງ ວ່າການລັດຖະບານຫວຽດ ນາມ ກໍ່ຍິນດີທີ່ຈະໃຫ້ການ ສະໜັບສະໜູນ, ຊ່ວຍເຫຼືອ ແລະ ແບ່ງປັນບົດຮຽນໃຫ້ກັບ ຫລບ ລາວ, ສອງຝ່າຍໄດ້ ເປັນເອກະພາບຈະສືບຕໍ່ຈັດ ຕັ້ງປະຕິບັດຂໍ້ຕົກລົງວ່າດ້ວຍ ການຮ່ວມມືລະຫວ່າງສອງ ຫ້ອງວ່າການລັດຖະບານ ໃນປີ 2010, ໃນຕອນທ້າຍ ຂອງການພົບປະທ່ານ ດຣ. ສິນລະວົງ ຄຸດໄພທູນ ກໍ່ໄດ້ ເຊື້ອເຊີນທ່ານລັດຖະມົນຕີ, ຫົວໜ້າຫ້ອງວ່າການລັດຖະ ບານຫວຽດນາມ ແລະ ຄະນະ ມາຢ້ຽມຢາມ ແລະ ເຮັດວຽກ ຢູ່ລາວໃນເວລາອັນເໝາະ ສົມ.
ໃນໄລຍະເວລາຢ້ຽມຢາມ ແລະ ເຮັດວຽກ ນະຄອນຫຼວງ ຮ່າໂນ້ຍ, ທ່ານລັດຖະມົນຕີ, ຫົວໜ້າຫ້ອງວ່າການລັດຖະ ບານ ພ້ອມດ້ວຍຄະນະກໍ່ໄດ້ ເຂົ້້າຢ້ຽມຂ່ຳນັບ ທ່ານ ຫງວຽນ ເຕິ້ນຢຸ້ງ ນາຍົກລັດຖະມົນຕີ ແຫ່ງ ສສ ຫວຽດນາມ. ພ້ອມ ນີ້,ໄດ້ຕິດຕາມການຖ່າຍທອດ ສົດກອງປະຊຸມສະໄໝສາມັນ ປະຈຳເດືອນມິຖຸນາ 2013 ຂອງລັດຖະບານຫວຽດນາມ, ໄດ້ໄປທັດສະນະເບິ່ງສູນປະ ຊຸມສາກົນ ແລະ  ຢ້ຽມຢາມ ເຮັດວຽກຢູ່ນະຄອນຮ່າຍຟອງ ແລະ ໄດ້ພົບປະກັບປະທານ ສະພາປະຊາຊົນນະຄອນ ຮ່າຍຟອງ ພ້ອມນັ້ນຄະນະ ຍັງໄດ້ໄປທັດສະນະສະຖານ ທີ່ທ່ອງທ່ຽວບາງທ້ອງຖິ່ນຈຳ ນວນໜຶ່ງ.