ກຸ່ມສາງນ້ຳມັນເຊື້ອໄຟ ເລກ 9 ສົມທົບກັບເມືອງອຸທຸມພອນ ປ່ອຍປາ
ເວລາອອກຂ່າວ: 2021-07-19 09:48:26 | ຜູ້ຂຽນ : admin2 | ຈຳນວນຄົນເຂົ້າຊົມ: 71 | ຄວາມນິຍົມ:
ໃນວັນທີ 13 ກໍລະກົດ 2021 ນີ້, ກຸ່ມສາງນ້ຳມັນເຊື້ອໄຟ ເລກ 9 ສົມທົບກັບເມືອງອຸທຸມພອນ ແຂວງສະຫວັນນະເຂດ ໄດ້ຈັດ
ຕັ້ງປ່ອຍປາ ຢູ່ທີ່ໜອງລວມຂອງ ສາງນ້ຳມັນເຊື້ອໄຟ ເລກ 9 ເນື່ອງ ໃນໂອກາດວັນອະນຸລັກສັດນໍ້າ-ສັດປ່າແຫ່ງຊາດ ຄົບຮອບ 24 ປີ
ໂດຍການເປັນປະທານຂອງ ສະຫາຍ ແສນສັກ ພິມວົງສາ ກໍາມະການຄະນະພັກແຂວງ ເລ
ຂາພັກເມືອງ ເຈົ້າເມືອງເມືອງ
ອຸທຸມພອນ, ມີຄະນະພັກ-ຄະ
ນະບັນຊາກອງພົນທີ 4, ສາງ
ນ້ຳມັນເຊື້ອໄຟ ເລກ 9, ພະແນກ
ກະສິກໍາ ແລະ ປ່າໄມ້ແຂວງ,
ຄະນະນຳເມືອງອຸທຸມພອນ, ອຳ
ນາດການປົກຄອງເມືອງ ແລະ
ບໍລິສັດຫ້າງຮ້ານຕະຫຼອດຮອດ
ບັນດານາຍ ແລະ ພົນທະຫານ
ທົ່ວກົມກອງເຂົ້າຮ່ວມ.
ສະຫາຍ ພູລຽນ ສີຫາວົງ ຮອງຫົວໜ້າຫ້ອງການກະສິກຳ ແລະ ປ່າໄມ້ ເມືອງອຸທຸມພອນ ໄດ້ກ່າວປະຫວັດການເປັນມາ
ຂອງວັນອະນຸລັກສັດນ້ຳ-ສັດ
ປ່າແຫ່ງຊາດ ແລະ ຄວາມໝາຍ
ຄວາມສຳຄັນ ສັດນໍ້າ-ສັດປ່າ ທີ່
ກໍາລັງຈະສູນພັນຈາກການລ່າ
ສັດຂອງມະນຸດ ທີ່ຝ່າຝືນຕໍ່ກົດ
ລະບຽບ, ກົດໝາຍຂອງລັດ
ເປັນຕົ້ນ ລ່າສັດແບບໃຊ້ຢາເບື່ອ, ໄຟຟ້າຊັອດປາ, ລ່າສັດໃນຂົງ
ເຂດຫວງຫ້າມ, ລ່າສັດໃນລະດູ
ການຂະຫຍາຍພັນ ແລະ ມີການ
ຄ້າຂາຍສັດປ່າ ແລະ ຍັງໄດ້ນຳ
ໃຊ້ປະໂຫຍດຈາກປ່າໄມ້ເຂົ້າ
ໃນຊີວິດປະຈຳວັນທີ່ບໍ່ຖືກຕ້ອງ. ໂດຍເປັນການທໍາລາຍປ່າໄມ້ ແລະ ທີ່ຢູ່ອາໄສຂອງສັດປ່າ. ສໍາລັບປາ ທີີ່ທາງກຸ່ມສາງນ້ຳ
ມັນເຊື້ອໄຟ ເລກ 9 ແລະ ເມືອງ
ອຸທຸມພອນ ນໍາມາປ່ອຍໃນຄັ້ງນີ້ ມີຈຳນວນ 40.000 ໂຕ, ເຊິ່ງ
ລວມມີປານິນ, ປາປາກ, ປາໄນ,
ປາກິນຫຍ້າ ແລະ ປາເກັດແລບ.
ໃນໂອກາດດຽວກັນນີ້, ຍັງ ໄດ້ມີການປູກຕົ້ນໄມ້ຕື່ມອີກ
ດ້ວຍ.
ຂ່າວ: ບົວຄຳ ທອງລັດສະໝີ
ພາບ: ອານຸສັກ ຈູມມະນີວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ