ປະກາດແຕ່ງຕັ້ງຮັກສາການພະລາທິການ ກອງພັນ 429
ເວລາອອກຂ່າວ: 2021-07-19 09:51:22 | ຜູ້ຂຽນ : admin2 | ຈຳນວນຄົນເຂົ້າຊົມ: 350 | ຄວາມນິຍົມ:
ວັນທີ 14 ກໍລະກົດ 2021
ນີ້, ກອງພັນຕີພິເສດ 429 ກອງ ພົນທີ 5 ໄດ້ປະກາດແຕ່ງຕັ້ງຮັກສາການພະລາທິການກອງພັນ, ໂດຍການເປັນປະທານຂອງ ສະຫາຍ ພັນໂທ ຄຳກົດ ອິນສີນາ ຫົວໜ້າຫ້ອງການເມືອງ ກອງ ພົນທີ 5, ມີ ສະຫາຍ ພັນໂທ ຄຳໄໝ
ມະນີວົງ ຫົວໜ້າການທະຫານ ກອງພັນ 429 ພ້ອມດ້ວຍພະນັກ ງານຫຼັກແຫຼ່ງໃນທົ່ວກົມກອງ ເຂົ້າຮ່ວມ.
ສະຫາຍ ພັນໂທ ຄຳໄພ
ປະທຸມທອງ ຫົວໜ້າພະແນກ ພະນັກງານຫ້ອງການເມືອງ ກອງພົນທີ 5 ໄດ້ຜ່ານຂໍ້ຕົກລົງ ວ່າດ້ວຍ ການແຕ່ງຕັ້ງຮັກສາການ ພະລາທິການກອງພັນ 429 ແລະ
ຂໍ້ຕົກລົງແຕ່ງຕັ້ງຫົວໜ້າ ແລະ
ຮອງຫົວໜ້າກອງຮ້ອຍທີ 1 ກອງ
ພັນ 429, ກອງພົນທີ 5 ໃນນັ້ນ, ແຕ່ງຕັ້ງ ສະຫາຍ ຮ້ອຍເອກ ສົມອົກ ສີທະພອນ ອຸປະໂພກ ກອງຮ້ອຍ 306 ກອງພົນທີ 5
ເປັນຮັກສາການພະລາທິການ ກອງພັນ 429 ປ່ຽນແທນສະຫາຍ ພັນໂທ ທອງເຫຼືອງ ແສງດາວ ເພັດ ພະລາທິການກອງພັນຜູ້ ເກົ່າທີ່ລໍຖ້າພັກການຮັບບຳນານ;
ແຕ່ງຕັ້ງ ສະຫາຍ ຮ້ອຍເອກ ສາຍຄຳ ບຸນນະວົງ ຮອງຫົວ ໜ້າການເມືອງ ກອງຮ້ອຍທີ 1
ເປັນຫົວໜ້າການເມືອງກອງຮ້ອຍ
1, ສະຫາຍ ຮ້ອຍເອກ ສູກສາ ຄອນ ແກ້ວປະເສີດ ຫົວໜ້າໝວດ
2 ກອງຮ້ອຍ 1 ເປັນຮອງຫົວໜ້າ
ການເມືອງ ກອງຮ້ອຍທີ 1 ກອງ ພັນ 429.
ໂອກາດດັ່ງກ່າວ, ສະຫາຍ ພັນໂທ ຄຳກົດ ອິນສີນາ ໄດ້ສະ ແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດໄດ້ໃນໄລຍະຜ່ານມາ ພ້ອມທັງຮຽກຮ້ອງບັນດາສະ ຫາຍແຕ່ງຕັ້ງສັບຊ້ອນໜ້າທີ່ໃໝ່ ໃນຄັ້ງນີ້ ຈົ່ງພ້ອມກັນສຸມສະຕິປັນ
ຍາເຫື່ອແຮງເຂົ້າໃນການຊີ້ນຳ-ນຳພາກົມກອງ ຍົກສູງໜ້າທີ່ພາ ລະບົດບາດໜ້າທີ່ຄວາມຮັບຜິດ ຊອບຂອງຕົນ, ຕັ້ງໜ້າປະຕິບັດ ໜ້າທີ່ການເມືອງທີ່ຕົນຮັບຜິດ ຊອບໃຫ້ມີຜົນສຳເລັດ, ເອົາໃຈ ໃສ່ວຽກງານສຶກສາອົບຮົມການ ເມືອງແນວຄິດດ້ວຍຫຼາຍວິທີ ການໂດຍທາງກົງ ແລະ ທາງ
ອ້ອມ, ເພີ່ມທະວີສ້າງກົມກອງ ໃຫ້ມີຄວາມເຂັ້ມແຂງ ໜັກແໜ້ນ.
ໂດຍ: ດາວສະຫວັນ ບຸດດາແສງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ