ກອງທັບປະຊາຊົນລາວ

ວັນເສົາ, ວັນທີ 25 ກັນຍາ 2021



ມອບເຮືອລາດຕະເວນຊາຍແດນໃຫ້ທະຫານນະຄອນຫລວງແລະທະຫານແຂວງວຽງຈັນ
ເວລາອອກຂ່າວ: 2021-09-15 10:47:12 | ຜູ້ຂຽນ : admin2 | ຈຳນວນຄົນເຂົ້າຊົມ: 69 | ຄວາມນິຍົມ:



ໃວັນທີ 7 ກັນຍາ 2021 ນີ້,ກະຊວງປ້ອງກັນປະເທດ ມອບເຮືອ ຈຳນວນ 8 ລໍາໃຫແກ່ ກອງບັນຊາການທະຫານ ແຂວງວຽງຈັນ ຈຳນວນ 5 ລຳ ແລະ ກອງບັນຊາການທະຫານ ນະຄອນຫຼວງວຽງຈັນຈຳນວນ 3 ລໍາເພື່ອນຳໃຊ້ເຂົ້າໃນການຈັດຕັ້ງປະຕິບັດໜ້າທີ່ກວດກາລາດຕະເວນ ຕາມບໍລິເວນຊາຍແດນ,ເຊິ່ງໄດ້ຮັບການຊ່ວຍເຫຼືອຈາກ ສູນຮ່ວມມືປະຕິບັດກົດໝາຍ ແລະ ຮັກສາຄວາມສະຫງົບຮ້ອຍຕາມລຳແມ່ນໍ້າຂອງ ແມ່ ນໍ້າລ້ານຊ້າງ,ກ່າວມອບໂດຍ ສະຫາຍ ພັນເອກ ດວງ ມາລາ ຮອງຫົວໜ້າກົມທະຫານຊາຍແດນ ກົມໃຫຍ່ເສນາທິການກອງທັບ ແລະ ຕາງໜ້າກ່າວຮັບໃຫ້ 2 ກອງບັນຊາການ ໂດຍ ສະຫາຍ ພັນເອກ ບຸນວານ ພົມມະວົງ ຫົວໜ້າການທະຫານກອງບັນຊາການທະ ຫານນະ ຄອນຫຼວງວຽງຈັນ, ມີຄະນະພັກ-ຄະນະບັນບັນຊາຈາກ 2 ກອງບັນຊາການ,ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ. ໂອກາດນີ້ ສະຫາຍ ພັນເອກ ດວງ ມາລາ ກໍ່ໄດ້ກ່າວທັງສະແດງເຖິງແນວທາງນະໂຍບາຍຂອງຂັ້ນເທິງຍາມໃດກໍ່ມີຄວາມເປັນຫວ່ງເປັນໄຍຕໍ່ໜ້າທີ່ຂອງກອງທັບ ເວົ້າລວມ,ເວົ້າສະເພາະກໍ່ຄື 2 ກອງບັນຊາການ ພ້ອມທັງໄດ້ແນະນໍາໃຫ້ການນຳໃຊ້ເຮືອລາດຕະເວນຈຳນວນດັ່ງກ່າວ ໃຫ້ຖືກຕ້ອງເໝາະສົມກັບໜ້າທີ່ຕົວຈິງ ແລະ ບໍາລຸງຮັກສານຳໃຊ້ໃຫ້ຍາວນານ ຮັບປະກັນໃຫ້ແກ່ວຽກງານກວດກາລາດຕະເວນຕາມຊາຍແດນຮັບປະກັນໄດ້ຄວາມສະຫງົບໂດຍພື້ນຖານ. ຈາກນັ້ນ,ສະຫາຍ ພັນເອກ ບຸນວານ ພົມມະວົງ ໄດ້ຕາງໜ້າໃຫ້ 2 ກອງບັນຊາການ ກ່າວສະແດງຄວາມຂອບໃຈມາຍັງຂັ້ນເທິງທີ່ເຫັນໄດ້ຄວາມໝາຍຄວາມສຳຄັນເປັນຢ່າງຍິ່ງ ໃນການປະຕິບັດໜ້າທີ່ວຽກງານຊຂອງກົມກອງ ແລະ ໄດ້ໃຫ້ຄຳໝັ້ນສັນຍາວ່າ: ຈະນຳເອົາເຮືອຈຳນວນດັ່ງກ່າວໄປມອບຕໍ່ໃຫ້ແກ່ກອງຮ້ອຍທະຫານຊາຍແດນ ແລະ ເພື່ອນຳໃຊ້ເຂົ້າໃນໜ້າທີ່ວຽກງານໃຫ້ເກີດປະໂຫຍດສູງສຸດ ແລະ ນຳໃຊ້ໃຫ້ຖືກຕ້ອງຕາມເປົ້າໝາຍ ໂດຍສະເພາະແມ່ນນຳໃຊ້ ໃນການກວດກາລາດຕະເວນ ເພື່ອສະກັດກັ້ນ ບໍ່ໃຫ້ກຸ່ມຄົນບໍ່ຫວັງດີ ທີ່ສວຍໂອກາດລັກລອບເຂົ້າ-ອອກເມືອງ ຢູ່ຕາມຂອບເຂດບໍລິເວນຊາຍແດນ ແບບບໍ່ຖືກຕ້ອງຢ່າງເດັດຂາດ ເພື່ອເຮັດໃຫ້ນະຄອນຫຼວງວຽງຈັນ,ແຂວງວຽງຈັນໃຫ້ມີຄວາມສະ ຫງົບປອດໄພ ແລະ ເປັນລະບຽບຮຽບຮ້ອຍເປັນຢ່າງດີ, ບົນພື້ນຖານແມ່ນແນໃສ່ໃນການເຮັດໜ້າທີ່ປ້ອງກັນ,ຄວບຄຸມ,ຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ໃຫ້ມີຄວາມເຂັ້ມງວດຍິ່ງຂຶ້ນ. ຂ່າວພາບໂດຍ: ສຸລິຍາ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ